جاوبوني من فضلكم

[مشكلتي]

السلام عليكم
أنا فتاة عندي 23 سنة. راح نحاول نختصر مع أني مهما كتبت راح يكونوا مجرد رؤوس أقلام لأنو في قلبي كلام كثير.تأكدت مؤخرا بلي بابا هو أب, زوج و ابن سيء و سيء جدا.عيشنا حالة رعب نخافوا يجيونا ضياف خاطر يهبل و يحاوزهم بطريقة غير مباشرة, نخافوا تتكسر حاجة في الدار لأنو يهبل ثاني و يسبنا, نخافوا ناكلوا من الماكلة لي يشريها لأنو إذا نقصت يهبل ثاني و يعمر الدار بالعياط و الشتائم, ما يصرف علينا ما يسقسي على احتياجاتنا و الكثير الكثير, أما أمي ديما يهينها و يهين كرامتها بلا ما تغلط مع أنو ماكانش لي تتحمل رجل بشخصيتو. أما يماه لي كي نشوف كيفاه يعاملها نقول بلي معاملتو لينا ما تبانش الربع قدام وش دارلها .حطملها حياتها و مش حابة نحكي التفاصيل عليها.أنا مش نحوس على حل ليه خاطر لقينا الحل و هي أنو نتجنبوه بكل ما اوتينا من قوة. مانحكوش معاه إلا إذا حكى معانا و مانقيسوش أي حاجة تخصو بالمختصر بعدنا عليه قدر الإمكان لدرجة أني ممكن مانشوفوش ليوم كامل مع أنو البيت كلو 3 غرف غير بش نتجنب الصراخ و التذمر و الإهانات الدائمة.و من كثرة انو بخيل ما يصرفش زهدنا في الدنيا ولينا مانحبو نلبسو ما نحبو ناكلو ما نحبو والو غير بعض الهدوء و السكينة لي شريناها ببعدنا عليه.ممكن تقولوا بلاك حنا لي مناش ملاح حتى راه يدير هك لكن العكس احنا ثلاث بنات هربنا منو للقراية ولينا غير نقراو بش ننجحو و نحاولوا نغيروه و لو بالقليل.الأسئلة لي في بالي و لي نتمنى تجاوبوني عليهم هي:

1- علاش الزوجة الجزائرية مضطرة تتحمل زوجها السيء؟ معليش نقولوا السنوات الأولى زواج تعيش معاه على أمل التغير. و منبعد 30 سنة كامل و الزوج غير يزيد في الجبروت و الطغيان ؟ وش مخليها متحملاتو ؟ إذا حب مكانش احترام ماكانش يصرف عليها ماكانش ؟ مع أنو امي بمالها مش محتاجاتو و لا محتاجة دراهمو؟ علاه أم الزوجة توصي بنتها تعيش مع راجلها لي يهينها و يذلها ؟ حابة نفهم وش السر؟؟

2- السؤال الثاني و الأهم علاه الأب دار هك في روحو؟ ما حبنا ما خلانا نحبوه كما ينبغي .أنا مانكرهوش و مش راح نكرهو بالعكس أصلا القانون و الشرع يكفلوه قبل كل شيء. بصح نتساءل علاش دار هك؟ ماكفاتوش 30 سنة يعتبر من تصرفاتو ؟ من حبي ليه نسقسي خاطر خايفة عليه؟ خايفة يكمل هك يلقى روحو وحدو واحد ما يحبو و ما عندوش ذكريات مليحة ؟خايفة يندم بصح ما يلحقش يصلح و يعيش بهذاك الندم.

جاوبوني برك على الأسئلة

[أمة الرحمان رقيّة]

وعليكم السلام

ربي يكون في عونك

كاين عائلات كثيرة تعيش المعاناة هذه

بخصوص سؤالك الاول نقولك ان المراة تخاف من المجتمع لذلك تبقى متحملة زوجها واهاناته وتوصي بنتها باه تعيش كيفها لانها تخاف ايضا تبقى بنتها بلا زواج وتتحقر في المجتمع


سؤالك الثاني يقدر يجاوبك عليه الا الوالد هداه الله

ربما عاش ظروف قاسية في صغره

وربما يعاني من مرض نفسي الله اعلم



نوصيك بالصبر والبر، كاين اولاد كثر يعيشو نفس الوضع مع الام والاب للاسف
ونوصيك ما تخليش حياتك تغير نظرتك للرجال وتقولي ا كل الرجال سيئين



ربي يصلح حالك ويفتح عليك

[محارب الحمق]

أولا الاسلام لايجبر المرأة على المكوث مع رجل هكذا هي صفاته, بل هو المجتمع البائس والعادات البالية. واحد ما حتم على أمك تريح معاه. ثانيا ربي يهديه وربي يفرج عليكم.

