اهم المراجع لطلاب البطالوريا

[Noor Mi]

السلام عليكم و رحمة الله
كيف حالكم
ان شاء الله بخير
في هذه الايام قمت بالاطلاع على بعض المراجع للبكالوريا و التي اخترتها لتساعدني في عامي و ارجو ان تساعدكم
العلوم كتاب احمد امين خليفة بجزئيه للتمارين
ملخص العلوم للاستاذ حمزة سمراني جزاه الله خيرا
دروس الاستاذ فراح عيسى جزاه الله خيرا
كتاب المراجعة النهائية
الاستاذ زبدة عيسى جزاه الله خيرا على اليوتيوب

الرياضيات كتاب المغني بجزئيه
دروس الاستاذ عادل نعاجي جزاه الله خيرا
سلاسل تمارين الاستاذ مصطفاوي عبد العزيز جزاه الله خيرا
الاستاذ نور الدين جزاه الله خيرا على اليوتيوب

الفيزياء كتاب المراجهة النهائية
كتاب المغني بجزئيه
سلاسل الاستاذ غريب جزاه الله خيرا
دروس الاستاذ فارس فرقاني جزاه الله خيرا
الاستاذ مولاي عمر جزاه الله خيرا على اليوتيوب

الادب و الانجليزية و الفرنسية كتاب المراجعة النهائية كافي و وافي

الفلسفة كتاب السامي
كتاب المراجعة النهائية

ا لاسلامية الخرائط الذهنية للاستاذ فوزي غراب جزاه الله خيرا

التاريخ و جغرافيا كتاب الاستاذ محمودي عادل جزاه الله خيرا

اتمنى ان اكون قد افدتكم
بالنسبة للملخصات و التمارين تجدونها في موقع dz exams اما الكتب فتجدونها في موقع الموقع الأول للدراسة في الجزائرï»؟
بالتوفيق

[المُعادلة الصّعبة]

سلام اختي
انا اجتزت هذا العام شهادة البكالوريا
تسمحيلي ندلي برأيي ؟ ولا خلاص قررتِي
اذا محتاجة أراء نقدر نعاونك ان شاء الله
بالتوفيق

[bis kou]

السلام عليكم
عندي استفسار بخصوص مادة العلوم الطبيعية واش هو احسن مرجع لشعبة العلوم التجريبية؟

[المُعادلة الصّعبة]

السلام عليكم
عندي استفسار بخصوص مادة العلوم الطبيعية واش هو احسن مرجع لشعبة العلوم التجريبية؟
عليكم السّلام

بالنسبة للدروس مجلة الاستاذ بن خريف مصطفى او حقيبة الاستاذ ابو الريش
بالنسبة للتمارين حقيبة الاستاذ ابو الريش تمارينها مميزة جدا باتفـاق الجميع

[طالبة لها هدف]

مزال ما كملت قريت موضوعك مي اول حاجة شفتها و ننصحك بيها اخطيك من احمد امين خليفة لا جزء ة لا نص
كاين مجلة المجتهد
و كاين الاستاذ بوالريش و عقريب كمال

[Noor Mi]

المعادلة الصعبة طبعا يمكنك اعطاء رأيك كما انه لدي العديد من الاسئلة التي ساطرحها عليك اتمنى ان تجيبيني عليها ان كنتي متفرغة طبعا لي عودة بها غدا

[Noor Mi]

Bis kou
اتمنى ان تكون اجابة المعادلة الصعبة مفيدة لك

[Noor Mi]

طالبة لها هدف
شكرا على النصيحو وفقك الله لكن لي سؤال لماذا يستبعد التلاميذ كتاب احمد امين خليفة قيل لي ان تمارينه خالية من المنهجية و صعبة قليلا

[طالبة لها هدف]

فيه تمارين لا علاقة بالبرنامج
و جل اجاباته خالية من المنهجية و تحسي ما عنجوش علاقة بواش راكم تقراو

[طالبة لها هدف]

الرياضيات ننصحك بالمغني صدقيني يعلمك حل التمارين بالاك تشوفي تمارينو صغار و حاجة بايخة
مي انا العام لي فات كنت نجيب 11 و 12 في المات اعتمدت عليه كليا لحقت حتى 18 و بذلك شوية مجهود + سلاسل مصطفاي تخليك تجيبي ال20

[Noor Mi]

