كل مل تريد معرفته حول تخصص ~♥~الطب~♥~ هنا👉👉

[نبض قلبي]

https://d.top4top.net/p_1633hvy4.gif
السلام عليكم و رحمة الله تعالى و بركاته
تحياتي أزفها لاعضاء منتدى الجلفة
فحوى الموضوع واضح من عنوانه
و الغرض منه مساعدة الاخوة الاعضاء الذين يلتمسون بعضا من اللبس بخصوص هذا الفرع
فمن هذا المنبر ادعو كل الاخوة و الطلبة الأعضاء
اي سؤال يخص هذا الفرع سيزال ابهامه و تعطى له اجابة كافية وافية تزيل غموضه
نحن في انتظار التساؤلات
تحياتنا
https://up.djelfa.info/uploads/153161492341971.jpg

[oussama165]

shaun murphy :D:D

[طبيبةالمستقبل]

االسلام عليكم :dj_17:
بارك الله فيكي اختي على طرح الموضوع
استفساري بخصوص الحفظ فانا لست من النوع الذي يحفظ كثيرا و اخاف ان اختار التخصص ولا انجح فيه فيقال ان الحفظ يطغى على الطب
مع العلم اني احب التخصص كثيرا فقداعدت البكالوريا للمرة الثانية هذه السنة مع الدراسة في الجامعة
دعواتكم كي اقبل في التخصص
وشكرا
:19::19::19:

[نبض قلبي]

االسلام عليكم :dj_17:
بارك الله فيكي اختي على طرح الموضوع
استفساري بخصوص الحفظ فانا لست من النوع الذي يحفظ كثيرا و اخاف ان اختار التخصص ولا انجح فيه فيقال ان الحفظ يطغى على الطب
مع العلم اني احب التخصص كثيرا فقداعدت البكالوريا للمرة الثانية هذه السنة مع الدراسة في الجامعة
دعواتكم كي اقبل في التخصص
وشكرا
:19::19::19:

ربي يوفقك ان شاء الله و ديري التخصص الي بغيتيه
شوفي معايا الحفظ كاين وووي
مام انا موش نكره الحفظ برك أمقته هه
لكن الحفظ و فهامة ثاني
تحفظي بذكاء و تهزي غير اللي تحتاجيه في البولي و موش راح تعاود تحفظيها كي القران
ثانيا كي تحلي لي كونترول اللي فاتو ترسخي المعلومات و مساحيل تنسايهم
بالتوفيق

[نسرين000]

صحيح أن الحفظ يطغى في الطب لكن ليس حفظ مثل الفلسفة أو الإجتماعيات و كما تقولين فأنت تحبين التخصص و بالتالي هذا سيسهل عليك دراسته

[نبض قلبي]

صحيح أن الحفظ يطغى في الطب لكن ليس حفظ مثل الفلسفة أو الإجتماعيات و كما تقولين فأنت تحبين التخصص و بالتالي هذا سيسهل عليك دراسته

ايواه هكاك بالضبط
شكرا. على الشرح
بالتوفيق

[oussama165]

ماهوش حفظ مئة بالمئة
انت اولا اذا بغيتي الطب كرغبة ديريها و لا تستمعي لاي احد
اما عن قصة الحفظ ف ممم ماكانش تخصص مافيهش الحفظ لكن نعم فيها الحفظ بنسبة كبيرة في سنوات الاولى و لكن لازم الفهم لانو في العام الاخير رح ديري ليستاج ماتعوديش تحفظي
بالتوفيق ~

[نبض قلبي]

ماهوش حفظ مئة بالمئة
انت اولا اذا بغيتي الطب كرغبة ديريها و لا تستمعي لاي احد
اما عن قصة الحفظ ف ممم ماكانش تخصص مافيهش الحفظ لكن نعم فيها الحفظ بنسبة كبيرة في سنوات الاولى و لكن لازم الفهم لانو في العامين الاخيرين رح ديري ليستاج ماتعوديش تحفظي
بالتوفيق ~

العام الاخير هو تاع الستاج موش العامين الاخرين
شكرا على التدخل
بوركت

[نبض قلبي]

shaun murphy :d:d

وووووي 🙂
...

[oussama165]

العام الاخير هو تاع الستاج موش العامين الاخرين
شكرا على التدخل
بوركت

كاينه منها الستاج عام برك أنا غلطت
بصح سمعت إشاعة راح يرجعوه 4 سنين ستاج بعد ما تخلص 6 سنين قراية و راح يطبق على سنه أولي و ثانية

[نبض قلبي]

كاينه منها الستاج عام برك أنا غلطت
بصح سمعت إشاعة راح يرجعوه 4 سنين ستاج بعد ما تخلص 6 سنين قراية و راح يطبق على سنه أولي و ثانية
مشرووع قيد التفكير و الدراسة
اسما بلاك عل 10 سنين القدام هكاك
و قادر يطبقوه
بلادنا كل ليلة بقرار

[oussama165]

مشرووع قيد التفكير و الدراسة
اسما بلاك عل 10 سنين القدام هكاك
و قادر يطبقوه
بلادنا كل ليلة بقرار
لوكان يديروها هكدا خير

[نبض قلبي]

لوكان يديروها هكدا خير

علابالك وش معناها
معناها نضربو 10 سنين جينيراليست
و باه دير التخصص نزيدو 5 سنوات
الصغير فينا يخرج 33 سنة بزااااف و كون غير جينا في دولة تستلعل تقرا على جال عبادها العوام هاذو كامل
من غدوة يجي واحد من برا ندو من عندو طريحة الامن و موش متوفر هذا ابسط حاجة
و خلي و خلي و خلي
كون غير جات الدولة مقيمتنا

[oussama165]

علابالك وش معناها
معناها نضربو 10 سنين جينيراليست
و باه دير التخصص نزيدو 5 سنوات
الصغير فينا يخرج 33 سنة بزااااف و كون غير جينا في دولة تستلعل تقرا على جال عبادها العوام هاذو كامل
من غدوة يجي واحد من برا ندو من عندو طريحة الامن و موش متوفر هذا ابسط حاجة
و خلي و خلي و خلي
كون غير جات الدولة مقيمتنا


لالا ماشي هكدا
تقراي 6 سنين و منبعد تفوتي ريزيدانا لتم إذا نجحتي تخيري تخصصو أذا لا تكملي ستاج جينيراليست
يعندي تقراي 6 سنين و منبعدها تولي طبيبة مقيمة و من المفترض معاها الأجرة تاعها

[اميرة الطموحة]

علابالك وش معناها
معناها نضربو 10 سنين جينيراليست
و باه دير التخصص نزيدو 5 سنوات
الصغير فينا يخرج 33 سنة بزااااف و كون غير جينا في دولة تستلعل تقرا على جال عبادها العوام هاذو كامل
من غدوة يجي واحد من برا ندو من عندو طريحة الامن و موش متوفر هذا ابسط حاجة
و خلي و خلي و خلي
كون غير جات الدولة مقيمتنا

اختي هل صحيح انو رح يطبقوه السنة هاذي لانو اذا طبقوه كارثة . يعني كاين قرار رسمي ولا فقط اقتراح

[نبض قلبي]

اختي هل صحيح انو رح يطبقوه السنة هاذي لانو اذا طبقوه كارثة . يعني كاين قرار رسمي ولا فقط اقتراح

اقتراح برك
مستحيل يطبقوه دوكا
مي من بعد قادر

[نبض قلبي]

