موضوع خطير

[مشكلتي]

انيا طفلة كنت نقرا فجامعة وكانت واحدة نعرفها كان ولد عمها يجي خاطرات للجامعة كان شباب بزاف كل بنات عينهم عليه وتقربت على ها البنت باش نديرها صحباتي باش علجاله هو كنت نتمناه يكون حلالي حلفت باش يتزوجني والحمد الله تزوجني وكل صحباتي سياو باش يشدوه مقدروش بمكنش لمشفتوش مسيتش كل طرق بصح مفلحوش انا شاطرة ولا وقتها فكرت روحي شاطرة وكي رحت لداره وليت مستغربة فيه زوجي يهتم بروحه بزاف كثر مني بعشرة أضعاف يقعد ساعة في مرايا ا ميرقدش في ليل بلا مايدير مرطبات كل واحد لواش وبنهار صباح ينوض يدير غسول الوجه سبيسيال وصابونة سبسيال ومبعد يدير حاجة كيما فوندتان معرفتش اسمها باس يخبي عيوب البشرة ومبعد يزيد فوندتان فوق ومبعد يدير شوية نتاع مكياج في فمو شوية برك باش ميبنش وراجل هدا دار نفخ فيلار لشفايفه وانا مكنتش عارفة حتى شفت تصيرت قبل عملية نفخ شفايف وثاني يلقط شوية حواجبه شوية برك بطريقة لميبانوش الكحول مايدرهمش الغيسي مايدروش الحمرة نتاع الخدين مايدرهاش يدير برك للبشرة وشية لفمه وشعره هدا حاجة اخرى شامبوا نتاعه شعره سبسيال وبلسم لشعر سبسيال وشعره كل مرة كيفاش يمشطوا تقول كوافير يعرف بزاف كيفاش يزوقه مرة يديرله جال مرة سيشوار مرة بابليست باش يطلعله مجعد كل مرة واش وشعره كلما مرة واش يصبفه مرة اسود قاتم مرة اشقر مرة بني كل مرة وهو شعره الاصلي بني شوية برك وبشرته بيضاء شوية وعيونه كايديرلهم لونتي انا مفكرة قبل زواج صح عيونه لونهم اخضر مصفر بصح كتشفت انهم عدسات ولنهم بني حقيقة وهو دايما يدير هداك لون يجيله بزاف مليح اخضر بصح يميل للاصفر وملامح وجه شابين يعني هو بلا تزيين شباب بصح بتزيين واش نقولكم يولي شباب لدرجة ماتصورهاش ولا لبسة كل دراهمه على لابسة يلبس غير لامود ويعرف بزاف كيفاش يلبس وكيفاش ينسق الالوان تقول عليه خبير تجميل هو احسن مني بزاف وحتى كي نحب نشري حوايج نديه معايا باش يخيرلي لانه يفهم لدرجة كبيرة في المظهر وكلما يخيرلي حاجة صحاباتي وخياتي يستغربوا ليا وحتى واحد مايعرف بلي يدير كل هدا كل ليعرفه يظنوا جمال طبيعي وانا محبيتش نقول حكيت برك لختي قاتلي بلاكي يكون مخنث هل فعلا هو مخنث بصح تصرفاته كلها رجالية مشيته مشية نتاع رجال وزيد راجلي عنده لحية عمره ماحلقها وعنده شوارب بصح يعرف كيفاش ميخلهمش يكبروا يعني شوية برك يعني هدرته وكلشي فيه رجالي اظن انه يحب فقط الجمال امه هكدا قالت قالتلي هو شباب ويحب يولي شباب اكثر هدا مكان علبالي بلي دركا حتى رجال يحبوا الجمال بصح اسكوا لهاد درجة مع العلم ان علاقتنا متوترة ديما لانني نغار بزاف وهو معلابلوش بيا صدقوني نمشي معاه بشارع كل بنات يخرزله كرهت تقول ياكلوه يتصلوا بيه للهاتف والجارات وين يشوفه يجريول ليه ياربي حتى لوكان يقولولا صباح الخير ودركا كاين بنات مايحشموش مايديروليش كامل اعتبار وحتى فطريق لميعرفونيش ياكلوه بالخزرة هو صحص صح انا نشوفه معلابلوش بيهم يعني مايخزرلهمش يبان شوية يحشم بصح هو مغرور بجماله وعلبالي بلي يحب بزاف البنات يتبعوه ويحب كل البنات يحبوه وهو يتظاهر بانه ميهمتش بيهم هكدا يحب والا مكنش يدير كلهاشي باش يرضي غروره ومنقدرش نتفاهم معاه انا الغيرة قتلتني مكنش لتغير كيفي برسكوا علبالي انه البنات هادو غادي ينحيوه ليا يمدحوه قدامي خواتاتي يمدحوه قدامي ويقولوا لي لو كان احنا لتزوجنا بيه وين نروح يحسدوني ومابالك بنات ناس تقول عليه لازم يخدم ممثل ولا عارض ازياء يعني حتى الممثلين لنشوفهم في تلفزيون ممثلين التراك راجلي خير منهم خصوصا في اهتمام بلبسة هدوك مايعرفوش يلبسوا كيما راجلي وحتى جمال الوجه راجي جداب بزاف عنده جادبية لا توصف كرهت غادي نموت بالقنطة راني عايشة فالجحيم رجل الوسيم هو اكبر ابتلاء نصيحتي ليكم بلاكم تتزوجوا رجل وسيم بلاكوا هو اكبر نقمة خصوصا ان زوجي وسيم جدا ماشي وسيم برك يعني فاق الحدود وجسمه ايضا رائع طويل بزاف وزيد جسمه رياضي ومتناسق يعني واش يلبس صدقوني تقول عليه بومبا واش ندير دركا انا وياه ديما نتشاجروا حتى ولا يهرب من دار بسبابي انصحوني مقدرتش نستحمل. للعلم انني دون اولاد متزوجة من اكثر من سنة حابة نحمل باش نشدو بدراري بصح مكنش . للعلم عمره 26 سنة وانا عمري 23سنة

