تهديد يحطمني

[angel crystal]

سلام عليكم و عيدكم مبارك و كل عام و انتهم بالف خير نشاء الله ينعاد عليكم و علينا بالصحة...اخواني و اخواتي علابالي هذا موش قسم مشكلتي لكن عدد مشاركاتي مقداتنيش باه ننشرها .نشرتها هنا.ارجوكم متنتاقدونيش و اعطوني حل ولو بكلمة طيبة لاني نكتبلكم و دمعتي على خدي..انا طالبة طب سنة 3 من عائلة مثقفة.ابي طبيب عيون و امي صيدلانية.اخي طالب طب سنة 6 و اختي طبيبة اسنان متخرجة.واش نحكيلكم و انا في ايامات الثانوية غلطت غلطة كليت عليها تراب.اقمت علاقة مع شاب عسكري.اسمحولي والله و قسما ماني نطيح بنيفو ولا بالعسكري فلهم الشرف و لهم الشرف تحية ليهم. كان يبغيني ملي كنت صغيرة و انا رافظة هاذ الفكرة تماما الى ان وقعت الكارثة و قبلت و وقعت في الحب...بعد مجوزت البكالوريا عرفت بلي تسحرت و هذا العسكري من فعلها للوقوع به.بعد مرقيت الرقية الشرعية.والله غير نسيتو نسيان و الحب الي كان ولا ندم و لدرجة كرهتو و كلت عليه ربي و دارلي مشاكل ياسر غير هاذ الشيئ.مقتلوش على الرقية للنو اختي قاتلي يعرفك نحيتيه راه يعاودلك..حكيت معاه و قتلو خلاص واش بيناتنا اني مقدرتش لهاذ لعلاقة ووووو...تركني و بعد 3سنوات خطبني وليد عمي طبيب مقيم و متفاهمين مع بعضانا و فرحانين و كلش .و هاني نعاود والله ماهي حكاية تكبر وغرور ةالله....بعدها راسلني و قالي بدلتيني و خدعتيني و خاية والله نفضحك و نجرجرك نتي و عايلتك ننخليكم تبعدو حتى على الولاية..هددني بصوري معه والله محترمة و اسمحولي سمعتكم قصتي.والله مجرد صور ثنائي بسيطة ليتس فاضحة لكن بمجرد ثنائي تكفي....راه يهدد فيا عن طريق ارسال مساجات ليا و لاصدقائي و بيراطاني اخر مرة في الفيسبوك و دا حتى تصاور صحباتي و هددني اصبح مثل الغول و قالي نبطلك قرايتك و ندمرك ندمرك.و علابالي يديرها ميخافش حتى مالسجن.قالي ابن عمو صديق ليا قالي كوني ذكية و متسرعيش تتخلصي منو و نهائيا كوني ذكية..حكيت مع الي هددني و قالي نحوس نخطبك و بطلي على بن عمك و شرط شروط غير واقعية لكن قبلت.حكيت لخطيبي لحكاية فلول زعف عليا و مهدرش معايا و قالي كيفاه انتي العاقلة و الرزينة تغلطي هكا بصح بعدها وقف معايا و قالي متهدريش معاه و خليه يهدر واش يهدر .بصح راني مقتلوش كلشي ....هذاك شرط انو يخطبني بعد 3سنين كيكمل دارو و يجي يخطبني اذا قبل بابا نزوجو و انا ساكة اذا مقبلش يخطيني تماما...وافقت لنو متاكدة بابا ميزوجنيش ليه...و انا شرطت منهدر معاه منخرج خلال هاذ لفترة و قبل.هاذي قبل رمضان بسمانة....و كجي لعيد ليوم بعثلي مساج مخلى ميهدد فيا و يقلي كيفاه صح عيدك متقوليهاش و يسب فيا..و انا نع بن عمي مزالنا مخطوبين بين العايلتين برك حتان نكمل قراية و نزوجو ديراكت...لكن واش ندير مع هاذ المخلوق المدمر..خممت نروح لابوليس و نحكيلم بالتهديد بصح خايفة نخمم نحكي حكاية التهديد كامل لخطيبي بصح علابالي ميخليهش حي....خممت حتى ننتاحر و نتخلص من هاذ الهم...صح غلطت غلطة والله راني ندمانة و اذا طولي فعمري نويت انا و عايلتي نعتامرو رمضان الجاي.....محبش يحبس غي هاذ المدة الي قالها...الله يخليكم اعطوني حل ولو بكلمة.. راني فحالة انهيار لدرجة نخمم يا نقتل روحي يا نقتلو اني فحالة عاونوني برأي...حكيت مع الوالدة تاعو قتلها شدي بنك عقليه راني معينيش عليه قاتلي يحبك و يحوس عليك و بباه يدير حاجة غالطة مستحيل بصح انا متأكدة يديرلي حاجة لانو قال لصحبتي تكبرت عليا مالا تشوف كفاه نخليها تقيس الارض.....سامحوني سامحوني

[نبض قلبي]

اختي لازم تحكي لواديك و لخطيبك كلش
ما تخبي ماوالو ماسمعوش اليوم يسمعو غدوة
مالا احكيلهم كلش بالتفصيل و اذا قدرتي أشكي بيه
ربي يعينك ان شاء الله

[محارب الحمق]