لالا ماشي هكدا
تقراي 6 سنين و منبعد تفوتي ريزيدانا لتم إذا نجحتي تخيري تخصصو أذا لا تكملي ستاج جينيراليست
يعندي تقراي 6 سنين و منبعدها تولي طبيبة مقيمة و من المفترض معاها الأجرة تاعها

مالا ممكن تكون هكاك

[oussama165]

اقتراح برك
مستحيل يطبقوه دوكا
مي من بعد قادر
كاينة هادي من الصفحة الرسمية تع وزارة التعليم العالي

https://www.********.com/mesrs.dz/photos/a.1522652741347916.1073741828.1521918981421292/2191710754442108/?type=3&theater

و زيد البروف تع الأناتومي حكاتنا هاد لحكاية فالأول تع العام و منعرف إذا صح يطبقوه ولا يهدروا برك

[نبض قلبي]

كاينة هادي من الصفحة الرسمية تع وزارة التعليم العالي

https://www.********.com/mesrs.dz/photos/a.1522652741347916.1073741828.1521918981421292/2191710754442108/?type=3&theater

و زيد البروف تع الأناتومي حكاتنا هاد لحكاية فالأول تع العام و منعرف إذا صح يطبقوه ولا يهدروا برك

اي هدرة برك ملي نشفا و هم يقولو راح يزيدو غام في الميدسين تولي 8
زادوهم؟
هدرة فرات

[oussama165]

اي هدرة برك ملي نشفا و هم يقولو راح يزيدو غام في الميدسين تولي 8
زادوهم؟
هدرة فرات

العام الجاي إن شاء الله نشوفوا

[نجوم الأمنيات*]

السلام عليكم
جزاك الله خيرا على الموضوع
حاليا لا املك اي سوال ولن اسبق الاحدات
بعد النتاىج
سازعجك باسئلتي ان شاء الله :34::34:
ربي يوفقك اختي
اصبت do it with passion or not at all

[نبض قلبي]

السلام عليكم
جزاك الله خيرا على الموضوع
حاليا لا املك اي سوال ولن اسبق الاحدات
بعد النتاىج
سازعجك باسئلتي ان شاء الله :34::34:
ربي يوفقك اختي
اصبت do it with passion or not at all
Bien sure hhh
نورمال
اللي تحبيه سقسيه نجاوبوك ان شاء الله
بالتوفيق

[طالبة ع/م]

السلام عليكم و رحمة الله تعالى و بركاته

كيف حالك أختي ؟

كيف وجدتي هذا التخصص ؟ هل هو جيد أم أن التعليم أفضل؟

أنا في حيرة من أمري لم أعرف ماذا أختار مع العلم أنني أحب الطب و معدلي يسمح لي بالتوجه له

أرجوكي أفيديني برأيك حول هذا التخصص؟


و شكرا

موفقة غاليتي

[نبض قلبي]

السلام عليكم و رحمة الله تعالى و بركاته

كيف حالك أختي ؟

كيف وجدتي هذا التخصص ؟ هل هو جيد أم أن التعليم أفضل؟

أنا في حيرة من أمري لم أعرف ماذا أختار مع العلم أنني أحب الطب و معدلي يسمح لي بالتوجه له

أرجوكي أفيديني برأيك حول هذا التخصص؟


و شكرا

موفقة غاليتي
بخير الحمد لله السوال عليك
والله شوفي ، عادي قراية و براتيك يعني تخصص كباقي التخصصات عندو مميزات اكيد لانو كل تخصص و مميزاتو

بالنسبة ليا هو احسن ، التعليم وقتنا هذا صعيب
لولاد طارو و كلش تبدل
انا حسب رايي دير طب
و جامي يلعبو عليك و تشوفي للسنوات و 7 و جوسي با
والو تقراي و يفوتو والله ماتحسي اكيد التخصص هذا قراية بزاااف
و تعب لكن في الاخير بشهادة كيما هذي راح يطلعلك المورال و تنساي كلش
ربي يوفقك ان شاء الله و يوفقنا كامل

[اميرة الطموحة]

الحمد لله وبعد توفيق من الله وصلت لمعدل ليخليني ندير طب يعني ذكا نقدر نسقسي بلا خوف ههههه. اختي هذيك حكاية 6 سنين ومبعد 4 تخصص طب عام ياخي مكانش منها قصدي مخرجش قرار رسمي . حاجة اخرى انصحيني وش هي الاخطاء لي وقعتي فيها . وش هوما الحوايج لي عاونوك -فقط فضول وين هنا تقراي - لي عودة باستفسارات اخرى انشاء الله . وشكرا على هذه المبادرة الطيبة .

[نبض قلبي]

الحمد لله وبعد توفيق من الله وصلت لمعدل ليخليني ندير طب يعني ذكا نقدر نسقسي بلا خوف ههههه. اختي هذيك حكاية 6 سنين ومبعد 4 تخصص طب عام ياخي مكانش منها قصدي مخرجش قرار رسمي . حاجة اخرى انصحيني وش هي الاخطاء لي وقعتي فيها . وش هوما الحوايج لي عاونوك -فقط فضول وين هنا تقراي - لي عودة باستفسارات اخرى انشاء الله . وشكرا على هذه المبادرة الطيبة .

الحمد لله ياربي و ربي يوفقك و الف مبروووك
الحكاية هذسك منضنش كاين منها فقط مشاريع مقترحة
الاخطاء والله انا ماكنتش نعرف وش نقرا بالتحديد ووش نحفظ ثاني كنت نهز كلش
لكن في الحقيقة تهزي الحوايج الهامة و اللي ديما يدورو بيها في الكونترول
مصلا انت الكور تقرايه المرة الاولى فهامة
من بعد تعاوديلو ثم بعد حفاظة خفيفة
و تعاودي تحفظيه ، تحلي ليكونترول لازم تحلي ليكونترول باه تعرفي طريقة الاسئلة و من الافضل كل ما تقراي درس تحلي الأسئلة اللي جاو عليه في الكونترول
بالنسبة للمواد و طريقتهم موش ضرك بويسك علابالي نقولك موش حا تفهميني حتى تبداي و تشوفي باه تعرفي وش حانقولك من طريقة التصحيح و و و
بالتوفيق

[achiever.x]

السلام عليكم
انا في حيرة من امري حول اختيار تخصص الطب
ما هي الصعوبات التي واجهتها خلال دراستك
هل الفرنسية تمثل عائق السنة الاولى
و لي عودة مع اسئلة اخرى ان شاء الله شكرااا لطرح الموضوع اختي

[نبض قلبي]

السلام عليكم
انا في حيرة من امري حول اختيار تخصص الطب
ما هي الصعوبات التي واجهتها خلال دراستك
هل الفرنسية تمثل عائق السنة الاولى
و لي عودة مع اسئلة اخرى ان شاء الله شكرااا لطرح الموضوع اختي

والله شوفي
صعوبات السنة الاولى نلقاوها كامل في اي فرع
بويسك نكونو في واد و نرجعو في واد كيما نقولو
ثانيا بالنسبة ليا الفرنسية ماعنديش مشكل فيها لانو متمةنة منها الحمد لله
لكن يقراو معانا اخرين كارثة و يطلعو، بصح كي نشوفو من جهة اخرى لازم تتمكني منها باه تكوني صح في بلاصتك مايكونش عندك خلل في حاجة راح تخدمي فيها حياتك كل
و كنصيحة اختاري الطب لانو ماعندك حتى فرع بغيرها ، التعليم ولا صعيب لصعوبة الجيل، و كاين تخصصات للذكورة ماتصبحش للبنات
المهم خمي مع روحك و شوفي
في انتظار اسئلتك
بالتوفيق