طالبة لها هدف اشكرك من اجل هذه النصائح اذا كان من الممكن ان اسألك بعض الاسئلة لي عودة بها غدا وفقك الله

[طالبة لها هدف]

طالبة لها هدف اشكرك من اجل هذه النصائح اذا كان من الممكن ان اسألك بعض الاسئلة لي عودة بها غدا وفقك الله
لا بأس انا هنا ان احتجتني لن ابخل عليكي

[Noor Mi]

لا بأس انا هنا ان احتجتني لن ابخل عليكي
شكرا لك اسئلتي كالتالي
كيف كان عام بكالوريتك وكيف كانت معدلاتك
هناك من يخاف من هذا الامتحان بالنسبة لي لا اخاف حاليا اذا صادفني هذا الشعور ما هي الحلول لتخلص منه
متى بداتي الدراسة
ماذا فعلتي في العطلة الصيفية بالنسبة لهذه النقطة هناك من يقول لي ابدئي بحفظ الشخصيات و المصطلحات لكنني لن افعل لانني اخاف ان انسى ما حفظته و لانني علمية ايضا اردت ان اراجع دروس المواد الاساسية التي نصادفها هذا العام لكنني لم اعرف اي منها اذا تذكرت اعطني اسماء هاته الدروس
بالنسبة للادب هل يطلب منكم تحضير الدرس في القسم
هل طلبت منكم المشاريع و بطاقة المطالعة
هل وضعتي جدولا للمراجعة اذا وضعت كيف قمتي يتقسيم وقتك
كيف نظمتي وقتك بالنسبة للعام كاملا
هل قمتي باستغلال العطل االشتوية و الربيعية
متى انهيت المراجعة للباك
اعلم انني اثقل عليك اعذريني لكن اصبح لدي حماس مفاجئ لنيل البكالوريا بمعدل عالي و لا اريد فقدان هذا الحماس
وفقك الله

[المُعادلة الصّعبة]

المعادلة الصعبة طبعا يمكنك اعطاء رأيك كما انه لدي العديد من الاسئلة التي ساطرحها عليك اتمنى ان تجيبيني عليها ان كنتي متفرغة طبعا لي عودة بها غدا
طيب نتمنى يوفقني ربي في الاجابة على اسئلتك اهلا بكِ
اول حاجه لاحظتها انك في كل مادة كثرتي بل كثفتي المراجع والمصادر وانتِ لستِ في حاجه لهذا
لأنو ماراحش يكفيك الوقت باش تقراي بيها كامل ولو عام كامل وعن تجربة + لأنو كاين مصادر ماتحتاجيهاش ويمكنك الاستغناء عنها فعلا
مثلا في العلوم يمكنك حذف ذلك كله واستبداله بما نصحت في ردي السابق في موضوعك ..ولكن كتاب المراجعه النهائيه في هذه المادة يقال انه جيد يمكنك الاستعانه به

لست في حاجه لدروس اليوتيوب الا بعد أن تعرفي استاذ الثانوية ان كان جيدا فيمكنك الاستغناء عن اليوتيوب
اما ان كان غير ذلك فيمكنك الاستعانه به .. أما الدراسة باستعمال كليهما فـ لا


طيب في الرياضيات اول حاجه ماكانش حاجه اسمها استاذ عادل نعاجي بل عادل نعيجي هو طالب بكالوريا متفوق لشعبة الرياضيات لعام 2015 على ما اظن

نزل كتاب العام لي فات فيه حوايج الدوال وحوايج خفاف .. اطمأنك انه يمكنك الاستغناء التام عنه لا داعي له
انا شعبة رياضيات استعملت سلاسل استاذ مصطفاي وركزت على البكالوريات والاهم من هذا كله هو الفهم المحكم للدرس لان حل التمارين دون فهم عباره عن حاجه فارغه
يعني بعثتلك ايحاء انو تقدي تستغني عن المغني بجزئيه في الرياضيات ولكِ حرية الاختيار
بالنسبه للفيزياء هذي اكثر مادة قريتها عام كامل ، المغني ضروري جدا والمراجعه النهائيه كذلك ضروري للغايه استعملي كليهما + البكالوريات ويكفي
بالنسبه لدروس اليوتيوب كما اخبرتكِ سابقا لست دائما في حاجة اليها
يمكنك الاستغناء عن دروس استاذ فارس فرقاني وسلاسل استاذ غريب وو .... الخ

