دبرو عليا راني منهار

[محمد هشام]

السلام عليكم ورحمة الله وبركاته

يا اخواني دبروا عليا راني فاقد الامل في التأهل بنسبة 100% الفريق المصري استرجع كل لاعبيه وراهم في لياقة ممتازة وحالة نفسية عالية جدا وفريقنا ناقصو لموشية للعقوبة ومانهدرش على قاواوي لانه هو السبب في الخسارة
وحليش مصاب واذا لعب ماراحش يكون في حالة جيدة وعنتر يحيى كذلك ومطمور ماشو في نهارو ورانا نلعبو بلا ضهيرين وهوما قوتهم على الاطراف بلحاج في حالة وماهعندناش ظهير ايمن لدرجة انو بزاز هو الي عوض مطمور في المباراة الماضية وصايفي في حالة وزيد حالتهم النفسية سيئة جدا بعد التعب والخسارة وقلة المنافسة وهوما دارو تربص في اسوان 15 يوم نفس اجواء السودان واحنا تعبانين قولولي بصراحة انا راني شايف الامل 15% فقط ارجو مناقشة واقعية لو سمحتم بدون حماس زائد ممكن يوصلنا لكارثة

[sairac]

خلي املك في رب العالمين
اكثر من الدعاء في كل وقت
صم هذه الايام
و ثق في ربك ثم في ابناء بلدك
و اعلم ان في كل شيء حكمة
و اذا لم ندك المصريين على ارض الملعب
سيدكهم الله بطريقته
ببساطة لانهم خونة.....

لازملك تكون فخور باولاد بلادك
راه عنا فريق قمة في الروعة
اخلاق و لعب
و تحملوا بزااااااااااف على جال بلادهم مع انهم محتلرفين في انديتهم
بالنسبة لي انا راهم رابحين مهما كانت النتيجة و نبقى فخورة بهم...

[toufik88b]

على حساب كلامك ظن راك شفت بارح حصة تاع علاء صادق في نيل سبور . هادي خدمتهم يهبط مزرال لكل جزائري
ياأخي فريقنا و الحمد لله قوي و إدا متأهلناش عدنا المنتخب
و إن شاء الله الجزائر تتاهل للمونديال 2010 من سودان

[boubakrbes]

ياخي الكريم السلام عليكم اولا اريد ان ابين لك ان هذا الاحباط مرده حبك لبلدك .ولاتنسى ان شاوشى حارس ممتاز ويبدة سيخلف لموشية والفريق استرجع انفاسه بعد عارخزي الدنيا وفي السودان الصح يبان وانصحك بعدم متابعة القنوات المصرية لان مافيهاش حرف تاع الحق :mh31:

[رندة وبس]

وعليكم السلام و رحمة الله وبركاته
الحمد لله قالها وزير الشباب و الرياضة راهو عندنا منتخب ماشي فريق فقط راهم عندنا البدائل و الكفائات ......................................
و متنساش الله ميرضاش بالظلم و حنا تظلمنا من مستضيفينا ........................................
خلي املك في الله كبير ...................................ودير لي عليك و إدعي للخضر
و مايصير غير لي كتبو رب العالمين
اللهم إني اقسمت عليك بإسمك الأعظم تفرحنا بالتأهل و تفرح معانا كل من يناصر الخضرة في بقاع الدنيا

[virusm2003]

شاوشي خير من قاواوي

[RAMZI206]

عسى ان تكرهو شيء وهو خير لكم

ان الله قادر على كل شيء

وانا اراها في نضري فوز ان شااء الله

وارى ان الله اختار لنا الخسارة في بيلادهم من اجل الاخوة بعد ليلة سودااء

ولتضع الامل الكبير ولا تنسى الدعااء والنصر ات قريباااااا

[سلسبيل الحياة]

شوف هذه الصور ودير امل في ربي
وعسا ان تكرهوا شيئا وهو خير لكم
ربي شاف فيها الخير لو بقاو ثما وربحنا كانوا ماتوا
دير امل في ربي وصلي وادعي ان شاء الله ربي ينصرهم
وان ينصركم الله فلا غالب لكم
http://www.djelfa.info/vb/showthread.php?t=214934

[الصفحة البيضاء]

ماتخافش حنا رانا ندعو في رب و ماتنساش سبحانو يدير المعجزات و مايضيعش حق المظلوم و ماينساش حساب الظالم


شفت في غزوة احد الكفار كانو اضعاف مضاعفة من المسلمين و رب دارلهم معجزة باه تغلبو عليهم .



