انتهى ال nightmare

[toulay]

السلام عليكم
Hellooooooooooooooooooooooooooooooooooooooo and welcome
Hallooooooooooooooooooooo
الحمد الله بعد تعب وجهد جهيد انتهت البكالوريا وان شاء الله كل من جد واجتهد راح يتوج التعب تاعه بالنجاح بمعدل مشرف ويقرا التخصص لحايب

Bon نرجع لموضوعنا راني فتحت هذا الصفحة خصيصا لنسيان ضغط البكالوريا والتكلم عن المواقف الطريفة والمحرجة لصرات وكيفاش كان موقفكم مين شفتوا المواضيع ومالقيتوا حتى حاجة من التوقعات هههههه
احكولنا تاني كيفاش كنتوا مكبوبين على sujet ومركزين

ياو اتكلموا متخلوهاش في قلبكم
انتظر تفاعل من طرفكم
راح تبقى هذا المساحة حتى تظهر النتيجة ان شاء الله

بالتوفيق

[المُعادلة الصّعبة]

وااااااااااااااااااااااااااااااااااااااااااااااااا ااااااااي كملنا الباك فض الكوشمار فض الحمدلله كثييييييييييييييييييييييييييييييييييييييرا
لي عودة باذن الله للموضوع ضرك راني تعبانه ولازم نريح نرقد واش رقدوا اهل الكهف ناقصة نووووووووم اخيرا الحريه الحمدلله

[وئ___ام الأمل]

لي عودة ان شاء الله
بعد التذكر هههههه

[* قمر*]

الحمد الله يا رب مر بسلام🤗🤗
نسال الله النجاح
لي عودة ان شاء الله بعد منريح راني عيانة

[رانية ة]

اتمنى لكم التوفيق والنجاح و المعدلات العالية ان شاء الله ;);)

[ألفة 98]

الحمد لله تهنينا مي رايي الشخصي بكاوريا2018 صعيبة شويا بارابور بالعوام لي فاتو و خاصة العلوم

[اَشْرَفْ اَنيِسْ]

كنت مانيش مصدق بلي راني نعقب فباك و مانيش مصدق حاليا بلي كملتو
كي كنت نحل نطلع عيني نتأكد بلي دورة 2018 هههههه

[~عيون القلب~]

الحمد لله تهنيتو وتهنينا معاكم - كنت حاسة بيكم - ^-^
لعقوبا للنتائج ان شاء الله وتدو واش كنتو تطمحو ليه
ربي يوفقكم , عن قريب سوف نستعمر هذا القسم انا مع زملائي ان شاء الله



BAC-2019-yes-we-can

[* قمر*]

الحمد لله تهنيتو وتهنينا معاكم - كنت حاسة بيكم - ^-^
لعقوبا للنتائج ان شاء الله وتدو واش كنتو تطمحو ليه
ربي يوفقكم , عن قريب سوف نستعمر هذا القسم انا مع زملائي ان شاء الله



bac-2019-yes-we-can





بالتوفيق لك اختي 😍😍
دعواتك لنا

[العالمة الطموحة]

كان عام حافل بالاماني و التحدي و الامل و السعادة و الخوف احيانا و الباك كان شويا صعيب على الاعوام اللي فاتو و ربي يجيبلنا الخير و يحقق امانينا بقدر ما عملنا لاهدافنا و دعونا:)

[rania17]

والله فرحت مين كملنا بصح والله ندمت على بزاف صوالح ومشكيتش نجيبوا بمعدل ادعولي والله بالتوفيق

[طالبة لها هدف]

الصراحة خاب ظني كثيرا
خاصة بعد علمي بخروجي عن الموضوع في مادة الفلسفة
يعني على العموم انا درت لي عليا و شهر رمضان مكاش نهار رقدتوا مرتاحة كي الناس نرقد 12 ولا 1 تع الصباح 5 نوض نجري كشما نقرى في لآفان يجيبولنا اصعب بكلوريا على مر السنوات لي فاتوا
بن غبريط و الاساتذة لي خدموا الباك
ان شاء الله لا تشوفوا الخير في حياتكم ماشي غير انا كاين 10 الآف واحد يدعي عليكم
ان شاء الله لا تشوفوا الخير
الحاجة الوحيدة لي غايضتني و حارقتلي قلبي اني مش رح نلحق للمعدل لي يخليني نفرح الوالدين