[هـــدوء]

أظن أن صاحب المشكلة ذكر ناقم على الشباب الوسيمين حسب اعتقاده ربما لأنه يعد نفسه شخصا قبيحا لا يثير اهتمام الفتيات!!

[نبض قلبي]

أشم رائحة تبلعيطة في الموضوع
غير منطقي

[kacimo.samy]

السلام عليكم
راجلك لا يبحر ولا يعوم اكيد ؟؟
هههه والله يليقلو يفوت لارمي

( المهم ربي معاك)

[نجاة^^]

السلام عليكم
راكي قلتيها اصحبتي نتي قافزة على هذوك لبنات وهاي النتيجة.تحقق حلمك مع انو اللي قلتيه 'مقرف' شفايف ونمص ومرطبات و ووو ربي يهديكم ،ويهدي زوجك او ملك جمال تاعك ���� اصلا شباب هاذ الوقت كارثة اصبح ،يهتم بنفسو كثر من ختو ولا زوجتو .

[*** عبق الزهور ***]

السلام عليكم

يعني بصراحة انا فتاة وما نديرش في وجهي واش راه يدير راجلك هذا

على كل ربي معاك هذا مانقولك

[محمد جديدي التبسي]

موضوع خطير صح ربي يعينك

[salamandal]

الناس الي قالو ما كاش منها انا انقول ماشي مستبعد
رحت عند واحد كوافير كبير شوية في العمر خاطر اندير حلاقة بسيطة وعندما تحدثنا في موضوع مشابه فتح الادراج و هناك ذهلت لأنواع القارورات و الغسول و المكياج و الأدوات - طبعا مخصصة للأنانيش - الذين يحلقون عند مساعديه الآخرين

[مرت من هنا]

السلام عليكم و رحمة الله تعالى و بركاته..

بحسب كلامك و ما يفعله زوجك رأيي من رأي اختك عله مخنث.. لأنه لا أظن ان هناك رجل سوي يقوم بما يفعله هذا الرجل..
كالنمص و وضع مرطب الشفاه و كريم الاساس و غيره..
يعني الصراحة لو كنت مكانك لقمت بطلب الخلع لأنه أحس أنه إمرأة

[ع.عيسى]

احلام يقظة .......حتى في افلام هولييود..غير موجودة .....ربي يفرج عليك يا اختي .

[عثمان الجزائري.]