لأنو ما يكفيكش الوقت لكل هذا صدقيني

بالنسبه للعلوم الاسلامية ننصحك وننصحك وننصحك بدروس الاستاذ جمال مرسلي صدقيني يا اختي ما تلقايش ما خير منها فعلا رائعه لي حفظوا منو كامل جابوا 19 و 20

عندي ملاحظة مهمة جدا
في جميع المواد جميع المواد ركزي على البكالوريات تاع الاعوام السابقه اكثر شي
تغنيك عن كثير من المراجع وتكفي والله
ركزي على البكالوريات انا كانت راس مالي البكالوريات
وملاحظة اخرى
شوفي في مواضيعي تلقاي الاسئله الشائعه تاع كل وحدة في الفيزياء دارها استاذنا ربي يبارك فيه يمكنك الاستعانه بها خلال عامكِ الدراسي ولن تندمي
هذا لي عندي

وفقكِ الله اختي اي اسئله انا هنا بحول الله

[Noor Mi]

اشكرك اختي على هذه النصائح القيمة فعلا افدتني و غيرت وجخة نظري للعديد من المراجع اشكرك جزيلا بالنسبة للاسئلة اذا كان بامكانك الاجابة عنها هي فالتعليق الذي فوقك وفقك الله فيما تطمحين اليه و سدد خطاك

[~زهرة اللوتس~]

طيب نتمنى يوفقني ربي في الاجابة على اسئلتك اهلا بكِ
اول حاجه لاحظتها انك في كل مادة كثرتي بل كثفتي المراجع والمصادر وانتِ لستِ في حاجه لهذا
لأنو ماراحش يكفيك الوقت باش تقراي بيها كامل ولو عام كامل وعن تجربة + لأنو كاين مصادر ماتحتاجيهاش ويمكنك الاستغناء عنها فعلا
مثلا في العلوم يمكنك حذف ذلك كله واستبداله بما نصحت في ردي السابق في موضوعك ..ولكن كتاب المراجعه النهائيه في هذه المادة يقال انه جيد يمكنك الاستعانه به

لست في حاجه لدروس اليوتيوب الا بعد أن تعرفي استاذ الثانوية ان كان جيدا فيمكنك الاستغناء عن اليوتيوب
اما ان كان غير ذلك فيمكنك الاستعانه به .. أما الدراسة باستعمال كليهما فـ لا


طيب في الرياضيات اول حاجه ماكانش حاجه اسمها استاذ عادل نعاجي بل عادل نعيجي هو طالب بكالوريا متفوق لشعبة الرياضيات لعام 2015 على ما اظن

نزل كتاب العام لي فات فيه حوايج الدوال وحوايج خفاف .. اطمأنك انه يمكنك الاستغناء التام عنه لا داعي له
انا شعبة رياضيات استعملت سلاسل استاذ مصطفاي وركزت على البكالوريات والاهم من هذا كله هو الفهم المحكم للدرس لان حل التمارين دون فهم عباره عن حاجه فارغه
يعني بعثتلك ايحاء انو تقدي تستغني عن المغني بجزئيه في الرياضيات ولكِ حرية الاختيار
بالنسبه للفيزياء هذي اكثر مادة قريتها عام كامل ، المغني ضروري جدا والمراجعه النهائيه كذلك ضروري للغايه استعملي كليهما + البكالوريات ويكفي
بالنسبه لدروس اليوتيوب كما اخبرتكِ سابقا لست دائما في حاجة اليها
يمكنك الاستغناء عن دروس استاذ فارس فرقاني وسلاسل استاذ غريب وو .... الخ

لأنو ما يكفيكش الوقت لكل هذا صدقيني

بالنسبه للعلوم الاسلامية ننصحك وننصحك وننصحك بدروس الاستاذ جمال مرسلي صدقيني يا اختي ما تلقايش ما خير منها فعلا رائعه لي حفظوا منو كامل جابوا 19 و 20

عندي ملاحظة مهمة جدا
في جميع المواد جميع المواد ركزي على البكالوريات تاع الاعوام السابقه اكثر شي
تغنيك عن كثير من المراجع وتكفي والله
ركزي على البكالوريات انا كانت راس مالي البكالوريات
وملاحظة اخرى
شوفي في مواضيعي تلقاي الاسئله الشائعه تاع كل وحدة في الفيزياء دارها استاذنا ربي يبارك فيه يمكنك الاستعانه بها خلال عامكِ الدراسي ولن تندمي
هذا لي عندي