اللي خانتو أخلاقو وتربيتو يقول بيا سحور.....لاسحور ولا هم يحزنون....بل هي التربية والوازع الديني المفقودين. هذه كوارث الاختلاط. وحكاية مثقفة وطبيبة وطبيب لا علاقة لها بالتربية والأخلاق والدين. أعرف أن هذا المجتمع أصبح يقدس المظاهر ويعتقد أن الجنة في الجزائر هي أن تكون طبيبا أو مثقفا أو أو أو ولكن حقيقة الامر مختلفة. المهم نرجع إلى الموضوع. التفكير في الإنتحار يدل على انك بعيدة كل البعد عن الدين وندمك لا يجب أن يكون سببه الفضيحة بل يجب أن يكون سببه عصيان الخالق. توبي توبة نصوحة. الأمر الثاني إقطعي علاقتك نهائيا به. استمرارك في التواصل مع هذا الشخص حرام شرعا والله أحق بالإرضاء. لا تبرري لنفسك. إقطعي معه العلاقة نهائيا. أخبري الأهل ولا يهمك ماسيحدث لأن التائب من الذنب عليه أن يتحمل مسؤولية أفعاله. أخيرا, بعد إخبار الأهل, على والدك أو خالك أو أخوك أن يبلغوا هذا الشخص بالكف عن الأمر فإن لم يفعل إشتكوه إلى الشرطة. هذا ما يتوجب عليك فعله. حقيقة أتعجب كيف خطيبك وقريبك هذا جاتو عادية يدي وحدة عندها ماضي ومازالت تتواصل ولو مكرهة مع صاحبها القديم. يحيروني "الرجال" هاذو. ربي يعينك على مصيبتك

[kacimo.samy]

السلام عليكم
الحل سهل ؟
هو عسكري ؟؟؟
العسكري غلطة بفلقة اختي ؟؟؟ انا نعرف بأن عسكريين يخافو على رواحهم
وهذا واش بيه ؟؟
سقسيه اذا حاب تزعك من خدمتو ؟؟
انا تبانلي ديكلاري بيه ؟؟ و راح تبقى متخبية بينك وبينهم
والله يجرجروه ويبقى مراقب كون يقيسك خلات عليه
( باه تشاركي في قسم مشكلتي لازم تدخلي بعضوية )
اسم العضوية: مشكلتي
كلمة السر:123456

[kacimo.samy]

اللي خانتو أخلاقو وتربيتو يقول بيا سحور.....لاسحور ولا هم يحزنون....بل هي التربية والوازع الديني المفقودين. هذه كوارث الاختلاط. وحكاية مثقفة وطبيبة وطبيب لا علاقة لها بالتربية والأخلاق والدين. أعرف أن هذا المجتمع أصبح يقدس المظاهر ويعتقد أن الجنة في الجزائر هي أن تكون طبيبا أو مثقفا أو أو أو ولكن حقيقة الامر مختلفة. المهم نرجع إلى الموضوع. التفكير في الإنتحار يدل على انك بعيدة كل البعد عن الدين وندمك لا يجب أن يكون سببه الفضيحة بل يجب أن يكون سببه عصيان الخالق. توبي توبة نصوحة. الأمر الثاني إقطعي علاقتك نهائيا به. استمرارك في التواصل مع هذا الشخص حرام شرعا والله أحق بالإرضاء. لا تبرري لنفسك. إقطعي معه العلاقة نهائيا. أخبري الأهل ولا يهمك ماسيحدث لأن التائب من الذنب عليه أن يتحمل مسؤولية أفعاله. أخيرا, بعد إخبار الأهل, على والدك أو خالك أو أخوك أن يبلغوا هذا الشخص بالكف عن الأمر فإن لم يفعل إشتكوه إلى الشرطة. هذا ما يتوجب عليك فعله. حقيقة أتعجب كيف خطيبك وقريبك هذا جاتو عادية يدي وحدة عندها ماضي ومازالت تتواصل ولو مكرهة مع صاحبها القديم. يحيروني "الرجال" هاذو. ربي يعينك على مصيبتك


كاين حاجة اسمها توبة اخي الفاضل

[محارب الحمق]

كاين حاجة اسمها توبة اخي الفاضل




التوبة عندها شروط

[angel crystal]

السلام عليكم
الحل سهل ؟
هو عسكري ؟؟؟
العسكري غلطة بفلقة اختي ؟؟؟ انا نعرف بأن عسكريين يخافو على رواحهم
وهذا واش بيه ؟؟
سقسيه اذا حاب تزعك من خدمتو ؟؟
انا تبانلي ديكلاري بيه ؟؟ و راح تبقى متخبية بينك وبينهم
والله يجرجروه ويبقى مراقب كون يقيسك خلات عليه
( باه تشاركي في قسم مشكلتي لازم تدخلي بعضوية )
اسم العضوية: مشكلتي
كلمة السر:123456


وصلني خبر هاذ الصيف يكمل الكونطرا و قال باه نقعدلها مليح مليح..والله حايرة

[angel crystal]

التوبة عندها شروط

يا اخي غلطت في وقت كنت صغيرة و دوكا رزنت و تبت والحمد لله و باه تقول على خطيبي هذيك الهدرة موش حق عليك..

[محارب الحمق]

وصلني خبر هاذ الصيف يكمل الكونطرا و قال باه نقعدلها مليح مليح..والله حايرة

سواء كان عسكريا متعاقدا أو دائما, الحل هو اخبار العائلة وقطع علاقتك به نهائيا وشكايته للشرطة إن لزم الأمر. عليك أن تتحلي بالشجاعة وتتحملي مسؤولية أفعالك. عدى ذلك سيطول المسلسل

[محارب الحمق]

يا اخي غلطت في وقت كنت صغيرة و دوكا رزنت و تبت والحمد لله و باه تقول على خطيبي هذيك الهدرة موش حق عليك..