[طالبة لها هدف]

و من دوك علبالي بلي رح نكون مع جماعة باك 2019 و اسمحولي لي هدرت بزاف

[أيمن الدزيري]

الحمد لله على كل حال
والحمد لله الذي بنعمته تتم الصالحات

تعبنا , اجتهدنا , سهرنا , وضحينا براحتنا من اجل دراستنا وان شاء الله نجني ثمار هذا التعب
ولتكن كلمة الحمد هي اول الكلام واخره سواء حققنا ما نريد او -تأجل- لحكمة لا يعلمها الا الله
اختي - طالبة لها هدف -
الله أدرى بنا من أنفسنا ولو اطلعنا على الغيب لاخترنا ما كتبه الله
فلا تحزني وتفائلي فان بعد العسر يسرا , ولا تيأسي من روح الله

أستاذة , شكرا على هذه المساحة

[طالبة لها هدف]

صدق ما قلته أيــــــــــــــــــــــــــــــــــــــــــــمن
لكن فاض الكلأس و لم اعد اتحمل
كل يوم اقول بما ان المواد السابقة تتفاوت في درجة الصعوبة اليوم ستكون مادة سهلة
و بعدها اتلقى صفعة اخرى
يعني يوم النتيجة بواش نقابل ماما و بابا ؟ آه؟

[أيمن الدزيري]

صدق ما قلته أيــــــــــــــــــــــــــــــــــــــــــــمن
لكن فاض الكلأس و لم اعد اتحمل
كل يوم اقول بما ان المواد السابقة تتفاوت في درجة الصعوبة اليوم ستكون مادة سهلة
و بعدها اتلقى صفعة اخرى
يعني يوم النتيجة بواش نقابل ماما و بابا ؟ آه؟

علابالي يا اختي بالشئ اللي راك تحسي بيه درك
مام انا مش اول باك ليا هذا وفات عليا نفس الشئ
لكن شكون راح تلومي ؟
راح تلومي روحك ؟ يخي تعبتي وقريتي وماقصرتيش
راح تلومي الوزارة والديوان ؟ يخي مازال ما خرجت النتائج + والامتحان عقبوه التلاميذ كامل

لذلك , ننصحك الفترة هذي استغليها في الراحة والنوم باش تسترجعي طاقتك وتتحسن نفسيتك

[شمس الأمنيات]

كمترشح حر !!
لا وجود للطرافة
خخخخ الشيء الوحيد لي استغربته
ان المترشح لي قعد مورايا من مواليد 1964
وكأني فقدت الذاكرة نسيت كل شيء

[اخت الرجل]

ماكنتش مامنة كنت نحل شوية ونولي نضحك وحدي شيوخة نصيبهم يخزرو فيا

[طيف الملاك¤اماني¤]

نعم واخيرا كملنا الباك
وتعبنا واجتهدنا
ان شاء الله فيها خير ياستاذتنا
نشكرك بزاااف لي وقفتي معانا

[أميرة النجاحْ]

الصراحة خاب ظني كثيرا
خاصة بعد علمي بخروجي عن الموضوع في مادة الفلسفة
يعني على العموم انا درت لي عليا و شهر رمضان مكاش نهار رقدتوا مرتاحة كي الناس نرقد 12 ولا 1 تع الصباح 5 نوض نجري كشما نقرى في لآفان يجيبولنا اصعب بكلوريا على مر السنوات لي فاتوا
بن غبريط و الاساتذة لي خدموا الباك
ان شاء الله لا تشوفوا الخير في حياتكم ماشي غير انا كاين 10 الآف واحد يدعي عليكم
ان شاء الله لا تشوفوا الخير
الحاجة الوحيدة لي غايضتني و حارقتلي قلبي اني مش رح نلحق للمعدل لي يخليني نفرح الوالدين


