احتاج رايكم يا رجال

[مشكلتي]

بنت عمرها 18 سنة جميلة متربية لابسة حجاب خاطيها سروال الخ خاطيها تلفون واصحاب وخرجات
انا دائما نسمع صديقاتي انهم جاو خطبوني من يسقسوني ولا احد علاه مع انهم هادوك لبنات ربي يهديهم برك
واالله دائما يجو سقسوني هل خطبوك هل جاوك خطاب لدار والله نحشم ما نصيب ما نقول حمد الله على كلشي
راني باقية مخلوعة والله اعطوني رايكم علاه انا عائلة متوسطة وعاقلين خاطينى مشاكل الخ
كذلك انا راتبة من دار الى ثانوية برك خاطني خرجات حتى اني منروحش عند لافامي حتى في مناسبة نضلي في دار نقرى اذا مرانيش نقرى نقضي مهم منقعدش نعاون امي في خياطة او نطيب
سؤال محير لازم بنت هكذا هوما لي يخطبوها خحتى ولا بنت معندهاش شرف تعشارع يتزوجوهم لي نقية صافية تبقى فالدار
تنمنى منكم متجرحونيش والله سؤال دائما يبقى محيرني مع اني فيا كل موصفات جميلة وعاقلة ونقرى حمد لله

[محمد جديدي التبسي]

والله تحيروني 18 سنة وقالقة ع الزواج وبنات في العشرينات وحتى ثلاثينيات ما خطبهم حتى واحد رغم الاخلاق والجمال والجلباب وكلش
اغلب الشباب المؤهل للزواج يشوف وحدة 18 سنة مازالها تقرا ورايحة للجامعة لذلك يختار من أنهت تعليمها او توقفت في الباك
المطلوب منك تتفقهي في دينك وتوسعي مداركك وستكونين حلم كل رجل..ربي يفتح عليك

[أم عبد الكريم]

انا نحير 18سنة و تخموا على زواج ...ماينة مزلتو صغار يا بنات الزواج جاي جاي و كلشي في وقتو مليييح

[ع.عيسى]

هل البنت تكون عاقلة وخاطيها ومتدينة وووو....من اجل باش يتهافت عليها الخطاب او من اجل ارضاء الله وعز وجل ؟؟ ...اظن انك عرفت الاجابة ، انت عاقلة وخاطيك ومتدينة وصلاية لانك تسعين الى ارضاء الله عز وجل وطلبا لمغفرته ورضوانه وليس من اجل ان يتهافت عليك الخطاب ...اذا ارضيت الله عز وجل تأكذي بان الله ايضا سيرضيك ......اما مسالة الزواج فليس هناك قاعدة يمشي عليها ،هناك نساء فاسقات من اهل النار تزوحوا بانبياء ورجال صالحين ونساء صالحات من اهل الجنة تزوجن من فاسقين من اهل الجحيم ...وايضا رجال صاللحين تزوجو من نساء صالحات والعكس ايضا .او قبيحة تزوجت من رجل وسيم او جميلة تزوجت بقبيح ...وهناك شابات تزوجن بشيوخ وعجائز تزوجن بشباب ، فقيرة تزوحت بغني وغني تزوح بفقيرة ...الخ ....الزواج هو قدر ومكتوب ، اذا اردت الزواج ادعي الله ان يرزقك زوج صالح وفقط ، ولا تمني على الله على انك متدينة بل الله يمن عليك ان هداك وجعلك من الصالحات ..

[nilly]

عيسى من اجل الخطابة ههههههههه
بالنسبة لردود الاخرين لمادا مندهشين هي حبست قرايتها مابقالها غير زواج انا لم استغرب واش تدير تتزوج خيرلها وزيد هي اد مجيتش احسنهم دركا ماغاديش تجيبه مبعد

كيفاش حبيتي ياخطبوك وانتي جالسة فدار الواقع شي ومنتدى الجلفة شي اخر لازم تجري مع يماك مع صحاباتك باش يشفوك ويجيو يخطبوك مع انه دركا يتزوجون العاملات بصح اكيد كاين ليجيك وكلشي بالمكتوب ماتقلقيش روحك

[عثمان الجزائري.]

إطمئني فأنت كنز، و الدار لي فيها بنات متربيات ما تتخباش، تأكدي أن تأخر الزواج لا يكون إلا لحكمة، فالخطاب قد لا يقصدونك لإحتمالية الرفض بسبب السن و كل ولاية و سن الزواج المتعارف عليه في ولايتي مثلا قليلا ما تسمع بأن فتاة في سنك تزوجت لذا فالشائع عندنا هنا من 21 سنة فما فوق...الثبات ثم الثبات على الطريق...

[غوّاص]

ليس الشأن أن تخطب الفتاة إنما الشأن أن تخطب من كفء صاحب خلق و دين
الحقيقة أن الطيور على أشكالها تقع
لذا لا تحاولي أن تكوني شخصية ثانية
كوني على طبيعتك وسيأتيك من يرغب فيك
حاولي أن تكوني أفضل حتى يطلبك اﻷفضل
في غالب الحالات يكون الزواج نتيجة علاقات إجتماعية
لذا حاولي تكوين علاقات إجتماعية طيبة و متينة
إما التدين من عدمه فعلاقته بنوعية الخاطب لا بالزواج في حد ذاته
لأن الطيور على أشكالها تقع

[om_hadil]

18 سنة و تريدين الزواج ؟؟؟؟؟ نفس المشكل راه في قسم مشكلتي،،،، اضن ان الكاتب واحد،،،، العيال راهم يتمسخروا بِنَا !!!!!!!! رحماك يا رب

[نجوم الأمنيات*]

اختي ركزي مع قرااااااااااااااااااايتك خير ليك

[نجاة^^]

ما فهمت بغيتي تتشهري بالخطاب ولا بغيتي تتزوجي نظن الفراغ راه مخليك بهاذ التفكير ،مجاوكش خطاب ماش نهاية العالم ،اقراي قرايتك وعبي فراغك الزواج جايك لا محالة ،ربي يسهلك .