كنت بالغة ومحاسبة على أفعالك. ربي يتقبل إن شاء الله والتائب من الذنب كمن لا ذنب له. لكن عليك تحقيق شروط التوبة

https://binbaz.org.sa/fatwas/20276/%C2%A0%D8%B4%D8%B1%D9%88%D8%B7-%D8%A7%D9%84%D8%AA%D9%88%D8%A8%D8%A9

http://mawdoo3.com/%D8%B4%D8%B1%D9%88%D8%B7_%D8%A7%D9%84%D8%AA%D9%88% D8%A8%D8%A9_%D8%A7%D9%84%D8%AE%D9%85%D8%B3%D8%A9

ربي يفرج همك وكربك

[kacimo.samy]

التوبة عندها شروط
وحدة ...... دخلت لجنة للانها وكلت قطة فقط
اين شروط هنا ؟؟

[محارب الحمق]

لقد أشرت إلى نقطة وسأعيد التأكيد عليها, يجب أن تكون توبتك لخوفك من الله ولتعظيمك له لا خوفا من الفضيحة لهذا أؤكد على أن تكون الشروط متوفرة. وحل معضلتك مربوط بحقيقة توبتك

[angel crystal]

[QUOTE=محارب الحمق;3997556943]كنت بالغة ومحاسبة على أفعالك. ربي يتقبل إن شاء الله والتائب من الذنب كمن لا ذنب له. لكن عليك تحقيق شروط التوبة

https://binbaz.org.sa/fatwas/20276/%C2%A0%D8%B4%D8%B1%D9%88%D8%B7-%D8%A7%D9%84%D8%AA%D9%88%D8%A8%D8%A9

https://mawdoo3.com/%D8%B4%D8%B1%D9%88%D8%B7_%D8%A7%D9%84%D8%AA%D9%88% D8%A8%D8%A9_%D8%A7%D9%84%D8%AE%D9%85%D8%B3%D8%A9

ربي يفرج همك وكربك[/QUOTE
يا رب يتقبلها........و يفتحها عليا بلخير

[محارب الحمق]

وحدة ...... دخلت لجنة للانها وكلت قطة فقط
اين شروط هنا ؟؟




الشروط حددها العلماء. أفتح الروابط التي أرفقتها مع الاجابة لعلك تطلع على شروط التوبة. نحن نتحدث عن التوبة لا عن دخول الجنة

[kacimo.samy]

وصلني خبر هاذ الصيف يكمل الكونطرا و قال باه نقعدلها مليح مليح..والله حايرة
السلام عليكم
كونترا فقط ؟؟ علاه موش يخمم يدي تقاعد؟؟
كونترا ما عندها حتى فايدة تذكر

لازم يكمل كونترا ويزيد يمضي باه يزيد

المهم شرطة هي الحل والله يروح فيها

عمبالك راه هددك

انا حسب رايي هذا شخص ناقص ؟؟
حاب وحدة طبيبة دنيا معمرة طبيبات ؟ نفكرلو طبيبة ولا مديرة ولا واش حاب ويعمر نقص تاعو ؟؟ :1:

[angel crystal]

غلطت و تبت و ندمت ندم بكيت عليه ليالي و لما تقدملي بن عمي فلحال قبلنا وحمدت ربي على اني مزدتش غلطة كيفها....بصح راني خايفة من كلش من رد فعل عايلتي بعد ميسمعو مني لحكاية ولا بعد ميسمعو ناس لكل...خايفة كاش طيح روح في هاذ لحكاية.. لدرجة وليت كنبدى نفكر حتان نيغمى علي....مقبلة على امتحانات و كلش شيئ ضايعلي ..والديا كيضحكو في وجهي و يشجعوني وليت نستخصرها فروحي و نقول علاه درت هكا علاه..... حسيت مستقبلي المزهر الي راني نبني فيه ولا صفحة سوداء....

[angel crystal]

السلام عليكم
كونترا فقط ؟؟ علاه موش يخمم يدي تقاعد؟؟
كونترا ما عندها حتى فايدة تذكر

لازم يكمل كونترا ويزيد يمضي باه يزيد

المهم شرطة هي الحل والله يروح فيها

عمبالك راه هددك

انا حسب رايي هذا شخص ناقص ؟؟
حاب وحدة طبيبة دنيا معمرة طبيبات ؟ نفكرلو طبيبة ولا مديرة ولا واش حاب ويعمر نقص تاعو ؟؟ :1:

قال لصحباتي تكبرت عليا بصح نحشلها كرعيها شافت روحها هي و عايلتها....قاللهم لدرجة شحال تسلكو انا نسلك خرمنكم..تفكيرو فارغ....نشكي بيه و كيفاه راح تكون لحالة تخاف يزيد يحقد عليا كتر و كتر لانو هددني حتى بالقتل لما حكات معاه صحبتي للني حلفت نحكي معاه قاللها نقتلها بهي براجلها.قاتلو خاف على روحك تروح للحبس ياو روح انساها و عيش حياتك قاللها نورمال المهم منخليهاش تسلك.واش ندير مع شخص هكا حاقد

[محارب الحمق]

غلطت و تبت و ندمت ندم بكيت عليه ليالي و لما تقدملي بن عمي فلحال قبلنا وحمدت ربي على اني مزدتش غلطة كيفها....بصح راني خايفة من كلش من رد فعل عايلتي بعد ميسمعو مني لحكاية ولا بعد ميسمعو ناس لكل...خايفة كاش طيح روح في هاذ لحكاية.. لدرجة وليت كنبدى نفكر حتان نيغمى علي....مقبلة على امتحانات و كلش شيئ ضايعلي ..والديا كيضحكو في وجهي و يشجعوني وليت نستخصرها فروحي و نقول علاه درت هكا علاه..... حسيت مستقبلي المزهر الي راني نبني فيه ولا صفحة سوداء....

