أطلب اغاثتكم ,,,,,,,,,,فهل من مجيب ؟

[مشكلتي]

,,,السلام عليكم ورحمة الله وبركاته , معكم طالبة مقبلة على سنة ثالثة طب ان شاء الله , منذ ان دخلت للجامعة وانا لم افرح والداي بنتيجة ممتازة فهما في كل مرة ينتظران نجاحي بتفوق ولكنني في كل مرة اخيب ظنهما , وهذه المرة للاسف دخلت للدورة الاستدراكية ,مشكلتي والتي تفاقمت مع دخولي للجامعة هو خوفي الشديد من ا النتائج الدراسية حتى صرت ومع انني ادرس ايقنت عقلي بانه ليس بامكاني ان انتقل بمعدل جيد , لم اعد تلك الشخصية التي كانت تتيقن بنيل العلامات الكاملة لقد تدهورت ثقتي بنفسي , ابي وامي واخي في كل مرة يسئلونني عن نتائجي الدراسية وفي كل مرة اتحاشى ان اقول واتهرب من أسئلتهم بخصوص الدراسة , هم من حقهم ذلك أعلم لكن عن ماذا أخبرهم أأخبرهم بعلاماتي السيئة أعلم انهم لن يتفهموا الوضع , والامر الذي زادني حزنا كل من حولي لا تقول لي يمكنكي التفوق بل تقول لي لماذا اخترت الطب كان عليك ان تختاري فيزياء او رياضيات ( لا اخفي لكم اني متفوقة في مواد الفهم ومواد الحفظ اجد صعوبة فيهاى ) , احيانا افكر في ان اغير الجامعة , بماذا تنصحوني وكيف اخبر اهلي عن مستواي في الدراسة خاصة وانه كل من يراني من اهلي او صديقاتي اللواتي ليس لهن اطلاع او احتكاك بي في الدراسة يظنون انني متفوقة لانني طالما كانت الدراسة اهتمامي واحصر كل الحرص على الا افعل الا ما يرضي الله ؟ , ارجوكم اغيثوني اريد تشجيعا منكم ؟ هل يمكن ان اعود متفوقة كما كنت في الثانوي ؟ وبماذا تنصحوني ؟

[نبض قلبي]

اي نفس الشي صرالي انا
انا و الحفاظة خطان متوازيلن لا يلتقيان
ملي كنت رياضيات نتنفسها
الاولى معرفتش نقرا و دخلت الراتراباج وش نق لك فوتت صيف قريب مت فيه لكن بشوي نشجع في روحي و نريقل في نفسيتي حاى عقبت و طلعت
الثانية الحمد لله
نقولك الطريقة
الطب وشنو هو انك الكور هذاك اول مرة تقرايه فهامة بالمليح
ثانيا تعا دي تحفضيه و تعاودي و تعاودي ....
المهم انك كل ماتكنلي درس حلي الاسئلة اللي عليه في ليكونترول باه ترسخي معلوماتك و راني نحكي عن تحربة و تشفاي مليح مليح
خلاص ليلة الكونرول كي تعاودي تلقاي روحك شافية على كلش و على ليكونرول و على ليكور تاعك
هذي هي
ربي يوفقنا ان شاء الله

[بشرئ عاشقة العلم]

يا اختي الطب داير كيما هاك تكرهي تكرهي و مبعد تريحي متخافيش هو من اصعب التخصصات علئ الاطلاق بصح شا با الديري كاين لي يتمناو يكونو في بلاصتك بصح مسمحلهمش المعدل انت مشكلتك راكي تقارني الصانوي بالطب كل الطلبة راهم يعانو هاك
اياك ثم اياك تبدلي من هدا التخصص

[❀•بَـهَـآءُ الْـرُوًحْ•❀]

السلام عليكم أختي

و انا اقرا ما كتبت حسيتك تحكي على معاناتي .. بعد دخولي كلية الطب ودعت 16 17 18 و هذا شي عادي جدا ;-) و مرات كي نخدم قاع واش كاين ندي هديك 13 14 لكن في العام تصيبي 7/ 8 /9 /5 /10.75/ 11 و دخلت l'an dernier en rattrapage عادي الحمد لله على كل حال توالفت ... ما تقلقي روحك ماوالو لانك تجيبها في صحتك هدا ماكان -الله يحفضنا- قراي كيما قاتلك الاخت كل درس عاوديه و حاولي تتذكريه في كل مرة حلي les qcms توكلي على ربي سبحانو الذي يقول للشيء كن فيكون و هو اللي وفقنا باش ندخلو لتخصص الطب لانه ربما رأى فينا خيرا ..

الله يوفقنا و يسدد خطانا ..
و السلام عليكم.

[sweet girl 07]

انا والله نتمنى نكوون في بلاصتك تقدري تقولي غرت منك خخ

مي هادي هيا الطب صعييب ولازم تقراااي بزاااف وياربي

استعيدي ثقتك بنفسك اولا وادعي ربي يفتحلك مخك

احسن دعاء اللهم اشرحلي صدري ويسرلي امري واحلل عقدة من لساني

ايضا قولي اللهم يامعلم ابراهيم علمني يا مفهم اسماعيل فهمني

ربي يفرج عليك ويوفقك وينجحك