[sohaibdz]

مجاوكش الخطاب بسبب تفكيرك المنحرف
18 سنة نورمالمو راكي مع قرايتك

[Fifioo]

ولله انا صراحة نحترم اي مشكل لكنك مزالك صغيرة تخمي بزواج الزواج اخر حاجة قومي بدينك وقرايتك تعلمي حوايجك تثقفي وزيد زواج الصغر ما يجيب الا المصاءب الزواج راح في بكري اما الان لاتيتن بامور لا اعرف كيف و غير مهتمين بان مسؤولية تكليف لا تشريف يعني سمحيلي ختي اذا ازعجتك بكلامي لكن رانا في وقت صعيب و يلزمله صبر احنا في ولايتنا طفلة تتزوج في سن 24 و كاين حتى 26 و كاين مجاهمش مكتوب بصح عندهم قرايتهم وخدمتهم

[نبض قلبي]

اختي وش من زواج في 18
انا في رايي وحدة 24 سنة و ماهيش واجدة
وش نقولو اذا راكي مزروبة و
حابة تتزوجي ربي يلاقيك بمكتوبك في القريب العاجل

[visa uk]

اختي ماتتقلقيش كامل نعرف بزاف ناس يتزوجو وحدة تاع دار منزل وحتي مستوي اقل منك بكثير وتزوجووراهم في الدار ومش متعلميناطلاقا نتي علي الاقل مستواك باك وقريتي فقط ماكملتيش وحبستي وقررتي تريحي في منزل وهدا نوع طبعا كاين رجال يحبونوع هدا وعندي اصدقاء يحوسو بنت بمثل هاته الصقات الخ اكيد كي يجي مكتوبك تتزوجي اما العاملات خصوصا لي قراو في جامعات الخ هادوك باينات عقليتهم وتفكيرهم الخ ويدوهم طبعا اشخاص مثلهمفي اغلب الحالات لدا لاتتقلقي وكاين لي يحوسو كيفك

[Fifioo]

لكن حبيت نوه لحاجة هي صح صايرة في مجتمعنا لكن مش اي وحدة تحب قرايتها وتحب تخدم استاذة و لا طبيبة و لا حتى عالمة فلك وبيولوجيا ( هادي مستحيلة تع عالمة لكن كاينين لي يحلموا بيها) و حابين ميعيشوش واش عانوا من صغرهم وحابين يساعدوا اهلهم و تلقايهم بنات اصل وحابين وعارفين بالنسؤولية لكن مشكلتنا الان الفتاة فاسدة تجر فتاة عادية و فتاة عادية تجر فتاة جيدة و فتاة حيدة تجر فتاة اصيلة لي تحب عملها وتسهر على انوا تكون ام بكامل الشروط وتربي والدها احسن تربية يعني لازم نحكموا على شخص بشخصيتوا ماشي بنسبة 3/10 او 5/10 لانوا كل واحد وعلى واش تربى

[nounounounou]

من ناحية العمر انتي صح صغيرة الاهم هي القراية والشهادة ...........ومن ناحية اخرى صح عندك الحق الرجالة اغلبهم للاسف يديو لي مالفين يخرجو ولا لبنات المتفتحات بزاف للاسف و الطفلة لي خاطيها خرجات ودخلات ومن الدار للجامعة متبانلهمش ولا يحطوها معقدة ولاعندها ومتبينش للاسف هادا واقعنا وفي الاخير يقةلك مكانش بنات فاميليا ........لالا كاينين بصح ما يبانوش ومايلفتوش الانتباه هادي هي بنت الفاميلة ........الحاجة لي تصبرنا انو كلشي بالمكتوب ما تدري واش ربي مخبيلك .....الصبر

[مرام 2001]

ابي وامي راح يزوجوني بسيف عام جاي عندي باك متزوجيش كملي حياتك اهلك مسيفوش عليك تزوجي ؟

[أمة الرحمان رقيّة]

السلام عليكم


من حقك تفكري في الزواج في اي سن وم حقك تتزوجي في اي سن
لكن حافظي على نفسك لارضاء الله وليس من اجل الزواج
ادعي ربي يرزقك الزوج الصالح
مكانش خير من الدعاء

[طالبة لها هدف]

18 سنة راكي سيريو حنونة راني 18 سنة و ما نخممش هذا التخمام هذا الوقت لي الطفلة تفيق لعمرها و مستقبلها و تخمم وش تقرى و وش تخدم وووووووو و نتي راكي حايرة على الزواج نسا متربيات و متخلقات و الجمال ما نحكيلكش و راهم وصلوا ل 30 و 40 سنة و واحد ما جا خطبهم
اتقي الله هذا الامر قسمة و نصيب