لا أحد قال أن الأمر سيكون سهلا. على الأقل أخبري أمك وانظري ماذا تقترح عليك. غرس رأسك في الأرض كالنعامة لن يغير شيئا

[angel crystal]

وحدة ...... دخلت لجنة للانها وكلت قطة فقط
اين شروط هنا ؟؟




بالنسبة لقضية الشرطة هل يقدرو يجبدو كامل مساجات التهديد تاعو لانو انا محت نصهم كنت كل منشوفهم قلبي يحبس

[محارب الحمق]

قال لصحباتي تكبرت عليا بصح نحشلها كرعيها شافت روحها هي و عايلتها....قاللهم لدرجة شحال تسلكو انا نسلك خرمنكم..تفكيرو فارغ....نشكي بيه و كيفاه راح تكون لحالة تخاف يزيد يحقد عليا كتر و كتر لانو هددني حتى بالقتل لما حكات معاه صحبتي للني حلفت نحكي معاه قاللها نقتلها بهي براجلها.قاتلو خاف على روحك تروح للحبس ياو روح انساها و عيش حياتك قاللها نورمال المهم منخليهاش تسلك.واش ندير مع شخص هكا حاقد

مادام طيحك وانتي صغيرة أكيد طيحك بلسانو ولسانو هاذا باين طويل يلحس بيه ظهرو. أنتم النساء يسهل التلاعب بكم باللسان ويبدوا أنه لا يزال يتلاعب بك بلسانه. نهار يجيه استدعاء من الشرطة يخلاص اللعب ويتقص اللسان

[angel crystal]

لا أحد قال أن الأمر سيكون سهلا. على الأقل أخبري أمك وانظري ماذا تقترح عليك. غرس رأسك في الأرض كالنعامة لن يغير شيئا

راح نحكي لاختي...ابي رايح لفرنسا و اخي عصبي بلاك في لخظة الي نقلو معلاباليش يقتلني بلاما يخمم و ماما مريضة 😥ممكن تسمع جيها crise cardiaqueنورمال

[kacimo.samy]

قال لصحباتي تكبرت عليا بصح نحشلها كرعيها شافت روحها هي و عايلتها....قاللهم لدرجة شحال تسلكو انا نسلك خرمنكم..تفكيرو فارغ....نشكي بيه و كيفاه راح تكون لحالة تخاف يزيد يحقد عليا كتر و كتر لانو هددني حتى بالقتل لما حكات معاه صحبتي للني حلفت نحكي معاه قاللها نقتلها بهي براجلها.قاتلو خاف على روحك تروح للحبس ياو روح انساها و عيش حياتك قاللها نورمال المهم منخليهاش تسلك.واش ندير مع شخص هكا حاقد
ما تخفيش اختي

[محارب الحمق]

بالنسبة لقضية الشرطة هل يقدرو يجبدو كامل مساجات التهديد تاعو لانو انا محت نصهم كنت كل منشوفهم قلبي يحبس

أجل هذا أمر سهل. قاعدة بيانات المتعامل فيها كل شيء

[محارب الحمق]

راح نحكي لاختي...ابي رايح لفرنسا و اخي عصبي بلاك في لخظة الي نقلو معلاباليش يقتلني بلاما يخمم و ماما مريضة 😥ممكن تسمع جيها crise cardiaqueنورمال
أختك هاذي كبيرة؟ الشخص الذي يجب أن تحكى له الحكاية يجب أن يكون له كلمة مسموعة في المنزل ويمكنه أن يتلقف قصتك بحكمة وعدم انفعال. عليك ان تجديه ضمن عائلتك الصغيرة, أعيد الصغيرة

[kacimo.samy]

بالنسبة لقضية الشرطة هل يقدرو يجبدو كامل مساجات التهديد تاعو لانو انا محت نصهم كنت كل منشوفهم قلبي يحبس


انا قادر دوكا نجبدلك كل رسائل

تلقيهم في ارشيف

وعندي صديقي بلغ على شخص جابتو شرطة الكترونية

نتي بلغي عليه بلا ما يعرف المهم اعطيهم اسم حسابه

[angel crystal]

أختك هاذي كبيرة؟ الشخص الذي يجب أن تحكى له الحكاية يجب أن يكون له كلمة مسموعة في المنزل ويمكنه أن يتلقف قصتك بحكمة وعدم انفعال. عليك ان تجديه ضمن عائلتك الصغيرة, أعيد الصغيرة

اختي تكبرني ب 9 سنوات و عندها كلمتها في الدار بكونها الاولى لدى والديا ..

[محارب الحمق]

اختي تكبرني ب 9 سنوات و عندها كلمتها في الدار بكونها الاولى لدى والديا ..

اخر شيء أؤكد عليه. شاركي عائلتك الصغيرة في حل مشكلتك, لا تسايريه في خطته, أي الاتصال به مباشرة أو غير مباشرة والسماع لتهديداته.