وفقكِ الله اختي اي اسئله انا هنا بحول الله

عليكم السّلام

بالنسبة للدروس مجلة الاستاذ بن خريف مصطفى او حقيبة الاستاذ ابو الريش
بالنسبة للتمارين حقيبة الاستاذ ابو الريش تمارينها مميزة جدا باتفـاق الجميع



::dj_17:
عذرا على التدخل :D
اردت شكرك على نصائحك القيمة :o:o:o
و لي سؤال ان اذنتي لي ساطرحه :rolleyes:
في امان الله:mh31::19:

[المُعادلة الصّعبة]

لي عودة للاجابة على الاسئلة

تفضلي اختي زهرة اللوتس طبعا

[طالبة لها هدف]

شكرا لك اسئلتي كالتالي
كيف كان عام بكالوريتك وكيف كانت معدلاتك
احسن عام عموما اما خصوصا خلي مباعد نحكوا فيها معدلاتي بين 15 و 16
هناك من يخاف من هذا الامتحان بالنسبة لي لا اخاف حاليا اذا صادفني هذا الشعور ما هي الحلول لتخلص منه
ما نكذبش عليك بالاك انا من 4 ولا 3 متوسط و انا نخمم في الباك مي هذا الامر عادي يعني ماكاش لي ما يواجهوش هذا الامر .......تخلصي منو افضل طريقة استماع القرأن خاصة سورة الرحمان ...اشغلي روحك في طاعة والديك
متى بداتي الدراسة
في الصيف في اواخر جويلية تقريبا
ماذا فعلتي في العطلة الصيفية بالنسبة لهذه النقطة هناك من يقول لي ابدئي بحفظ الشخصيات و المصطلحات لكنني لن افعل لانني اخاف ان انسى ما حفظته و لانني علمية ايضا اردت ان اراجع دروس المواد الاساسية التي نصادفها هذا العام لكنني لم اعرف اي منها اذا تذكرت اعطني اسماء هاته الدروس
انا ايضا لا انصك بالحفظ صراحة انا لم احفظ بتاتا في الصيف و في عام البكلوريا انهيت الحفظ باكرا كان يتوهم لي اني نسيت فقط ......اما بخصوص الدروس شوفي نورالدين حاولي تتمكني من المتتاليات و القليل من الدوال __الفيزياء اقراي الناقلية و الاحماض و الاسس و هاذيك الامور تمكني منهم مليح باه ما يبقاولكش فراغات مباعد __ ان كنتي علمية انصحك بدراسة الوحدات الاولى في العلوم انا قبل الدخول المدرسي كنت قريت حتان نص المناعة
بالنسبة للادب هل يطلب منكم تحضير الدرس في القسم
نادرا
هل طلبت منكم المشاريع و بطاقة المطالعة
مشروع او 2 و غالبا لا تحاسبين عليهم
هل وضعتي جدولا للمراجعة اذا وضعت كيف قمتي يتقسيم وقتك
صراحة لم اضع جدولا لكن مين ذاك نظم اياماتي ما خدمتش بالجدول خدمت بقائمة المهام غالبا ايام الدراسة للمواد العلمية و قليلا من الادب و الويكاند للحفظ و دروس الدعم
كيف نظمتي وقتك بالنسبة للعام كاملا
الاجابة في السؤال السابق
هل قمتي باستغلال العطل االشتوية و الربيعية
اكيد غلطت عمرك الا ضيعتيهم فيهم تعاودي كامل وش قريتي و تحفظي و تحلي تمارين وووووو ما تضيعيهاش
متى انهيت المراجعة للباك
والله ما علبالي يعني ماكاش نهار و ما قريتش فيه و حسيت روحي بلي كملت قراية يوميا قراية
اعلم انني اثقل عليك اعذريني لكن اصبح لدي حماس مفاجئ لنيل البكالوريا بمعدل عالي و لا اريد فقدان هذا الحماس
وفقك الله

لا بأس كلنا احسسنا بمثل هذا الشعور وفقكي الله
دعواتكي لي بتحقيق هدفـــــــــــــــــــــي

[Noor Mi]

اشكرك على الاجابة وفقك الله و سدد خطاك

[المُعادلة الصّعبة]

