تسجيل الدخول

مشاهدة النسخة كاملة : آخر مرة

Kawtar.7
2018-06-14, 23:38
سلام
صح عيدكم
ستحقيتكم تعاونوني
راني حاصلة
و هادي اخر مرة نطلب فيها المساعدة لانو دايما نطلب و مكانش بزاف لي يعاونوني نتمنى متتجاهلونيش
كيما علابالكوم بقالنا 4 ايام و راهم عندي نواقص كبار بلبزاااف
رياضيات مارانيش حالة ولا تمرين صحا قلت نحل بكالوريات هادس تديلي كامل نهار و الفيزياء راني حالة شويا من قبل و بغيت نحل تان بكالوريات و العلوم بقالي اعصاب و تركيب ضوئي و تنفس نحل تمارين راني غي فاهمة
و الحفظ إسلامية راني حافظة غي 3 دروس و التاريخ رانس حافظة غير عوامل تشكل العالم و الجغرافيا وااالو و الفلسفة تاني و المواد الادبية منهدرش عليها
من جهة مارانيش عارفة كيفاش نقرا و من جيهة خفت الا نقرا هاد اليامات (جمعة-سبت-الاحد -الاتنين ) خفت الا ننسى و لا نتبلوكا و لا معلاباليش
و انا مترشحة حرة خليت الجامعة باش نجيبه بمعدل مليح بصح راكم تشوفوا فالحالة انا املي باش ندي 16 بدا ينقص
معلاباليش
تكفيني هاد 4 ايام ؟؟؟ و الا صح تكفيني نجيب معدل 16 كيفاش ندير ؟؟ كو نزير على روحي هاد اليامات و نريح نهار الثلاثاء منتبلوكاش
عاونوني حمبوكم
Qu_een
2018-06-14, 23:48
حالتك كيف حالتيييي نتمنى واحد يتفاعل ويجابوناا
راكي كيفي فالروطار
Hou Da Lar
2018-06-14, 23:50
هههه متخافيش انا تاني راني كيفك و الله ما حليت تمرين لا مات لا فيزيك راني عاد باغيا نبدا نحل لي باك و المواد الادبية غادي نخليها حتا نبغو نفوتو
مهم باقي 5 يام تنجمي ديري فيها مستحيل و مراحش تتبلوكي صدقيني و الله غير راني كيفك مي مرانيش خابفة هههه باردة القلب
نتيا حاولي تراجعي غايا هادي ليامات و بكدب عليك لي يقولك تتبلوكي كونترار هكا منين تراجعي في هاد الوقت مستحيل تنسي شا رجعتي
بالتوفييييييييييق و عيدك مبروك و متخافيش لي فيه لخير ربي يجيبه
achiever.x
2018-06-14, 23:55
و عليكم السلام كوثر
انا نظن تقدري يعني لوكان صح تحطي راسك هادو 4 ايام تبعدي على النت و كل ما يلهيك توكلي على ربي و ديري فيه الثقة صلي ركعتين و بدااااي ماكانش وقت لتخمام 'زعما نلحق مانلحقش' هاد الافكار نحيهم من بالك انت ديري وش عليك و قع وش عندك حطيهم فهاد 4 ايام و الباقي على ربي
قسمي وقتك و بالاكي تهملي المواد الادبية

ربي يوفقك حبيبتي
ورد الاوليف
2018-06-15, 00:11
شوفونا رانا كامل كيف كيف الحاجة لي هدتنا وهلكتنا نقص حل التمارين مسي نورمال
imagine toi bli lyom n3agbo l bac w 3tona 4 ayam
كاخر فرصة شاعادي نديرو انا رح نقتل روححححححي صح والله وربي معانا
اسلام123
2018-06-15, 00:14
شوفونا رانا كامل كيف كيف الحاجة لي هدتنا وهلكتنا نقص حل التمارين مسي نورمال
imagine toi bli lyom n3agbo l bac w 3tona 4 ayam
كاخر فرصة شاعادي نديرو انا رح نقتل روححححححي صح والله وربي معانا

بقالو 5 ايام وليس 4 :19:
ورد الاوليف
2018-06-15, 00:17
بقالو 5 ايام وليس 4 :19:

نعم هي 5 ايام مي هي قالت رح نريح يوم :d
ياسين
2018-06-15, 02:00
انتي ديري لي عليك هاد ليامات و ضاعفي مجهوداتك ابعدي عنكي الخوف و الافكار السلبية و باذن الله توصلي الى ما تريدين جل ما اردت قوله قالوه من قبل .
++++ ( ماكانش بزاف لي يعاوني ) ابعدي هذه الفكرة من راسك كل واحد و كيفاه واحد مشافش الموضوع واحد حب يعاون ومعرفش واحد قال مبعد نرجع نعاون ونسى
المهم متفهميش بلي ماردوش على الموضوع تاعك يعني مهمش حابين . اسف ان اخطات معكي في شيء
Kawtar.7
2018-06-15, 13:01
صحيتووووووو بزااااف عاونتوني و طلعتولي المورال
قررتخط نعطي اقصىى ما عندي باش منندمش واللي كاتبها ربي هاديك هي
رونق الصبح
2018-06-15, 13:30
السّلام عليـكم
عيدكِ مبارك أختي كوثر
لا احد يمكنه الجزم او توقع معدله
انتِ ابذلي قصارى جهدك هذه الايام
و ما التوفيق الا بالله
BazoOka
2018-06-15, 18:18
tekfik okhti , mel ghodwa diri ghir el math wel islamya w philo w anglais w arabe w BARK
mba3d fel smena te3 el bac aki 3andek khmis fel lile kemel w jem3a kemla w 7ad 3chia kemla w lil kemel ,