[المُعادلة الصّعبة]

ماتتردديش دقيقة في اخبار اهلك
مهما كانت ردة فعلهم تجاهك اعرفي بلي راهم يخافوا علييك وبلي رح يتخذوا اجراء ضدو و يبعدوه عليك

احكيلهم نعم ماكانش حل اخر

[يسمينة الزهور]

السلام عليكم أختي بلعقل بلعقل أنتي تبتي والحمد للَّه
الحاجة اللولة لازم تنحي الإنتحار والقتل من راسك الإنتحار و العياذ باللَّه مرايحة تربحي والو منو غير جهنم وبئس المصير والعياذ باللَّه والقتل كيفكيف رايحة تحطمي حياتك
يا أختي العزيزة في الليل إفرشي سجادتك وفي سجودك إدعي للَّه الواحد الأحد الصمد الذي لم يلد ولم يولد ولم يكن له كفوا أحد الذي هو أرحم بالأم من ولدها فهو الواحد القادر على أن يفرج كربتك ويحل مشكلتك لا أحد سواه أكثري من الدعاء ألحي في الدعاء إشكي لخالقك وأكثري من قول لا حول ولاقوة إلا باللَّه العلي العظيم ولايتوقف لسانك عن قولها وعن الإستغفار في كل وقت وحين
بالدعاء سيفرج اللَّه عنك ويفتح لك أبواب رحمته
أسئل اللَّه العظيم رب العرش العظيم أن يفرج كربتك ويمحي همومك ويفتح لك أبواب الخير والسعادة
لاتيأسي من الدعاء فرحمت اللَّه واسعة

[قطرة ندى حنونة]

على ما اظن القصة غير حقيقية ويبقا الله اعلم

[نجاة^^]

السلام عليكم
مثل ما قالو الاعضاء قبلي اشكي بيه هو الحل
نزيدلك حاجة حاولي تبعدي لحكاية على خطيبك حليها مع عايلتك برك احسن ما تزيدي تخسريه هو وربي يفرج عليك اختي بزاف اللي غلطوا ما كي الاولى ماكي الاخيرة ،ادعي ربي يستر عليك ويسهلك

[نبض قلبي]

التوبة عندها شروط

و كاينة حاجة يسميوها الكمال لله
و ربي خلقنا في الدنيا هذي باه يختبرنا
و عبد ماراهو منزه من الأخطاء
هي طلبت المساعدة و موش باه نحاسبوها
أبسط شيء نقولولها ربي يكون معاك و يعينك

[بسمة ღ]

و كاينة حاجة يسميوها الكمال لله
و ربي خلقنا في الدنيا هذي باه يختبرنا
و عبد ماراهو منزه من الأخطاء
هي طلبت المساعدة و موش باه نحاسبوها
أبسط شيء نقولولها ربي يكون معاك و يعينك

أوفقكي الرأي أختي نبض قلبي
فالانسان يقع في الاخطاء
والوحيد الذي لا يخطئ هو الله رب العرش العظيم

[مراد سابقا10]

اشكي بيه للشرطة

والله لوكان تشكي بيه للشرطة حتى خدمتوا في العسكر يطيروهالوا ويفوتوه للمحكمة العسكرية


انت درتي غلطة لازم تعترفي لمك وامك تقول لأبيك وهذي مفيهاش حشمة

ومتقوليش ننتحر حذاري هذا ماشي حل

شوفي ابوك واخوتك واهدري معاه علابالي رايحيين يقلقوا منك بصح نورمال

المهم كي تتصلي بالشرطة هوما يعرفوا خدمتهم والله يهردوه

[بسمة ღ]

أرجو أن تحذفي فكرة الانتحار والقتل من رأسك فبهذا تظلمي نفسك
لا تخافي رجاء ,بما أنه يهددك شخص جبان
لايجب أن تعطيه حتى قيمة
أخبري أقرب شخص إليك من أفرد أسرتك
إشتكي به الى الشرطة
أريه كم أنت قوية تهديداته السخيفة لاتخيفك
لانه بكل بساطة أعتبر مثل هذا النوع أشباه الرجال
أختي فكري في إمتحاناتك فكري في إسعاد أبيك وأمك
هذا أهم شيء
هذا الشخص لايستهل حتى تفكري فيه
أستغفري أدعى لا يوجد أرحم من الله تعالى
توبي فالله غفور رحيم
لا تخافي
ربي يكون معاك ويعينك
يسترك ويحفظك في الدنيا والاخرة

[رَكان]

السلام عليكم
أتمنى أن ما سأقوله لن يكون مكررا ..
عليك اتباع الوصفة التالية ..
1 ــ اعقدي اجتماعا عائليا بينك وبين أمك وأبيك ..ثم اطرحي لهم المشكلة بكل تفاصيلها أقول بكل تفاصيلها .وكذلك خطيبك 2 ــ ابلغي ذلك الموتور أنه إن لم يتوقف فستقدمين بلاغا ضده لدى المصالح الأمنية..
فإن لم تقومي بتلكما الخطوتين ..فلن يكون أمامك سوى حل واحد ..وهو أن تتصلي بذلك المجنون الذي يهددك وتخبرينه أنك استسلمت لإرادته وأنك ستكونين الجارية العبدة المطيعة له ليفعل بك ما يشاء فعله ..في صمت وبعيدا عن أنظار العالمين ..هكذا فقط سترتاحين من قصة التهديد والفضائح ..
استدراك
إن نفذت النقطة الثانية فتأكدي أنه لن يلحقك أي ضرر ..فصورة جمعت بينك وبينه ليس من شانها أن تفسد علاقتك سواء بوالديك أو خطيبك .طبعا إن نفهموا موقفك ..
عليك بتغيير موقع الخوف والتهديد لينتقل الى ناحيته فيصير الصياد حاله الى فريسة ..نعم اذيقيه طعم كأس الخوف بتهديده التبليغ عنه ..سيتوارى تواري الفأر في جحره ..
أذكرك بأمر أخير
توبي الى الله واجعلي مما حدث درسا لك من دروس الحياة ..ثم أن توبتك هي بينك وبين الله ولادخل لبشر في شأن قبولها أو عدم قبولها ..
[/i][/size][/color][/i]