شكرا لك اسئلتي كالتالي
كيف كان عام بكالوريتك وكيف كانت معدلاتك
هناك من يخاف من هذا الامتحان بالنسبة لي لا اخاف حاليا اذا صادفني هذا الشعور ما هي الحلول لتخلص منه
متى بداتي الدراسة
ماذا فعلتي في العطلة الصيفية بالنسبة لهذه النقطة هناك من يقول لي ابدئي بحفظ الشخصيات و المصطلحات لكنني لن افعل لانني اخاف ان انسى ما حفظته و لانني علمية ايضا اردت ان اراجع دروس المواد الاساسية التي نصادفها هذا العام لكنني لم اعرف اي منها اذا تذكرت اعطني اسماء هاته الدروس
بالنسبة للادب هل يطلب منكم تحضير الدرس في القسم
هل طلبت منكم المشاريع و بطاقة المطالعة
هل وضعتي جدولا للمراجعة اذا وضعت كيف قمتي يتقسيم وقتك
كيف نظمتي وقتك بالنسبة للعام كاملا
هل قمتي باستغلال العطل االشتوية و الربيعية
متى انهيت المراجعة للباك
اعلم انني اثقل عليك اعذريني لكن اصبح لدي حماس مفاجئ لنيل البكالوريا بمعدل عالي و لا اريد فقدان هذا الحماس
وفقك الله
السلام عليكم
ربي يوفقني في الاجابة على اسئلتك اختي
اولا عام البكالوريا كان حافلا فيه مشاعر مختلطة فيه تعب اجتهاد دموع ضحك ذكريات سهر وخصوصا هنا في المنتدى مع رفاقي وخاصة الايام الاخيره في رمضان كانت ايام مميزه جدا
بالنسبه لمعدلات الفصول ما كنتش نهتم بزاف بالفروض والاختبارات يعني ما نقتلش روحي

نقرا في ساير الايام لكن ليلة الاختبار او الفرض ما نراجعش بزاف .. المراجعة ليلة الاختبار مهمة ..راني نقول مراجعة ماشي واحد مايدير والو كي يوصل الاختبار يبدا يقرا في ليلتو
المهم كانت معدلاتي 15 قريبة من 16 وكنت كثيرة الغياب دايما فالرقابة يديرولي recherche يحوسوا عليا وكل مرة ما يلقاونيش مالفة نحقرهم ومالفه نزيد نخرج من الحصص وو ...:1: بصح كنت نرجع للدار من الحصص التافهة لي نحس روحي مانستفيدش من الاستاذ تاعها ونراجع في الدار
بالنسبه للخوف انا ثاني كيفك ما خفتش بزاف ماعدا الايام الاخيره حكمني ضغط رهيب لدرجة اني مانقدرش نراجع ونقرا بسبب الخوف .. وهذاك شي طبيعي ماكانش لي يقرب الباك وما يخافش
اما عام كامل الحمدلله ما خفتش وراهو ما يجيكش الخوف ضركا لانو تشوفي الباك بعيد بزاف مزال عام كامل ياحسراه
كي يبدا يقرب تبداي تديريلو حساب
و نقولك شكون لي يخاف .. اللي ماعندوش ثقه في نفسو وقدراتو هو لي يخاف كون ما يأديش أداء يرضى عليه
هذاك الموسوس كيما نقولوا نحنا يتوسوس من روحو وما يوثقش فيها
اما ان كنتِ واثقه في ربك وفي نفسك ماكيش رح تخافي وعن تجربة ، والثقه بالنفس مستمدة من الثقه بالله صدقيني .. تقربي من ربك واكثري من الدعااء لانه يغير القدر

وفرق كبير بين واحد يخاف وبين واحد ما يخافش

مثلا انا نهار الرياضيات كي عقبت الباك نحل في السوجي وانا مرتاحة عالآخر مش مضغوطة ولا اي شي
حليت نورمال وركزت
بالمقابل نهار الفيزيا خفت شوية وتخلعت ، خلطت الحالة بديت في سوجي و مبعد بدلتو ووو ... الخ المهم توترت واجابتي كانت كيما التوتر تاعي
كي تحلي بثقه مش كيما تحلي بخوف صدقيني فرق كبير حاولي تحافظي على التوازن تاعك ،