السلام عليكم أختي لينا

لفتني ردك من بين الردود الباقية

يا أختي كاين بزاف ناس من حالتك و خاصة الفلسفة انا درت المنطق بصح نقيض الاطروحة خطأ معناه التركيب و الحل خطأ

مش راح نحكيلك في واش راحتلي في الباك

بصح ديري في بالك مليح لي جابو نقاط عالية مكانوش كامل متوقعينها بصح مجزعوش من رحمة ربي

دوكا لي خدم ولي ماخدمش راهي بيد ربي أولا و المصححين ثانيا

أحسني الظن بالله و تفاءلي و لا تقنطي من رحمة الله فان الله لا يضيع أجر من أحسن عملا

انساي البكالوريا لانها خلاص فاتت ادعي ربي دوكا يحفظلك وراقيك و يتساهلوا معاك في التصحيح

تلحقي باذن الله متقوليش كيما هاك لان هذا سوء ظن بالله

[~ قدس ~]

الحمد لله كملنااا ..
ربي يجيب النجااح بالمعدلاات المليحاا متاكدة مااكانش هههه ..
جو البااك كااان رووعة ..
اسااتذة طيبيين لخرر ..
العسة نزيرة ماكاين تنقاال ماا شي ..
مالقري اساتذة جاامي شفتهم مي .. لي نتلاقاه اليووم النهاار لي مورااه يجي يسلم علليك واش خدمت اليووم لابااس ..
رئيسة المرركز تاعنا محالاهاا عااقلة كل ما يخررج وااحد وااش خدمت وتضحك وتتبسم ..
مرة نسيت السينياتوور تاعي .. رجعت يااخي لقيت عشر اساتذة يحووسو على ورقتي هااكي بنيتي هاكي سنيي هناا ربي ينجحك .. وتااع لي يدي البرطاابل يديرلي رقم 16 فييه وكل صبااح وعشية يدعيلي ندييه ..
اول يووم جيت مع صاحبتي بقيت عشر دقايق قداام الباب خاايفة ندخل .. بعدها شدتلي ايدي صاحبتي ودخلناا يااه الخووف كاامل رااح .. حسيت بلي تقاسمتو مع صاحبتي ..
نهار لخيير كنا نستنااو صاحبتي من القسم تخرج .. حتاان جاونا صاحباتنا لي هوما تااع السيونس .. باسكو زوج ليسياات لاصقة في بعضهاا تسما يخلطووناا السيونس والرياضيات في ليسي والباقي في ليسي .. مانعرف كامل هاك ولالا ..
المهم جااونا عمباالك وليناا نتباكوو كي شفنااهم .. ماصدقنااش بلي كملنا البااك رحناا لقسمناا لي كنا نقراو فييه .. والليسي كاامل خرجت للساحة ولااو كاامل يتعايطو ولي يصفر يصفر وويغنوو .. كامل خرجو مع الخمسة بقيناا للستة ونص وحنا ثم ونودعوا وحالة ..
المهم جوو هههه ..
بصح مااخدمتش في البااك .. ماانفووتش 14 -_- ..

[toulay]

Up up up up

[ندوشةة]

و انتتتتتتتهـــــــــــى أخييييييييييييييرا
لم اصدق
احس بفراغ عاطفي ههههه مالقيت واش ندير درك تالمو والفت نقراا خخ
المهم عدااا اسبوع هااايل بالرغم من انو اصعب اسبوع مر عليا في حياااتي
لكن لحظاات لا تنسى
سواء من ناحية لخلعة تاع المواضيييع و لا الفرحة كي تلقااه ساهل و لا حتى كي تخرج تبكي خخخ ( خرجت نبكي فالفيزياء و الانجليزية )
ان شاء الله يا ربي يكونوووا النتائج ملاااح و مرضيين و نفرحووا والديينا باذن الله
و الفضل يعوود لاسااتذتنا سوااء في الثانوية او هنننا في المنتدى شكرااا لكم

[narimandz]

