استاذة toulay رجاءً

[المُعادلة الصّعبة]

السلام عليكم استاذة
ما اخبارك ؟؟
استاذة جيتك بطلب ان شاء الله مايكونش حاجه كبيرة ولا يديلك من وقتك
مافهمتش وحد الحاجه في وحد الدرس والله عييت نفهمو
شوفي الpdf هذا (https://up.top4top.net/downloadf-900i1kqc1-pdf.html) في اخر صفحة لي هي رقم 11
الدرس هذاك تاع How to ask a question
مافهمتش القاعدة والله مافهمت اذا تقدري تشرحيلي تعيشي

وربي يبارك فيك

[achiever.x]

ان شاء الله ترجعلك شوفي هاد الفيديو بلاك يعاونك
https://www.dztu.be/watch?v=9z7NqhIZ5Ck

[طالبة لها هدف]

مام انا عندي سؤال بخصوص الامر هذا
هوا في الباك كي يمدلك مثلا الجملة و يسطرلك على الكلمة و يقلك ياك اطرح سؤال تكون الكلمة ديك هيا الجواب
اسكو السؤال لي نطرحو لازم يتعلف بالجملة لي مدهالي ولا اي سؤال ؟؟

[المُعادلة الصّعبة]

___________________

[toulay]

وعليكم السلام ورحمة الله وبركاته
اهلا
راني الحمد الله وانت واش حوالك ان شاء الله بخير
Bon هو فالحقيقة مقدرتش نتيليشارجي هذا pdf والحمد الله راهو عندي déja في حاسوبي

شوف تبع معايا فالمثال هذا
هنا راح نمدلك الجملة بالفعل المساعد to be
Johny is sleeping at home
وراني سطرت على Johny معناها هو لراح نسقسي عليه ودير في بالك اي حاجة يسطرهالك باش تسقسي عليها متكتبهاش فالسؤال
Johny راهو عبد معناها نسقسي ب who ونكملوا الجملة وطبعا بلا ماننسى علامة الاستفهام
تولي هكذا
Who is sleeping at home ?
كون سطرتلك على at home هاذي راها مكان معناها نستعمل where وتولي هكذا
where is Johny sleeping ?

درك مين يمدلك الجملة بفعل نورمال هنا نستعمل do, does or did
do and does نديروهم مين يكون الفعل في present simple و did نديروهم مين يكون الفعل في past simple

Johny goes to school
كون سطرت على Johny فالسؤال نقولوا who goes to school ?

كون جاء الفعل went هنا راهو في past simple يعني نستعملوا ونسطرلك على Johny تولي هكذا who went to school ?

كون جاء عندنا ازمنة مركبة يعني فيهم الافعال المساعدة مع الافعال نورمال كيما present continuous, past continous, present perfect, past pefect هنا نديروا l'inverse sujet verbe
مثال
She has gone to England since 2013
كون مثلا سطرت على since 2013 تولي when has she gone to England? يعني subject تاعنا يجي فالوسط بين الفعل المساعد والفعل نورمال

who للسؤال عن الشخص
what الاشياء
when الزمان
where المكان
how الحالة
why علاش
whose الملكية
which مين تخير بين زوج حوايج
how long المدة
how much الكمية بصح لمنحسبوهمش
how many الكمية لنحسبوهم
what ....for للهدف
whom كيما نقولوا حنا شكون

ملاحظة

When what, who, which or whose is the subject or part of the subject, we do not use the auxiliary. We use the word order subject + verb:
ان شاء الله تكون فهمتي واذا مزال عندك استفسار راني هنا وان شاء الله نعاونك
بالتوفيق

[toulay]

علابالك لمزية كنت دايرة copier لواش كتبت قلت en cas ou تروحلي la connexion
ايا مين درت اضف الرد بقات غير دور دور حتى لقيت الصفحة راحت
كون مكنتش داير copier باش ندير coller كنت راح نبكي باعلى صوتي يسمعوني حتى فالحدود هههههه
بالتوفيق

[المُعادلة الصّعبة]

استاذة بارك الله فيك
بصح قالتلنا استاذتنا كاين الحالات لي منكتبوش subject كيما هاذيك what eats ولا who eats ولا معلاباليش
يعني نديرو wh-question وبعدو ديراكت الفعل

وقتاش هاذي ؟

[toulay]

استاذة بارك الله فيك
بصح قالتلنا استاذتنا كاين الحالات لي منكتبوش subject كيما هاذيك what eats ولا who eats ولا معلاباليش
يعني نديرو wh-question وبعدو ديراكت الفعل

وقتاش هاذي ؟

بلا مزية
انا نعرف بلي مين يمدلك فعل نورمال اذا كان مصرف في present simple تحط do ou bien does واذا في past simple تحط did
subject متكتبوش مين تسقسي عليه يعني هو لسطرنا عليه
الحاجة ليسطرولك عليها ملازمش تذكرها فالسؤال
بالتوفيق

[المُعادلة الصّعبة]

مالفين يسطروا فالباك ؟؟
انا ماشفتهمش الاسئلة هاذو من قبل

[toulay]

مالفين يسطروا فالباك ؟؟
انا ماشفتهمش الاسئلة هاذو من قبل

معلوم يسطروا مالا كيفاش
يقولك ask questions about the underlined words
اصلا كون ميسطروش كيفاش تعرف على شكون راح تسقسي
بالتوفيق

[المُعادلة الصّعبة]

اه اوكي انا فقط ما فاتتش عليا من قبل
شكرا لك ربي يحفظك

[toulay]

اه اوكي انا فقط ما فاتتش عليا من قبل
شكرا لك ربي يحفظك

ممكن متولهتيش برك
عفوا الله يسلمك
بالتوفيق

[toulay]

السلام عليكم
عفوا راني غلطت حتى ولهتني عضوة ربي يجازيها
شوف مين تسقسوا على subject وحتى لوكان يمدلك فعل نورمال متستعملوش الفعل المساعدة

راني كتبتلكم الملاحظة بالاحمر وكبرتها باش تشوفوها
سامحوني برك
بالتوفيق