تسجيل الدخول

مشاهدة النسخة كاملة : قناة النهار الغبية

ورد الاوليف
2018-06-22, 19:27
سلااااام قاتلي الوالدة بلي قناة النهااااااار ضخمت حكاية كازيو وعلى ديك احنا تاع المركو تاعنا دوك يشوفو القناة تع النهاااااااار بيا ويفيقو لكازيو وينحوها علينا في الفيزياء ا ويلي ويلي ربي يجيب الخير ياك مارهيش مبرمجة ماترسمش وعلاااااه ذرك النهار يديرو هك كن خلو لباك يكمل ويعد يعدوها يالزهر ليهودي :mad::o:confused:
*** عبق الزهور ***
2018-06-22, 19:30
انا مسمعتش بهذا الخبر
لكن الراجل فيهم ينحيهالي ماشي عام وحنا نجبدو باه في الاخير يجي يعرقلك

المهم ماتشوشوش على رواحكم ولي كاتبة توصل
النجمة المتلألئة
2018-06-22, 19:55
أتستعمل في الفيزياء ؟ فيما نستعملها؟
~ شُـمــــــوخٌ ~
2018-06-22, 20:12
يا اختي نتي متكسريش راسك ادي معاك وحدة عادية باش تكوني مطمنة
djoumana rayen
2018-06-22, 20:24
شبيهم هاذو لكبيدة هاديك مي انتهت مهمتها مع الرياضيات مرت بردا وسلاما الخطرة هاذي مالقيت فماه نستعملها كنت معولة عليها فالرياضيات لكن مالقيت وش نحسب بيها غضتني هه راح تعبي كامل في باطل فكرتيني فالرياضيات باينةرح نرجع نبكي على زهري
~ هبة الله ~
2018-06-22, 20:38
و علاه كيفاه نستعملوها في الفيزياء ؟؟
أمنية تنتظر التحقق
2018-06-22, 21:04
و علاه كيفاه نستعملوها في الفيزياء ؟؟

مثلا في طاقة الربط كتبي غير الارقام و ديري الاقواس تخرج النتيجة ديركت
متضيعش الوقت فهمتي

نفس التساؤل...الحمد لله يا ربي لي شفت الرد...شكرا لكما أختَــي ربي يجازيكم..ما كنتش علابالي قع
++هذا ف واش نقدرو نستعملوها؟؟؟؟
هاكونا ماتاتا
2018-06-22, 21:12
هكا يكون عدل ...نحنا الكل نخدمو بالحسابة العادية
Mr.R
2018-06-22, 21:15
قناة النهار كذاابييين
يضلو يشكلو فالأخبار
نفس اجابة عبق الزهور
نلعب ولا نحرم هههه
~ هبة الله ~
2018-06-22, 22:08
هاد القناة على العام تخلق فالمشاكل و الله شحال كرهتها هدا العام مين ماخلقتش البلبلة تاع التسريبات ولا الروطار قلبتها آلة حاسبة كون تشوفي من قبيل تصور في المترشحين و دايرة ربورتاج تحت عنوان سراويل ممزقة و تسريحات شعر غريبة بصمة بكالوريا 2018
ارواحي انت و علقي درك
unknown person 1
2018-06-22, 22:38
مننصحكمش تتناقشو معاهم اذا جاو داوهالكم مفيهمش لامان قادر يخرجك و انت تضحك في الرياضيات جاو داوهالهم ناضو يريكلاميو عليها دارت للمسؤول قاتلو خرجو عليا و باقية تعاود فيها تقول قتللها باباها مريضة نفسيا مسكينة
المهم ننصحكم تاني اكتبو فيها اسمكم و نقمتكم قبل ما تمدوها باش منبعد متتخلطش مع تاع الغاشي
~ هبة الله ~
2018-06-23, 00:21
مننصحكمش تتناقشو معاهم اذا جاو داوهالكم مفيهمش لامان قادر يخرجك و انت تضحك في الرياضيات جاو داوهالهم ناضو يريكلاميو عليها دارت للمسؤول قاتلو خرجو عليا و باقية تعاود فيها تقول قتللها باباها مريضة نفسيا مسكينة
المهم ننصحكم تاني اكتبو فيها اسمكم و نقمتكم قبل ما تمدوها باش منبعد متتخلطش مع تاع الغاشي

ماشي من حقهم هذا التصرف
لأنه أستاذ قالي كازيو لي ماترسمش دالة مسموحة عادي
و زيد كي ينحوهالهم ب واش خدمو ؟؟
حسبي الله و نعم الوكيل يضيعو ف المساكن
djoumana rayen
2018-06-24, 14:52
حوفتيني مروة بقيت نخمم غدة ندي الدوبل فالفيزياء مي نضن مش الحاجة لكبيرة لي يديروا عليها بلبلة فقط هي تبينلك وش كتبتي باه ماتبقيش تعاودي والفتها لغالية هاديك لكبيدة حسبي الله ونعم الوكيل فيهم