لو كنت أيها الزوج مكان زوجي ماذا ستفعل؟؟؟

[صفاء الروح]

ربي يفرج عاى كل مهموم

[محمود العمري]

الله يهديهم ويهدي زوجك ويفتح عليك يا أختي .

[نبض قلبي]

ريبي يكون في عونك يا اختي
هذو بشر ولا واش
ربي يعينك

[صفاء الروح]

حسبي الله ونعم الوكيل

[عثمان الجزائري.]

السماع من طرف واحد لا يغني من الحق شيئا، قبولك بالسكن مع أهل زوجك كان بإختيارك و لم يفرضه عليك أحد، لكن كيف يقول زوجك أنه لا يمكنه ترك والديه لوحدهم و هو يذهب للعمل بعيدا و لمدة!!!

[صفاء الروح]

حسبي الله ونعم الوكيل

[عثمان الجزائري.]

اخي عثمان سأوضح بعض التفاصيل
صحيح انني قبلت بالسكن مع أهله بحكم انه الابن الوحيد
لكن بعد زواجي توضح ان اخواته المتزوجات لايتركن المنزل بلعامية ساكنين لثم وازواجهن يدخلو ويخرجو عدار بدون اي سبب يعني نضال متحجبة فدار
ويتدخلن فكل أموري الخاصة ويكشفن اسراري للغير علما ان زوجي يدفع تكاليف الكهرباء ولمعيشة وكل هذا وانا مانيش مليحة واخدمهم طوال النهار ومرضاوش عليا
ايضا هددتني بطلاق والدته وأنا حامل وفغياب زوجي
انا أراجع نفسي ليل نهار أقسم انني مظلومة
مادام أخواته يقضون غالب الوقت هناك فالظاهر أن والديه لا يحتاجون لشيئ، حاولي إقناعه بذهابك إلى بيت اهلك عندما يكون غائب، أختي لها بيت مستقل لكن عندما يغيب زوجها للعمل تأتي لمنزلنا معززة مكرمة لكن كما قلت سابقا يجب إقناعه بالتي هي أحسن لأنك وافقتِ إبتداءً

[أثر]

اخي عثمان سأوضح بعض التفاصيل
صحيح انني قبلت بالسكن مع أهله بحكم انه الابن الوحيد
لكن بعد زواجي توضح ان اخواته المتزوجات لايتركن المنزل بلعامية ساكنين لثم وازواجهن يدخلو ويخرجو عدار بدون اي سبب يعني نضال متحجبة فدار
ويتدخلن فكل أموري الخاصة ويكشفن اسراري للغير علما ان زوجي يدفع تكاليف الكهرباء ولمعيشة وكل هذا وانا مانيش مليحة واخدمهم طوال النهار ومرضاوش عليا
ايضا هددتني بطلاق والدته وأنا حامل وفغياب زوجي
انا أراجع نفسي ليل نهار أقسم انني مظلومة
السلام عليكم ورحمة الله وبركاته
هذا معروف منذ القديم وليس جديد ان الاخوات المتزوجات اغلبهن عايشين على ظهر عائلتهم الاصلية خاصة اذا خدامات غداها ثم وقهوتها ثم واولادها تخليهم ثم يوم كامل

انت ماقريتي حسابك مليح وما سقسيتي ولا تعذرين بجهلك
والدته بأي سلطة وحق تهدر معاك اصلا فما بالك تهددك بالطلاق انت متزوجة بزوجك أم متزوجة بيها هي ؟؟؟!!!
وعلاه تخدمي عليهم طول النهار علاه قاصرين او مرضى صحيح تعاوني بحكم انك رضيتي تسكني معاهم لكن موش الشغل كامل طايح عليك يا بنتي
مليحة هاذي تاع هددتني بالطلاق راجلك وين محله من الاعراب ومن جبروت أمه ؟؟


مع الاسف عندك حلان لا ثالث لهما




كملي احملي حتى يفرج عليك ربي او تقنعي راجلك يكريلك


او خليهالهم بطولها وعرضها



واذا يحبك صح ويهمه امر ابنه وزوجته الخديمة على كل هذا الغاشي راح يلقالك حل

[عشريني متمرد]

صدقيني يا أختي لازمك تصبري وتزيدي تشوفي مع راجلك يلقالك حل

لأن انت لي وافقتي في البداية

ربي يريحك ان شاء الله

[ع.عيسى]

اذهبي الى بيت اهلك عندما يكون زوجك في العمل ...هذا هو الحل الانسب

[فايزة1207]

واش راح ديري الزوج الوحيد مشكلة كبيرة جربتها اختي لانه اهله يدلوه في صغره ويمشوله اموره وكي يجي يهدر يقولوا كيفاه وانت زاد ماشي حذاك يعني مشكلة مزدوجة
الان ركي بالحمل اصبري تزيدي ويفرجها ربي

[ing.Youcef]

وعليكم السلام ورحمة الله

الصبر ثم الصبر ثم الصبر

لا تقنطي ولا تتسرعي ولا تفرطي في دارك ولا في زوجك وتأكدي أن دوام الحال من المحال
أم زوجك سيأتي يوم وتتعقل وإن لم تفعل ستكبر ويخف أذاها، وأخوات زوجك سيأتي يوم وينتهي إزعاجهم وأنت حينها ستكونين ربة أسرة وأم أبناء وكما يقال يبقى غير العيب.
الله يجعل لك من كل هم فرجا ومن كل ضيق مخرجا.

