الصدمة

[hadjer45]

السلام عليكم
علابالي راكم تتسائلوا على العنوان
مي هادي هيا حالتي دركا راني مصدوووووووووووومة
لابعد حد
علابالكم علاش ؟ :eek:
اليوم رحت لليسي ندي كشف النقاط نتاعي
شحال لقيت المعدل :(
14 واه ديت 14 سقطت سقوط حر
بعد 16 وليت 14
و الاغرب الرياضيات اللي دخلت نخدم فيها على 20
ديت فيها 8
راني مشوكيا بزااااف
حتى وليت نقول : مادام جبت هاد المعدل في الدوزيام
مغادياش نجيب مليح في الباك .
صدمة ...

[الفتاة السعيدة]

علاه اختي كل هذا احباط
حاولي تعرفي سبب السقوط
وربي يوفقك
في دراستك
المهم الاجتهاد

[hiba imane]

اختي مام انا صرالي هكاك مي ان شاء الله نخدمو فالباك

[*آية*]

وعليكم السلام ورحمة الله تعالى وبركاته :)
لا داعي للانصدام أختي ,,,
أولا السنة الثانية ثانوي ليست معيار للبكالوريا فلا تخلطي الامور
أيضا احتمال بعيد أن هناك خطأ في احد اختباراتك ...
فلا تحبطي نفسك من الآن ولا تهتمي بالمعدل بل اجعليه حافزا لكـ :cool:
موفقة ;)

[زهرة جوري]

يا اختي لاه هذا اليأس كامل توكلي على ربي برك

[رانية ة]

ياختي عادي جدا ايه عادي
شفنا بزاف كانو يدوا 17 ومنبعد في الباك طاح بزااف
الصح في الباك مديريش على هاذو الفصول
اصلا الفصل الثالث يرجو يليكيدو في التصحيحات

[المُعادلة الصّعبة]

اتصدمي ضرك خير من تتصدمي وقت اخر

لانو الصدمه هاذي ماراحش تطول بزاف وتنسايها
كي تدخلي لعام الباك اكي تقراي للباك مكيش رح تبقاي حاطة في راسك الصدمه تاع العام لي قبلو

هاذي علامه وحدة راح تحددلك مصيرك كامل !!
رانا كامل فتنا بالتجربة تاع نجيبوا علامه مش مليحة ولكن هذي علامه ما تحددش ابدا مستواكِ
عادي جدا الباك ماهوش رح يجي كيما الامتحان تاع الفصل الثالث ولا نفس الدروس ولا نفس الظروف ولا نفس المكتوب لي كتبهولك ربي
كل حاجه في بلاصتها اختي ما تخلطيش حتى حاجة
وخليها حافز ليك قولي مانزيدش نجيب هذا المعدل باذن الله العام الجاي وحاولي تتجنبيه هكا تكوني بالسقوط هذا حققتي نجاح نفسي و علمي
المرة هاذي تجيبي 8 المرة الجاية تجيبي 19 المرة لي بعدها 15 كل مرة كيفاش ...

كل مرة وش تجيبي علاش تحسبي رح تبقاي تجيبي هاذي 8 للابد لصقتلك في جبهتك ولا .. !!
فكري بمنطقية شهدي واستعفري تفكري روحك شكون انت وما تطيحيش ثقتك بروحك الثقه بالنفس هي اهم شي
لازم تكوني على ثقه انو مش هذا مستواك وهذا فقط قضاء وقدر ومجرد علامه فايته لا تسمن ولا تغني من جوع و المفروض ما تهتميش لكشف الفصل الثالث لانو حتى الاساتذة مايهتموش بيه فالعادة
حبيت نقلك صوبي هدفك مباشرة نحو البكالوريا وفقط
نتمنى نكون افدتك

[المُعادلة الصّعبة]

البكالوريا شيئ آخر تماما
رح تجهزيلو كل العدة والعتاد وكل كل كل كل امكانياتك وطاقاتك رح تستخدميها عام البكالوريا ما تخافيش

[امـــة اللـــه]

نورمال اختي تجيك الصدمة درك وتكون حافز ليك باه تتقدمي خير ما ديما النقاط ملاح وتجي فالباك تتشوكاي صح

ان شاء الله القادم اجمل