وثانيك لي يخاف هو لي مايقراش مليح ويقصر في قرايتو
حاولي تمدي مجهودك كامل ما تبخليش روحك واقراي من بداية العام باش ما تتضغطيش في الاخير وما تخافيش
اممم متى بدات الدراسة ؟ في سبتمبر ولا اخفيكِ اني قريت شوية في عطلة الصيف
قريت انجليزية و قريت الوحدة الاولى تاع العلوم .. فقط :)
ما ننصحكش لا بالحفظ ولا بغيره .. الباك ما يحتاجش كل هذا

الباك اسهل بكثير مما يعتقد الجميع
كون تبداي تحفظي من بداية العام وتكملي الحفظ في مارس ولا في افريل يعتبر شيئ جيد
المهم الحفظ ننصحك ماتخليهش للاخير اذا قدرتي تكملي في ديسمبر وتبقاي بقية السنة تراجعي ما تقوليش لالا
وكيف كيف كون تبداي تقراي المواد العلميه من بداية العام يكفيك الوقت
الوقت كاف جدا إن احسنت استغلاله .. ما تضيعيش وقتك اهم نصيحة ماتضيعيش وقتك
بالنسبه للدروس لي تحتاجيها
في الفيزياء تحتاجي درس الاكسدة والارجاع .. الاحماض والاسس .. الناقليه .. في الغاز المثالي تحتاجي قانون واحد pv=nRt
في الرياضيات النهايات الاشتقاقيه المتتاليات الاحتمالات الهندسة في الفضاء
مراجعه خفيفه برك لازم تكون عندك قاعده مليحة من السنه الثانية ثانوي هذا شيئ مهم
العلوم نورمالمو تحتاجي الADN ودروسو .. وبلاك التنسيق العصبي .. انا مانيش علميه اسألي اهل الشعبة لربما يفيدوك
بالنسبه للادب ما كنتش نحضر دروسي ، على حساب الاستاذ لي يقريك مانقدرش نقولك يطالب بالتحضير ولالا

كاين الاستاذ لي يراقب التحضير ويهتم وكاين لي لالا ..

انا ماكنتش منضبطة في الحوايج هاذي كان كل همي هو الباك
تقدري ما ديريش تاع المطالعه والمشاريع اذا يخصم لكِ نقاط عادي لانو بصراحة هاذي اشياء تضيع الوقت ولا تسمن ولا تغني من جوع .. ماتهتميش لنقاطها بزاف .. ضعي الباك نصب عينيك وفقط
بالنسبه للوقت هو كان اكبر عائق ... ماعرفتش ننظم وقتي بصراحة وضيعت الكثير من الاوقات لذا مانظنش انا الشخص المناسب لي ينصحك بتقسيم اوقاتك وو .. المهم انك ماتهملي حتى مادة وحطي حلمك بين عينيك وعيشي عالمك الخاص ماتهتميش للكلام السلبي لان البكالوريا سهله جدا جدا جدا جدا

العطله الشتوية ما ستغليتهاش بزاف لظروف .. اما العطله الربيعيه نعم استغللتها الحمدلله
متى انهيت المراجعه للباك ؟ ههه ماكملتش حتى لآخر لحظه ومستحيل تقولي كملت مهما قريتي تحسي بالنقص وماتحسيش بالرضى
انا كون زادولي شهر اخر نكمل نقرا ومانقولش كملت

بلاك حتى كون زادولي عام وما نكتفيش
عندي بزاف نصائح اخرى خلي بعد النتائج باذن الله نفتح موضوع نحطلكم كل ما بجعبتي ان شاء الله تستفيدوا
بالتوفيق اختي نتمنى افدتك
دعواتك اختي رجاءً

[Noor Mi]

بارك الله فيك اختي و وفقك لم تريدين و سدد خطاك

[المُعادلة الصّعبة]

آمين واياك اختي
اي اسئلة اخرى لا تترددي ان شاء الله يوفقني ربي في الاجابه عليها

[bis kou]

السلام عليكم
اعتذر على تأخري في الرد لظروف معينة
اتقدم بالشكر لكل من افادنا جزاكم الله خيرا ودمتم في رعاية الله*

[صمود خديجة]

شكرا على طرح الاسئلة والله هذي الاسئلة كامل شاغلة بالي
الحمد لله جاوبتو عليييها
شكرا لكم على الاجابة ايضا
موفقووون

[*آية*]

كم كان معدل ريان لمن لديه معلومة ؟

وشكرا لك نور

[ندوشةة]

عمبالكم والله دوخوني المراجع عندي بزااف و ما علاباليش على واش نعتمد :(

[*آية*]

حتى انا ندى بديت نتشوش