[نجاة^^]

السلام عليكم
أتمنى أن ما سأقوله لن يكون مكررا ..
عليك اتباع الوصفة التالية ..
1 ــ اعقدي اجتماعا عائليا بينك وبين أمك وأبيك ..ثم اطرحي لهم المشكلة بكل تفاصيلها أقول بكل تفاصيلها .وكذلك خطيبك 2 ــ ابلغي ذلك الموتور أنه إن لم يتوقف فستقدمين بلاغا ضده لدى المصالح الأمنية..
فإن لم تقومي بتلكما الخطوتين ..فلن يكون أمامك سوى حل واحد ..وهو أن تتصلي بذلك المجنون الذي يهددك وتخبرينه أنك استسلمت لإرادته وأنك ستكونين الجارية العبدة المطيعة له ليفعل بك ما يشاء فعله ..في صمت وبعيدا عن أنظار العالمين ..هكذا فقط سترتاحين من قصة التهديد والفضائح ..
استدراك
إن نفذت النقطة الثانية فتأكدي أنه لن يلحقك أي ضرر ..فصورة جمعت بينك وبينه ليس من شانها أن تفسد علاقتك سواء بوالديك أو خطيبك .طبعا إن نفهموا موقفك ..
عليك بتغيير موقع الخوف والتهديد لينتقل الى ناحيته فيصير الصياد حاله الى فريسة ..نعم اذيقيه طعم كأس الخوف بتهديده التبليغ عنه ..سيتوارى تواري الفأر في جحره ..
أذكرك بأمر أخير
توبي الى الله واجعلي مما حدث درسا لك من دروس الحياة ..ثم أن توبتك هي بينك وبين الله ولادخل لبشر في شأن قبولها أو عدم قبولها ..
[/i][/size][/color][/i]
وعليكم السلام
اخ ركان ردك جميل ولكن لا اشاطرك في النقطة الاولى فهذه هي مشكلة اغلب العائلات الجزائرية لايوجد ما يسمى بالمصارحة العائلية في مثل هذه الامور يعني البنت او الولد اذا قام بأي خطأ فيلجأ اما لصديق او لقريب او استشارة الناس على النت كالمنتدى مثلا ، مخافة زيادة الطين بلة لان الوالدين والاخوة ستكون ردة فعلهم عكسية اتمنى ان تجد حل آخر تقبل انتقادي

[رَكان]

الى السيدة نجاة ..
أتفهم جيدا ما تقولينه..ولكنني حينما نصحتها بمصارحة والديها كان ذلك محتما في حالة ما قررت التقدم بشكوى ضده لدى المصالح الأمنية ستكون مجبرة على سند الوالدين ..ثم ان اخفت شيئا عنهما من يضمن أن ذلك المعتوه ينتقل بتهديده الى التنفيذ ..أليس ذلك سيبلغ مسمع الوالدين ؟؟؟
يسمعون منها أفضل من أن يسمعوا من طرف آخر ..كذلك الشيء ينطبق في شأن الخطيب .
كان ذلك مجرد رأي وارجو أني أصبنه ..

[نجاة^^]

الى السيدة نجاة ..
أتفهم جيدا ما تقولينه..ولكنني حينما نصحتها بمصارحة والديها كان ذلك محتما في حالة ما قررت التقدم بشكوى ضده لدى المصالح الأمنية ستكون مجبرة على سند الوالدين ..ثم ان اخفت شيئا عنهما من يضمن أن ذلك المعتوه ينتقل بتهديده الى التنفيذ ..أليس ذلك سيبلغ مسمع الوالدين ؟؟؟
يسمعون منها أفضل من أن يسمعوا من طرف آخر ..كذلك الشيء ينطبق في شأن الخطيب .
كان ذلك مجرد رأي وارجو أني أصبنه ..
امم طيب أظن انك اصبت لما قلت "يسمعون منها احسن ما يسمعوا من طرف آخر" لان المهدد بها عندما يرى ان عائلتها واقفون معها وخاصة خطيبها سيضعف لان كل همه ان يفضحها ليسمع اهلها والخطيب هنا اصبحت اتفق معك بعد تفكير وجدت ان النقطة الاولى هي المفتاح.شكرا

[بـــيِسَة]

ربي معاك الاخت
ربي يهنيك و يرفد عليك

[النجمة القطبية]

