اليوم ساحدد مصيري

[مشكلتي]

لسلام خليكم اخواتي
انا فتاة عمري 19 سنة طوال مسيرتي الدراسية كنت من الاوائل تحصلت العام الماضي على البكالويا بمعدل 10 وسجلت في الجامعة ادب الا انني لم اذهب ولو يوم لان والدي امراني ان اعيده كحرة فتركت الجامعة وتفرغت للباكالوريا دراسة في بداية بجد ثم بدات بتهاون تدريجيا نظرا لكثرة المشاكل التي كانت في بيتنا وكذلك بسبب كسلي وضجري ومللي من البكالوريا وكذا غيرتي من زملاتي االاتي سجلنا في الطب ومدارس العليا وغيرها الذي لم اجعله حافزا لي بل بالعكس جعلته عاملا مثبطا كونه يسخروني مني ويقولون لي قريت قريت ومع الاخير
مشكلتي هي انو ان ماحضرتش للباك هذا العام يعني من سابع المستحيلات نوصل 14 لان مقريتش والدي والله لوكان هذا العام مانوصلش والله يكرهولي حياتي وصيف هذا نهبل لان العام الماضي واللله الالم والحزن لي عيشتي والله مايعلم به غير ربي لدرجة انو مرضت وداوني للسبيطار حتى امي ولات تبكي علياهذاك الصيف والله قلبي قريب يخرج وصدقوني ماهدرش معاي غير بعد المرض وبقاو يهدر معاي بثقيل ولو مايسمعوني ما يسمعو بي
حتى في دار ماولتش عندي قيمة ولامعنى ولو يحتقرني بزاف يعني بمجرد نعترض على حاجة يجبدولي على الباك
لهذا ان مانيش مستعدة نعاود نعيش واش عشت لعام ليفات اعلم اني اخطات وانا واالله نادمة وان ليس لي عذر يعني انا ليدرتها بروحي وان انا ماهزيتش من الدرس الاول وعاودت نفس الخطا وصدوقوني انا فتاة الحمد الله خاطيني طريق ماشي مليح والمشاكل وهذا بشاهدة والدي
الان مع الحل ماتقوليش صارح والدك لان مستحيل نصارحهم وماتقولوش اكي تبالغي بزاف لان هذه الحقيقة والدي مراض بالقراية
افكر في التاخر لكن خايف يفقولي وساعات نفكر نقرا48 سا الباقيةونخلي كل شيئ على ربي ولكن اا اعلم ان الله مستحيل يوفق انسان ماتعبش
اعطوني حل عملي ارجوكم ولاتعاتبوني لان اعلم اني اخطات و لن يعود بي الزمان للوراء
صدوقوني وليت نعدي ربي تتكسر يدي اليمنى اعطوني حل اخواتي اليو م ساتخذ قراري
وبارك الله فيكم

[ع.عيسى]

اولا البكلوريا اليوم اصبحت تافهة فكل من هب ودب يربحها الان ، ثانيا مصير حياتك لا يتحدد بالمعدل ولا بالبكلوريا بل بما سطره الله لك ، فمثلا انا ربحت البكلوريا بمعدل 14 شعبة علوم قبل 12 سنة، ملي كانت البكلوريا بشناها، ومع ذلك فمصير حايتي لم يرتبط بها اطلاقا، فلم ادرس لا الطب ولا صيدلة ولا علم طيران ولا المدارس العليا...ودرست تخصص ب10 معدل قبول ،والحمد لله ان الله وفقني في دراستي وفي حياتي المهنية ...لذلك لا داعي لان تضغطي على نفسك ،لانه لن يصيبك الا ما كتبه الله لك اما والديك فالله يهديهما

[طالبة لها هدف]

السلام عليكم
ساقول القليل فقط
انا ايضا مترشحة للباك اعلم ما تمرين به بالاك لي صرا ليك في الباك انا صرالي في البيام كنت صغيرة و ما نفهمش مي الحمد لله ضرك رانا كبرنا و علبالنا صلاحنا وين
الوغ يا ختيتي يا حنونة مدام راكي خارج القاعة تع الامتحان صدقيني كلش ممكن
اقراي في عقلك و كشما خصك راسليني في الخاص نفهمك وش حبيتي طبعا الا راكي عضوة معانا يف المنتدى
و كلش رح يهون صدقيني برك نوصيك
خلي ايمانك بربي قــــــــــــــــــــــــــــــــوي

[amoulette]

