استراتيجيتي في الفلسفة

[سُـــمَـــيَّـــه]

السلام عليكم خوتي
درت بروقرام للفلسفة شوية يسهل التحضير
بون خيرت ستة مقالات الاكثر توقعا : المنطق الصوري و المادي ...... أهمية الفلسفة ....... اصل الرياضيات ......يقينية الرياضيات ........الظاهرة الانسانية ..... العنف و التسامح
درت لكل موضوع صفحة كاملة قسمتها لاثنين يمثلو كل ركن من الموضوع
مثلا اهمية الفلسفة درت نص صفحة اللي أيدوها و درت 5 أقوال و مبادئ و النصف الثاني للمعارضين ستة اقوال و مبادئ
نفس الشيئ للمنطق الصوري مي درت بزاف اقوال
و نفس الشيئ للبقية
نحفظ الفلاسفة و اقوالهم و نفهم الدرس في الباك الموضوع اللي نختاره نعاود في ورقة الوسخ نكتب قاع شاحفظت بنفس الطريقة اللي كتبتهم فيها و نبدا نصنع في مقالتي
بانتلي فكرة مليحة راني ماشية معاها

[Qu_een]

كيما ندير انا عفسة مليحة
بارك الله فيك

[طالبة لها هدف]

الا راكي خادمة كاش وحدة فيهم صوريلي تعيشي سيرتو تع العنف و التساح باسكو ما قريتها ما سمعت بيها ما علابالي وش حكايتها
++ نسقسيك صح يقدر يجي المنطق المادي وحدوا ؟؟

[jieona]

انا تان راني نخدم هاك
بصح ماحبيتش ندير غير المقترحين تخافي يطيحو وحدوخرين و في نفس الوقت معنديش الوقد ندير كامل المقالات

وش رايكم نتعاونو و نقسمو المقالات بيناتنا ممبعد نرفعوهم هنا ؟؟؟
كل واحد يدير وش يعرف و منضيعوش الوقت

[سارة بسمة نادية]

؟معرفتش.......................

[abir sweet]

وي ميحة فكرتك بون كوغاج انا درتها فاخر كل درس ندير هكا

[أمـــــــــِينَــــة♡]

فكرة شابة مي فليمقترحينهم تاني كاين السؤال العلمي و الفلسفي و المشكة و الاشكالية و البيولوجيا
و زيد تاني المنطق كل واحد وحدو؟ و لا مقالة فيها لزوج

[المُعادلة الصّعبة]

وي عجبتني الفكره ربي يوفقك
ps : ماتنسايش تطلي على بقية الدروس
ماتكتفيش فقط بالمقالات المتوقعة ;)

[سُـــمَـــيَّـــه]

بالنسبة للمنطق الصوري ممكن يجي مقارنة بين المنطق الصوري و المادي او يجي جدل للصوري مي نحتاجو في النقد للمادي و ممكن تاني يجي اسقصاء لكليهما
اليوم ان شاء الله نكمل العنف و التسامح و نصورلكم كاامل المقالات اللي درتهم

[المُعادلة الصّعبة]

بانتظارك سمية

[queen of heart]

الا راكي خادمة كاش وحدة فيهم صوريلي تعيشي سيرتو تع العنف و التساح باسكو ما قريتها ما سمعت بيها ما علابالي وش حكايتها
++ نسقسيك صح يقدر يجي المنطق المادي وحدوا ؟؟

وي الباك بلون جانا جدل المنطق المادي وجدوا

[ندى ندوشة]

انا تاني غادي نحفظ المقالات المقترحة مي مقالة كاملة ما شي افكار واقوال
بالتوفيق لينا جميع

[malak.math]

انا تان درت كيما نتي و كملت الحمد لله
في الامتحان التجريبي جات اصل الرياضيات و وفقت في كتابة المقال الحمد لله



بالتوفيق ان شاء الله