[محمد جديدي التبسي]

فهمت الكثير من مشكلتك لما قلت أن أمك مش محتاجاتو ماديا هنا العقدة عند والدك ربي يهديه ويفرج عليكم
أمك واعية وعاشت لأجلكم فقط فحافظوا على برها وأحسنوا لوالدكم لعل الله يهديه والله قادر على كل شيء

[kacimo.samy]

السلام عليكم
1 / ماشي مضطرة تتحاملوا يوجد طلاق و ويوجد الخلع وتلك عادات و تقاليد تاع تبقى مع واحد يهينها على حساب كرامتها... المرأة ذات و حياة ماشي عبدة عندو ؟؟
2/ بعض رجال كي ما يقدرش لبرا لناس يفرغها في عايلته و ولاده
و يوجد الكثير ما عائلات هكذا راهم يعانو غير وقتاه تزوج باه تتهنى من دراهم و المشكلة انها تقبل بأي شخص حتى انها تجد نفسها طاحت في واحد اكثر من باباها

المهم ربي معاكم واصبرو و اقروو ...وربي معاكم

انصحك بمشاهدة في يوتيوب برنامج
أطمأن قلبي هو شخص يعاون ناس .... شوفي ناس شحال ايمانها قوي و ان شاء الله تكوني كيفهم في لايمان ...

[نجاة^^]

السلام عليكم
ربي يفرج عليكم ويصبركم ،وربي يهدي باباك

[nilly]

ما يضحكني بالموضوع عندما ارى بنات يقلولك نتزوجه هكدا ومبعد نبدله هههههههههه متى تفهمون انه لا احد يستتطيع ان يغير الاخر الا ادا هو سمح لكي بدلك الا ادا كان هو يريد تغيير فعلا افهموها مليح هادي
اغلب المتزوجون يعيشون مثل امك
اما بخصوص علاش امك تحملته لان امك مخها مبرمج مثل بقية نساء ورجال ان الموت عندهم احسن حل من طلاق هناك من انتحروا لانهم لم يتحملون ولكن لم يفكرن ابدا بالطلاق وامكي ترى بان زوجة صالحة هي التي تبقى تتعدب وتتحمل من اجل اولادها هي فكرتها وقرارها ادن الحياة هده هي التي اختارتها بكامل ارداتها ولدلك لااستطيع تدخل بهدا شان.

بالنسبة لابوكي لا يجب ان تكرهيه هو اكيد مر بطفولة قاسية فكل انسان عنده مشاكل في الكبر هو راجع لطفولة طفولة من اهم مراحل الانسان وكل الامراض نفسية والعقد وشخصية المضطربة مصدرها طفولة الوالدين والاهل يجب ان يوفرون طفولة هنئية لاولادهم

ولا يستطيع اي زوجان ان يوفران طفولة سليمة لاولادهم بسهولة يااما ان يكونا خبيران في علم نفس لانه توجد مقولة تقول لااحد يوف يعرف ان يربي ابنائه اكثر من مختصين نفسيين . او يكون زوجان على ثقافة عالية بتربية وعلم نفس ودون دلك مستحيل

فلينظر كل واحد منا الى نفسه يجد الكثير من العقد والاضطرابات كلها راجعة لطفولة ولدلكي لاتولمين اباكي فانتي لاتعرفين كيف مرت حياته والان بدل ماتوقفون جنبه تركتموه لااحد يفهمه ولااحد يسانده كل مشاكل مجتمعنا نابعة من


سوء تفاااااااااااااااااااااااااااااااااااااااااااااااا ااااااااااااااااااااااااااااااااااااااااهم.

ولا تنظري فقط الى امك انها ضحية انتي تعرفين امكي كأم ولكي الحق ان تحكمين عليها كأم اما كزوجة لا يحق لكي الوحيد الدي يحق له ان يحكم عليها كزوجة هو ابوكي

لا تتدخلي في علاقتهم مع بعض انا ابدا لااعطي الحق للام عندما ارى ان الاولاد يكرهون اباهم هدا دليل واحد ان امكي هي التي تتكلم كثيرا بسوء عن اباكي لدلك اصبحتم تكرهونه

زوجة الجيدة مستحيل ان تتكلم بسوء عن زوجها لاودلاها اتعرفين لمادا لانها سترفض ان يكره اولادها اباها بالاخير هي لاتعرفه كاب وانما كزوج

كم من زوج فشل بعلاقة زوجية لكنه نجح كاب ادان لمادا يفسدون الامهات هدا شيئ انا اعرف الكثير وهناك عائلة اعرفها امهم وابوهم مطلقين وقبل طلاق اولادهم يتكلمون بسوء كثيرا عن اباهم وبعد طلاق قاطعوه نهائي

فهم يرون ان امهم الضحية وابوهم الجلاد مع ان امهم معروفة بطول لسانها وابوهم معروف بطيبة الا ان الام ستت ابنائها

وكلهم هكدا عندما تسوء علاقتهم بازواجهم يعمرون راس اولادهم ومادا سوف تجني انتم الان متاكدة بانكم كلكم يااما عندكم اضطراب في شخصية او عقد نفسية وامكم سبب

اما امه فهي التي ربته هكدا والان هي تجني ماغرست وفقط

ادن ماساقوله انصحي امكي اولا ان لا تتكلم عن ابوكي الغرب عندما يكنون معاهم مشاكل يدهبون بعيدا عن الاولاد لحتى يتشاجرون لانهم بكل بساطة لايردون ادخال اولادهم في الموضوع لحتى لا يمرضون لاحقا .

امك وماتعانيه الان نتاج عن اختيارها هي التي اختارت ان تعيش هكدا وابوكي هو الدي اختار وكلكم اخترتم هدا ادن لمادا شكاية ؟؟؟؟؟؟؟