[nilly]

بصح شدني برك حاجة كلهم قالولك انتي لوفقتي من الاول ههههههههههه على اساس ان كل رجال الجزائر قبل زواج عندهم سكن خاص على من راكم تتمسخرو قليل جدا اين تجد جزائري عنده مسكن خاص قبل زواج ولكن بعد زواج كان ليكري ولا يسكنو مع اهل زوج حتى لو لفترة قصيرة ويقوللك انتي موافقة كانه هناك من عنده مسكن خاص حتى لو رفضتي هدا فكلهم يسكنون مع الاهل كونو واقعيين قليلا .......


اخوات زوج هم راس المشاكل وهما لخربو كل البيوت الجزائرية

اغلب الجزائريات يعانون من اخوات الزوج اما صدقيني لو كان برك عجوزتك ماعندهاش بنتها غادي تعيشي مليح لانه البنات هما ليستتوا يماهم والام شي طبيعي انها تنحاز لبنتها لحتى لا تخسرها ولدلك لا تلومي عجوزتك فاغلب العجايز بناتها ليعمروا رسها
واخوات زوج حتى لو متزوجات همهم كبير
فليس فقط اخوات زوجك بل كلهم راهم ساكنين فطريق يومين فدارها و5 ايام في دار اهلها تقول ماتزوجوش يالطيف قبل زواج يبكيو على زواج وكي يتزوجو يظلو ساكنين مع اهلهم ويروحو فاكونس عطلة لدارها يالطيف وراهم ييدرو برك تعب ويزيدو يجيبو ولادهم كي
زواج استقرار مفهتمش كيفاش يظلو رايحين جايين مايتعبوش هدو وولادهم يرجعو سما للارض وطبيعة هما مايحبوش اخوات زوج يروحو عندهم اما هما ماعليش يزعجوا الكنة ههههه وزيد معظمهم تلقيهم ماقطعات لاهل زوج ولدلك دائما ياتون عند الاهل لانه مكنش مع من يثرثرون يكرهون الكل ولدلك دائمي في دار اهلهم لحتى يثرثون وليس حبا في الاهل ما زوجة اخيهم فيتمنون ويامرونها ان تبقى وان تخدمهم طول عمرها وادا جيتي كونتر هما اول ناس يوقفون ضدك رغم انهم مقاطعين اهل ازوجهم هادي هي ستاتة الجزائريات وانانيتهم ....................لانه مكنش مع من يثرثرون يكرهون الكل ولدلك دائمي في دار اهلهم لحتى يثرثون وليس حبا في الاهل

وفي حالتك كاين حل واحد ونقولهلك بصح فيه اشكالية انك تروحي كلما يسافر زوجك تروحي عند اهلك بصح هنا تكوني ارتكبتي غلط لداره اخوات زوجك وتصيرين مثلهم فانداك تاتي لهنا زوجة اخيك وتشتكي لانه اكيد سوف تنزعج زوجة اخيكي

[نجاة^^]

ربي يعينك ويفرج عليك اختي حاولي تصبري ،ومتفكريش في تخريب بيتك ،خاصة وانك حامل ،ربي يسهلك اختي .

[nilly]

مادام أخواته يقضون غالب الوقت هناك فالظاهر أن والديه لا يحتاجون لشيئ، حاولي إقناعه بذهابك إلى بيت اهلك عندما يكون غائب، أختي لها بيت مستقل لكن عندما يغيب زوجها للعمل تأتي لمنزلنا معززة مكرمة لكن كما قلت سابقا يجب إقناعه بالتي هي أحسن لأنك وافقتِ إبتداءً

ادن زوجتك المكسينة اكيد تتعدب

[عثمان الجزائري.]

ادن زوجتك المكسينة اكيد تتعدب
؟؟؟؟؟ أراك لم تفهمي معنى كلامي، أولا أنا لست متزوج و ثانيا كلامي كان على البيت العائلي.

[رندة.]

ربي يفرج عليك ويهدي عجوزتك وبناتها ان شاء الله

[nilly]

؟؟؟؟؟ أراك لم تفهمي معنى كلامي، أولا أنا لست متزوج و ثانيا كلامي كان على البيت العائلي.

طيب اهدء قليلا انت لست متزوج ولكنك سوف تتزوج اكيد زوجتك لن يعجبها الامر الا ادا سكنت وحدك رغم انه احتمال ان يدهبن باستمرار حتى لبيتك الجديد ان اختك متواجدة دائما وربما عندك اخوات اخريات فكل مشاكل منهن وربما اخوك متزوج لو تسال زوجته سوف تسرد لك فالاحسن ان كل البنات ان لا يتين بعد زواجهن الا نادرا لحتى يكون تفاهم بين الكنة والحماة لانه حتى لو الكنة رائعة مراح تتحمل هؤلاء لواتي يسكن بطريق كانهن غير متزوجات اخوات زوج شغلهم انهن يفرقن بين الكنة وامهم

[عثمان الجزائري.]

طيب اهدء قليلا انت لست متزوج ولكنك سوف تتزوج اكيد زوجتك لن يعجبها الامر الا ادا سكنت وحدك رغم انه احتمال ان يدهبن باستمرار حتى لبيتك الجديد ان اختك متواجدة دائما وربما عندك اخوات اخريات فكل مشاكل منهن وربما اخوك متزوج لو تسال زوجته سوف تسرد لك فالاحسن ان كل البنات ان لا يتين بعد زواجهن الا نادرا لحتى يكون تفاهم بين الكنة والحماة لانه حتى لو الكنة رائعة مراح تتحمل هؤلاء لواتي يسكن بطريق كانهن غير متزوجات اخوات زوج شغلهم انهن يفرقن بين الكنة وامهم
إطمئني فلن أتزوج في بيت العائلة، و أخواتي كلهن متزوجات و أخي أيضا و كلهم يملكون بيت مستقل...شكرا على الإهتمام 🙂

[فن و أناقة]

عجيب مجتمعنا*
لوكان ما قبلتيش تسكني معاهم تولي ماشي مليحة ومادية وووو
وكي قبلتي وليتي تستاهلي نتي لي قبلتي..*
الحل هو ديننا يا أختي، ارمي عليك العرف تاع الجهال.. شرعا ماشي بالسيف عليك تخدميهم، والسكن المستقل من حقك.. لوكان قاللك اصبري حتى نقدر ندير سكنى نقولك اصبري بصح ما نخليش والديا وهوما ماراهمش أصلا وحدهم.......*
وكي ما يكونش راجلك من حقك تروحي لداركم بأي حق يمنعوك؟؟؟ راجلك هو الوحيد لي عندو الحق يقوللك اخرجي وما تخرجيش، وأصلا في هاد الحالة لي راكي فيها من حقك تخرجي مهما كان الأمر..*
أنصحك بالحوار مع زوجك، ولا ما حبش يسمع دخلي حكم من أهله وحكم من أهلك وربي يفتح عليك..
المرأة في ديننا ليست جارية عند أهل الزوج، لكنها أكثر من ذلك في عرفنا.. للأسف تمسكنا بالعرف وخلينا ديننا.. ربي يفتح علينا..*

[ام البنوتة]

مجتمع متناقض و همه اذلال المراة لكن العنوسة احلى من زواج الهم
الطفلة تشرط دارها وحدها مااادية و خليها تعنس ماتشلرطش هي لي لعبتها بروحها ووافقت على الجحيم و عليه لازم تسكت و تصبر حتى تديرلها جلطة قلبية
حياة العسكر و الدرك غير مستقرة تعيش مع اهله تعيش عبدة و كي شغل ماراهيش مزوجة تروح معاه ماعندوش باش يكريلها و تبقى معلقة لا هي متزوجة و لا هي مطلقة .باش تصبري شوية نحكيلك قصة مشروع خطوبة بنت اختي
الخاطب هذا صديق زوج عمتها اطار في الدرك و عندو سكن في السكنات الخاصة بالدرك .المهم نهار جاو للدار هو و اخته و يماه و باباه قبل حتى ما تخرج الطفلة يشوفوها بدات اخته تشرط :تسكن معانا ما تسكنش معاه في ولاية عمله .الطفلة من الشرق و الخاطب اهله في عين الدفلى و هو خدام في باتنة !!!!
و السيد ساكت و فرحان بهدرة اخته مع العلم عندو 3 اخوة اخرين و الله ناض ليهم باباها ديراكت قالو ابني ربي يجيبلك من بلاصة اخرى ماعنديش طفلة للزواج ! يعني ماشي قال الله غالب ماعنديش سكن و هذا هو مقدوري لالا السكنة كاينة و هي تسكن مع اهله !!!دايرين في بنات الناس لعبة.
حلك اختي يا اما تروحي معاه و هذا مستبعد و لاحل الثاني تروحي عند اهلك في غياب راجلك .

[medvet]

ربي يعطيك الصبر و يلهم زوجك الحكمة فلاهو قادر ان يوفر لك سكن خاص و لا انت قادرة على خدمة هذا السيل من الوافدين. وبطبيعة الحال سيكون هناك صدام ان عاجلا ام آجلا فكوني على استعداد لأن تكون كفة النزاع لصالحك و ليس عليك، يعني لا تكوني البادئة و الله اعلم

[mohamed859]

اختي اسالي الله رب السماوات و الارض.
اذا تقدري نوضي قبل الفجر بساعة و اشكي لربي و طيحي دمعتك و انتي ساجدة و ما تشكي لحتى انسان في الدنيا.
و ادعي الله بيقين و تأكدي ان قلوب العباد كلها بيده سبحانه.في لحظة سبحانه يغيرلك كل حياتك.
ربي يفرج عليك و على كل المسلمين و المسلمات

[*أم سجى*]

طيب اهدء قليلا انت لست متزوج ولكنك سوف تتزوج اكيد زوجتك لن يعجبها الامر الا ادا سكنت وحدك رغم انه احتمال ان يدهبن باستمرار حتى لبيتك الجديد ان اختك متواجدة دائما وربما عندك اخوات اخريات فكل مشاكل منهن وربما اخوك متزوج لو تسال زوجته سوف تسرد لك فالاحسن ان كل البنات ان لا يتين بعد زواجهن الا نادرا لحتى يكون تفاهم بين الكنة والحماة لانه حتى لو الكنة رائعة مراح تتحمل هؤلاء لواتي يسكن بطريق كانهن غير متزوجات اخوات زوج شغلهم انهن يفرقن بين الكنة وامهم

البنت المتزوجة تجي تزور والديها الوقت لي تحب يلا شتا صباح وعشية
زوجها هو المسؤول الوحيد على هذالشيء.الباقي يخبطو رسانهم علحيط
انا لما اتزوج نجي نزور والديا الوقت لي حبيت ونسا خاوتي معندهم حتى حق باش يتدخلو فيا واذا حكمو عليا يحكمو على واش هدرت عليهم أو واش فعلت ضدهم فقط.أما باش يحدولي زياراتي ولايطلبو مني نقص منها هذي جديدة عليا اليوم وين سمعتها

[*أم سجى*]

الاخت صفاء الروح عليك بالصبر خصوصا وان زوجك مصر على رأيه
الحل تاعك هو الصبرحتا يفتح ربي

[crono]

ريبي يكون في عونك يا اختي
ربي يعينك

[Yakin,]

من الاحسن ان تعيش الزوجة لوحدها هي و زوجها فقط،،احكيلكم عن تجربتي انا تزوجت منذ 3سنين تقريبا و كنت اعيش مع اهله الوالد و الوالدة و اخته المطلقة مع العلم انا ماعندي مشكل اني اعيش مع اهل الزوج بالعكس انا احب اعيش في الجو العائلي ،،،،لكن ،،لكن،،،،و للاسف كانوا سبب افتراقي مع زوجي اخته المطلقة كانت تسعى دائما ان تبين لزوجي باني مقصرة في حقه و حق بيته و ما الى ذلك....... لا لشيء سوى لتدمر حياتي و تفرق بيني وبينه بشتى الطرق حتى وصلت الى مبتغاها وهي في نظره الاخت الكبرى لي تخاف عليه و على مصلحته،،مع العلم اني كنت لا اخبره عما تفعل خوفا من ان يغضب و يحدث مشكلة في البيت.حسبيا الله و نعم الوكيل عليها.في النهاية اقول انو اذا كان الزوج غير قادر على توفير مسكن خاص للزوجة و في بيت اهله افراد ليس لهم دوافع لايذائك،،اخوته ..اخوات صغار او كبار و لديهم مشروع زواج و كاين كبير يحكم بالعدل اكدولي على هذا الاخير تحسي روحك محمية في هذا البيت فهذا شيء جميل،،

[survivor-Dz]

الحل انك ترضين بالقضاء والقدر .. هذا قدرك وزوجك يحسن عونه ولو انا في مكانه اطلب من زوجتي انها تبقى مع والديا مهما كان ومهما صار ..
مادام هو الوحيد عندهم .. وهنا اسالك سؤال وتجاوبي بصراحة وبصدق
لو اانهما والديك ولك أخ واحد في نفس حالة زوجك هل ترضين ان يتركهم ويرحل عنهم ؟ ام من حقهما عليه ان تبقى الكنة في خدمتهما ؟
اما اخواته البنات كل يوم عندكم فليست مشكلة وانا شايف ان المشكلة عندك
انتى لماذا لا تندمجي معهم وتتقربي منهم وتعامليهم كأخوات لك ؟؟
نصيحة اخيرة عليك أن ترمي كل كلام قيل عنك عرض الحائط ولا تهتمي لما يقولون وانما عامليهم بالحسنى ورحبي بهم كلما جاؤو للبيت وعاملي الوالدين معاملة حسنة لأن الله عز وجل يقول .. ادفع بالتي هي أحسن فإذا الذي بينك وبينه عداوة كأنه ولي حميم ..
وكذالك خطا آخر هو انك عاملة مطبخ في غرفتك ظ؟؟ المطبخ واحد وللجميع واي أكل تطبخيه قدميه ليهم واجلسي معاهم اثناء الأكل
اعملي بنصيحتي وسيتغير الحال ان شاء الله

[*** عبق الزهور ***]

ربي يصبرك ويتولاهم

[صفاء الروح]

البنت المتزوجة تجي تزور والديها الوقت لي تحب يلا شتا صباح وعشية
زوجها هو المسؤول الوحيد على هذالشيء.الباقي يخبطو رسانهم علحيط
انا لما اتزوج نجي نزور والديا الوقت لي حبيت ونسا خاوتي معندهم حتى حق باش يتدخلو فيا واذا حكمو عليا يحكمو على واش هدرت عليهم أو واش فعلت ضدهم فقط.أما باش يحدولي زياراتي ولايطلبو مني نقص منها هذي جديدة عليا اليوم وين سمعتها

ام سجى انا قاسوني بزاف بلكلام وهدرو فيا عند ناس وعندي عدة أدلة
مانيش راح نحرمهم بصح شوية احترام وشوية قدر هذا مكان
وصلت بيهم الامور حتى يدخلو فحياتي الخاصة مع زوجي
وحتى كنكون مع زوجي فالغرفة او نايمين يديرو الفوضى
ولخبيط ويدقدقو علينا الباب بأي حجة
حسبي الله ونعم الوكيل فيهم

[صفاء الروح]

من الاحسن ان تعيش الزوجة لوحدها هي و زوجها فقط،،احكيلكم عن تجربتي انا تزوجت منذ 3سنين تقريبا و كنت اعيش مع اهله الوالد و الوالدة و اخته المطلقة مع العلم انا ماعندي مشكل اني اعيش مع اهل الزوج بالعكس انا احب اعيش في الجو العائلي ،،،،لكن ،،لكن،،،،و للاسف كانوا سبب افتراقي مع زوجي اخته المطلقة كانت تسعى دائما ان تبين لزوجي باني مقصرة في حقه و حق بيته و ما الى ذلك....... لا لشيء سوى لتدمر حياتي و تفرق بيني وبينه بشتى الطرق حتى وصلت الى مبتغاها وهي في نظره الاخت الكبرى لي تخاف عليه و على مصلحته،،مع العلم اني كنت لا اخبره عما تفعل خوفا من ان يغضب و يحدث مشكلة في البيت.حسبيا الله و نعم الوكيل عليها.في النهاية اقول انو اذا كان الزوج غير قادر على توفير مسكن خاص للزوجة و في بيت اهله افراد ليس لهم دوافع لايذائك،،اخوته ..اخوات صغار او كبار و لديهم مشروع زواج و كاين كبير يحكم بالعدل اكدولي على هذا الاخير تحسي روحك محمية في هذا البيت فهذا شيء جميل،،

اختي ليحكم بلعدل فهذاك المنزل مكانش
ظلموني ظلم كبير

[صفاء الروح]

الحل انك ترضين بالقضاء والقدر .. هذا قدرك وزوجك يحسن عونه ولو انا في مكانه اطلب من زوجتي انها تبقى مع والديا مهما كان ومهما صار ..
مادام هو الوحيد عندهم .. وهنا اسالك سؤال وتجاوبي بصراحة وبصدق
لو اانهما والديك ولك أخ واحد في نفس حالة زوجك هل ترضين ان يتركهم ويرحل عنهم ؟ ام من حقهما عليه ان تبقى الكنة في خدمتهما ؟
اما اخواته البنات كل يوم عندكم فليست مشكلة وانا شايف ان المشكلة عندك
انتى لماذا لا تندمجي معهم وتتقربي منهم وتعامليهم كأخوات لك ؟؟
نصيحة اخيرة عليك أن ترمي كل كلام قيل عنك عرض الحائط ولا تهتمي لما يقولون وانما عامليهم بالحسنى ورحبي بهم كلما جاؤو للبيت وعاملي الوالدين معاملة حسنة لأن الله عز وجل يقول .. ادفع بالتي هي أحسن فإذا الذي بينك وبينه عداوة كأنه ولي حميم ..
وكذالك خطا آخر هو انك عاملة مطبخ في غرفتك ظ؟؟ المطبخ واحد وللجميع واي أكل تطبخيه قدميه ليهم واجلسي معاهم اثناء الأكل
اعملي بنصيحتي وسيتغير الحال ان شاء الله

السلام عليكم ردك أثار استغرابي بصراحة
قلت انها لو كانت زوجتك لطلبت منها ان تبقى مع والديك
حتى لو كانت أمك ام ظالمة ومستبدة ؟؟؟وابوك لايحرك ساكنا في المنزل بلعامية مينهاش المنكر ؟؟؟ هل احضرت زوجة تعينك على متاعب الحياة وتكون سند لك وتكون سند لها ام احضرت خادمة لوالدتك واخواتك المتزوجات صحيح انو الكنة تعاون عجوزتها بما يمليه عليها ضميرها تمنيت لوكان كانت عجوزتي وحدها فدار نخدمها ليل مع نهار على وجه ربي اولا وزوجي فقط
بصح لغاشي هذاك كل ماهوش محتم عليا
طبخت وغسلت ومسحت ودرت كلشي لوجه الله مبعد كمرضت بسبب الحمل نبات بجوع واحد مخمم فيا وحدة فيهم معطاتني ماكلة سخونة ناكلها
لوكان جا خويا من الاحسن يستقل بحياتو ونعرفو حدودنا ومنعداوش لحرية الاخرين
قتلتونا بالمثالية فهاذ المنتدى

[Yakin,]

اخيتي اصبري و احتسبي لله واكثري من الاستغفار،،والله يفرج همك و يكشف غمك ان شاء الله عاجلا غير اجل

[survivor-Dz]

السلام عليكم ردك أثار استغرابي بصراحة
قلت انها لو كانت زوجتك لطلبت منها ان تبقى مع والديك
حتى لو كانت أمك ام ظالمة ومستبدة ؟؟؟وابوك لايحرك ساكنا في المنزل بلعامية مينهاش المنكر ؟؟؟ هل احضرت زوجة تعينك على متاعب الحياة وتكون سند لك وتكون سند لها ام احضرت خادمة لوالدتك واخواتك المتزوجات صحيح انو الكنة تعاون عجوزتها بما يمليه عليها ضميرها تمنيت لوكان كانت عجوزتي وحدها فدار نخدمها ليل مع نهار على وجه ربي اولا وزوجي فقط
بصح لغاشي هذاك كل ماهوش محتم عليا
طبخت وغسلت ومسحت ودرت كلشي لوجه الله مبعد كمرضت بسبب الحمل نبات بجوع واحد مخمم فيا وحدة فيهم معطاتني ماكلة سخونة ناكلها
لوكان جا خويا من الاحسن يستقل بحياتو ونعرفو حدودنا ومنعداوش لحرية الاخرين
قتلتونا بالمثالية فهاذ المنتدى
هذا الزوج إنسان طيب ومطيع لوالديه فهو يخدمهم ماديا .. وتركك خلفه حتى يطمئن على والديه وأنتي قلتى في كلامك في حالة مرض أو وفاة انتي من تقومي بالتكفل بهما وهذا تفكير صائب .. فالله أمرنا بأن نحسن اليهما خاصة في الكبر ...
بسم الله الرحمان الرحيم .. إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا ..مجرد التفوه بكلم أف هي محرمة فما بالك بمن يرحل عنهما في مثل هاته السن ؟
ثم هاته العائلة ليسو وحوش إلى درجة أنهم يفرطون في حفيدهم أو يتركونك بدون عناية إذا استدع الأمر .. وحتى لو انتي خائفة فإمكانك أن تأتي بإحدى أخوواتك للتكفل بك إذا اقترب الموعد أو أنك تستئذنيه للذهاب إلى عائلتك الى حين يمر الأمر بسلام
يعنى أمامك كذا حل ..
اما اننا قتلناك بالمثالية فأنا أعطيتك حلاا ربما يكون صعبا في البداية ولكن مع الأياام ستكتشفين مدى تاثيره الإيجابي
وبالنسبة لعملك داخل البيت من طبخ وغسيل ووو .. فأعلمك أن المسيطر على المطبخ ولوازم البيت هو المسيطر على البيت بكامله
ولا يعقل أن تكون العائلة كلها مستبدة فلو حاولتي عبر االمعاملة الحسنة و الذوبان داخل العائلة بحلوها ومرها فحتما ستصبحين واحدة منهم وستكسبين علىى الأقل أخواته أو إحدااهن والوالد وهكذا إلى أن تتمكني من كسب الجميع ...
هذه هي الحياة .. والله في حديث قدسي يقول
عبدي انت تريد وأنا أريد وليس لك إلا ما أريد
فإن سلمت بما أريد كفيتك ما تريد
وإن لم تسلم بما أريد أتعبتك ولن يكون لك إلا ما اريد

[ماري نت]

السلام عليكم ورحمة الله وبركاته ،أختي لا ألومك فأنا عانيت مثلك لكن الله كان معي لكوني كنت أدعوه بالفرج، فانفصلت عن حماتي بطلب منها وليس مني .

[*أم سجى*]

اختي صفاء الروح رغم اني اكاد لا اصدق كلامك لولا معرفتي المسبقة عن شخصك وصدق كلامك .لانه عندنا حالات نادرة كحالتك فغالبا ماتجدين الكنة هي المستبدة والمسيطرة في البيت والضحية هم البنات والعجوز
المهم
انا نصيحتي ليك كأختي أو كتوأمي لانك في مثل سني ههه
عليك بالصبر وتفويض الامر لله واعلمي أن دوام الحال من المحال ووضعك سيتغير عن قريب وليس عن بعيد ففي أي لحظة ستنقلب الامور كلها وستنجين من المشاكل سالمة غانمة ياااارب
ممكن بأي لحظة يصرا خلاف بين زوجك وعايلتو ويقرر هو بنفسو ينفصل عليهم واتكوني انتي الرابحة في القضية
وممكن يحولوه فلخدمة ويقرر يديك معاه وممكن وممكن وممكن
ربي وحده اعلم بما يخفي لك خصوصا وانك دخلتي بيت زوجك بنية طيبة
الصبر ثم الصبر ثم الصبر احذري تخمي في امور اخرى كالطلاق مثلا
والله ترجعي انتي الخايب الاكبر باااااااالاكي يغر بيك الشيطان
انا شخصيا نقوللهم كي تضربني عجوزتي صباح وعشية منرجعش لدارنا
لمن ترجعي لنسا الخاوة ياكلولك القلب وميرحموكش ولا ليمن ؟؟؟!
تظلمني اخت زوجي وامه احن من ان تظلمني زوجة اخي وفي عقر بيتنا؟؟!!
والله هذه حقيقة وواقع ردي بالك منها
اصبري وادعي ربي حتى يفرج
هذي نصيحتي ليك راكي كي ختي

[صفاء الروح]

أطلب من الادارة حذف موضوعي

[من قسنطينة]

السلام عليكم
مافهمتش علاه دايما المرأه يحبوها تصبر وتتحمل كلش وماتنطقش وتقبل الذل والاهانة بحجة باش تبقي على زوجها وماتخربش دارها
وش يهمني نبقي على الزوج هذا اللي ماراهوش باقي عليا وماراهوش واقف بجنبي ومحافظ عليا ولا هامته صحتي ولا هامته نفسيتي وكأني جارية .. اشمعنى انا لازم نتحمل علاجاله
زوجي المفروض يحرُمني و يساندني ويحافظ عليا
نحلف بيمين ربي كون واحد من الرجال يحصله مثل مايحصل للنساء في مجتمعنا الظالم .. والله مايصبر وما يتحمل
حسبنا الله ونعم الوكيل في الظالم

[أبو سيف الإسلام]

من خلال حكايتك أختاه باين باللي راكي عاقلة بزاف وهذه الصفة ظهرت للآخرين ضعفا استغلوه في ظلمك وقهرك وبالتالي لازم شويه صرامة وعدم السكوت على ما أنت فيه.... كوني قويه وتكلمي بصوت عال فهو صوت الحق ولا تخشي في الله لومة لائم. واش رايح يصرى كثر من الشيء اللي راه صاير فيك...ونسأل الله القدير أن يفرج كربك ويهدي زوجك إلى الطريق القويم.

[صفاء الروح]

ادعيولي يفرج عليا ربي
راني مازلت فبيت أهلي

[النجمة القطبية]

حبيبتي صفاء تابعت قصتك وتمنيت نجاوب في موضوعك لكن كان الافضل لو حطيتيها في قسم النساء
ثم تحبي الصراحة اللي مجربش عمروا ما يحس باللي مجرب واغلب الناس انانيين
يعني حبيبة انتي راكي حامل وتعب الحمل وحدوا كفاية عليك راح يزيد تعبك بهدي الردود ولو قلتيلهم اشعلت اصابعي شمع وشنقوني في وسط البيت راح يقولولك زوجك محق وانتي اصبي وزيدي ضحي
وضحكني اللي قالك الزوج يكون مطمئن لما يخلي بنت الناس موراه وميتركش اهلوا مع انوا غايب اصلا ولو مرضوا اهلوا ولا ماتوا ميصيبوش راجل في الدار يجري عليهم او يمدلهم كاس ماء !!!!! والمراة متعرفش تفتح الباب او حت تتصرف في الليل مثلا وزيد حامل واش راح تعمل لهم مثلا
هو اصلا في كل الاحوال غائب ومعرض للفتن كي هو كي الزوجة واللي يدفع الثمن الطفل الصغير والزوجة
كنا قلنا معليش لو كان حاضر معاهم
انا نقولكم بصفتي ام لولد صغير انا بالنسبة لي كام انتظر المعروف من ابني كي يكبر وليس من زوجته
ابني هو اللي سهرت عليه ليالي وتالمت من اجله واش من معروف كي يحطلي بنت الناس يزيد همي همين مفهمتش مفهومكم للطاعة والعقوق كيفاه داير
يعني كي يجيبلي امراة ضعيفة وزيد حامل هي اصلا معرضة للخطر ومحتاجة اللي يرفدها ويهرب هدي هي الطاعة !!! لوكان تمرض او تجيها ولادة مبكرة او اي شئ لسمح الله مفكرش فيها هادي
وهادي الناس يستناو منها ترفد عائلة باكملها ودار فيها عشرين مرا
تبا لهدا المجتمع وتبا لي كامراة ادا لم يكن في قلبي الرحمة ومرحمتش زوجة اخي !!!
يا اختي راني معاك وراكي في ظلم بين ومحتاجة الراحة تحبي الحق ارحمي طفلك الصغير راهو يتاثر باحاسيسك وانساي وضعك الحالي وكلي امرك لله
وادا احتجتي اخت تسمعلك رانا هنا اختي نعاونك بالمستطاع
ربي يطلعك بخير حبيبة واقفلي الموضوع احسن راكي شغل تحوسي عل الحوت في الصحرا راح تتعبي في باطل
كامل زعما يفتيو ومكانش اللي في قلبوا الرحمة حتى يقول كلمة مليحة

[من قسنطينة]

السلام عليكم
ربي يفرج عليك ويهدي زوجك ويجمع شملكم بالخير ان شالله عاجل غير آجل يارب
امين

[محارب الحمق]

الحاجة اللي الضحك في الموضوع أنو أغلب المشاكل سببها حرب النسوة. الحماة والاخوات والزوجات. أغلبها تأتي من تحت رأس النساء. وحتى تلك التي تبكي على ظلم الحماة (لا أقصد صاحبة الموضوع) تجدها تفعل الأفاعيل عندما تصبح عجوزا ويتجوز ابنها.........

[aiche]

الله المستعان على حالتك، كان الله في عونك

وجعتي لي قلبي وقلبتي علي المواجع..... ربي يلطف بيك ويفرج عليك من بابه الواسع

هناك حلول كثيرة، أنا عن نفسي لما تفاقمت المشاكل علي وطفح الكيل ووجدت أن الصبر سيدخلني القبر، بعد ضغوطات نفسية حادة، رفعت الأمر إلى أبي العزيز فكلّم زوجي واشترط عليه بعد شرح طويل ومفصل

أن يتركني عنده كلما سافر إلى عمله، فما كان عليه إلا أن وافق،,,,,, ولكن بدأت المشاكل تزداد بعد عودته، خاصة الحضور اليومي لأخواته وأزواجهم وأولادهم، الذي لم أعد أطيقه مطلقا، فأعلنتها بصريح العبارة على أني لست

مجبرة على خدمتهم، فهؤلاء ليسوا بضيوف، وإنما مجرد متطفلين ينكدون علينا حياتنا ويحرمون حرّيتنا، ويفسدون الودّ بيننا، فلم أعد أدخل المطبخ في حضورهم، ولم يعد يهمني أمرهم، فغضبوا وشنوا علي حربا ساخنة بعدما

كانت باردة، وكلّمت زوجي وقلت له الحاكم بينا الله ورسوله، (( فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا (59) فأدرك أني لست مجبرة على خدمة هؤلاء لأن ليس فيهم لا

القاصر ولا المعاق، وإن اقتضى الأمر فأحضر خادمة بأجرة لعائلتك وكفى الله المؤمنين القتال, وأصرّيت على موقفي، ولم أترك لهم المجال للحديث كثيرا في الموضوع والتزمت الصمت،فكنت لا أخدم إلا زوجي وحماتي وكفى

رغم ميلها لكفة بناتها، وبعد شهرين أو يزيد توفيت حماتي رحمها الله وانقلبت الموازين، وأصبح كل واحد يعرف حدوده، فالتي كانت بستقوون بها رحلت، وكسرت أجنحتهم، وتغيرت معاملتهم..... (وَمَنْ يَتَّقِ اللَّهَ يَجْعَلْ لَهُ مَخْرَجاً *

وَيَرْزُقْهُ مِنْ حَيْثُ لا يَحْتَسِبُ) والحمد لله ربّ العالمين

[آسيا 25]

حبيبتي صفاء تابعت قصتك وتمنيت نجاوب في موضوعك لكن كان الافضل لو حطيتيها في قسم النساء
ثم تحبي الصراحة اللي مجربش عمروا ما يحس باللي مجرب واغلب الناس انانيين
يعني حبيبة انتي راكي حامل وتعب الحمل وحدوا كفاية عليك راح يزيد تعبك بهدي الردود ولو قلتيلهم اشعلت اصابعي شمع وشنقوني في وسط البيت راح يقولولك زوجك محق وانتي اصبي وزيدي ضحي
وضحكني اللي قالك الزوج يكون مطمئن لما يخلي بنت الناس موراه وميتركش اهلوا مع انوا غايب اصلا ولو مرضوا اهلوا ولا ماتوا ميصيبوش راجل في الدار يجري عليهم او يمدلهم كاس ماء !!!!! والمراة متعرفش تفتح الباب او حت تتصرف في الليل مثلا وزيد حامل واش راح تعمل لهم مثلا
هو اصلا في كل الاحوال غائب ومعرض للفتن كي هو كي الزوجة واللي يدفع الثمن الطفل الصغير والزوجة
كنا قلنا معليش لو كان حاضر معاهم
انا نقولكم بصفتي ام لولد صغير انا بالنسبة لي كام انتظر المعروف من ابني كي يكبر وليس من زوجته
ابني هو اللي سهرت عليه ليالي وتالمت من اجله واش من معروف كي يحطلي بنت الناس يزيد همي همين مفهمتش مفهومكم للطاعة والعقوق كيفاه داير
يعني كي يجيبلي امراة ضعيفة وزيد حامل هي اصلا معرضة للخطر ومحتاجة اللي يرفدها ويهرب هدي هي الطاعة !!! لوكان تمرض او تجيها ولادة مبكرة او اي شئ لسمح الله مفكرش فيها هادي
وهادي الناس يستناو منها ترفد عائلة باكملها ودار فيها عشرين مرا
تبا لهدا المجتمع وتبا لي كامراة ادا لم يكن في قلبي الرحمة ومرحمتش زوجة اخي !!!
يا اختي راني معاك وراكي في ظلم بين ومحتاجة الراحة تحبي الحق ارحمي طفلك الصغير راهو يتاثر باحاسيسك وانساي وضعك الحالي وكلي امرك لله
وادا احتجتي اخت تسمعلك رانا هنا اختي نعاونك بالمستطاع
ربي يطلعك بخير حبيبة واقفلي الموضوع احسن راكي شغل تحوسي عل الحوت في الصحرا راح تتعبي في باطل
كامل زعما يفتيو ومكانش اللي في قلبوا الرحمة حتى يقول كلمة مليحة
أحسن رد ديما تبرديلي قلبي بارك الله فيك

[شمس 15]

حسبنا الله و نعم الوكيل في كل ظالم
اختي صفاء فوضي امرك لرب العزة هو يحلك مشاكلك..
و زيد دخلي باباك خوك كبار العايلة يشوفولك حل وسيط وش حبو و انتي وش نحبي لعل تتحل العقدة...

[شمس 15]

كاين ناس حقارين ربي وكيلهم
الطفلة تخلي ناسها اهلها عرشها موراها داخلة لعايلة بالنية تخدم الاب العجوز الاخوات رجالتهم اولادهم تمرحب و نكبر و تكرم الضيف و تتعب و تشقى هات برك يحبوها و يرضاو عليها تلقايها مسكينة تقذف وحدها سورتو ضروف العمل تاع الزوج لي تجبرو يخليها معاهم من بعد مسكينة جيبها في صحتها و ولادها مهملتهم و يزيدو يدورو عليها بلي مراهيش تربي في ولادها احسن تربية لخطرش نهار كامل و هي تهمبر عليهم لي اصلا شرعا مش مجبرة تخدمهم.....
حسبي الله و نعم الوكيل في كل ضالم...

[أبو ياسر السني]

عليكما بالصبر والاحتساب،فإنّ بعد العسر يسرا. يوجد حالات أعظم من حالك وحال زوجك،لكن هذا قدر الله