الفلسفة 😭 [الأرشيف] - منتديات الجلفة لكل الجزائريين و العرب

مشاهدة النسخة كاملة : الفلسفة 😭

سُـــمَـــيَّـــه

2018-06-16, 23:37

السلام عليكم خوتي عيدكم مبروك
المهم مانطولش ........ راني مع حفظ اقوال الفلاسفة كنت دايرة ستة مواضيع درت ضروك سبعة مي راني دايرة اقوال بزااف بالاك في موضوع واحد عشرة او اكثر من اقوال الفلاسفة و صراحة كلشي تخلطلي و راني ننساهم بزاف ...... بغيت نسقسيكم شحال عدد الاقوال المناسب اللي نقدر نديره علما انني راني باغية علامة ممتازة في الفلسفة مشي غي نسلكها و صايي
ربي يحفظكم

سارة بسمة نادية

2018-06-16, 23:44

كيييييييفاه لخصتي؟احكييلي بالتفصيل حرت مع جدها موقف واحد قعدت معاه 4 سا نكتب ونعاود ونحفظ ونفهم........................
نظن 4 او 3 يكفو في موقف وااحد وديجا بالزيااااااااااااادة

سُـــمَـــيَّـــه

2018-06-16, 23:47

درت موضوع تحت عنوان استراتيجيتي في الفلسفة فيك كلشي اذا حبيتي منصورلك ضروك مي مازالو ناقصين

achiever.x

2018-06-16, 23:50

قد ماتقدري ديري ختي
شوفي نتي وفهامتك
زعما نتي دوك نسيتي وش قال كش فيلسوف مي راكي فاهمة المضمون تقدري تقولي مثلا اكد ديفيد هيوم ان علمنا بأنفسنا يصلنا عن طريق الحواس و ان العقل اثر من آثار العادة
هادي فحالة نسيتي ومالقيتي وين بيها

* قمر*

2018-06-16, 23:50

تعيشي صوريهم افيدينا انا قد منجي نبدا منقدرش جامي لقرتيها ني في ليسي ني لكور . ربي يجيب معاها الخير

نريمان ~

2018-06-16, 23:55

قلتلنا الأستاذة المهم في المقالة مش الاقوال بقدر الأهمية تع الحجج
مثال في الحجج تغ أصل الرياضيات
مثال في أصلها عقلي كاين : لأن العلم نابع من العقل - خصائص الرياضيات نفسها خصائص العقل - عالم المثل لأفلاطون - العقل قسمة الهية لديكارت و فكرة الزمكان لكانط
شفتي هذا كل مع الشرح حجج .. كي تكتييهم مع شوي أقوال خير من تكتبي 2 برك و 10 أقوال على هاذوك ال 2
المهم كي تحفظي خيريي الاقصر و الأسهل .. ولا تقدري تفهميهم و تعبري عليهم بأسلوبك ما همش قرأن منزل .. الدليل أنو أحيانا تلقاي نفس القول من مصدرين بأسلوبين مختلفين

unknown person 1

2018-06-16, 23:57

6 في كل المقالة كافي يعني 2 في كل موقف وواحد في التركيب و واحد في الخاتمة انا هكا نخدم
+ على حسب حجم مقالتك اذا كانت طويلة بزاف و مفصلة طرديا رح تزيدي عدد الاقوال عل الاقل 3 في كل موقف اما الخاتمة و التركيب 1 في كليهما كافي

abir sweet

2018-06-17, 00:05

قد ماتكثري افضل وحاولي تبعي المنهجية واحسبي قداه يطلعولك

abir sweet

2018-06-17, 00:07

اذا تقدري تعاونيني كيفاه نتوسع بطريقة جيدة لاني ديما نكتب على شكل تصميم ووين وصلتي نكلو نراجعوها كيف كيف لاني حفظت اقول و1 و2 المنطق والمشكلة والاشكالية فرات

سُـــمَـــيَّـــه

2018-06-17, 00:45

انا حفظت اهمية الفلسفة و المنطق و اصل الرياضيات و النتائج تاعها باقيلي المشكلة ولاالاشكالية و بالاك نزيد العنف و التسامح

سارة بسمة نادية

2018-06-17, 01:03

سمية..............................

سُـــمَـــيَّـــه

2018-06-17, 01:14

واه قلبي سمحيلي صورتهم قبيلات و نسيت قاع نحطهم
هاهوما
https://a.top4top.net/p_8972ggvd1.jpg (https://up.top4top.net/)
https://b.top4top.net/p_897z19ld2.jpg (https://up.top4top.net/)
https://c.top4top.net/p_897q65om3.jpg (https://up.top4top.net/)
https://d.top4top.net/p_897ws1n44.jpg (https://up.top4top.net/)

* قمر*

2018-06-17, 01:16