ما الحل مع هذا الزوج

[مشكلتي]

اتصل باخته فاذا بها تخبره انها حاولت الاتصال بي و محكمتنيش على جال العيد لينتفض غضبا بعد انهائه المكالمة, اخبرته ان الامر لا يستحق ثولرته فبدأ بالصراخ بلعي و بلخبيط

و بقى كل اليوم مشنف؟ انا كبرت لحكاية مخليتوش يرقد كي ناض ضربني و قالي .... كيما نتي تهدر على اختي

ما الذي فعلته؟ لاستحق كل هذا؟

هذه القطرة التي افاضت الكأس، فمجرد مقاطعته في الكلام يجيب نهار ميهدرش معايا.. متسلط لابعد الحدود. كرهت عييت رضيتو بكل الوسائل دايما نرجعو لنفس النقطة


بعيدة على اهلو و ميعيطوليش, انا نعيط نسقسي على عجوزتي بحكم أمو، حتى اني اجهضت و مسقساوش

انا لي حكيت مرة انو ضربني بعد اجهاضي بايام

احيانا نقول منخيرش عليه و لكن في ابسط موقف يعنف يسب يضرب علما انو طلقني مرة في ثورة غضب و نا دايما نتجنب الغضب باه منوليش مطلقة، خوفا من الحالة و من كسر خاطر والدي لي فيهم يكفيهم

معنديش اولاد و ساكنة بعيدة على أهلي


ايضا دايما علاه هازة تلفون علاه تحكي ف لمسنجر علاه علاه

نحس روحي مخنوقة بزاااف و مقيدة



أشيروا علي الله يحفظكم. دموعي محبوش يحبسو

[زبدة ذايبة]

خليه يشنف حتى يشبع.

وش حبيتيه مايزعفش؟؟؟؟

إذا كان من النوع اللي يثور على أتفه الأسباب وش راكي رايحة ديري؟؟؟؟

المهم ماتلحقيش روحك للضرب هذي أهم نقطة.

ثانيا: وهذا الأهم.

ماتزيديش تحلليه خليه.

زعف وحدو يرجع وحدو.

التحلال اللي تظلي ديري فيه عندو معنى واحد فقط.

وهو أنك غلطتي وهو على صواب.

في كل مرة تحلليه فهذا يعني أنك تدينين نفسك بالخطأ.

وإذا قنعتيه أنك تغلطي وأنك مخطئة

فمهما فعلت ومهما كان تصرفك ستبقين مخطئة لأنك أقنعته بخطئك

وبأخطائك في مواقف كثيرة.

لهذا يا عزيزتي الحياة الزوجية حبل بطرفين.

ومستحيل تمشي هذ الحياة وأنت ممسكة بكلا الطرفين.

لهذا سلمي زوجك الطرف الثاني من الحبل ونحيه من راسك.

بالإضافة إلى أنك إذا داوستي معاه وماهدرتيش معاه حاولي استدراجه بالأشياء التي يحبها حتى لاتطول مدة خلافكما.

يعني أعرفي كيفاش تسيري دفة الخلاف.

وعوض ماتكوني ضحية سب وشتم تولي سيدة موقف.

وحافظي على كرامتك بحيث ماتخليش روحك عرضة للضرب في كل مرة.

تجنبي الخلاف معه مااستطعت إلى ذلك سبيلا.

نظن وليتي تعرفيه مليح. وتعرفي على واش يزعف.

حاولي تتجنبي مايقلقه. وإذا خلاص ماكاين حتى حل سوى الخلاف أعرفي كيفاش تمشي معاه وهي التزام الصمت حتى تهدأ العاصفة وبعدها ماتحلليهش خليه يشبع من تصرفاته.

يزعف وحدو يولي وحدو.

شدي لسانك شوية.

أتمنى لك التوفيق.

[قطرة ندى حنونة]

متزعفيش مني الراجل مايبغيش لي تعاسرو وتشد معاه الاشتباك خلليه يعيط ويولي لعقلو نتي قلتي كبرتي لحكاية ردت فعل نتاعو باينة غلط برك كي مد يدو صح مش من حقو لكن نظن نتي عقلك صغير وراكي تعاندي والراجل يكره الزوجة العنيدة وتاني لاحظك رافدة الهاتف بكثرة ومتهتميش بيه ردت فعلو صحيحة ومن حقو انتي حكيتي مع دارهم بلمليحة ودونية سرطيها وسكتي راه علابالو شكاين وراه يشوف يسما راكي انتي سبب كبيري خاطرك وعقلك وحتوي راجلك قبل فوات الاوان عقالي وترزني

[عثمان الجزائري.]

بصراحة أنا أيضا من النوع الذي يكره أن يرى المرأة تتكلم بالهاتف، و عندما أقول تتكلم بالهاتف فأعني تلك التي تتكلم بالساعة و اكثر في أوقات متفرقة يعني كل مرة تجدها بالهاتف تنقل الأخبار و قيل و قال، تصيبني نرفزة بحكم أني أكره إستعمال الهاتف حتى مكالماتي لا تتعدى الدقيقتين في الغالب، و هذا ما جعله يتنرفز لأنه يعلم أنك تتكلمين بالهاتف كثيرا فمن يتصل بك يجدك مشغولة أو مغلق إذا كانت خاصية Mise en attente معطلة...و لك أن تتخيلي أن إنسان يتصل بك لضرورة ملحة و أنتي تمضغي في الهدرة...

