تنبيه لابطال 2019

[ورد الاوليف]

السلام عليكم شوفو ابطال 2019 ماتتسمعوش لي يقولو ليكم ماتقروش في عطلة الصيف راهي غير راحة لا والف لا كن تجو تشوفو القرااين لي جابو 16 فما فوق بداو مالصيف تداركو اخطائهم ودارو la base تاعهم وسيرتو سيرتو كي يكون تلميذ ناقص شوية وماقراش مليح في ثاني ثانوي لعل اهم امر ومعظم الناس نادمين عليه ماقروش في الصيف لانه كاين شي حوايج لازمك تقراها في الصيف ولي مالقاش روحو في الفترة الاولى ولا جاب معدل طايح بزاف والله يتعب بزاف بزاف باه يطلع المستوى تاعو ودائما يبقى متاخر بفصل ايماجيني انت ماقريتش الفترة الاولى فالصيف ولا اديت لمحة عليها راح تتعب فيها شوية خصوصا هذوك لي ماقراوش بيا في دوزيام ولا لي مالفين يجيبو entre 13 و 12 و11 وحابين ينجحوا يمعدل عالي ياو اقسم بالله تتعبو ويبقى همكم انكم تفهموا الفصل الاول ويدخل عليكم الفصل الثاني ويفوتكم زيد يجي الفصل الثالث انتم هذاك وين تكونو رح تبدو تفهمو الفصل الثاني غير تكملوه op جا لباك وانتم الفترة الثالثة ماقريتوهاش قع
لذااااااااااااااااااااااا اني نهدر مع لي حابين يجيبو معدلات تليق بيهم غير ديروا لا باز من ذرك واسمعو ليا والله لمصلحتكم وهذي لحكاية توصفني انا والله وكيما قالو سقسي المجرب ولا تسقسي طبيب والسلام عليكم ورحمة الله وبركاته:)

[Aya Ya]

أيوااه :19:



ps ; اذا تمعني عليا ههه انا قتلك نتي متقرايش فليفاكنس مي صحاب 2019 مدبيا يقراو من الان وميوقعوش في الخطا ;)

[ورد الاوليف]

أيوااه :19:



ps ; اذا تمعني عليا ههه انا قتلك نتي متقرايش فليفاكنس مي صحاب 2019 مدبيا يقراو من الان وميوقعوش في الخطا ;)
لالالا
والله العظيم لا اقصد احدا لكن اريد من الاشبال يعرفو بلي لازم يقرو ذرك بعيدا عن الاراء لي تشوشهم وحكيت ليهم تجربتي فقط لا تفهميني غلط اختي اية والله :)

[رانية ة]

معك حق =)
ماذا اتفقتم حول تووقبت المات ؟؟؟

[ورد الاوليف]

معك حق =)
ماذا اتفقتم حول تووقبت المات ؟؟؟

درت موضوع اختي رانية تقدري تشاركي برايك فيه :)

[صانع~ الآمل‿]

انا اتفق معكم في ذلك للاسف ضااع مني الكثير لكن لا باس القادم افضل باذن الله
كل التوفيق لكم اصدقائي
تقبلو مروري .... سلام

[الاسكندر الاكبر]

و الله غير رانا حاصلين انا مقريتش مليح رياضيات في الدوزيام و معرفتش كيفاه نقراها في الصيف ارجوا النصائح

[Mr.R]

أنا نجي ضدكم جميعا ههه
اللي باغي يدي الباك بمعدل مليح ولا بمعدل عادي
يبدا من سبتمبر
وش الفايدة كي تبدا تقرى حاجة قبل مايقروهالك
فوتوا صيف آلاز
يا خاوتي ماشي واحد ولا زوج ولا 3 تع ناس داروها , بزااف ناس نعرفهم داروها
راح تعياو و تكرهو القراية بلخف
هيا كي تقرب الدخلة , الرجوع للمدرسة ريقلو شوية صوالحكم
هذي بالنسبة لي باغي يقرا روحه بلا ليكور
+ ليكور ماتبداوهمش حتا تشوفو الاساتذة اللي يقروكم يعني حتى شهرين ممبعد او اكثر

+++ اللي يجيبو الامتياز , كيما هذيك لي جابت 19 العام ليفات من وهران
كي سقساوها قالتلهم المراجعة اليومية
لوكان تبداو من بداية السنة تبعو الاساتذة غاية وش ييقروكم و تراجعو وحدكم / بدون دروس خصوصية /
التالي التالي فيكم يجيب 14 15 عادي


متعطوش للباك أهمية كبيرة , راح تندموا

[اللوتس الاحمر]

لطفا بأنفسكمـ يا كرامـ
العطلة الصيفية للراحة اخوتي
هناك من بدء الدراسةمنذ الصيف و في النهاية معدله لم يتعدى 14
وقت الدراسة دراسة ووقت الراحة راحة
أغلبكم سيمل في النهاية في وقت الجد بصدق فما الفائدة آنذاك ?
ادرس بذكاء وليس بجهد
والله الموفق

[أمـــــــــِينَــــة♡]

و الله ياختي لي نعرفهم جابو مليح مكان لا قراية فصيف لا والو
يليق يتداركو الامور الصغيرة من القرايا و يفهمو لبروقرام و كي يبدا لعام ننصحهم بليكوغ يتبعو فلكلاصة و ليكوغ مع حل تمارين كل نهار و درسه
هدا انسان مشي روبو نعرف شحال من وحدين بداو يقروا و كثفوا القرايا و كملت بيهم مرهقين و نساو كلش
لباك مراهش حاجة كبيرة قاع هاك لهدا لا داعي للخوف و مكلاه تكثفوا القرايا من درك
و الليالي البيضاء متنفع لوالو تعب برك و هادي قالوها كبار و عندهم الخبرة