الحل الوحيد انك تروحي تفوتي لانك اذا ما رحتيش ستكونين مذنبة في نظرهم
توكلي على الله و زيري روحك في مواد الحفظ لانهم يطلعو المعدل و خليها على الله
والداك قد اصيبا بخيبة امل لانهم توقعوا اكثر مما تحصلت عليه لكن مستحيل يكرهوك لانك مجبتيش معدل مليح و حتى لو لم تحصلي على معدل جيد هذه المرة انت لا زلت صغيرة و يمكنك اعادته السنة القادمة اعرف اشخاصا اعادوه 4 الى 5 مرات من اجل تحقيق اهدافهم
و تأكدي انه لن يصيبك الا ما كتبه الله لك

[نجوم الأمنيات*]

سلام عليكم
عندك والديك يستنواو فيك ونتي معنكش الوقت باه تضييعيه هنا باه يحجي واحد يقترح عليك الحل +راكي هكا تضيعي وقتك وراهو مابقاش وقت وراني مش نخوف فيك
روحي صلي ركعتييين وشمري على يديك وتوكلي على ربي ومتفكريييش في النتيجة فكري في فرحة والجيك شوفي تفااااىلي الخير راكي تلقيه ///////خلطها تصفا ههه وربي يوفقك راح توووصلي بادن الله انطلقي وراكي عندك خبرة تاع عام كامل مووووفقة ختي*-*

[رندة.]

مازال الحال وعندك الوقت تستدركي، ما تتقلقيش وماتفكريش في المعدّل من الآن، نظمي وقتك إلي بقالك قبل الإمتحان وأبداي في المراجعة، وأصلا راهي عندك تجربة سابقة في البكالوريا، توكلّي على ربي سبحانه وإن شاء الله ربي يسهل أمورك وينجحك في البكالوريا وتفرحّي والديك.

[نبض قلبي]

مازال الوقت و تقدري تجيبي ان شاء الله
ربي يوفقك ان شاء الله

[محارب الحمق]

أعذريني أختي ولكن والديك هما من النوع: "parasite". أكره هذا النوع من الناس الذين جعلوا الباكالوريا اله يعبد. يعني لازم بالسيف عليك تولي طبيبة وبسيف عليك تجيبي الدبلوم وبالسيف عليك تجيبي الدراهم وبالسيف عليك الديري حاجة باش يفخرو بيك. كون جيتي راجل نقولو بالاك. ياأخي هاذا بوك بالاك مقدرش يجيب الباك بمعدل مليح, هو مقدرش عليها حابك بالسيف أنتي تقدري. والله مراض صح. صدقيني, ماتقلقي روحك ماوالو. ماتعسيش الناس واش يقولو لبحر والشكارة. أنتي ديري واش تقدري عليه وخلاص. ماراكيش درتي حاجة حرام. أن جبت الباك قبل 13 سنة بمعدل يسمح لي ندير طب وندخل مدرسة عليا بالصح مادرتش. علاش؟ علا خاطرش مانحبش الطب.يعني لازم كامل نخرجو طبا؟ عقلية مقرفة.

[araboualem]

هل حددت مصيرك

[nilly]

مادا هل نجحتي ام لم تنجحين .....

[من قسنطينة]

السلام عليكم
ان شالله يارب تكوني جبتي الباك تاعك بالمعدل اللي والدك حابه وفرحتيه وفرحتي روحك
ربي يفرج عليك وينجحك ويهديك ويهدي والديك للخير ان شالله

[رشا بلقيس]

ربي ينجحك بالتوفيق يا رب

[❀حَـــ يآـــ هْ]

نقولك ماهو مصير ماوالو
راه مجرد مرحلة وتفوت كيماكان الحال ان شاء الله
راه مجرد رزق جا جا ماجاش ماجاش
ـــــ
ولكن علابالك اسوأ شيء ممكن يصرا للطالب؟: انو يجتهد ويتعب وهو حاسب نفسو ماراهش يجتهد

انت قريتي واش قدرتي انت اجتهدتي بالموازاة مع المشاكل في الدار ومع حالتك النفسية

انت علاه تلومي في روحك وتقول "علابالي غلطت ونادمة"؟؟ .....و نظن لوكان جيتي تقدري تقراي كثر كون قريتي لكن انت ماكنتيش قادرة تقراي كثر
علاه تندمي؟

راااكككي ققررريييتتي وااااش قدرتتتي عليييييييه.....خلاص

ربي كتبلك تدي هاذ المعدل وخلاص قراي واش يسرلك ربي واتهناي

ماتلوميش روحك انت ما غلطتيش ، المشاكل والاستهزاء خلات نفسيتك تتدهور ، ونفسيتك المتدهورة خلات قرايتك تضعاف
انت قريتي بالقدر اللي سمحت بيه نفسيتك..هذا كل ما في الامر

