هياااااااااااااااااا بنا جميعااا

[ورد الاوليف]

السلام عليكم التلاميذ لي مترشحين لباك 2019 احرررررررراااااااااااااااااااااااااااااااااااااار
شوفو نوعدو بعض نقرو مليح وننجحو بمعدلات مليحة باذن ربي باه نجيبو حق الاحرار
لازمنا العام الجايي نهدرو عليهممم ولازم يكون عام 2019 مايتنساش هيا كي الاحرار كي النظامممين

[Hou Da Lar]

هاااني معاك باك 2018 و باغيا نعاوده دا لعام ان شاء الله

[رانية ة]

معك حق اختي
اختي اتمنى تساعديني في الفرنسية ؟؟

[*همسات المطر*]

انا معكم
حتا انا اللغات ضعيفة ياااااااااااسر

[* قمر*]

موفقات جميعا
بالنسبة للغات ننصحك سرتو في الفرنسية بالمراجعة النهائية والله روعة

[نبض قلبي]

ربي يوفقكم ان شاء الله

[Hou Da Lar]

يااا جماعة علاه تبدو درك كلشي في وقته زين خلي حتا يبدا لعام عاد بدو المراجع و من الاحسن متكونش مكثفة و لي راني مخلوعة فيها هيا راكم تخافو بزاااف من لغات مكانش حاجة فيها تخوف كاينا حاجة فهمتي نص تجاوبي مفهمتيش متعرفيش تجاوبي هدا مكان ادا راكم ناقصين بزااف دخلو معهد تاع اللغات

[racim zennadi]

قد يتحول كل شي ضدك ويبقى الله معك، فكن مع الله يكن كل شي معك. انا معكم bac 2019
ربي يوفقنا انشاءالله :19:

[بسمة الامل 1]

انا معكم مترشحة حرة لباك 2019 ان شاء الله

[sweet girl 07]

معكم باااك 2019

[romaissa tita]

m3akom bac 2017 w bac 2018 w bac 2019 nchallahh ms 9baal njib 7a9ii fi *bac 2018

[oum khadidja]

انا كذلك بحول الله باك 2019

[fatimatafatimata121]

باك 2019 بحول الله

[متروجة]

باك 2019 *معا للامتياز ان شاء الله

اللهم انا نسالك فهم النبيين وحفظ المرسلين والملائكة المقربين اللهم اجعل السنتنا عامرة بذكرك وقلوبنا بخشيتك واسرارنا بطاعتك انك على كل شيء قدير -حسبنا الله ونعم الوكيل -

[Sawsen99]

هل يمكن لحاصل على البكالوريا الترشح نضامي ؟
ارجو الرد

[محمدي احمد 1995]

هل يمكن لحاصل على البكالوريا الترشح نضامي ؟
ارجو الرد

لا فقط يمكنك ان تتواصلي مع الادارة حتى يسمحو لكي بحضور مع تلاميد الاخرين والله اعلم بتوفيق ان شاء الله

[Sawsen99]

شكرا على الرد اخي محمدي أحمد ، أنا لا اريد الحضور مع التلاميذ لكن أريد ان أجتاز البكالوريا في منطقة قريبة من سكني لأن الاحرار يجتازون في اماكن بعيدة بالنسبة لنا

[محمدي احمد 1995]

شكرا على الرد اخي محمدي أحمد ، أنا لا اريد الحضور مع التلاميذ لكن أريد ان أجتاز البكالوريا في منطقة قريبة من سكني لأن الاحرار يجتازون في اماكن بعيدة بالنسبة لنا
العفو بتوفيق

[Toufik_16]

مجبتش باك 2017 نضامي رياضيات ... غادي نعاودو في 2019 حر معاااكم

رايح نعاودو تسييير و اقتصاد .. Bac 2019 yes we can


هل مادتي التسيير المحاسبي و المالي ... الاقتصاد و المناجمانت سهل للفهم و الحفظ ؟؟؟

[حيكم]

ياحناني انا ما نواعدك ما نكذب عليك

انا كوبياج والامام كيما العام لي فات

[Embarekmeryem]

انا عاودتوا زوج خطرات كمترشحة حرة
صح منجمش نعاودوا للمرة ثالثة
سمعت بلي دارولهم قانون المترشح الحر يفوتوا كحر غير زوج خطرات تعيشوا جاوبوني

[ابدااع]

انا عندي باك 2017وباك2018.
وباك2019 نشالله بمعدل مليح.
مي لازم نحطو اليد فاليد

[Philomel]

السلام عليكم أنا جبت الباك في2007 و كملت دراستي و تخرجت أستاذة لمادة اللغة الإنجليزية أريد أن أعيد البكالوريا في شعبة العلوم التجريبية هل يمكن ذلك لي علما أني كنت شعبة آداب و لغات أجنبية و هل يمكن لي أن أدرس الآن عندي رغبة كبيييرة و أريد دخول مجال الطب علما أن عمري حاليا 28سنة و أم لطفلة تدرس و لي الكثيييييير الكثييييير من الفراغ لأني لا أعمل لا أحب التعليم بصراحك أنصحوني هل أنا كبيرة لتحقيق أحلامي السابقة و لا مزال نقدر

[Hou Da Lar]

السلام عليكم أنا جبت الباك في2007 و كملت دراستي و تخرجت أستاذة لمادة اللغة الإنجليزية أريد أن أعيد البكالوريا في شعبة العلوم التجريبية هل يمكن ذلك لي علما أني كنت شعبة آداب و لغات أجنبية و هل يمكن لي أن أدرس الآن عندي رغبة كبيييرة و أريد دخول مجال الطب علما أن عمري حاليا 28سنة و أم لطفلة تدرس و لي الكثيييييير الكثييييير من الفراغ لأني لا أعمل لا أحب التعليم بصراحك أنصحوني هل أنا كبيرة لتحقيق أحلامي السابقة و لا مزال نقدر

العمر معندهش علاقة مع القرايا
مي بروبلام في كنتي شعبة ادبية و غادي تفوتيه شعبة علمية واعرة شوية مي مهاش صعيبة مدام عندك الوقت بزااف و اهم حاجة عندك الارادة عاوديه و ربي يوفقك ان شاء الله

[Mostafa Archi]

السلام عليكم أنا جبت الباك في2007 و كملت دراستي و تخرجت أستاذة لمادة اللغة الإنجليزية أريد أن أعيد البكالوريا في شعبة العلوم التجريبية هل يمكن ذلك لي علما أني كنت شعبة آداب و لغات أجنبية و هل يمكن لي أن أدرس الآن عندي رغبة كبيييرة و أريد دخول مجال الطب علما أن عمري حاليا 28سنة و أم لطفلة تدرس و لي الكثيييييير الكثييييير من الفراغ لأني لا أعمل لا أحب التعليم بصراحك أنصحوني هل أنا كبيرة لتحقيق أحلامي السابقة و لا مزال نقدر

السلام عليكم
تقريبا نفس الحالة
جبت الباك في 2008 تخرجت مهندس معماري
و هاد السنة راح نعاود ان شاء الله
لكن في بعض الاحيان افكر انت ابدا السنة بالمراجعة خفيفة و السنة القادمة اسجل من اجل معدل جيد
صراحة بما انك كنت ادبي فحسب ظني ستجدين صعوبة كبرة في المواد العلمية رياضيات فيزياء و علوم
و هادوا لازم تدرسي على الاقل برنامج السنة الثانية لانو البرنامج مرتبط خاصة مادة الرياضيات و الفيزياء

[ورد الاوليف]

رحلتنا انطلقت اليوم لا تنسوا وعدكم يا احرااااااااااااااار

[* قمر*]

#و ما توفيقي الا بالله عليه توكلت و اليه انيب #

[raboha]

بالتوفيق للجميع

[لهيب الحلم]

السلام عليكم
أنا مشتركة جديدة بالمنتدى وهذه مشاركتي الأولى.. مسرورة بالإنضمام إليكم.. ｡^‿^｡
أنا حاصلة على شهادة باك 2018 و مترشحة حرة للباك 2019 سجلت في المنتدى لنساعد بعضنا البعض و نحقق بإذن الله ما نطمح إليه... يدا في يد نحو القمة. 🌹
ممكن ترحيب؟ 😅

[ورد الاوليف]

صايي بقالنا مئة يوم شوف نحققو احلامنا شوف لا صايي دا العد التنازلي الحقيقي ذرك لازمنا نقرو على رواحنا ونحتسبو كل دقيقة من وقتنا بامكاننا فعلها نحن لهاااااااااااااااااااااااااااااااااااااااا يارب توفيقك ;););)

[لهيب الحلم]

يا جماعة أنا أبحث عن أحد يجيبني على أسئلتي في الفيزياء ومازلت مشتركة جديدة و لا يمكنني إنشاء موضوع بعد... ساعدوني بليييز*
إذا تعرفوا أستاذة في الفيزياء هنا في المنتدى أخبروني رجاء... وشكراااا

[Hou Da Lar]

يا جماعة أنا أبحث عن أحد يجيبني على أسئلتي في الفيزياء ومازلت مشتركة جديدة و لا يمكنني إنشاء موضوع بعد... ساعدوني بليييز*
إذا تعرفوا أستاذة في الفيزياء هنا في المنتدى أخبروني رجاء... وشكراااا

مكانش استاذ تاع فيزياء كاين غير مات
كتبي اسئلتك في قسم العلوم التجريبية و الاعضاء يجاوبوك

[لهيب الحلم]

مكانش استاذ تاع فيزياء كاين غير مات
كتبي اسئلتك في قسم العلوم التجريبية و الاعضاء يجاوبوك

مات؟ الله يرحمه
شكرا جزيلا أختي على ردك علي.. 🌼🌹🌹🌹🌹🌹

[لهيب الحلم]

هل يوجد من بينكم مترشحون أحرار و في نفس الوقت طلبة جامعيون.. ؟مثلي

[الملآذ]

مات؟ الله يرحمه
شكرا جزيلا أختي على ردك علي.. 🌼🌹🌹🌹🌹🌹

قصدها مآآآت Math رياضياات برك

[الملآذ]

هل يوجد من بينكم مترشحون أحرار و في نفس الوقت طلبة جامعيون.. ؟مثلي

هناك خلييط لكن لست من الطلبةة ...
حرة فقطط .

[لهيب الحلم]

قصدها مآآآت math رياضياات برك

ههههههه و الله أضحكتني.. أضحك الله سنكما قرأته بشكل خاطئ هههههه

[لهيب الحلم]

هناك خلييط لكن لست من الطلبةة ...
حرة فقطط .
وفقنا الله جميعا و يااارب نجيبوه كامل كيما نتمنااو

[لهيب الحلم]

السلام عليكم ان شاء الله كلكم بخير*
سؤال متى يخرج استدعاء الباك بالنسبة للاحرار؟ و هل يستخرج من الموقع أو من مديريةالتربية التي أرسلنا إليها ؟

[romaissa tita]

جامعية سنة ثانية و باك حرة للمرة الثالثة بالتوفيق

[Hou Da Lar]

السلام عليكم ان شاء الله كلكم بخير*
سؤال متى يخرج استدعاء الباك بالنسبة للاحرار؟ و هل يستخرج من الموقع أو من مديريةالتربية التي أرسلنا إليها ؟

نورمالمو يرسلوهلك لداركم كيما رسلوهلي انا
نتي ستني منا حتا 20 لا مرسلوهلكش روحي جيبيه من مؤسسة لي حطيتي فيها دوسي

[لهيب الحلم]

نورمالمو يرسلوهلك لداركم كيما رسلوهلي انا
نتي ستني منا حتا 20 لا مرسلوهلكش روحي جيبيه من مؤسسة لي حطيتي فيها دوسي

آه مليح يوصل للدار افضل
جزاك الله كل خير على المساعدة و يارب تجييبه كيما تتمناي هاذ الخطرة
20 ماي ياخ؟
حبيت نسقسيك تجوزي bac sportif ؟
بالنسبة لي معفية و عطيت لهم التبرير مع ملفات الترشح يعني خلاص ما نكسرش راسي عليه ولا يلزم ندير حاجة في هاذ الفترة تاع bac sportif؟؟

[Hou Da Lar]

آه مليح يوصل للدار افضل
جزاك الله كل خير على المساعدة و يارب تجييبه كيما تتمناي هاذ الخطرة
20 ماي ياخ؟
حبيت نسقسيك تجوزي bac sportif ؟
بالنسبة لي معفية و عطيت لهم التبرير مع ملفات الترشح يعني خلاص ما نكسرش راسي عليه ولا يلزم ندير حاجة في هاذ الفترة تاع bac sportif؟؟


بلا مزية
لا 20 مارس مشي ماي
واه بنفوته
لا مدام راكي اعفاء مديري والو

[لهيب الحلم]

بلا مزية
لا 20 مارس مشي ماي
واه بنفوته
لا مدام راكي اعفاء مديري والو
صحيتي.. 🌺
آه 20مارس يخرج إستدعاء البكالوريا للأحرار؟؟ هل هذا في جميع الولايات؟؟ انت وصلك الاستدعاء؟

[لهيب الحلم]

جامعية سنة ثانية و باك حرة للمرة الثالثة بالتوفيق
الله يبارك نحييك على شجاعتك
وان شاء الله يارب هاذ المرة تجيبيه كيما تحبي.. 🌼

[النجمة المتلألئة]

سلااام
صبااحكم همة
كيف تسير معكم الامور؟
بالتوفيق

[لهيب الحلم]

نبذل قصارى جهدنا في سباق مع الزمن
نسأل الله التوفيق

[kiouas2006]

وفقكم الله اخواني

[ورد الاوليف]

السلام عليكم اتذكر اليوم الذي قد فتحت فيه هذا الموضوع كنت حينها متحصلة على شهادة الباكلوريا بمعدل 11 لا اعلم ماعساي ان افعل كان الخوف يعتليني بسبب الظلم الذي تعرض له المترشحون الاحرار وكان مستواي ضعيف جدا فقمت بفتح هذا الموضوع جتى احفز نفسي واحفزكم معي مر عام من الجهد والمثابرة والحمدلله تحصلت على معدل 14 رغم كل الظروف .........خلاصة الكلام لا تياسو لا تستسلمو ......الاحلام تتحقق وانتم قادرين فقط امنحوا انفسكم فرصة اخرى ولا تترددوا ابدا;)