[نبض قلبي]

ربي يكون معاك الاخت

[بـــيِسَة]

واش انقلك انا مفهمتش مليح القصة اسكو هي اخته يعني الي عيطتلك و محكماتكش و مبعد انت واش قلتي .............
خلينا معليش شوفي الله يهديه و يرجعوا للطريق الصواب اختي عودي متسكتيلوش و هديه انت بالطلاق و الدولة بلاك يهديه ربي

[kacimo.samy]

السلام عليكم
ربي معاك
والحقرة موش مليحة

[سيرين راجي]

يظهر بلي زوجك من النوع العصبي والناس انواع لازم تراعي الامر وتتفهميه
قال رسول الله "انظري اين انت منه فهو جنتك ونارك"
اذا مات غاضب عليك تدخلي النار الامر مش هين لازم تطيعيه الي يقولك ماتديريهاش ما تديريهاش
اخطيك من افكار التحرر والمرا عندها فيسبوك و القانون معاها هذيك افكار اعداء الاسلام
اما اذا كان يزعف بلا سبب هذيك حاجة اخرى
وربي يوفقك

[ابو سليمان10]

اكتشفت انني لست الوحيد الذي يكره المراة المتعلقة بالهاتف....هناك نساء لا يمكنك ان تتصل بها و ترد دائما occupé.....

[قدور بن عاشور]

زوجك عصبي و أنت دايرة راسك براسو
هو رجل و أنت رجل، و السفينة التي يقودها ربانين ستغرق حتما.
عنادك هو من سيدمر حياتك، واصلي على هذا المنوال و ستأتيك الطلقة الثانية و الثالثة.

[رندة.]

حاولي تنقصّي من استعمال الهاتف راكي شفتي بلي ما يحبش كثرة استعمالك للهاتف ونبّهك أكثر من مرة عليه، وثاني ما لازمش تتشادي معاه في الهدرة وتوصلّي روحك للشتم والضرب، مادام تعرفي زوجك عصبي ويثور بسرعة التزمي الصمت حتى تهدأ العاصفة وأمبعد تناقشي معاه وفهميّه أنو بحكم أنك بعيدة على الأهل وماعندكش الأولاد إلي يونسوك راكي تستعملي في الهاتف. وان شاء الله ربي يوفقك ويرزقك الذرية الصالحة وإلي راح تشغلك كل وقتك وتنسيّك في الهاتف والماسنجر.

[Saif al-Islam]

السّلام عليكم و رحمة الله و بركاته

#وردة4مرحبًا بالأخت صاحبة " المشكلة "#وردة4

المشاكل الزّوجية أصبحت من الأشياء الرّوتينية فلا مفر منها ، و لكن يجب أن نعلم أنّ الهروب للأمام و تجاهلها كلّ مرّة لن يزيدها إلاّ ضخامة و تشابك و " شراسة " ، و من بعدها نقع أمام الأمر الواقع و هو إستحالة إيجاد نقطة تفاهم و إستحالة إستمرار العلاقة ...

الزّوجين مطالبين بتعلُّم أسلوب الحوار و التنازل لبعضهما في سبيل إيجاد الحلول كلّ مرّة ، و هذا لا يعني أنّ هناك خاسر أو رابح حينما نتنازل لأنّنا أصلاً لسنا في عراك أو منافسة ، و " العنتريات " تقود دومًا لمفترق الطرق و الإنفصال

مشكلتك يا أختي هي أزمة ثقة بينكما ، فلا يجب الإستمرار بهذه الطريقة في التعامل بينكما ، لهذا يجب تبنّي أسلوب الحوار الهادئ و عدم تأجيج الوضع أكثر مما ينبغي ، لذلك يجب عليك يا أختي إحترام زوجك و " غضبه " و التنازل و السّكوت و عدم الرّد عليه حينما يغضب إلى حين هدوئه ، و عندما تعود المياه لمجاريها و تهدأ الأمور إقتنصي هذه الفرصة لمحاورته بهدوء و عقلانية حتى تتمكّنا من رؤية الحقائق بوضوح ، و بهذه الطّريقة كل مرّة تنشأ بينكما حالة من الإستقرار و وضوح المقاصد .

و ليكن في علمك يا أختي الكريمة أنّ الزّوج حينما يلومك فيما يخص إستعمالك لوسائل التواصل الإجتماعي فالأمر خطير و يمكن أن يتطوّر لأمور لا يُحمد عقباها ، لذلك خذي الأمر بجديّة يا أختي ، فهذه الأمور " الجانبية " لا ينبغي أن تكون على حساب واجبات الزّوجة إتجاه عائلتها و زوجها ، و نفس الشيء بالنسبة للزّوج أيضًا ، و هنا يجب التأكيد على ضرورة رضى الطّرفين و التركيز على عامل الثقة بينكما في هذا الموضوع ..

بالتوفيق

[123boutheina]

السلام عليكم

الراجل يضربها ويعنفها..وبعد اجهاضها عنفها
++وطلقها ايضا في ثوره غضب
والاخوه ينظرون بعين النقص ويتحرون الغلط والزلل فيها
قوليلي برك وش خلى مدارش ايضا ؟
يا اختي راجلك هو لي يحتاج نصايح وجلسات نفسيه ماش نتي .
وانتِ بحاجه الى رقم الطوارئ والى حل يردعه عن الاسلوب لي راه فيه .
وعذرا على هذا الكلام . ولو اني حابه نقول شياء اخرى وشي ناس حيتهموني بالتخبيب
-- كثري من الصدقه واطلبي الدعاء ... هذا مكان .. خلاص الحقره ولات اسلوب حياه ...
وعاودي اقراي رد الاخت زبده ذايبه
اما رد الاخ قدور بن قدور تجاوزيه وديري روحك مشتيهش

[sam2016]

ما أكرهمهن إلا كريم و ما أهانهن إلا لئيم