يا اختي مفهمتش هدا الخوف كااااامل من عبد فيه غير اللسان
علاه عليك راكي تزيدي في الطين بلة وتضيعي في مستقبلك ودراسة الطب اصلا صعيبة ومتعطيكش وقت ومساحة للتفكير في الحياة العادية فما بالك بالتفكير بحالتك والخوف راح تضيعي حياتك
انتيي غلطتي اكبر غلطة في حياتك والحمد لله عرفتي الخطا وتبتي وتاني اصعب خطوة فاتت وهي ابلاغ خطيبك بالامر والحمد لله ودرك واش راكي خايفة
خايفة يقتلك مثلا علاش حياتك بيدوا ولا بيد الله خليه يهدد وكوني قوية وماشي جبانة وهدديه بابلاغ الامن هدا باين عليه مريض وفارغ شغل
درك معلاباليش علاه تهبطوا المستوى لهدي الدرجة يا سبحان الله هدا عبد الناس تتعرف عليه زعما كامل مفقتيش بلي ماشي انسان طبيعي حتى لدرك
ونحير انا طبيبة تقرا 7سنين واكثر متقدرش حتى تخمم مليح وتتعرف على واحد هكا
وانتي ماشي اول واحدة ياما شفت في قسم مشكلتي نفس الاخطاء
انا نقولك اقفلي على الموضوع تماما الجئي الى الله بكل ثقة
استغفري ليل مع نهار وصلي فروضك ومتخافيش مدام ربي سبحانوا معاااك
وادا عيطلك اياك تجاوبيه بدلي رقمك وبدلي صفحتك على مواقع التواصل
وخليه يخبط راسوا في اكبر حيط يتلاقى بيه
ونقسي على عمرك الخروج والدخول وحدك وادا قدرتي تسافري بعيد عطلة يكون احسن
وربي يفرج عليك

[محارب الحمق]

و كاينة حاجة يسميوها الكمال لله
و ربي خلقنا في الدنيا هذي باه يختبرنا
و عبد ماراهو منزه من الأخطاء
هي طلبت المساعدة و موش باه نحاسبوها
أبسط شيء نقولولها ربي يكون معاك و يعينك

لقد بينت للأخت شروط التوبة فقد يكون خوفها من الفضيحة هو ما يحرك ندمها لا خوفها من الله وهذا يعني أن أحد الشروط في التوبة لم يتحقق. وهذه ليست محاسبة بل تنبيه.

[نبض قلبي]

لقد بينت للأخت شروط التوبة فقد يكون خوفها من الفضيحة هو ما يحرك ندمها لا خوفها من الله وهذا يعني أن أحد الشروط في التوبة لم يتحقق. وهذه ليست محاسبة بل تنبيه.

لكن هذيك حاجة ترجع بينها و بين مولاها
ربي يعلم مافي القلوب
ربي يجيب الخير ان شاء الله هذا وش نقولو

[محارب الحمق]

لكن هذيك حاجة ترجع بينها و بين مولاها
ربي يعلم مافي القلوب
ربي يجيب الخير ان شاء الله هذا وش نقولو

علاه انا قلت هي حاجة بينها وبيني؟ قلنا لازم نبينو شروط التوبة لأنو موش كامل الناس تعرفها.

[*** عبق الزهور ***]

قال لصحباتي تكبرت عليا بصح نحشلها كرعيها شافت روحها هي و عايلتها....قاللهم لدرجة شحال تسلكو انا نسلك خرمنكم..تفكيرو فارغ....نشكي بيه و كيفاه راح تكون لحالة تخاف يزيد يحقد عليا كتر و كتر لانو هددني حتى بالقتل لما حكات معاه صحبتي للني حلفت نحكي معاه قاللها نقتلها بهي براجلها.قاتلو خاف على روحك تروح للحبس ياو روح انساها و عيش حياتك قاللها نورمال المهم منخليهاش تسلك.واش ندير مع شخص هكا حاقد

عجبتني نتاع نحشلها كرعيها واش ولا طونطو حسان نتاع الخاوة :1::1:
شوفي اختي راني حاسة بيك الحل الوحيد احكي لخطيبك كلشي ماتخبي عليه والو لانو اذا زدت خبيتي عليه رح يفهمها فهامة اخرى صارحيه بكلش
+++++ صحبتك علاه راهي تهدر معاه وتعطيلو في الوجه نقولك راكم دايرينلو قيمة كبيرة عليه اسمحيلي مي كي تقيمي لابوبال تفوح ولحديث قياس شافكم خفتو منو وعطيتولو فوق واش يستهل بدا يطير عليكم
ربي يفرج عليك اخية

[قطرة ندى حنونة]

راه مجرد تأليف القصة مش حقيقية والدليل خالية من مشاعر الخوف وفيها امور افتراضية على صيغة المسلسلات

اسفة اختي متزعفيش عليا لكن القصة مصتصغتهاش قع

[ع.عيسى]

فيلم ....هندي

[حيآتي أسمَى]

قصة شوية فيها مبالغة ماتدخلش الراس مي

هدرة في الخاوي عسكري
مايدير والو باسكو يخاف على روحه و خدمته
الله يفرج اختي

[مرام 2001]

تحبو ديرو قصة لرواحـــــــــــــــــــــــــــــــكم بلا فـــــــــــــــــــــــــــــــــــــــايدة

[solinne]

وعلاه ما كملتيش مع العسكري وفضلتي الطبيب عليه همال عندو الحق واش راه يدير باين يحبك ويحب تكوني مرتو هادا مكان ادا راكي خايفة على والديك وعلى روحك اقبلي بيه وتزوجيه يسترك وما تنفضحيش وولد عمك ربي يجيبلو من جهة اخرى هادا هو الحل

[nilly]

الطلفة راهي حابة كل رجال يعشقوها مافهمتوش


هادي باينة حابة تعيش كيما المسلسلات ههههههههههههههههههههههههه مسلسات تركية وليس المصرية لان المصرية مكنش ليدير هكدا اما المسلسلات تكرية دايما كاين هكدا البطلة البطل والعاشق ليعشق البطلة ويدير كلش علجالها يقتل كامل ناس علجال البطلة