[أمنية تنتظر التحقق]

السلام عليكم

أحسن المراجع المعتمدة..من كتب وقواميس....
هل ترين أنه من المستحسن أن أطلع على بعض ما في البرنامج أم لا؟

[نبض قلبي]

السلام عليكم

أحسن المراجع المعتمدة..من كتب وقواميس....
هل ترين أنه من المستحسن أن أطلع على بعض ما في البرنامج أم لا؟

والله شوفي
بالنسبة للقواميس كاين قاموس المنهل فيه كلش بصح من المستحسن انك تحملي تطبيق قاموس علمي في التلفون تاعك خير لانو تحطي الكلمة ليه ليه تخرج اضافة انو هذا المرجع ثقيل و كبير بزااف
ثانيا الكتابات جامي نقرا بمراجع او مصادر اخرى لانو قيس قيس ماتقراي مم البوليكوب كيما تفهميش حاحة كاين النت فيها كلش و بسهولة تتحصلي على المعلومة
شوفي باستثناء كتابات البروفيسور سي الصالح حمودي ربي يرحمو في موديل الاناتومي هذاك كتاباتو ملاح بالبزاااف و قريت بيهم
من المستحسن ريحو رواحكم شوي راهو الضغط هذاك و الله ماراهو مليح و راكم لاحقين على القراية حتى تعاياو منها و تولو تشكيو
مالا ريحي اشبعي عطلة ديري وش حبيتي و كي تبداو القراية ابداي على الصح خير
بالتوفيق

[أمنية تنتظر التحقق]

شكرا لك...

ما أصعب المواد في نظرك التي وجب علي التركيز فيها أكثر من غيرها

[نبض قلبي]

شكرا لك...

ما أصعب المواد في نظرك التي وجب علي التركيز فيها أكثر من غيرها

السلام عليكم
شوفي الحاجة الوحيدة المليحة في الميدسين انو المواد كامل كيف كيف ، ماتقوليش هذي اسهل و هذي اصعب و نخير بيناتهم، و كي تقرايها و عن تجربة حتى الحذف ماتقدريش تحذفي، لنو اي معلومة صغيرة متقيميهاش تضرك نهار آخر و تحقرك
يعني كلش يتركز عليه و كلش لازم يتقرا و كلش لازم نكونو ملمين بيه عل الاقل 80%
ربي يوفقك

[abdou aak]

أريد الطب لكن سمعت أنه ستضاف 3 سنوات إضافة للطب العام


يعني تصبح تدرس 10 سنوات كاملة !!

ما مدى صحة هذه المعلومة ؟!!!
وشكراا

[نبض قلبي]

أريد الطب لكن سمعت أنه ستضاف 3 سنوات إضافة للطب العام


يعني تصبح تدرس 10 سنوات كاملة !!

ما مدى صحة هذه المعلومة ؟!!!
وشكراا


الف مبروك على تحصلك لشهادة البكالوريا و مرحبا بك كزميل في الفرع
والله هم قالوا انه مشروع قيد الدراسة يعني ليس للتطبيق الآني
حاليا ماكان حتى مرسوم يقول بلي الطب راح يرجع 10 سنوات
لكن مستقبلا قادر يكون ، نحن لا نعلم
بالتوفيق

[اميرة الطموحة]

اختي في اي جامعة تدرسين
ما رايك في مستوى الطب في الجزائر وهل دراسته ممتعة
هل يمكن التحويل من الطب الى تخصص اخر كالصيدلة
ما هي الكتب التي نحتاجها . برامج .قنوات يوتيوب
هل السنة الاولى صعبة جدا
هل يكون لنا اوقات فراغ ام ان الضغط كالبكالوريا
افاق العمل . كم اجر طبيب عام . هل يمكن رفض منصب عمل بعيد عن اقامتك وانتظار اخر قريب
هذا ما تبادر لذهني حاليا وفقك الله على هذه المبادرة دكتورتنا اتمنى ان ترافقينا طوال مشوارنا الدراسي .

[نبض قلبي]

اختي في اي جامعة تدرسين
ما رايك في مستوى الطب في الجزائر وهل دراسته ممتعة
هل يمكن التحويل من الطب الى تخصص اخر كالصيدلة
ما هي الكتب التي نحتاجها . برامج .قنوات يوتيوب
هل السنة الاولى صعبة جدا
هل يكون لنا اوقات فراغ ام ان الضغط كالبكالوريا
افاق العمل . كم اجر طبيب عام . هل يمكن رفض منصب عمل بعيد عن اقامتك وانتظار اخر قريب
هذا ما تبادر لذهني حاليا وفقك الله على هذه المبادرة
دكتورتنا اتمنى ان ترافقينا طوال مشوارنا الدراسي .

*اممم مستوى الطب
ضرك انا مانحكمش عل المستوى لانو قريت في الجزائر فقط
ماخرجتش خارج الوطن و شفت لكن على حسب ظني في حاجة النظري نقراو كامل كيف كيف
و المشكل في التطبيقي اللي ناقص عندنا هنا في الجزائر
*نعم يمكن التحويل لكن لا فائدة و ماعنها حتى معنى
*شوفي كاين كتابات الاناطو تاع سي صالح حمودي ربي يرحمو الباقي كامل ماعندهم حتى معنى بحضور الانترنيت
*شوفي موش صعبة لكن برنامج كثيف شوي و مواد كثيرة
هيا صعبة شوي لانو تكوني في مرحلة ‘ و تنتقلي لمرحلة مغايرة تماما ، من حيث اللغة ، البرنامج....
*مانكذبش عليك مي ضغط البكالوريا وين يبان قدام ضغط الطب ههه، ضغط كبير لكن الواحد لازم يعرف كيفاه يقرا برك
*كاين خدمة اكيد، اجر الطبيب بين 5 ملايين حتى ل 5.5
* نعم ، تقدري ترفضي
اميين اجمعين
و ربي يوفقنا جميعا
في انتظار إستفساراتكم

[اميرة الطموحة]

*اممم مستوى الطب
ضرك انا مانحكمش عل المستوى لانو قريت في الجزائر فقط
ماخرجتش خارج الوطن و شفت لكن على حسب ظني في حاجة النظري نقراو كامل كيف كيف
و المشكل في التطبيقي اللي ناقص عندنا هنا في الجزائر
*نعم يمكن التحويل لكن لا فائدة و ماعنها حتى معنى
*شوفي كاين كتابات الاناطو تاع سي صالح حمودي ربي يرحمو الباقي كامل ماعندهم حتى معنى بحضور الانترنيت
*شوفي موش صعبة لكن برنامج كثيف شوي و مواد كثيرة
هيا صعبة شوي لانو تكوني في مرحلة ‘ و تنتقلي لمرحلة مغايرة تماما ، من حيث اللغة ، البرنامج....
*مانكذبش عليك مي ضغط البكالوريا وين يبان قدام ضغط الطب ههه، ضغط كبير لكن الواحد لازم يعرف كيفاه يقرا برك
*كاين خدمة اكيد، اجر الطبيب بين 5 ملايين حتى ل 5.5
* نعم ، تقدري ترفضي
اميين اجمعين
و ربي يوفقنا جميعا
في انتظار إستفساراتكم

بارك الله فيك اختي . شكرا جزيلا .#وردة4

[نبض قلبي]

بارك الله فيك اختي . شكرا جزيلا .#وردة4

بلا مزية خيتي
شكرا على المرور

[mohmoh5x]

السلام عليكم
هل يمكنني ان ابدا في التحضير في هذه العطلة يعني نقرا اناطومي مثلا...