قريت المقدمة شبعت ما نيش حاب نكمل، امثالكم يتزوجون و الناس لي شاربة من عقلها و حاكمة دينها ما زالت تتخبط...تبا ردي بالك يديلك الذهب تاعك و يلبسوا في كاش عرس + إختبار العذرية واجب مع هذا الذكر

[om_hadil]

حاولت بلع القصة بالجافيل بروح الملح ،،،، بالايريكا،،،، و الله ما حبت تتبلع ،،،، متاكدة ان القصة فلم تركي بايخ،،،،الله يهدي ما خلق

[noursm]

هههههه مشكلتك طريفة جدا

على العموم ربي يعينك

[moumiia]

والله الواحد ما عاد فاهم والو شوفو صورة الشروق

https://www.echoroukonline.com/%d8%a8%d8%b9%d8%af-%d8%a7%d9%84%d9%83%d9%8a%d8%b1%d8%a7%d8%aa%d9%8a%d 9%86-%d9%88%d8%a7%d9%84%d8%b4%d9%88%d8%b4%d8%a9-%d8%b4%d8%a8%d8%a7%d8%a8-%d9%8a%d8%aa%d8%ac%d9%88%d9%84%d9%88%d9%86-%d8%a8/

https://www2.0zz0.com/2018/07/07/14/773088956.jpg (https://www.0zz0.com)

[مون1]

اذا كانت القصة صحيحة واشك في هذا ، فلا انتي ولا هو أهل للمسؤولية ، لهذا السبب تقهقر مجتمعنا ، المفروض نكونو عائلة حتى يكون عندنا نشء صالح نرفعو بيه رؤوسنا ، والله مانيش قادرة نتخيل لو يكونو في اولاد بيناتكم واش من شخصية ولا مستقبل يكون عندهم. انتي قفزتي بيه كيراه شباب مش لانه متدين ولا اخلاقه ولا .... فتحملي نتيجة اختبيارك ، او على الاقل حاولي تغييره .

بالاضافة زوجك مش يخدم ؟؟ انا مرا وماعنديش الوقت ندير كل واش قلتي راه يدير.
بالاضافة لا اضن ان البنات في مجتمعنا يلاحقو الراجل المتزوج بالطريقة التي تصفينها لانك تضربين في الاعراض ، هي الغيرة او الوساوس التي تريك هذا.

[nihal159]

هههههههههههههههه راكي مهوووسة بهذا الكائن الغريب؛ و زيد كيفاش تحسي روحك إمرأة مع رجل يحط الفوندوثان و مرطب الشفاه و عدسات في عينيه؟؟؟؟ أشعر بالغثيان من هذا الكائن الهجين( ماهو إمرأة ماهو راجل)

[salamandal]

هناك آباء بل أجداد (شيوخ) تجده أبيض الشعر .هرم الجلد و مازال يمشط شعره بتسريحة الصبيان (مشطة السردوك) وهو في الاصل دجاجة قد أعطاها هذه المجتمع بعض المقومات لتصبح سردوك ...يلبس سلسلة ..يلبس براسلي ...وربما مناقش
وبالرغم من ذلك يزوجونه ويصبح ربا لعائلة ....... هذا ننتظره يوما ما ليربي الاجيال

إذا رأيت رب البيت للدف ضاربا .................................

[النجمة القطبية]

يا انسان احشم شويا راك عمرت المنتدى بالمشاكل المفبركة والعضويات المتعددة داخل حتى قسم النساء
مرة امراة صغيرة جاهلة متعرف والوا مرة كبيرة وولادها رجال
وزيد هنا في قسم مشكلتي عمرتوا مشاكل مرة عندك 50 سنة وحابة تتزوج ومرة زعما عندك 18 سنة وتبكي على الزواج
حاط روحك زعما تتمسخر وتضحك على العقول لكن انت اكبر مسخرة
وصراحة اكاد اجزم انك صح تضل تطلس في وجهك بالمستحضرات بفففففففففففففف
نصيحة خاصة للبنات والنساء انتبهوا من العضويات الجديدة واخطيكم من الصداقات الا لما تتاكدوا من صاحب العضوية
المرضى النفسيين كلاونا ربي يجيب الشفاء

[رندة.]

ربي يعينك ان شاء الله. موضوع خطير فِعلا

[sohaibdz]

لعنة الله على الكاذب

[أم رقية نسرين]

شكرا على القصة
ولكان حقيقة هاد الإنسان أكيد مخنث لا يختلف فيها إثنان