الحمد لله تهنينا من الباك او مازال النتائج قبل باه نقولوا كملنا من باك المهم عن نفسي نضن انو المواضيع لاباس بيهم مع انو كاين بعض خبث ههه من كان يتوقع انا الجيولوجيا و احتمالات و الاهتزات في كيلى الموضوعين تهنين هاد لعام من مشكل التسريبات و وجع راس حمد لله وباك عندوا وحد البنة كي راحت غبريطية ههههه سهالوا سوجيات
لكن احساسي اني مش راضية على خدمتي 100 ب100 كاين وكاين مي المهم ربي يتساهلوا معانا المصححين مع اني لا اضن ههه يقلولوا الموضيع ساهلة واش تنزيدوا نسهواا لازم نزيروهم في تصحيح خخههه
ربي يوقفنا كامل جميع واحد تعب ربي يفرحوا بنتيجة لي بغيها

[TakouaQueen]

والفت القراية، ههههههه، مالقيت ما ندير، المهم أن البكالوريا تجربة جد ممتعة، وباك 2019 المرة الخامسة بالنسبة إليَّ، وأطمح للإعادة، على كل، ربي ينجح أي واحد تعب، وينال فرحة البكالوريا،

تحياتي

[مِـشْاٌغَبّـ ^-^]

نشاله كامل ننجحو ونتهانو

[ايمانو الجزائرية 01]

ربي يوفقكم كاااااااااااااااااااامل
فكرتوني كي كملنا البيام نشفى كي وليت للدار معرفتش وش ندير والفتو :1:

[toulay]

السلام عليكم
للرفع

[اكرام براءة]

السلام عليكم و رحمة الله

أخيرا انتهت أطول بكالوريا في تاريخ الجزائر
12 شهر دراسة
ماصدقتش بلي صايي مانزيدش نقرا الاجتماعيات طول حياتي ههه مانزيدش نتلاقى بأرسطو و ديكارت هه مانزيدش نسمع كلمة " منهجية "
جا وقت الراحة و الحرية أخيرا ههه
صح تعبنا و صح قاسينا و فرحنا و بكينا
جات بكالوريا صعيبة خاصة المواد الأساسية
اللي واعرة أنو دخلنا للامتحان تحت شعار أسهل بكالوريا في تاريخ الجزائر
فصدمتنا الأسئلة
خاصة الفلسفة المواضيع المقترحة كامل ماجاتش
تشوف روحك حاير واش تكتب و كيفاش تزيد و تعمر الورقة برك
و تكبر الخط باش يبان كتبت بزاف :1:

صح فات اسبوع رائع هه شعور الضغط هذاك و الخوف و تجربة أول بكالوريا مايتعاودوش
ماأمنتش بلي وصلت للباك و فوتو و صايي تهنيييييت

ربي يوفقنا كامل و يفرحنا يوم النتائج إن شاء الله

[مِيمْ]

السلام عليكم
اا بالنسبة ليا كان اسبوع مليح نوعا ما 💕
الحاجة اللي حيرتني اني ما خفت ما تقلقت ما والو حسيت روحي نجوز في الاختبارات برك 😂
برك كنت نفشل كي نخرج من مادة و نحس روحي ما خدمتش فيها كيما يلزم 🤦‍♀️
الفلسفة دخلتها برك نكتب و نكبر في الخط كيما اكرام :d
بصحتهم الجماعة اللي زادوا الاوراق انا ورقة الامتحان بالكشفة كملتها :1:
عجبني موضوع الانجليزية جاز هايل خفيف ظريف
المهم و اخييرا كملنا باك هاذ العام و تهنينا صح كان صعيب شوية ياسر بصح معليش
و ان شاء الله ربي يوصل كل واحد فينا لواش راو حاب ❤🥰

[#Aya_bOok#]

صحيح أنني متأخرة ..لكن المهم التحقت
الباك كانت تجربة أكبر من مثالية..صحيح أننا تعبنا لدرجة كبيرة جداا
لكن الأسبوع الأخير لخص كل شيء..كان جميلاا جداا رغم أنني لم أصب في الكثير من النقاط من مختلف المواد
إلا أننا متأكدين أن الله لن يضيع عمل عامل منا

[ريان2015]

امين اللهم وفقنا جميعا