ما فهمتش أنا والله ما فهمت

[*أنفآل*]

السلام عليكم

كلام عآبر ،، يرجى الحذف ;)
في امان الله

[~ هبة الله ~]

صباح الخير اختي
أنا من هادوك الناس لي حطو هادوك المواضيع
أولا بغيت نصححلك هدرتك حنا قلنا يصحو على الفهم الطالب يكون فاهم و متمكن ماقلناش ماعارف والو
لي ما عارف والو مستحيل يجيب نقطة مليحة راكي غالطة
و من وجهة نظري درك تجي تحطي مقالة حافظتها أولا تروحلك جملة ولا تتخلطلك ماتقدريش تسلكي روحك بصح كي تفهمي تقدري ديري كلشي و ثانيا بما أنه أستاذتكم حطت مقالات ديري في بالك كلاصتك كامل تحطو نفس المقالة ( هادي لي حفظو ) المصحح يلقى نفس المقالة تتعاود مايحسش مشاركة و اجتهاد الطالب في تحرير المقالة و ماينقطكش مليح و الله أعلم كل أستاذ و تخمامه
أنا نصحتكم عن تجربة خاصة مررت بها " سقسي المجرب و ماتسقسيش الطبيب" و كل واحد حر في أفعاله ماقلناش لي يحفظو راهم يضيعو في وقتهم انت حفظت 30 مقال كملي لي بقالك و صايي
عذرا ادا جرحتك بكلامي ولا مكانش قصدي ، بغيت نوصلك المعلومة برك

[سارة بسمة نادية]

...................بمعنى؟؟؟؟؟؟؟؟؟؟؟؟

[أمنية تنتظر التحقق]

السلام عليكم

أنا نفهمك ههه
-نتي وزهرك-
يعني حسب الاستاذ ..كاين أساتذة يحبو مقالات واجدين ومحفوظين
وكاين لي العكس
يحب يشوف ابداع التلميذ ونظن هي الاغلبية
يعني في كل المواد -نحكي على الادبية- الاساتذة يحبو التلميذ المبدع
لي يوظف معارفو بطريقة صحيحة ..يحبو الاستنتاجات والتحليل
بالمختصر الاستاذ ماذا بيه يلقى تلميذو فاهم وصايغ افكارو باسلوب راقي

وعليه
نظن مسألة المقالات نتي وزهرك
ونهار يكون الواحد حافظ الاقوال بزاااف ويبقى يوظف فيهم ويشرح باسلوب شباب رح يدي علامة كبيرة+
وهذا ما معناهمش انو لي يحفظ ما يديش...بالعكس بزاف لي يدو19 و 20 من حفاظتهم
والله أعلم
ربي يوفقك

[*أنفآل*]

السلام عليكم ورحمه الله وبركاته
نتمنى ما تكونوش فهمتوني غلطة ، انا الصباح تشوكيت كي شفت بلي اللي يحفظش ما يديش ، وحسبت روحي صاي ضعت وذاك التعب راح فالباطل ،
اسمحولي اذا زعفتكم
في امان الله وحفظه