ضاقت ذراع

[مشكلتي]

من اين ابدا لا اعرف حتا كلمات التي سوف اقولها بمختصر لقد كرهت كل شئ حتا نفسي سئمت حياة لم انحج في مسابقة لقد كنت اضع كل امالي عليها وقلت سوف تغير حياتي للاحسن لكن كل احلا ذهبت ادرج الرياح كنت متامل في نجاح بنسبة كبيرا حتا اغير وضغي اجتماعي واحقق امتي زيارة مكة مكرمة انا مصدومة مللت من بحث عن عمل البي حاجياتي كرهت كل يوم انتظر جديد عن عمل كرهت كل يوم امي تراقبني هل ازداد وزني تم لالا هل اكل كثيرا ام كرهت اخواتي كل يوم يراقبوني هل اقوم باعمال البيت ام كنت اضع املى علا هذا مسابقة كنت سوف اعمل لا اعرف ماذا اقول انا مصدومة

[*أم سجى*]

الدنيا مكاتيب . احمدي ربي على كل حال

[نجاة^^]

السلام عليكم
لا تقنطي من رحمة الله اختاه الخير فيما اختار الله ،كثري الاستغفار ،والدعاء وربي يفرج عليك

[تاج الوقار16]

نقولك حاجة اختي
اللي متزوجة ماعندهاش سكنة كارهة
واللي ما ولدتيش كارهة
واللي ما تزوجتش كارهة
واللي واللي واللي
وتاكدي مادام ما كتبلكش ربي مافيهاش الخير ليك أو ربما انت غير مؤهلة لها
نعرف وحدة فقدت عقلها كي خسرت بزاف لي كونكورد رغم أنها كانت مستخلفة تجيب نسبة نجاح 100٪
والاسوء انو افيشاوها نجحت ومن بعد تغيرت القائمة
ونزيدلك عيطولي نصحح ونعس الباك بالدراهم ومارحتش
انت اخرجي من الحصار النفسي والعاءلي تاعك بتعلم حرفة تجلب لك الرزق وتحقيق الذات وتحسين الصورة الذاتية
ممكن ظروفك قاسية وبلادك متحجرين وخوتك مقوقعين نعم
ولكن توصلي معاهم الى نقطة كيما
قريتي ديري سطاج حرفة واخدمي
وفي نفس الوقت راكي تدخلي مسابقات
وتخيلي روحك بلا عينين وما تنجميش حتى تقراي وادخلي النت
تخيلي روحك بلا يدين
وبلا عقل وكل مرة تخيلي نفسك بدون نعمة أو مريضة وتم راح تعرفي قيمة واش عندك وأنك لازم بيه تخطي خطوة صغيرة بيه تقطعي مسافة ال 1000 ميل بنجاح أن شاء الله
ربي يفتح عليك من حيث لا تحتسبين

[BAROUD]

أبشري بما يسرك
ان شاء الله

[محمد جديدي التبسي]

الله المستعان
كما قالت الأخت فوق تعلمي حرفه افضلك خياطه ولا صنع الحلويات افضلك من مسابقات التوظيف ربي يفرج عليك

[سيرين راجي]

لا تياسي مازال مسابقات وتنجحي ابشري خيرها في غيرها ماتسمعيش لهاذوا الي ماهم نتاع نصيحة ما والوا يعرفوا غير الشتم واش دخلهم في مستواك وكتابتك الله يهدي ماخلق
اسعي في سبيل الله وقدمي للوظيفة والله المعين اكيد تنجحي

[sohaibdz]

انت مراة و المراة خلقها ربي باش تتزوج و تجيب الاولاد و تربيهم ، تعودي على المنزل و اعماله و حسني تفكيرك و نحي فكرة العمل من راسك كاين رجال بزاف بالعايلات و ملقاوش الخدمة .

[survivor-Dz]

لا تيأسي ربي يفرج عليك

[مصطفى_س]

السلام عليكم

تخيلي اني بعد ثمان سنوات من البطالة رزقت بعمل بعد ثمان سنوات و لله الحمد انني لم اجن
الرزق مكتوب مع كل شيء سيأتيك في الوقت الذي يريده الله
فقط ثقة بربي و تكون ثقة كبيرة و لا تجعليها من الاولويات
حاولي ان تتعلمي حرفة اخرى لعل الخير فيها و تاكدي ان الخير فيما اختاره الله
رسوبك في المسابقات ما هو الا قضاء و قدر عن نفسي كل تلك المدة و انا اراسل
لمسابقات التوظيف بدون جدوى حتى شاء الله
اعملي بالاسباب و ان شاء الله ستوفقين
بالتوفيق