[نبض قلبي]

السلام عليكم
هل يمكنني ان ابدا في التحضير في هذه العطلة يعني نقرا اناطومي مثلا...

لا ماكالاه تعيي روحك خلاص
كي تبداو تبداو على الصح خير
و موش راح تحتاج العموميات هذي
تبداو تقراو ديراكت في التفاصيل و هذيك هيا اللي تحتاجوها و يسقسوكم عليها
ريحو شوي باه تكونو واجدين لعام شارجي بزااف و مضغوط
بالتوفيق

[knovel]

شكرررررررررررررررررررررررررررررررررا لـــــــــــــــــــــــــــــــــــــــــك

[nilly]

كم هي مدة دراسة تخصص يا نبض قلبي؟
هل كل مادة تبقى لسنة كاملة او مادة فصلية يعني تنتهي المادة بنتهاء سداسي
وهل مادة الفيزياء الحيوية مادة سداسية وهل تندرس بكل سنة وباي سنة يدرسن هده المادة
كيف تسمى سنة الاولى وسنة ثانية بطب وسنة ثالثة وسنة رابعة والخامسة وسادسة
وهل كل المواد لها نفس المعامل ام ان هناك التي عندها معامل 3 و2.
وستاج وقتاة يديروه باي سنة
احدهم يريد دراسة طب اريد جمع المعلومات.

[nilly]

اين انتي يا نبض قلبي من غير المعقول كتبتي موضوعا وتركتي اسئلة الجمهور دون اجابة.

[نبض قلبي]

شكرررررررررررررررررررررررررررررررررا لـــــــــــــــــــــــــــــــــــــــــك

العفو اخي شكرا على المرور

[نبض قلبي]

كم هي مدة دراسة تخصص يا نبض قلبي؟
هل كل مادة تبقى لسنة كاملة او مادة فصلية يعني تنتهي المادة بنتهاء سداسي
وهل مادة الفيزياء الحيوية مادة سداسية وهل تندرس بكل سنة وباي سنة يدرسن هده المادة
كيف تسمى سنة الاولى وسنة ثانية بطب وسنة ثالثة وسنة رابعة والخامسة وسادسة
وهل كل المواد لها نفس المعامل ام ان هناك التي عندها معامل 3 و2.
وستاج وقتاة يديروه باي سنة
احدهم يريد دراسة طب اريد جمع المعلومات.

اهلا و مرحبا بيك الاخت نيلي
#مدة دراسة الطب 7 سنوات
#بالنسبة للسنوات الثلاث الاولى فيها مواد نقراوها عام كامل و مواد فصلية يعني مخلطين لكن الاغلب نقراوهم عام كامل يعني تقدري تقولي 3 مواد في كل عام او اقل هي مواد فصلية
#مادة فيزياء حيوية مافهمتهاش وضحيلي اكثر وش تقصدي بيها اذا فيزيك تاع الاولى طب هي مادة نقراوها عام كامل موش فصلية
#السنة الاولى و الثانية و الثالثة قبل الكلينيكي
الرابعة.حتى للسادسة كلينيكي او ميديكال
السابعة interne
#لالا موش كل مواد عندها نفس المعامل
كاين اللي 1 و كاين اللي 2 ر كايت حتى اللي 6 اللي هيا السيميولوجي
#السطاج نبداوه من السنة الثالثة طب و يكون اجباري على مستوى المستشفى الجامعي المتبوعة له الكلية
موش مشكل مرحبا بيك و اي تساؤل نجاوبوك ان شاء الله
بالتوفيق

[نبض قلبي]

اين انتي يا نبض قلبي من غير المعقول كتبتي موضوعا وتركتي اسئلة الجمهور دون اجابة.

و عليكم السلام
موش هجرت الموضوع لكن ماكنتش قاعدة فقط
تمت الاجابة على تساؤلاتك
بالتوفيق

[nilly]

الله يبارك الله يبارك انتيا دركا خلصتي ولا مزال تقراي كيما نشوف راكي في عامك الاخير لانك ماشاء الله عارفة كلشي

[نبض قلبي]

الله يبارك الله يبارك انتيا دركا خلصتي ولا مزال تقراي كيما نشوف راكي في عامك الاخير لانك ماشاء الله عارفة كلشي

يبارك في سلامتك اختي
لالا مازال ماكملتش مازالني نقرا
شكرا على المرور

[nilly]

يبارك في سلامتك اختي
لالا مازال ماكملتش مازالني نقرا
شكرا على المرور

الله يبارك شحال بقالك تخلصي لطب صعيب ان شاء الله تخلصي وترتاحي

[نبض قلبي]

الله يبارك شحال بقالك تخلصي لطب صعيب ان شاء الله تخلصي وترتاحي

ان شاء الله اختي ربي يخليك
ربي يقدرنا كامل ان شاء الله
تحياتي

[nilly]

ان شاء الله اختي ربي يخليك
ربي يقدرنا كامل ان شاء الله
تحياتي


شوفي احد اقربائي ربحالباكوغادي يديرمدسين صافي حابة نعرف منك واش هي العام الصعيب في الطب
يقلون بلي سنة الخامسة وسادسة صعاب بزاف على هاديسقسيتكشحال راكي تقراي واش من سنة باش نعرف رئيك لانه قريبي مسكين متخوف بزاف علبالي بلي كاين بزاف رسوب عندالاطباء بصح هو متخوف بزاف خصوصا كي قالوله هكدا

يعني انتي شحال سنة تقراي باش تقدري تجوبي على اسئلة قريبي لانه قتلنا بشكاوي نتاعنا .كيما راني نشوف راكي في اواخر سنوات الطب ولدلك راني نشوف حالي عند زهر لاني تلقيت بك باش تنفعينا ان شاء الله خصوصا لو كنتي سنة خامسة او سادسة تنفعينا كثر انشاء الله.

[نبض قلبي]

شوفي احد اقربائي ربحالباكوغادي يديرمدسين صافي حابة نعرف منك واش هي العام الصعيب في الطب
يقلون بلي سنة الخامسة وسادسة صعاب بزاف على هاديسقسيتكشحال راكي تقراي واش من سنة باش نعرف رئيك لانه قريبي مسكين متخوف بزاف علبالي بلي كاين بزاف رسوب عندالاطباء بصح هو متخوف بزاف خصوصا كي قالوله هكدا

يعني انتي شحال سنة تقراي باش تقدري تجوبي على اسئلة قريبي لانه قتلنا بشكاوي نتاعنا .كيما راني نشوف راكي في اواخر سنوات الطب ولدلك راني نشوف حالي عند زهر لاني تلقيت بك باش تنفعينا ان شاء الله خصوصا لو كنتي سنة خامسة او سادسة تنفعينا كثر انشاء الله.

