واش درتوا فيها

[rania17]

سلام صحا عيدكم واش كاش قراية انا راها دار معمرا غاشي مقريت والو ان شاء الله بعد ظهر نتفرغ (معدا مراجعة مقالتين ):) بالتوفيق

[djoumana rayen]

عيدك مبارك رنوش
راني في طريق بجاية ههه غير خرجت مالدار اكتيفيت ماقدرتش نصبر ومانشوفكمش راني خااااايفة بزاف الباك العام الجاي الباك راح هداك التاجيل ومادار فيا ..
لي راكم في داركم بصحتكم اغتنموا الفرصة ماتراطوش راهي ماتتعوضش

[* قمر*]

انا راني وحدي في الدار
دوكا ندير شريعة و بعد فيزياء و من بعد ادب حتى ل ٣ و نرقد

[Qu_een]

انا هذوين تفرغت الدار لوول مي راني مع الشريعة

عيدك مبارك تعيدي وتزيدي ان شاء الله

[djoumana rayen]

خوتي لي حافضين شريعة حبيت نسقسيكم انا مش فالدار كنت معولة نحفضها ليامات هاذو مي الله غالب والله مابيدي يكفيني نهار الثلاثاء نحفضها كامل ماللول للخر ونراجع ادب سيلفوبلي عاونوني ش غادي ندير

[bouss2013]

السلام عليكم

عيدكم مبارك تقبل الله من ومنكم غفر الله منا ومنكم

اليوم يوم عيد يوم فرح وسرور عليكم ان تفرحوا وتتركوا المراجعة جانبا وتخصصوا الوقت للفرح مع عائلتكم


الى الاخوة المقبلين على اجتياز امتحان البكالوريا

ابشروا و تفاءلوا خيرا تجدوه

احسنواالظن بالله وتوكلوا عليه وفوضوا امركم له سبحانه وتعالى

عليكم الايمان بالقضاء والقدر فالبكالوريا قسمة ونصيب وكما قلتها مرارا وتكرارا هذا ما هو الا امتحان دنيوي لا تنتهي الدنيا بانتهاءه فلا يجوز اعطاء البكالوريا اهمية اكبر من حجمها

لقد ابليتم حسنا طوال السنة وقمتم بواجبكم على اكمل وجه وما بقي الان الا التوكل على الله والانابة اليه و الالحاح في الدعاء

ابتعدوا عن كل مايسبب لكم القلق والاضطراب واكثروا من الاستغفار والاستعاذة بالله من الشيطان الرجيم

لا تلتفتوا هنا وهناك الى ما يروج عن تسرب اسئلة البكالوريا فالناس التي تقف وراء ذلك لا يخافون الله ولا ضمير لهم ولا يريدون لكم الخير

حافظوا على تركيزكم طوال مدة الامتحانات ولا تتاثروا بالمواد التي اجتزتموها فكلما اجتزتم مادة انسوها وركزوا على المادة القادمة

كما لا انسى ان انصحكم بل وان امركم بان تاخذوا قسط من الراحة في الايام المتبقية فلا تقولوا لا يكفي الوقت للمراجعة فاعلموا مهما كان الوقت المتبقي ستقولون دائما انكم لم تكملوا مراجعتكم لا تقلقوا لقد عملتم طوال السنة وصدقوني انكم جاهزين لامتحان البكالوريا

كما احذركم عليكم بالنوم ليلا في هذه الايام المتبقية حتى تستعيدوا قوتكم ويرتاح دماغكم فلقد قضيتم ليالي بيضاء بما فيه الكفاية فالنوم مفيد جدا للذاكرة والتركيز

اغتنموا هذه الايام المتبقية من رمضان في الصلاة والدعاء


وفقكم الله واعانكم وشرح صدركم ويسر امركم وشد ازركم ورزقكم الطمانينة والسكينة والاجابة السديدة وحقق امالكم وطموحاتكم اللهم امين يارب العالمين