بتوفييق

[أمـــــــــِينَــــة♡]

لطفا بأنفسكمـ يا كرامـ
العطلة الصيفية للراحة اخوتي
هناك من بدء الدراسةمنذ الصيف و في النهاية معدله لم يتعدى 14
وقت الدراسة دراسة ووقت الراحة راحة
أغلبكم سيسأم في النهاية في وقت الجد بصدق فما الفائدة آنذاك ?
ادرس بذكاء وليس بجهد
والله الموفق


و الله هذا رأيي انا ايضا و عن تجربة

[بشرئ عاشقة العلم]

نعم
اتفق معكي بخصوص هده النقطة انا شخصيا تمنيت لو اني انهيت فيديوهات نور الدين في الصيف
و لكن لا تكثفوا البرنامج كثيرا في هده العطلة حتئ لا تملوا فيما بعد

[اخت الرجل]

الدراسة في الصيف لاجدوي منها غير تشوف نقائصك تاع المواد الادبية ولي يقول بلي مات وفيزيك ماكان حتى حاجة تصيب روحك قاريها مقبل تقريبا كلشي جديد برك تكون دراستك يومية وكل المتفوقين عندهم نفس هذا الراي والله اعلم انا نعرف بزاف ناس بدات مصيف وفلعاب تصيبهم يقراو وحد لقراية غير مجدية زعمة ليه انا ننصحكم ريحو قد لي طيقو خاوتي قدامكم عام يكفي ويتزايد كيتعطو لكل شي حقو ,

وتبقى مجرد نصيحة لاصحاب بكالوريا 2019

[djoumana rayen]

اتفق معك بكل كلمة اوليفيتي 💙 والله ندمت كثيرا كي مابديتش فالصيف ولي نعرفهم بداو فالصيف كامل تحصلوا على معدلات عالية بالطبع مانحكوش على لي جابت اكبر معدل وطني 19 ولي يجيبوا 18 هذوك ماشاء الله قدراتهم عالية اعلى من الانسان الطبيعي وارادتهم قوية مشمحتاجين لا دراسة فالصيف لا لي كور نحكوا على هذوك لي مالفين يجيبوا 13 14 وحتى 12 وحابين يجيبوا معدلات عالية
اتفهمك اوليفية عندك الحق سقسي لمجرب وماتسقيش الطبيب وحنا جربنا وشفنا ويبقى لكل ذي وجهة نظر رأي خاص
وفقكم الله احبائي 👍💪

[~عيون القلب~]

السلام عليكم
الموضوع اصبح شغل الجميع:rolleyes:
كل واحد و رأي تاعو وكل واحد واش يريحو , لأنو الموضوع اصبح حساس ,’ اللي قرا يقول ندمت واللي والو يقول ندمت ,حتى اصبح الطلاب ميعرفوش واش الانسب :o
يخي راكم تقولو الباك امتحان عادي علاش حتى نوض ونكبر في الامر و اقرا من درك ووو..
كل حاجة في وقتها مليحة :19:
+ كل انسان و واش لي يناسبو + ليست قضية التي اخذ 18 قال كذا وكذا ..... كاين وحدة اخذت 18 وكانت مراجعتها من الصيف وكاين وحدة بدأت من فيفري واخذت ...18:rolleyes:
يعني الامر ما يستدعيش انك تروح وتقول كاين وكاين , الناس معادن كل واحد يختلف على الآخر انا لست مثلك ولا مثله ولا انت مثلي ابدا
كل واحد و وجهت نظره وكل واحد وعقليته:19:
و المغزى كل واحد يتكل على نفسه و يدير الحاجة المناسبة ليه فقط لا اكثر
و رأيي :
الصيف مرحلة راحـــــــــــــة قبل تعب و جد كبير جدا ينتظر الباكالوريين في الموسم الدراسي:o
+ يبقى ما كتبت وجهت نظري ورأيي الشخصي :)
في امان الله

[I'm a girl]

شكرا على التنبيه صراحة لم ابدأ الدراسة بل احضر بعض المواضيع والحوليات والسلاسل التي قد احتاجها وسابدأ ان شاء الله مراجعة للسنة الثانية خاصة "لانني ماقريتش ديتها غير زعاقة" وابدأ بدروس الفصل الاول بالتوفيق للجميع

[laptoppc]

لي يقول لازم تقرا فصيف انتم اغبياء وبهدا الغباء لن استطيعو الوصول الى معدل عالي

[*آية*]

كل شخص حر في استغلال عطلته
ماهذا التثبيط !

[laptoppc]

كل شخص حر في استغلال عطلته
ماهذا التثبيط !

ان كان هدا رايك لمدا وضعت هدا الموضوع في المنتدى ؟؟؟؟

[*آية*]

ان كان هدا رايك لمدا وضعت هدا الموضوع في المنتدى ؟؟؟؟

لست من وضعه :rolleyes:

[مُـ‘ـُنُـ‘ـُـعُـ‘ـُمُـ‘ـُ]

لي حاب يقرى سيريو يبدا من سبتمبر ، العام مزال طويل.
فالصيف حسنوا رواحكم في اللغات (كثقافة عامة) وفقط