مرحبا بيك الاخت نيلي مرة اخرى
# بالنسبة لاصعب سنوات الطب هو السنة الثالثة، عام فيه كثرة المواد+ كثرة الدروس
#شوفي هو ني نقولك وش نسمع بويسك مازال مابديتش في السيستام موديلار modulaire
المهم السنة الرابعة عادي كل موديل و لازم يطلع وحدو و مواد سهلة عادي
السنة الخامسة كاين الاوندوكرينو endocrino الموديل اللي مقلق الغاشي
السنة السادسة كاين legale , dermato , هذو اللي ني متفكرتهم يشكيو منهم ثاني
و لازم يقرا مايشوفش تاع صعيبة و ساهلة
باه نكونو واقعيين الطب موش حاجة ساهلة
لازم يكون ديما مع قرايتو و مايطلقش طول
و مالازمش يدير في بالو الرسوب لانو اذا قرا و عرف الطريقة.يجيب عامو نورمال
و لازم الصبر الصبر الصبر اكيييد
ربي يوفقنا جميعا
و ماكانش مشكل الحاجة اللي عندك عليها أدنى إستفسار نعاونوك نورمال باللي نقدرو عليه ان شاء الله
تحياتنا

[nilly]

مرحبا بيك الاخت نيلي مرة اخرى
# بالنسبة لاصعب سنوات الطب هو السنة الثالثة، عام فيه كثرة المواد+ كثرة الدروس
#شوفي هو ني نقولك وش نسمع بويسك مازال مابديتش في السيستام موديلار modulaire
المهم السنة الرابعة عادي كل موديل و لازم يطلع وحدو و مواد سهلة عادي
السنة الخامسة كاين الاوندوكرينو endocrino الموديل اللي مقلق الغاشي
السنة السادسة كاين legale , dermato , هذو اللي ني متفكرتهم يشكيو منهم ثاني
و لازم يقرا مايشوفش تاع صعيبة و ساهلة
باه نكونو واقعيين الطب موش حاجة ساهلة
لازم يكون ديما مع قرايتو و مايطلقش طول
و مالازمش يدير في بالو الرسوب لانو اذا قرا و عرف الطريقة.يجيب عامو نورمال
و لازم الصبر الصبر الصبر اكيييد
ربي يوفقنا جميعا
و ماكانش مشكل الحاجة اللي عندك عليها أدنى إستفسار نعاونوك نورمال باللي نقدرو عليه ان شاء الله
تحياتنا

بصح ماجاوبتنيش انتي واش من سنة تقراي انا راني حابةنجيبله كراراس سنة الاولى وثانية

[نبض قلبي]

بصح ماجاوبتنيش انتي واش من سنة تقراي انا راني حابةنجيبله كراراس سنة الاولى وثانية

مرحبا بيك اختي
انا نقرا ثالثة طب اوكي
و الكرارس ماكالاه تجيبيلو لانو مستحيل يلحق يقرا بيهم
بالتوفيق

[nilly]

مرحبا بيك اختي
انا نقرا ثالثة طب اوكي
و الكرارس ماكالاه تجيبيلو لانو مستحيل يلحق يقرا بيهم
بالتوفيق

املا لنتقلتي لسنة رابعة
للاسف لو كان جيتي سنة اولى لو ثانية احسن كنت تمديلي كرارسكي سنة اولى وثانية

[achiever.x]

السلام عليكم أختي قلتلك لي عودة و هاني جيت ههه أولا عيدك مبارك و لعقوبة لكل عام
ثانيا حبيت نسقسيك على السنة الأولى...كيفاه نقدر نتأقلم مع الجامعة و هل حقا صعيبة للدرجة لي يوصفوها الغاشي؟
هل من كتب نحتاج نشريهم؟
ما هي طبيعة الدروس؟ وش نقدر ندير باش نوجد للعلم الأول من الطب قبل الدخول المدرسي؟
و شكراااا ❤

[نبض قلبي]

السلام عليكم أختي قلتلك لي عودة و هاني جيت ههه أولا عيدك مبارك و لعقوبة لكل عام
ثانيا حبيت نسقسيك على السنة الأولى...كيفاه نقدر نتأقلم مع الجامعة و هل حقا صعيبة للدرجة لي يوصفوها الغاشي؟
هل من كتب نحتاج نشريهم؟
ما هي طبيعة الدروس؟ وش نقدر ندير باش نوجد للعلم الأول من الطب قبل الدخول المدرسي؟
و شكراااا ❤

و عليكم السلام و رحمة الله تعالى و بركاته
ههه مرحبا بيك مرة أخرى و صح عيدكم و كل عام و انتم بالف خير و تعيدو بالصحة و الهنا
1)و الله شوفي هو كل واحد و طبيعتو
اللي مالف مايدورش بزااف و مايبعدش على دارهم بالكثير راح يلقى اشكال ف الاول لكن مع الولف يروح المشكل، حاجة لازمة ماعندك ماديري راها قرايتك
2)هي حاجة صعيبة كمواد و دروس لالا موش صعيبة.مي المشكل الاساسي في الطب وشنو هو ، شوفي معايا الاساس انك تعرفي طريقة تاع القراية اوكي
كي تخرجي على الشيستام تاع القراية تضمني تطلعي عامك مع المخيرين
3) بالنسبة للكتب كاين زوج تاع البروفيسور ربي يرحمو سي الصالح حمودي(اناطومي)
4) التوجاد ماعندو حتى معنى، كي تبداي تقراي ابداي ضربة وحدة احسن و عندك ماتقراي عام كامل ضغط دروس+ تيديات
يعني ديما قرايا
ريحي روحك مليح
حتى و ان ضربتي طلة موش راح تقدري تقراي لانو حتى تبداي باه تعرفي الطريقة الصحيحة كيفاه
ربي يوفقك و يوفقنا جميعا

[kacimo.samy]

السلام عليكم
مشكورة اخت نبض على هذه الخدمة التي تقدمها

جزاك الله كل خير

[نبض قلبي]

السلام عليكم
مشكورة اخت نبض على هذه الخدمة التي تقدمها

جزاك الله كل خير


باارك الله فيك الاخ قاسم
ربي يحفظك😊

[hayla.star]

كم هوجميل هدا التخصص لا تصعبوها على انفسكم فاالكثير يتمناه ولا يتحصل عليه

[نبض قلبي]

كم هوجميل هدا التخصص لا تصعبوها على انفسكم فاالكثير يتمناه ولا يتحصل عليه

ربي يقدرنا و يوفقنا جميع
بارك الله فيك

[أنين فتاة الريح]

هل صحيح ان النقطة الاقصائية اصبحت 7 ؟؟؟وهل حقا تم حذف مادة Génétique واضافة مادة اللغات الاجنبية ؟؟؟

[نبض قلبي]

هل صحيح ان النقطة الاقصائية اصبحت 7 ؟؟؟وهل حقا تم حذف مادة génétique واضافة مادة اللغات الاجنبية ؟؟؟

السلام عليكم
كما سمعنا هو كذلك يعني صحيح
لانها قوانين تم المصادقة عليها
اما من ناحية التطبيق الله اعلم

بالتوفيق للجميع

[الاسكندر الاكبر]

.بارك الله فيك اختاه ، مبادرة طيبة و مباركة ان شاء الله تعالى ، وفقك في مشوارك ، لم يبق الكثير


سؤال ،هل يستحق الطب كل المكانة التي يعطيها له المجتمع ، فنجد الطالب اذا ذكر انه يدرس الطب امام مجموعة مثلا تجدهم اول ما يتبادر اليهم انه قراي و الله يبارك عليه وطبيب المستقبل ووو....،

حدثينا من فضلك عن تخصص الريزيدانا ، و هل حقا تسالون عن الست سنوات الماضية كلها ،؟ ، اعلم انه يتم اختيار تخصصك على حسب نتيجتك في الاختبار ، فما هي التخصصات الموجودة بالجزائر ، و لماذا الطلبة لا يتجهون الى جميعها مثلا الهندسة الوراثية و الخلوية ...

