صرخة الى ناس الغرب

[مشكلتي]

سلام عليكم ياخاوتي واش نقولكم انا امراه متزوجه من تيارت زوجي للاسف بطال مع انه كان يشتغل استاذ بالتعاقد وصرالو مشكل مع لاكاديمي حسبنا الله فيهم..عندو شهاده ماجستير ادب ودبلوم محاسبه وكاتب روايات قصيره. وشعرويخدم تريسيتي والبنتورا لكن لا احد رضي يشغله. نقولكن علاش لي يشوفوا متعفف يظنه لاباس بيه والله والله غير حالتو خلاص غايضني مزال مدرناش العرس رانا من 2016عاقدين حتى اهلي ولاوا يعايروا فيا انو راجلي بطال اناشدكم بالله يا صحاب الغرب لي عندو اي عمل والله يقبله ولو عامل نظافه ساعدونا رنا في كرب والله المستعان

[toulay]

وعليكم السلام ورحمة الله وبركاته
ربي يفرج عليكم ان شاء الله
يا اختي راهم حلوا تاع لاداس و pid يقدر يسجل ويجيب كونطرا ويشوف كاش واحد يمضيلوا فيها ويقدر يخدم ان شاء الله يعاون روحو
بما انه عندو ماجيستر يدير pid
هذا واش جاء في بالي صح الراتب ميكفيش بصح حبيت نعاونك ولو بفكرة
بالتوفيق

[نجاة^^]

السلام عليكم
ربي يفرج عليكم ويسهل ان شاء الله

[محارب الحمق]

ربي يفرج. يقدر يدرس بالساعات في الجامعة. البانتر مهنة مليحة ومطلوبة ينشط برك وبربي يلقى. يجتهد شويا ويكمل الدكتوراه وان شاء الله يلقى خدمة في الجامعة. يتوكل على ربي وان شاء الله مايخيبوش

[king yasser]

ساعطيك بعض الافكار لعلها تفيد
-لويذهب زوجك الى المدارس الخصوصية ويعرض عليهم خدماته في التدريس.
-بما ان زوجك لديه صنعة الدهان والكهرباء انصحه ان يبحث عن شركات البناء والمقاولاتية وان شاء الله سيجد عمل.
-يحاول يسجل فلانام ايضا لزيادة حظوظه.
-يحاول يسجل في مواقع التشغيل,ويتابع صفحات الفيسبوك الخاصة بالتشغيل فهي تطرح مناصب شغل يوميا لعله يجد مراده.
وفي الاخير انصحكم بالاستغفار والصدقة والتفاِؤل وحسن الظن بالله...فكلها جالبات للرزق.

[pomaria_aindefla]

المركز الجامعي بغليزان يوظف صدر الإعلان البارحة و فيه مدة 15 يوما للإداع الملفات
http://www.cu-relizane.dz/index.php/fr/
http://www.djelfa.info/vb/forumdisplay.php?f=60
طاليعي أيضا صفحة التوظيف الجامعي بهذا المنتدى

[نبض قلبي]

ربي يرزقو ان شاء الله
ربي يجيب الخير ان شاء الله

[nilly]

قلبي تقطع عليكي لو كنتي في بجاية ساساعدكي بتالتاكيد

اخبري زوجكي ادا كان لا يمانع ان ياتي لبجاية ويعمل

[أمة الرحمان رقيّة]

وعليكم السلام

ربي يقدركم ويرزقكم من فضله

اختي مادام يخدم التريسيتي والبنتورا معناها عندو حرفة والحرفة كنز ثمين
لازم يحوس مليح برك على الخدمة لانها مطلوبة بكثرة

ويكون علىيقين انه يطرق باب ربي مش باب الناس
اي واحد يلجأ لربي طالب العفة والستر لن يخيبه الله

كوني سند لزوجك وماتخليهش وحدو
سانديه معنويا ذلك يكفي
ربما هذا ابتلاء من الله

حاولي تخرجي من البلاء هذا ناجحة وما تسمعيش لكلام الناس

انا ايضا فات زوجي على ظروف صعبة قبل الزواج وسمعت ما سمعت من اقرب الناس ليا

واكثرهم حرضوني باه خليه ونعيش حياتي
لكن تمسكت به لاخلاقه وصدقه
والان راو بخدمتو الحمد لله كثيرا

الدراهم والمادة صح نحتاجوهم باه نعيشو
لكن مش هوما كل شيء

ربي يفتح عليكم

[بشرئ عاشقة العلم]

تقيضك مين تقرا و متلقاش بلاصة تعكس مستواك مع الاسف
بصح معليش انت اختي التزمي بقراءة القران خاصة سورة البقرة و اكيد رح يفرجها ربي عليكم

[* قمر*]

ربي يفرجها عليك ختي

[سيرين راجي]

ادخلي للفيسبوك "تيارت توظيف وعمل"

[الباحث السعيد]

سابقات توظيف او يبحث عن عقد لانام احسن

[mokhto01]

الله يفرج عليك

[رندة.]

ربي يفرج عليكم ويرزق زوجك العمل الصالح ان شاء الله.