انت غلطتي لما ما وثقتيش بنفسك وماتوكلتيش على ربي

على كل: هاذا الامر فات ، انت برك استفادي منو
المرة الجاية ان شاء الله كوني واثقة ان ربي كيما وفقهم قادر يوفقك
انت برك ادعيه ماتخليش نفسيتك تأثر عليك ابدا
دايما استعيني بالله وماتغاريش منهم ابدا لأنك انت مش عارفة وين الخير
ممكن صحاباتك الخير ليهم في الطب والصيدلة لكن ربي شافلك الخير في أمر آخر

انت في الباك ما استعنتيش بالله
عليها كنت وحيدة وضعيفة لكن الآن تعلمي تستعيني بالله واي صعوبة تلقايها في حياتك قهريها بزوج ركعات والكثير من الدعاء..اتفقنا؟

طيب انت خلاص ربي كتبلك هاذ المعدل
لاداعي انك تعيي روحك وتزيدي تضيعي عام اخر من حياتك
في النهاية انت تقراي أدب وكملي فيه حتى توصلي للدكتوراه ان شاء الله
نتم تخرجي تخدمي طول في الجامعة ان شاء الله
الشهرية مليحة وساعات العمل قلال
تخدمي وترجعي ترتحي
شفتي؟ تخصصك ليس بهذا السوء

المهم قرايه بكل حب

اممم ممكن تصلي صلاة الاستخارة اذا تعاودي الباك او لا؟ نظنها فكرة مليحة

[❀حَـــ يآـــ هْ]

علاكل انت عطيتي للباك حجم اكبر منو
الباك مجرد رزق من عند الله
اذا كان رزق مليح نقولو الحمد لله
اذا جا رزق قليل نصبرو ونقولو الحمد لله

ربي ينصرك على اهلك
هوما يعترفو غير بالشهادات برك
نقولك
عندي صديقة تقرا في الجامعة تقرا أدب
ومخصصة يوم السبت صباحا تروح للجامع تحف القرآن
عندها عام من اللي بدات وراهي حفظت جزء عم كله بالأحكام
هذا انجاز
انت تحسي نفسك مرتاحة اصلا وانت تخصصي شوية من وقتك للقرآن..صدقيني
ومع الوقت ان شاء الله لما تولي استاذة وحافظة للقرآن تشوفي تغير نظرة الاهل ليك

لكن حلك الآن انك تستعيني بالله وتصبري وتتجاهليهم
لما يقولولك كلام مش مليح ويستخفو بيك اضحكي ورجعي كلامهم كنكتة
كوني واثقة ان ربي يحبك ودايما معاك ودايما يوفقك
خلي الابتسامة دايما على وجهك
انت شفتي الرسول صلى الله عليه وسلم هوما يعايروه (مذمم) وهو ما يردش عليهم اصلا لأنو علابالو في قرارة نفسو انو (محمد) ماشي مذمم

هاكذاك نتي
اذا عايوك بالفشل ..اضحكي شغل قالولك طرفة
لأنك في قرارة نفسك واثقة انك ناجحة
النجاح ماشي شرط يجيب نتيجة
محاولتك نجاح ، جهدك نجاح، مجرد السعي نجاح

نقولك انت تعبتي صح تعبتي وتكالبت عليك الهموم والتخمام والحزن
ولكن علابالك ان المسلم كل هم وكل غم يتحول الى أجر؟
شخصيا هذا الامر يواسيني كيرا
مرات نقعد تفكر في عام البكالوريا ديالي ونتفكر في اسوأ اللحظات
واش من هم واش من غم واش من بكاء واش من حسرة
ومنبعد نولي نبتسم لأني واثقة كلللل هاذاك التعب راه رجع حسنات

شفتي؟
نعاودها لك مرة أخرى يا عزيزتي: انت اذا عايروك بالفشل اضحكي برك لأنك في قرارة نفسك واثقة انك ناجحة
النجاح بيد ربي صح؟ اذن لازمك كل يوم تدعي ربي ينجحك ويفتح عليك
النجاح ماشي شرط هو معدل عالي في البكالوريا
لا
الرضا عن الذات يقدر يكون نجاح
التميز في تخصص (ضعيف) نجاح
الاجتهاد في حفظ القران نجاح

نقولك بعد الاذان الدعاء مستجاب
فكل يوم بعد الأذان ادعي ربي يفتح عليك

الفتوحات تاع ربي بزاف وانتي حصرتيها في الباك لكن لا
الفتوحات ماشي غير الباك...اتفقنا؟

يوميا بعد الأذان ادعي ربي وقولي: يا ربي افتح عليا

ـــــــــ

ومافيها بأس اذا حبيتي تعاودي الباك
ان شاء الله المهم صلي الاستخارة

هاذا (https://www.djelfa.info/vb/showthread.php?t=2153396) موضوعي فيه نصائح للباك
لكن فيه ايضا نصائح للتحسين من النفسية المنهارة
طلي عليه رجاء

اعتذر على الاطالة [: