التخصصات الجامعية *-*

[Soumia Bkl]

السلام عليكم !
حبيت اليوم نحكيو على التخصصات الجامعية شوية ... عندي بعض المعلومات على بعض التخصصات
نبدا بتخصص الكترونيك " نعرفوو مليح :1: الأخ تاعي يقرا الكترونيك فبومرداس " + محروقات أي سؤال أنا هنا

[إينَاس]

بارك الله فيك اختي
أفيدينا رجاءً

[Soumia Bkl]

و فيك بركة :mh31:
بالنسبة لالكترونيك جاب المعدل فالباك 15.51 رياضي ف 2015 معدل القبول كان 15.40 للرياضين مي العام اللي فات كان معدل القبول 15.70 على ما أظن بالنسية للتقني و الرياضي العلميين 16 ...
مدة الدراسة 3 سنوات عادي و مبعد كاين ماستر بيان سور من الأفضل تدخلو .. يقراو باللغة الانجليزية كلش و لازم تكون متمكن مليح مليح من الفيزياء بالدرجة الأولى و الرياضيات ... الدراسة صعيبة صعيبة بزاف يعني لازم تتعب و تقرا فكل وقت باش تطلع العام و خاصة أنو الأستاذة عندهم مزيرين + كاين عفايس بزاف فالفيزيك و الماط لازم تكون متمكن زاف لكن لقراية مشوقة بزاف بحكم كاين المواد التطبيقية خاصة فالكهرباء يعني اذا كنت تحب الكهرباء و هذا التخربيش تحبها بزاف :1: -يتبع بارك الله فيك اختي
أفيدينا رجاءً

[Soumia Bkl]

على ما أظن كاين هذا التخصص فبرج بوعريريج تاني مي في بومرداس خير من جميع النواحي ... و هو مليح سورثو للذكور يعني طبيعة العمل بعد التخرج بالنسبة ليا منقدرش نخدم هكدك أحسن شي للذكور * أصلا غالبية الطلبة ذكور * المهم كاين فيه تخصصين و تتفرع فالعام الثاني و باش تجيب الديبلوم تاعك فالسنة الثالثة لازم تدير مشروع أو تجربة يعني كلش تطبيقي تشري الأدوات و تخدم نتا كلش .. بالنسبة للخدمة مليحة بزاف لكن حسب التخصص لي ديرو مثلا تقدر تخدم فمجال الاتصالات * شفتو هاذوك لي زونثان لي يحطوهم فوق الديار :d العمل تاعك راح يتعلق بهذاك الشي و لا مع سوناطراك اذا كانت عندك المعريفة :1:

[مُـ‘ـُنُـ‘ـُـعُـ‘ـُمُـ‘ـُ]

INELEC
زيدي احكيلي عليها خاصة بعد أن تحولت من معهد الى قسم تابع لجامعة بومرداس lmd ، .... ، وش هي التخصصات لي فيها ؟

[Aya Ya]

اولا شكرا على الطرح ...... نسال الله ان يوفقنا الى اعلى المراتب


بالنسبة لي جمعت عدة معلومات حول التخصصين __ ما اريد الاستفسار عنه ...

التفرعات والى ماذا تؤدي ( العمل مستقبلا ) بالنسبة لكل تخصص ..

....... شكرا مرة أخرى :rolleyes:

[Soumia Bkl]

سأجيب انشاءالله

[heavenly art]

ماذا عن التوظيف بالنسبة لتخصص الكترونيـك بومرداس ؟

[Soumia Bkl]

هي كانت قبل عبارة عن مدرسة ولا معهد وطني لكن رجعوه جامعة lmd نورمال و داروا الطلبة اضرابات و ماقبلولش باش يرجعوها كيما كانت و صرات بزاف تغيرات ...مثلا زادوا مودول جديد فالسنة الثالثة يتعلق بالميموار و المشروع اللي راح ديرو ..التخصص يبقى طول 3 سنوات - الكترونيك فقط يعني مكانش تفرع كيما بكري حتى للسنة الأولى ماستر باش تتفرع * مي والله ماعندي معلومات بزاف على التخصصات اللي كاين بحكم الأخ تاعي مازال مبداش يحوس على كيفاش يروح برك علابالي كاين أنظمة الاتصال السلكية واللاسلكية الرقمية Systèmes de télécommunication numériques و كاين تاني تجهيز-Instrumentation هذا واش علابالي لحد الان بالنسبة للخدمة بعد ما تتخرج اذا كنت قريت أنطمة الاتصال حاجة باينة راح تخدم مع مؤسسات الاتصال مثلا اتصالات الجزائر و قادر تخدم تاني فسوناطراك و فالشركات وين تروح يحتاجوك يعني مطلوبين بزاف ..نزيد نسقسي و نجيب معلومات على الخدمة نشالله المهم راح تكون مهندس فالالكترونيك ...الراتب عموما ميهبطش على 5 ملاين و الله أعلم و ما فيهاش التعب فالخدمة خاصة اذا خدمت عند شركة خاصة ..صراحة معنديش معلومات على الخدمة باسكو الأخ تاعي راح يكمل فالخارج نشالله لأنو هذا التخصص راهم يطلبوا فيه بزاف و عدد كبير من الطلبة يروح يكمل قرايتو و يلقى الخدمة مباشرة ..العام اللي فات مثلا جات لجنة من احدى الجامعات الأمريكية و خيروا تلميذين و داوهم * اللي ماجوراو بيان سور :D:D:D

