هربت من البيت أمس

[مشكلتي]

انا فتاة23 سنة متخرجة ـ معقود قراني وساتزوج بعد شهرين ان شاء الله ، امس حكمتني حالة اول مرة تصرالي حسيت راسي خلاص راح يطرطق كثروا عليا المشاكل في لبيت نحس اخواتاتي يحوسوا غير يلصقوا فيا برك حتى أمي للاسف وادري ان احساسي خطأ تجاه امي المهم لما تشابكت مع اختي على صوالح تافهين جات امي تجري وتصرخ وكبرت المشكلة حتى دعات عليا امي في العشر الاواخر وانا هبلت لاني عارفة دعاء يحطمني لبست حجابي وقت المغرب وخرجت نجري وندعي على دارنا ونبكي ورحت في طاكسي وزوجي غير يعيط ومرفدتش عليه خلاص واهلي ثاني حتى اني حبيت نرمي نفسي من وحذ درج لولا ربي ستر وعيطتلي صحبتي وناس يشوفوا فيا حسبوني طلابة برا رح تقولولي واش الامر يستاهل صراحة انا نشوف داخل راسي ضغط كبييييييييييير بزاف لولا جيت مؤمنة كون نتحرت لبارح للعلم امس صباح كنت عند طبيب طلب مني تخطيط القلب وقالي انت عنذك قلق بزااااااف غير لخير عندك ضغوطات قلتلوا ايه شوي وعطاني ماغنيزيوم لاعصابي جماعة والله حاسة راسي راح يطرطق ولي يهدر معاي راني نشعل فيه حاسة بحالتي وعارفة اني غلطت لما خرجت وبنات فميليا ميخرجوش لكن وصلت لمرحلة خلاااااااااااص راسي تغلق زوجي زعف مني كي عرف راح تقولوا كيفاش راكي مقبلة على زواج وفي ديور ناس راح ديري هاك نقولكم بلي راني خايفة صح ندير هك لاني انا من نوع لي نكسر وتحكمني هستيريا حتى نولي نضرب في روحي رجاءا الردود تكون غير جارحة وخصوصا تجاة امي لاني حاسة باذنب تجاهها هي يالذات طلعتلها لاطونسيو وطاحت اعطوني حل لاني المرة الجاية خايفة نخرج منرجعش

[sohaibdz]

بركاي بلا هبال 23 سنة ماراكيش صغيرة التصرفات لي درتيهم كامل معندهمش تفسير ولا تبرير و انت رايحة تزوجي يعني مسؤوليات مضاعفة ابسط مشكل تزيدي تهربي؟!!!

[محارب الحمق]

أرجوا أن تتقبلي نصيحتي بصدر رحب. كل الأعراض التي ذكرتيها تدل على ضعف الإيمان و سوء الخلق. لا أقول انك دائما سيئة الأخلاق ولكن بالتجربة كلما عصى الانسان الله خبثت نفسه وصار يقول مالم يكن يحلم أن يقوله ويفعل مالم يكن يتصور أنه سيفعله فالذنب يلقي في القلب ظلمة ويزيد النفس خبثا. حلك هو اقلاعك عن المعاصي. ومن المعاصي خاصة بالنسبة للنساء التبرج. تجدها تلبس "خمارا" (لست أنت بالضرورة) ولكن كل جسدها موصوف ومفاتنها بارزة وهذا ذنب عظيم تلعن من أجله المرأة. من المعاصي أيضا الغيبة والنميمة. سماع الغناء. عدم غض البصر والنظر إلى الرجال في الشوارع والتلفاز وغيره. ترك الصلاة والتهاون فيها. هذه أغلب المعاصي التي تنغمس فيها المرأة. انتبهي لفعلك فأنت امرأة كبيرة لست صغيرة وقد يؤثر ما فعلت على مستقبل زواجك. أطلبي الصفح من الجميع واغتنمي فرصة العيد لتصحيح خطئك من الجميع بمن فيهم أختك وزوجك. أصلحي حالك مع الله يصلح حالك

[زهرة جوري]

يا اختي ربي يهديك درتي اكبر غلطة

ربي يجيب الخير

عليك بالقرآن و الرقية

[نجاة^^]

السلام عليكم
ننصحك تكثري قراءة القرآن والاستغفار لانو حالتك فيها نوع من الشك ان تكوني مريضة (رقي روحك) ،والا زوري طبيب نفساني وربي يفرج عليك

[قدور بن عاشور]

هذي عين طرطقت فيك.
واظبي على أذكار الصباح و المساء و قراءة القرآن.