بصح ياطفلة البطلة دايما تكون جميلة وطيبة وانتي العكس تماما ظاهر ههههههههههههههههه نقولك حاجة روحي تمثلي في المسلسلات تركية وهناك غادي تعيشي لحظات هادو نتاع العاشق حتى لو كان كدبا حتى هنا راكي تكدبي
مسكينة كاين جزائري يالغبية ليجري موراك انتي واقيلا ماعندكش عقل مجتمعنا دكوري دكر عندنا عنده قيمة اضعاف مضاعفة من نساء والاناث على قفا من يشيل وكثيرهم اجمل منكي املا علاه يجريو موراك خدمي شوية عقلك عندنا يروح يخطب متقلبيهش ينساك ثم ثم يروح عند اخرى لالناث عندنا قيمتهم صغيرة افهموا يالغبيات وبركاكم من العلقات راني متاكدة قصة خيالية بصح غادي نعلق على الكدب ديالك ونفرتضه انه صح لانه كاين بنات لتبدل من راجل لراجل تبدل الاول بثاني برسكو تشوفه احسن ومبعد تقول راه يهددني يفضحني ههههههههه واش علبالكم تكلخو لرجال وهما يسكتولك ويصفقولكم ويقلولكم ربي يهنيكم يابنات هكدا ياك كيما انتم اشرار هما زادا اشرار شي باين ينتقم منكم

هادي نتاع تصاور يديروها يعني يروح يفضحها بصورها المخلة للحياء باش برك ينتقم لكرمته لانها خدعته مع ان اسلوبه سيئ جدا وليدير هكدا مايخفش ربي وهنا لا يحتاج لكلام لان ليخاف ربي غادي يسمعلك كلام جارح ويروح اما لميخفش ربي يفضحك لكل ناس هادي نتاع الفضيحة يردوها الجزائريين ماشي اخطر يحبوا هدو البنات لالا اخطر للانتقام برك باش ينتقمه هدا ماكان اما انتي حولتيه لدراما لو كان قلتي هكدا يحب ينتقم منك ويفضحك كنا نصدقوك اما انك تقولي حاب يرجعلك وحاب يقتلك وحاب يقتل روحه مكنش جزائري يالغافلة يدير هكا انتي مع واحد وهو يرجعلك علاش اعليكي ريشة فوق راس ماتشبيهيش لبنات باش يرجعلك رجل الجزائري غيور مستحيل ينسى بلي خليتيه وبلي تخطبتي وهو وش ضطمنله واش درتي بالخطوبة مع خطيبك ففيقي وبكراي كدوب وتقولي درلك سحور يييي نعرفه بنات يديرو اما رجال يديرو مكنش منها شكون انتيا بعدا مشكل تشوفي روحك حاجة كبيرة وزايدة فيها الكدوب في الاوهام كتبي مشكلتك وقلي بلي كيفاش تداوي من قصصك الكادبة قبل مايولي عند انفصام شخصية وزيد تكدبي انك من عائلة طبية لا انتي ولا اهلك اطباء غير اخرطي مليح


كاين حل باش يتحققلك كل هدا الا بطريقة واحدة انك تقتلين كل النبات الجزائر كلهم وتبقاي غير انتي في هاديك غادي نضمنلك بلي كل الجزائريين يتقلوا بعضاهم علجالك لانهم مضطرين امراة واحدة اما خلاق هدا مستحيل ولا يديرو قانون جديد كل يوم شكون ليتزوجك على العموم نهايتك غادي تكون القتل غادي يقتلوك لو تزوجتي واحد برك منهم غادي يقتلوك انتي وراجلك 20 مليون جزائري بما انك البنت الوحيدة كل واحد غادي يجي يصب فيك رصاصة لانك ماتزوجتهوش حتى تولي قوس قزح من رصصاصات وورجالك ثاني يتقلوه غيرة اما الحل ثاني لو كان يطبقوه وكل يوم شكون ليتزوجك من كل رجال الجزائريين ثاني غادي يقتلوك لانهم حيغيرو وتكون غيرة بيناتهم وكي تولي حامل وميعرفوش منين غادي يتشاجرو ويقتلوا بعضاهم ويقتلوك انتي معاهم هكدا تحبي تعيش تولي مقتولة ماتربحي غير القتل املا ريحي راسك وتزوجي براجل واحد واكستي علينا وقضية العشق نسيها غير موجودة في الجزائر دكور ضركا ونهار تكدبي كوني شوية واقعية

بصح انا لشدني هو راي البنات كاين لقلتها راني حاسة بيك صافي مرت بنفس تجربة علاقات وثانية تقولها هي تابت وغادي تدخل الجنة وتستشهد بقصة والاخرى تقول استري روحك موضوع هدا بين بعض العضوات وكشفن سترهن بدون ان يعرفن دلك

[nilly]

سواء كان عسكريا متعاقدا أو دائما, الحل هو اخبار العائلة وقطع علاقتك به نهائيا وشكايته للشرطة إن لزم الأمر. عليك أن تتحلي بالشجاعة وتتحملي مسؤولية أفعالك. عدى ذلك سيطول المسلسل

واقيلا انت صدقتها ياك وزيد ممتفاعل معها ياو قصة من خيالها باينة تفرجت شي مسلسل تركي حابة تقلد البطلة برجل يعشقها ويتقل علجالها كله كدب

[nilly]

تحبو ديرو قصة لرواحـــــــــــــــــــــــــــــــكم بلا فـــــــــــــــــــــــــــــــــــــــايدة

على اساس انك احسن