بوركت اختاه ، ،

اللهم توفيقك في شهادة البكالوريا

[نبض قلبي]

.بارك الله فيك اختاه ، مبادرة طيبة و مباركة ان شاء الله تعالى ، وفقك في مشوارك ، لم يبق الكثير.


سؤال ،هل يستحق الطب كل المكانة التي يعطيها له المجتمع ، فنجد الطالب اذا ذكر انه يدرس الطب امام مجموعة مثلا تجدهم اول ما يتبادر اليهم انه قراي و الله يبارك عليه وطبيب المستقبل ووو....،

حدثينا من فضلك عن تخصص الريزيدانا ، و هل حقا تسالون عن الست سنوات الماضية كلها ،؟ ، اعلم انه يتم اختيار تخصصك على حسب نتيجتك في الاختبار ، فما هي التخصصات الموجودة بالجزائر ، و لماذا الطلبة لا يتجهون الى جميعها مثلا الهندسة الوراثية و الخلوية ...

بوركت اختاه ، ،

اللهم توفيقك في شهادة البكالوريا


السلام عليكم و رحمة الله
اميين يا ربي و ربي يوفقك في شهادة البكالوريا و يوصلك للتخصص اللي حاب تلحقلو ان شاء الله
*** و الله يا اخي مثلما قلت ، يعني هاته هي سمعة الطبيب منذ الأزل لصعوبة التخصص و طول مدته ،اضافة الى انها من أنبل المهن
فالطب في حد ذاته له مكانه خاصة عند الجميع ، و دارسه يحضى بشرف وصوله أكيد
***التخصص= امتحان الريزيدانا،
عادي ،هو امتحان يجتازه كل طبيب بغد إنهاءه للسبع سنوات و ذلك من أجل التخصص في مجال معين
للدراسة من اجل هذا الامتحان على العموم يحتاج اعادة دراسة مادرس في 6 سنوات باستثناء الفيزيك و الستاتيستيك (مواد تدرس في السنة الأولى)
بعد يوم من اجتياز الامتحان تظهر النتيجة
يتم ترتيب الناجحين حسب معدلاتهم
مثلا لدينا 100 مقعد بتخصصات مختلفة
يختار كل ناجح التخصص الذي يريده ، للاوائل حظ اختيار التخصص المرغوب اما عن البقية فسيكون اختيارهم حسب المقاعد المتبقية

*** بالنسبة للتخصصات يوجد معظمها : الجراحة بانواعها ، امراض القلب و الشرايين ، الغدد ، ميكريبيو ، بارازيتو ، الامراض النسائية و التوليد ... الى غير ذلك
نعم يوجد تخصص الهندسة الوراثية (الجينيتيك)

و فيك بارك الرحمان
و ربي يوفقنا جميع
دعواتكم😊

[الاسكندر الاكبر]

السلام عليكم و رحمة الله
اميين يا ربي و ربي يوفقك في شهادة البكالوريا و يوصلك للتخصص اللي حاب تلحقلو ان شاء الله
*** و الله يا اخي مثلما قلت ، يعني هاته هي سمعة الطبيب منذ الأزل لصعوبة التخصص و طول مدته ،اضافة الى انها من أنبل المهن
فالطب في حد ذاته له مكانه خاصة عند الجميع ، و دارسه يحضى بشرف وصوله أكيد
***التخصص= امتحان الريزيدانا،
عادي ،هو امتحان يجتازه كل طبيب بغد إنهاءه للسبع سنوات و ذلك من أجل التخصص في مجال معين
للدراسة من اجل هذا الامتحان على العموم يحتاج اعادة دراسة مادرس في 6 سنوات باستثناء الفيزيك و الستاتيستيك (مواد تدرس في السنة الأولى)
بعد يوم من اجتياز الامتحان تظهر النتيجة
يتم ترتيب الناجحين حسب معدلاتهم
مثلا لدينا 100 مقعد بتخصصات مختلفة
يختار كل ناجح التخصص الذي يريده ، للاوائل حظ اختيار التخصص المرغوب اما عن البقية فسيكون اختيارهم حسب المقاعد المتبقية

*** بالنسبة للتخصصات يوجد معظمها : الجراحة بانواعها ، امراض القلب و الشرايين ، الغدد ، ميكريبيو ، بارازيتو ، الامراض النسائية و التوليد ... الى غير ذلك
نعم يوجد تخصص الهندسة الوراثية (الجينيتيك)

و فيك بارك الرحمان
و ربي يوفقنا جميع
دعواتكمï؟½ï؟½

اذن فعلا الطب يستحقها ، لمعانات طلابه ، اعانكم الله اذن ،

اعلم اني اكثرت استسمحك عذرا لكن سؤال اخير ،:1:

بما انك في الميدان ، علك تشاهدين او سمعت عن السلاسل الطبية او ان صح التعبير المسلسلات الطبية الامريكية الشهيرة مثل
grey's anatomy , code black
the good doctor , هذا الاخير المفضل لدي ، ، السؤال ، هل ترين الدراما الطبية التي في هذ. les seriesمشابهة لما يحدث في المستشفيات ، من ناحية مثلا عندما نشوفو المرضى يقفون حول الدكتور و يسالونه عن مريضهم و عن العملية ،

و كيف هي المستشفيات (اقصد هنا التي تجرى فيها العمليات الجراحية ) مثلا غرفة العمليات هل هي حقا بتلك النظافة ؟، و كل تلك الاجهزة ،؟ و ذلك اللباس الازرق و القبعة ..

و ايضا مثلا عندما تسوء حالة مريض فجأة ، او عندما يحدث حادث مرور حفظنا الله مثلا

هل يحدث ان الطبيب المقيم يركض و الجميع يركض و يصرخ جهزوا غرفة العمليات ، ،

و آلاتهم و تقنياتهم نفسها تماما التي نراها ؟

اعتذر مجددا :1:

بوركت ، وفقنا الله في تحصيلاتنا للعلوم

[نبض قلبي]

اذن فعلا الطب يستحقها ، لمعانات طلابه ، اعانكم الله اذن ،

اعلم اني اكثرت استسمحك عذرا لكن سؤال اخير ،:1:

بما انك في الميدان ، علك تشاهدين او سمعت عن السلاسل الطبية او ان صح التعبير المسلسلات الطبية الامريكية الشهيرة مثل
grey's anatomy , code black
the good doctor , هذا الاخير المفضل لدي ، ، السؤال ، هل ترين الدراما الطبية التي في هذ. Les seriesمشابهة لما يحدث في المستشفيات ، من ناحية مثلا عندما نشوفو المرضى يقفون حول الدكتور و يسالونه عن مريضهم و عن العملية ،

و كيف هي المستشفيات (اقصد هنا التي تجرى فيها العمليات الجراحية ) مثلا غرفة العمليات هل هي حقا بتلك النظافة ؟، و كل تلك الاجهزة ،؟ و ذلك اللباس الازرق و القبعة ..

