والاحرار كيفااه

[ورد الاوليف]

السلام عليكم اخواني قررت نعاود الباك وحلمي نجيب معدل عالي خصوصا بعد ماشفت اخواني فالمنتدى الجميع بمعدلات عالية ماشاء الله بارك الله فيكم بغيت نسقسي فقط هل الاحرار يتكرمو يديرو معاهم حوارات فالتلفاز وموقع الدراسة وغيرها لانني لحد الساعة ماشفتش حتى واحد مهتم بهذه المجموعة جابوني رجاءااا وكل واحد مر من هنا مبارك عليكم النجاااح ولي مزال العقوبة للعام الجاي نشالله

[unknown person 1]

واش من يتكرمو ربي يهديك الاحرار هاذي حاجة كانت بكري لقد تم تحطيمهم بنجاح تلاعب في النتائج بعد عملية التصحيح لمحاربة الاكتظاظ في الجامعة و اظهار نجاح اصلاحات بن كبريت

[Qu_een]

جيت راح ندير نف الموضوع وسبقتيني مروة ههه ان شاء الله حنا ثاني يكون نصيب لعام لجــاي لأني متحمسة بزااف باه نتحصل على اعلى معدل في ولايتي
اتمنى الاجابـــة

[نبض قلبي]

لالا كون يجيبو 20 واحد ما يشوف ليهم
التكريمات و كلشي يخص النظاميين فقط

[ورد الاوليف]

واش من يتكرمو ربي يهديك الاحرار هاذي حاجة كانت بكري لقد تم تحطيمهم بنجاح تلاعب في النتائج بعد عملية التصحيح لمحاربة الاكتظاظ في الجامعة و اظهار نجاح اصلاحات بن كبريت

للاسف والله تغيظ والله واش والنظاميين ماهمش عباد ماقراوش ماتعبوش اللطف مهمشينهم مادريت علاه حرام والله المهم العبد يحقق حلمو والتكريمات تروح للروس الكبار يزي -_- ياخي جيل المستقبل هاذم هم لي رح يحكمو البلاد لاه يهمشو فيهم انا نظامية وفديت خلي يا خاوتنا الاحرار الله يصبرهم فقط وبعد يجو و يقولو هجرة الادمغةةةةةةة..........سلام

[ورد الاوليف]

لالا كون يجيبو 20 واحد ما يشوف ليهم
التكريمات و كلشي يخص النظاميين فقط

للاسف مافهمتش وعلاه وشي هو السبب علاه مايدوش ليهم فرصة ياك هوما تاني عباد ويقرو

[نبض قلبي]

للاسف مافهمتش وعلاه وشي هو السبب علاه مايدوش ليهم فرصة ياك هوما تاني عباد ويقرو

ووووي ماعندك ماديري
اللي ماجابش العام طفرت فيه
اي الامتياز هذا شوفي والله تلعب فيه نسبة الحظ دور كبير
انت و زهرك من الاخير
ربي يوفقك

[ورد الاوليف]

جيت راح ندير نف الموضوع وسبقتيني مروة ههه ان شاء الله حنا ثاني يكون نصيب لعام لجــاي لأني متحمسة بزااف باه نتحصل على اعلى معدل في ولايتي
اتمنى الاجابـــة


نشالله نبدو كيف كيف ونقلبو دزاير باذن الله حنا لي نجيبو حق الاحرار بايدينا ان شاء الله مهززززلللللةةةة تع الصح هذي لاه يظلموه علاه

[Hou Da Lar]

يا جماعة لوراقي منين يصحوهم مينجموش يفرقو بين نظاميين و احرار و ادا على الغش و الظلم حنا نظاميين تاني غشونا و ظلمونا و في نهار كتبو بلي 70 بالمية مبلعوش لعام في لافاك ايا معندها وين تقري تلاميذ ايا خسرو قاع نص دزاير مي مكان ما دخل احرار و انا عن نفسي غادي نعاود لباك حرة و لي فيه لخير ربي يجيبه

[abou marouane]

السلام عليكم

قبل الإجبابة اعلموا أن أكبر تكريم هو حصولكم على التخصص الذي تحلمون بيه ، وأن التكريمات الرمزية يمكنكم أن تقوموا بها حتى أنتم لأنفسكم ، فاجعلوا نظركم صوب هدف معين ولا تسقطوه مهما كانت الظروف ،، جاهدوا وحاربوا لأجله و الله سيكتب ما فيه خير لكم إن شاء الله

أما بخصوص الأحرار فلا يتم تكريمهم تكريم رسمي لأنهم ليسوا نتاج تكوين وزارة التربية الوطنية ولا منظومتها البيداغوجية ثم أن مستواهم يفوق المتمدرسين على اعتبار أن أغلبيتهم جامعيين و أساتذة ..
وفقكم الله

[ورد الاوليف]

السلام عليكم

قبل الإجبابة اعلموا أن أكبر تكريم هو حصولكم على التخصص الذي تحلمون بيه ، وأن التكريمات الرمزية يمكنكم أن تقوموا بها حتى أنتم لأنفسكم ، فاجعلوا نظركم صوب هدف معين ولا تسقطوه مهما كانت الظروف ،، جاهدوا وحاربوا لأجله و الله سيكتب ما فيه خير لكم إن شاء الله

أما بخصوص الأحرار فلا يتم تكريمهم تكريم رسمي لأنهم ليسوا نتاج تكوين وزارة التربية الوطنية ولا منظومتها البيداغوجية ثم أن مستواهم يفوق المتمدرسين على اعتبار أن أغلبيتهم جامعيين و أساتذة ..
وفقكم الله

شكرا بارك الله فيك اخي حفزتينا

[djoumana rayen]

للاسف الشديد الاحرار لا يكرمون لي باغي يتكرم لازملو يعاود العام كنضامي ويتكرم كيما دار زمان رتاب فارح نهار لي ماخدمش فالرياضيات عرف انو ماراحش يتكرم مابغاش يخدم في حتى مادة اخرى ومانجحش عاود العام كنضامي وتحصل على معدل 18 من 20 اذا وجدت رابط موضوعه سأضعه هنا
لكن يبقى اكبر تكريم هو تكريمك لنفسك بنجاحك وتميزك وتشريف والديك وعائلتك ... ولي فيها خير ربي يجيبها