[نبض قلبي]

ننصحك بطبيب أعصاب
زوري طبيب اعصاب لانو القلقة راها توصل حتى تقتل ابسط حاجة توصلها ديرلك كريز كاردياك هذا اذا ترحمتي من الشلل او او او
ربي يكون معاك ان شاء الله

[وسيمツ]

عليك أن تقومي بعزل نفسك عما انت عليه الآن و بداية حياة جديدة .. تماما بنفس النصائح التي قدمها الأخ محارب الحمق،
قد تبدو لا علاقة لها بالمشكلة لكن ركزي عليها جيدا جيدا جيدا ، فهي تجول في جذور المشكلة.
لا تعتقدي أن المشكلة في المشاكل حولك ... بل في ردة فعلك اتجاه المشاكل

خلال الأزقة التي كنت تركضين فيها ...عبر البيوت التي كنت تمرين عليها
عشرات ربما مئات الناس كلهم لهم مشاكل و قد تكون أعظم من مشاكلك
لكن لم تسمعي يوما بأحدهم اصيب بهيستيريا مثل التي حصلت معك
و خرج يركض في الليل هائما
لذا نصحك بالقيام بلبس حلة جديدة
ربي يفرج عليك

[بـــيِسَة]

الله يهديك
انا تاني ماما تدعي عليا
اكتر منك مي منديرش عليها
انت راكي مسحورة و لا كاش حاجة روحي ارقي
مراكيش نورمال مام انا كيما انت منحملش
مي كي نتفكر ربي نحبس الهبال نتاعي
اقراي القران بزاف و صلي و خليك من الدنيا ..... بيسك الدنيا الي يدير عليها يكفر و ....
الله يهديك اطلبي من امك السماح و غلقي على الموضوع

ااه نسيت حاجة متزيديش تخرجي في اليل راهو مشي مليح ليك
غادي تخسري شرفك في هدي الجاست ....فهمتيني واش قصدي و ردي بالك من الشارع
راهو ميرحمش

[pomaria_aindefla]

عليك زيارة نفساني عيادي psycologue

[لمسة ابداع]

يا اختي الرسول عليه الصلاة و السلام قلو واحد اوصني قالو لا تغضب

لانو لي جاست اللي نديروهم في لحضات الغضب و تكون عواقبها وخيمة

وونندمو عليها بزاااف

و احيانا منقدروش نصححو غلط

المرة الجاية كي تقلقي لاكنتي واقفة اجلسي و لا روحي اتوضاي و صلي زوج ركعات







و ابسط حاجة لا ما قدرتيش اسكتي

[mtoussa]

الحاجة الاولى عيدكم مبارك للناس كل

خاوتي حبيت نقول حاجة للناس للتؤمن بلي دعاوي الوالدين يحكمو في الاولاد ادا كان الامر هدا صحيح ملا الله يضلم العباد على باطل امك تتدعي و ربي يحقق الدعاوي امالا وراح العدل تاعو

ربي يقبل دعوة المظلوم و دعوة الخير برك 2 دعاوي نعادها 2 دعاوي برك و يزيدكم من التسويس هدا بقول العلماء حوسوا على الهدرة هدي تلقاوها و بركاو من طلب الراي من الناس في المنتديات خاطراكش قادر يجاوب عليك طفل في عمرو 10 و لا واحد مزطل

ا

[نُـون]

سلام ورحمة...
واضح جدا أنك لم تفقدي أعصابك لكنك كنت تبحثين عن أشخاص يهتمون بك، الشجار لأجل أمور تافهة، الهرب من المنزل وليلا، محاولة الانتحار...
هذه الأمور ليست بهذه السهولة فمن تهددين؟
تهددين ذاتك ومستقبلك شرفك وشرف عائلتك
روحك وكيانك، في هذا الموضوع يوجد خطأ واحد من شخص واحد هو أنت!
إن ردود أفعال كهذه يجب أن يدق لها ناقوس الخطر عليك أن تبصري ما الذي يمكن أن تصنعيه؟ ماذا لو قابلت أشخاصا بلا ضمير؟ هل تظنين أن الانتحار هو الحل، إن الانتحار هو الهروب الى جهنم!!! هو حيلة الضعفاء الذين لا يملكون قرارا. وساء مصيرا
أعتذر إن عنفتك لكن إن واصلت حياتك على هذا النحو فأنت لا تصلحين أن تكوني ربة بيت ولا تصلحين أن تكوني أم المستقبل...
أختي في الله عليك أن تنتبهي لردود أفعالك أن تعالجي مشاكلك بروية وإن كنت تفقدين السيطرة على أعصابك لهذا الحد
فما عليك الا مراجعة طبيب نفسي... وكما اوضح بعض الاخوة فإن القرآن شفاء
وفقك الله لما يحبه ويرضاه ورزقك السعادة