ان شاء الله نربحو علا خاطرش حنا لي نستاهلو التاهل

[حاتم عبد الباسط]

السلام عليكم

في البداية اود ان اقول لك ان اللاعبين ادوا مباراة بطولية بمعنى الكلمة وانا أخالفك الراي عندما قلت بان قاواوي هو سبب الهزيمة، فهو حارس بارع وساهم بشكل كبير في وصولنا الى هذه المرحلة.
اما بالنسبة للمباراة القادمة فلا شك ان هناك لاعبين ممتازين في الاحتياط قادرون على المساهمة في التاهل باذن الله واذكر منهم يبدة الذي من المحتمل ان يعوض لموشية وان شاء الله يسترجع لاعبو الدفاع كامل لياقتهم البدية وسترى كيف يثأرون من الهزيمة غير الرياضية .

في الاخير نصيحة الى كل الاخوان: ابتعدوا قدر المستطاع عن مشاهدة القنوات الفضائية المصرية التي تثير الجنون بتحليلاتها السخيفة، وكلنا مع المنتخب الوطني مهما كانت النتيجة.

[manir2corbo]

تفائلو خيرا جدوه يا اخي ماتلوم حتى واحد من قواوي وجبد حتى اللاعبين كامل دارو اللي عليهم واش جوزوه ماشي قليل حنا ناس متربيين ماشي موالفين بالهمجية كيما هوما مانحبش حتى نسميهم يمالا كي يربحو ملاح وكي يخسرو مرة ندورو عليهم لا لا لازم نوقفو معاهم واش من لياقة اللي راك تهدر عليها ياو ما كاين والو راهوم زيرو ونقولك اخطيك من ليشان ديالهم انا نحيتهوم كامل ما نسحقهومش نشوف اليتيمة وما نشوفهومش خلي ايمانك بربي وباللاعبين كبير ومعاك يا لخضرا ديري حالي وكاليفي انشاء الله ياربي

[هبة الله اريج]

السلام عليكم
والله اخي لنا نفس الشعور و منهارين
لمن لا تقنطو من رحمة الله
ان شاء الله نربحوهم ادعو الله ان يجعل الفوز حليفنا
آآآآآآآآآآآآآآآآآآآآآمين

[أبو خالد سيف الدين]

لازم تعرف حاجة خويا
فريقنا يحسن عونو الأرهاب لي عاشوه يعلم بيه غير ربي
المصاروا سبوعا يلعبوا مليح في بلادهم برك
على خاطر الشارجور نتاعهم هو الجمهور
والله غير راهم خايفين مية في الساعة و ما يبينوش
الشحات انتاعهم قالهم من بعد المباراة راني في أربع أيام ماشفتش الرقاد

بربي يعيشوا الرعب الي عاشوا فريقنا عندهم و أكثر
بربي إن شاء الله يبكوا في السودان

[بن علي محمد2]

اولا وصول الجمهور الجزائري بالالاف للسودان هو دفع بنسبة 70من المائة للفوز
الفريق الوطني كان احسن من المصريين باعترافهم والاحتياط احسن من الاساسي لانها فرصته في التالق
ومتنساس الحظ كان مع المصريين ضيعنا اكثر منهم ربما يساعدنا هذه المرة ان شاء الله

[طوبى للشام]

بعد توالي الأخبار المحزنة التي أصابت مشجعي فريقنا الوطني
حمدت الله كثيرا على أن المباراة لم تنته بنتيجة 1-0

وتذكرت معنى قوي يركز عليه ديننا عند المصائب
وهو أن نحمد الله على أنها لم تكن اكبر

فنتيجة للأحداث المأساوية التي بدأت باستقبال تاريخي بورود حجرية
كان ممكن تنتهي المباراة بأكثر من 3 أهداف
وسنعذر اللاعبين حينها لان الخطأ كان في الموافقة على لعب المباراة
ثم بعد الأحداث التي عقبت المباراة كان من الممكن أيضا أن يسيل دم كثير لو أن المباراة انتهت بنتيجة تأهل منتخبنا الوطني

فاحمد الله على حكمته في تصريف شؤون خلقه.