و ايضا مثلا عندما تسوء حالة مريض فجأة ، او عندما يحدث حادث مرور حفظنا الله مثلا

هل يحدث ان الطبيب المقيم يركض و الجميع يركض و يصرخ جهزوا غرفة العمليات ، ،

و آلاتهم و تقنياتهم نفسها تماما التي نراها ؟

اعتذر مجددا :1:

بوركت ، وفقنا الله في تحصيلاتنا للعلوم

السلام عليكم
ههه و الله عجبتني تخيلاتك و تعابيرك ماشاء الله ، انت نسحقوك بيناتنا العام الجاي ان شاء الله،
لم تكثر ، عادي نحن في الخدمة ، واطرح تساؤلاتك التي تريد ، لامانع
و الله يا اخي لست من هوات المسلسلات بتاتا
لكن شاهدت الحلقات الاولى من تلك السلسلة the good doctor
صاحا، من ناحية العلاقة بين المسلسلات الطبية و المستشفيات الجزائرية علاقة انفصالية ، لا علاقة
في المستشفى الجزائري كون ماتكونش بمعارفك و كتافك السطاج و مايطيرلكش الا من رحم ربي
حضور العمليات انت و مورال الطبيب ، اذا طحتلو في القوسطو هاهو يدورك معاه ، ماطحتلوش في القوسطو خلات عليك😂😂
ضركا على حساب الطبيب ، يوجد اطباء ماشاء الله ، تربية علم قراية ، وكاين اطباء آخرون اعوذ بالله
اصدقك القول، على حسب وين انا درت السطاج و وين حضرت العمليات ، لا علاقة لها بواش راك تتفرج و تشوف
من ناحية النظافة نفس الشي موش حاجة باينة عادي مي مايلحقوش للمستشفيات الاجنبية في ابسط الاشياء باه يكون في علمك
من ناحية اللباس يوجد لباس مخصص اكيد لكن لباس تاع الطبيب ، يعني انت و دراهمك ههه
عندما تسوء حالة المريض
و الله يا اخي ديما نقولك على حساب الطبيب
اذا كان طبيب حار و انساني موش غير يجري ، يطير
مي اذا طحنا في واحد من جماعة الرقاد هذاك راهو يدير الغدة و مايتحرك الا بالمحاولات
حتى من ناحية الاجهزة نفس الشيء
يعني على حسب المستشفى
و من الاخير و موش نطيحلك المورال ، المقارنة بين مستشفياتنا و الاجانب ، كالمقارنة بين شيء واقعي و خيالي
و دير في بالك حاجة ، اللي هاز مستشفيات الغرب هم اطباءنا و الفرق بين هنا و هناك من ناحية التجهيز+ عقليات الشعب
الهيه واحد من العامة يغلط مع الطبيب يسلك
لكن حنا مع الاسف ندو الضرب حتى نكرهو و ماكاين حتى قانون يحميك
لكن لا يعني انه بكلامنا هذا نمقت هاته المهنة
بالعكس ان كانت من طموحاتك ، اجتهد من اجل تحقيقها
و امدد كل طاقاتك لبلوغ اعلى المراتب بها
ربي يوفقك و يوصلك للمبتغى تاعك
دعواتكم

[الاسكندر الاكبر]

السلام عليكم
ههه و الله عجبتني تخيلاتك و تعابيرك ماشاء الله ، انت نسحقوك بيناتنا العام الجاي ان شاء الله،
لم تكثر ، عادي نحن في الخدمة ، واطرح تساؤلاتك التي تريد ، لامانع
و الله يا اخي لست من هوات المسلسلات بتاتا
لكن شاهدت الحلقات الاولى من تلك السلسلة the good doctor
صاحا، من ناحية العلاقة بين المسلسلات الطبية و المستشفيات الجزائرية علاقة انفصالية ، لا علاقة
في المستشفى الجزائري كون ماتكونش بمعارفك و كتافك السطاج و مايطيرلكش الا من رحم ربي
حضور العمليات انت و مورال الطبيب ، اذا طحتلو في القوسطو هاهو يدورك معاه ، ماطحتلوش في القوسطو خلات عليك😂😂
ضركا على حساب الطبيب ، يوجد اطباء ماشاء الله ، تربية علم قراية ، وكاين اطباء آخرون اعوذ بالله
اصدقك القول، على حسب وين انا درت السطاج و وين حضرت العمليات ، لا علاقة لها بواش راك تتفرج و تشوف
من ناحية النظافة نفس الشي موش حاجة باينة عادي مي مايلحقوش للمستشفيات الاجنبية في ابسط الاشياء باه يكون في علمك
من ناحية اللباس يوجد لباس مخصص اكيد لكن لباس تاع الطبيب ، يعني انت و دراهمك ههه
عندما تسوء حالة المريض
و الله يا اخي ديما نقولك على حساب الطبيب
اذا كان طبيب حار و انساني موش غير يجري ، يطير
مي اذا طحنا في واحد من جماعة الرقاد هذاك راهو يدير الغدة و مايتحرك الا بالمحاولات
حتى من ناحية الاجهزة نفس الشيء
يعني على حسب المستشفى
و من الاخير و موش نطيحلك المورال ، المقارنة بين مستشفياتنا و الاجانب ، كالمقارنة بين شيء واقعي و خيالي
و دير في بالك حاجة ، اللي هاز مستشفيات الغرب هم اطباءنا و الفرق بين هنا و هناك من ناحية التجهيز+ عقليات الشعب
الهيه واحد من العامة يغلط مع الطبيب يسلك
لكن حنا مع الاسف ندو الضرب حتى نكرهو و ماكاين حتى قانون يحميك
لكن لا يعني انه بكلامنا هذا نمقت هاته المهنة
بالعكس ان كانت من طموحاتك ، اجتهد من اجل تحقيقها
و امدد كل طاقاتك لبلوغ اعلى المراتب بها
ربي يوفقك و يوصلك للمبتغى تاعك
دعواتكم

آخ ، كما توقعت ، كنت اعتقد ان كل الاطباء انسانيين و حارين مثلما قلت مثل اطبائهم ، لكن هم ايضا فيهم الخامل و الكسول (معا لاجل رفع المورال:1:)
، لا باس ، بوركت على شرحك ،خابت خيالاتي ، كنت اتوقع من كل هذا الاحترام و التقديس الذي اراه للمهنة انعكاسا على ارض الميدان ، لا يكفي ان التخصص الذي احلم به غير موجود ، و التخصصات الراقية في مجتمعنا (الطب ) هالكينها .

اشكرك اختاه توضيحك ، الشرح ممتاز ، وفقك الله و تشجعي فلم يبقى الكثير

السلام عليكم ..

[نبض قلبي]

آخ ، كما توقعت ، كنت اعتقد ان كل الاطباء انسانيين و حارين مثلما قلت مثل اطبائهم ، لكن هم ايضا فيهم الخامل و الكسول (معا لاجل رفع المورال:1:)
، لا باس ، بوركت على شرحك ،خابت خيالاتي ، كنت اتوقع من كل هذا الاحترام و التقديس الذي اراه للمهنة انعكاسا على ارض الميدان ، لا يكفي ان التخصص الذي احلم به غير موجود ، و التخصصات الراقية في مجتمعنا (الطب ) هالكينها .

اشكرك اختاه توضيحك ، الشرح ممتاز ، وفقك الله و تشجعي فلم يبقى الكثير

السلام عليكم ..



الله غالب انها الجزائر
كلش يصلح جات في الطب و حبست ههه
معليش
تشجع و جيب المعدل اللي تقدر دير بيه كلش يعني التميز
يبقى اختيارك حسب رغبتك أنت ، و قادر كون تجيك فرصة العمل خارج الوطن و تلحق وين راك باغي علاه لالا
ربي يوفقنا جميع

[samitareq]

السلام عليكم
هل تدرسين بالعاصمة
لدي أسئلة عنها

[نبض قلبي]

السلام عليكم
هل تدرسين بالعاصمة
لدي أسئلة عنها

و عليكم السلام
لا ، مع الأسف
لكن ان اردت طرح اسئلة عامة سنساعد ان كان بوسعنا
بالتوفيق

[oum taim]

السلام عليكم .شكرا على هذا الموضوع .هل بامكانك اخباري عن معدلاتك الفصلية؟؟؟؟؟؟؟؟

[samitareq]

شكرا لك أختي
أنا كطالب أقيم في ولاية بها كلية طب .. أريد أن أسأل عن التطبيق
من ناحية النظري أظن انني أستطيع أن أعوض النقص عبر ما يُسمى "الخببيش " :1::1::1: هههه دون الحاجة لتغيير الكلية
مرات أنوي الذهاب للعاصمة ولكن أريد ان أعرف حقا: هل يوجد فعلا داع للذهاب إلى العاصمة ؟

ماهي المعايير التي تحدد ان التطبيق في ولاية ما أفضل من ولاية أخرى ؟
هل هي عدد الحالات التي توجد في ولاية دون أخرى ؟
أم المعدات التي يتوفر عليها المستشفى الجامعي ؟
خبرة الاساتذة وقدراتهم العلمية ؟
قدرة الاساتذة على توصيل المعلومة؟
هل العدد يؤثر على التطبيق ؟
....

[طالبة طب باذن الله]

السلام عليكم
انا طالبة طب سنة اولى اريد برنامج لتنظيم الوقت اي للمراجعة لأن مر علينا شهر و الدروس بدأت إذن كيف أتعامل مع هذه المواد رجااء احتاج مساعدة

[samitareq]

حديثيني عن سنة رابعة طب هل الاهم هو النظري أم التطبيبقي ؟

[نبض قلبي]

شكرا لك أختي
أنا كطالب أقيم في ولاية بها كلية طب .. أريد أن أسأل عن التطبيق
من ناحية النظري أظن انني أستطيع أن أعوض النقص عبر ما يُسمى "الخببيش " :1::1::1: هههه دون الحاجة لتغيير الكلية
مرات أنوي الذهاب للعاصمة ولكن أريد ان أعرف حقا: هل يوجد فعلا داع للذهاب إلى العاصمة ؟

ماهي المعايير التي تحدد ان التطبيق في ولاية ما أفضل من ولاية أخرى ؟
هل هي عدد الحالات التي توجد في ولاية دون أخرى ؟
أم المعدات التي يتوفر عليها المستشفى الجامعي ؟
خبرة الاساتذة وقدراتهم العلمية ؟
قدرة الاساتذة على توصيل المعلومة؟
هل العدد يؤثر على التطبيق ؟
....

السلام عليكم
نعتذر عن التأخير في الرد للانشغالات
و الله يا أخي النظري حسب الجامعة التي تدرس بها
فيما يخص العاصمة يقال انها جيدة من ناحية التطبيق و ذلك.لتوفر الامكانيات و العتاد الخاص
المعايير كما ذكرت لك ، من ناحية العتاد و التجهيزات اضافة الى حظوظ وجود دكاترة عمالقة في الطب في الولايات الكبيرة من الوطن
قدرة الأساتذة ، و الله حسب ظني كلهم كيف كيف
يعني لهم نفس المستوى ، و الاجتهاد يبقى من ناحية الطالب
اكيد يؤثر على التطبيق و تاثيره سلبي
لازم تتلاح و تدخل ديما
جامي تكون يجنب و لا تستنى حتى يعيطولك
و هو يعني الامانة لله
كي يكون الطالب يتربص عند طبيب يعرفو احسن بكثير كثير
بالتوفيق ان شاء الله
دعواتكم😊

[نبض قلبي]

السلام عليكم
انا طالبة طب سنة اولى اريد برنامج لتنظيم الوقت اي للمراجعة لأن مر علينا شهر و الدروس بدأت إذن كيف أتعامل مع هذه المواد رجااء احتاج مساعدة

و عليكم السلام و الرحمة و الإكرام
اكيد نساعدوك ماكانش مشكل
اولا هي مسألة تنظيم وقت فقط
يعني تحط كور اقرايه، و احفظيه
جيبي مدة بمدة و ارجعي طلي عليه باه ماتنسايش
حلي ليكونطرول تاع الاعوام الماضية لتعلم طريقة طرح الاسئلة
بالنسبة للشيمي، بيوشيمي، فيزيك ، ستات
عليك و على التيديات
عاودي حليهم ديما و هزي من الكور القوانين اللي حليتو بيهم في التيدي
الاناطومي ، استعملي من الافضل كتب البروفيسور سي حمودي لانها غنية عن التعريف، ملمة بكل مايخص هذا المجال
و كشما عندك اسئلة تفصيلية فيما يخص كيفية دراسةمادة معينة
قومي بطرحها للمساعدة
بالتوفيق
دعواتكم😊

[نبض قلبي]

حديثيني عن سنة رابعة طب هل الاهم هو النظري أم التطبيبقي ؟

و الله يا أخي على حسب وش يقولولي
الاثنان معا.
نظري و تطبيقي في نفس الوقت
يعني دراستك للنظري تطبق
بالتوفيق

[اميرة الطموحة]

اختي عاونيني الفيزيك عييت نقراها صحصح كارثة الاستاذ يدير الكور بداتاشو وميحطش بوليكوب حتا يخلص طول الشابيتر وبدينا ليتيدي عييت كيفاه نقراها . ثاني حاجة من فضلك اذا عندك قنوات في اليوتيوب ولا مواقع نستفاد منهم واخر حاجة ممكن نعرف وين ولاية تقراي .

[نبض قلبي]

اختي عاونيني الفيزيك عييت نقراها صحصح كارثة الاستاذ يدير الكور بداتاشو وميحطش بوليكوب حتا يخلص طول الشابيتر وبدينا ليتيدي عييت كيفاه نقراها . ثاني حاجة من فضلك اذا عندك قنوات في اليوتيوب ولا مواقع نستفاد منهم واخر حاجة ممكن نعرف وين ولاية تقراي .

السلام عليكم
الفيزيك كي يحطلكم الكور و لا هزيهم من الارشيف.

كي تقراو في التيدي عادي ماتتقلقيش
المهم كي تروحي عاودي حليه باه تشفاي عليه برك هذاك هوو الاهم
جامي يغروك اللي يحلو ليتيدي و يجيبوهم واجدين كون ديري بالك يطيحولك المورال فرات
اذا عادي ، ركزي عالقوانين اللي يديررهملك في التيدي ، و كي ترجعي عاودي حلي التيدي نتاعك
اليوتوب مانكذبش عليك ماكناش نركزو منهم بزاف
اسما كي مانفهموش نحوسو بالمعلومة برك ،

و الحاجة اللي بغيتي تسقسيها موش مشكل
بالتوفيق
دعواتكم

[lamia61]

السلام عليكم الطب في تلمسان ماشي كيما وهران وبلعباس خصوصا في السنة الرابعة سيستام موديلار هما يجمع التيدي والكور يبلعو فيسع وفي تلمسان حتى اذا جبت 16 في التيدي و 8في الكور تدخل راترابج هذا انا اعتبره ظلم وماشي عدل الطلبة طب في تلمسان راهم يعانون حتى عي الكيسيام في التصحيح جيب 2 اسئلة صحيحة 1 خاطئة يعكوك 0 لهذا السبب الناس راهي تهرب لوهران وبلعباس الواحد يحفظ حتى يهبل في الاخر ما تدي معاهم والو الاساتذة متكبرين فزق اللازم نطلب منهم برحم شوية ولا يديرو كيما وهران ولابلعباس في الاخر عندما يتخرجو كلهم اطباء ماكانش فرق وحد الداها بالساهل والاخر بالمعانات منكل النواحي نطلب العدل