[الرأي الاخر]

هذه الاعراض سببها نقص في الفيتامينات الناتج عن سوء النظام الغذائي

[akram mouloud]

[quote=مشكلتي;3997553519]انا فتاة23 سنة متخرجة ـ معقود قراني وساتزوج بعد شهرين ان شاء الله ، امس حكمتني حالة اول
ربي يهديك لزام تتعلمي تتعيشي مع أعصابك خممي في حاج واحد كي تتقلقي أو ديري كمل واش قلتي حاج ما تتصلاح راح يكثرو مشكال توعك تحطمي نفسك

[TOFNINE]

هوني على نفسك فالدنيا منذ خلقها الله الى يوم القيامة لا تساوي جناح بعوضة عند الله .
الى اين انت ذاهبة بهكذا تصرفات تجرك للهلاك تخلي تنجبين طفل يعني بمجرد يبكي من مرض ويطيل البكاء راح ترميه من بالكون بسبب الضغط تحكمي في اعصابك بالعقل وهوني على نفسك وكبري عقلك وقلبك راهم صغار وضعاف بزاف وجهزي نفسك فالمشاكل القادمة اكبر مع الزواج وتربية الابناء اصعب مر سيمر عليك .
ربي معاك لا شيئ افضل من القران ليس يوم او يومين داومي عليه هو شفاء سبحان الله .

[صُبح الأندلس]

أولا ارجعي إلى ربك و استغفري فالمؤمن مبتلى و ارجعي إلى امك و اطلبي السماح منها و إذا كان ولابد اتصلي بطبيب نفسي لعله يعطيك مهدئات .

[زبدة ذايبة]

هذا لفشوش وش يدير.

مالقيتي ماديري غير تهربي من الدار.

إذا كمل معاك هذ الرجل الزواج فأنت من المحظوظات جدا جدا


لو كان غير كي هربتي من داركم رحتي لزوجك.

رحتي للشارع مع نية الانتحار ؟؟؟؟؟؟

يعني ماخليتي مابقيتي في سمعتك.

جبتي الفايدة ليك ولأهلك ولزوجك.

حبيتي تصغطي عليهم بهذ التصرف حتى تضمني واحد مايزيد يناقشك أو ينتقدك في تصرفاتك.

مارانيش عارفة إذا رجعتي لداركم ولا عيدتي في الشارع.

ومارانيش عارفة إذا كنتي على قيد الحياة أم أنك انتحرتي.

تداعيات تصرفك هذا رايحة تجنيه في الأيام القادمة.

الآن انت هربتي وخلاص ماكاش كيفاش نعالجو المشكل.

معالجة المشكلة في تداعياتها.

إذا حسيتي أن زوجك عنده نية لطلاقك حاولي تكتبي موضوع يساعدوك الأعضاء.

هذا بالفعل رايح يكون مشكل بالنسبة لك.

أما خلافك مع أختك وإصرارك على رأيك وموقفك هذا كله لامعنى له.

المشكلة الحقيقية في هروبك ومحاولة انتحارك.

لو أن زوجك يفكر بمنطقية وعقلانية رايح يطلقك.

ما نزيدش عليك لكن ردي بالك تزيدي تعاودي تفكري في تصرف مثل هذا.

ماتربحي لا دنيا ولا آخرة.

[يسمينة الزهور]

لازم تروحي عند أمك تبوسيلها يديها ورجليها وتطلبي السماح منها وتطلبي منها تدعيلك بالخير مكانش كيما دعاوي الوالدين دعوتهم مستجابة إطلبي منها تدعيلك بالشفاء والسعادة و متزيدش تدعيلك بالشر ولازم تعهديها تسكمي روحك
وإذا لزم الأمر شوفي طبيب نفسي أو طبيب الأعصاب ومتنسايش الرقية

[nihal159]

صراحة ياختي حالتك ينطبق عليها المثل: من أمن العقوبة؛ أساء الأدب؛ كون جيتي متأكدة أنو أي غلطة ديريها تتعاقبي عليها كون راكي فكرتي ألف مرة قبل ماتهربي من

الدار و ديري التبهديل على جال نقاش بينك و بين أختك؛ ربي يهذيك؛ ناس زمان قالو : الثقل صنعة؛ أتعلمي تكوني رزينة و ثقيلة و تتحكمي في أعصابك وقت الفرح و و

قت الضيق؛ و ديري في بالك أنو زوجك ماراحش يفوّتلك هذي الغلطة مرور الكرام؛ خاطرش الشي لي درتيه مايديروهش بنات الفاميلة لي عندهم سمعة يخافو عليها.