[مُـ‘ـُنُـ‘ـُـعُـ‘ـُمُـ‘ـُ]

هي كانت قبل عبارة عن مدرسة ولا معهد وطني لكن رجعوه جامعة lmd نورمال و داروا الطلبة اضرابات و ماقبلولش باش يرجعوها كيما كانت و صرات بزاف تغيرات ...مثلا زادوا مودول جديد فالسنة الثالثة يتعلق بالميموار و المشروع اللي راح ديرو ..التخصص يبقى طول 3 سنوات - الكترونيك فقط يعني مكانش تفرع كيما بكري حتى للسنة الأولى ماستر باش تتفرع * مي والله ماعندي معلومات بزاف على التخصصات اللي كاين بحكم الأخ تاعي مازال مبداش يحوس على كيفاش يروح برك علابالي كاين أنظمة الاتصال السلكية واللاسلكية الرقمية systèmes de télécommunication numériques و كاين تاني تجهيز-instrumentation هذا واش علابالي لحد الان بالنسبة للخدمة بعد ما تتخرج اذا كنت قريت أنطمة الاتصال حاجة باينة راح تخدم مع مؤسسات الاتصال مثلا اتصالات الجزائر و قادر تخدم تاني فسوناطراك و فالشركات وين تروح يحتاجوك يعني مطلوبين بزاف ..نزيد نسقسي و نجيب معلومات على الخدمة نشالله المهم راح تكون مهندس فالالكترونيك ...الراتب عموما ميهبطش على 5 ملاين و الله أعلم و ما فيهاش التعب فالخدمة خاصة اذا خدمت عند شركة خاصة ..صراحة معنديش معلومات على الخدمة باسكو الأخ تاعي راح يكمل فالخارج نشالله لأنو هذا التخصص راهم يطلبوا فيه بزاف و عدد كبير من الطلبة يروح يكمل قرايتو و يلقى الخدمة مباشرة ..العام اللي فات مثلا جات لجنة من احدى الجامعات الأمريكية و خيروا تلميذين و داوهم * اللي ماجوراو بيان سور :d:d:d
وش عجبني فيها أنها الدراسة فيها بالانجلزية .. كون جات بلفرونسي والله مجات هذيك الجامعة الامريكية و ماشافت معاهم :d
المهم شكراا أختي و بارك الله فيك ،، و ربي يوفقك أنت و أخوك
...
عندي تخصص حابو ،، وحاب نقراه بالانجليزية لكن للأسف عايشين في دولة الله يبارك

[Soumia Bkl]

و فيك بركة هههه وي الواقع يفرض أشياء أخرى
...
حسب علمي هي الجامعة الوحيدة في الجزائر اللي يقراو المواد العلمية بالانجليزية * أقصد التخصص هذا في بومرداس * تاع البرج يقراو بالفرنسية و معدل القبول هابط نوعا ما
على كل ربي يوفقك و دير الشي اللي حاب نشالله^^ وش عجبني فيها أنها الدراسة فيها بالانجلزية .. كون جات بلفرونسي والله مجات هذيك الجامعة الامريكية و ماشافت معاهم :d
المهم شكراا أختي و بارك الله فيك ،، و ربي يوفقك أنت و أخوك
...
عندي تخصص حابو ،، وحاب نقراه بالانجليزية لكن للأسف عايشين في دولة الله يبارك

[Aya Ya]

و فيك بركة هههه وي الواقع يفرض أشياء أخرى
...
حسب علمي هي الجامعة الوحيدة في الجزائر اللي يقراو المواد العلمية بالانجليزية * أقصد التخصص هذا في بومرداس * تاع البرج يقراو بالفرنسية و معدل القبول هابط نوعا ما

نعم ..


على كل ربي يوفقك و دير الشي اللي حاب نشالله^^


+ سؤال _____ يقراو 6 اشهر الاولى انجليزية فقط ام في نفس الوقت المواد المقررة ؟؟

[heavenly art]

+ سؤال _____ يقراو 6 اشهر الاولى انجليزية فقط ام في نفس الوقت المواد المقررة ؟؟

الانجلييـزية فقط
نظن فيها أربع مواد grammar pronunciation ......

[Aya Ya]

+ معلومات اخرى حول التخصص .......

https://www.djelfa.info/vb/showthread.php?t=2151772