نصيحتي في الفلسفة

[~ هبة الله ~]

صبااح الخير ، صباح الهمة و النشااط
نروح للموضوع : لاحظت بزاف يسقسو نحفظ ولا نفهم المقالات خاصة المرشحة بقوة لذلك بغيت نعطيكم نصيحة من تجربتي الخاصة لعلها تفيدكم في اختياركم و كل واحد حر في تصرفه
مانطولش عليكم .....
2015 كانت مرشحة مقالة البيولوجيا ادا تعقلو ؟ مانعرف ادا كاين جماعة 2015 يعاودو و في الباك حطولنا مقالة البيولوجيا و أنا كنت حافظتها كيما حافظة اسمي غير بدى الامتحان طحت نكتب و كملت قبل الوقت بززاف في الأخير ديت 13.5 تشوكيت
في باك 2016 كانو مرشحين الرياضيات بقوة ، جماعة 2016 علابالي راكم حاضرين بقوة ههه أيا حسبت كل يوم العيد دخلت حافظة مقالة الرياضيات و فرحانة بعمري من زهري حطولنا الأنا و الغير ماكنت حاكمة فيها والو من غير الأقوال ومانقدرش نهرب لجهة أخرى حتى المقالة الأخرى ماكنتش محضرتها و تحليل النص عمري لا نديره مانقدرلهش ، وش درت ؟؟؟ تخيلت روحي الفيلسوفة هبة طحت نحكي و نتفلسف و نبدع حسيتها حصة مواهب هههه و في الأخير ديت 17 الحمد لله كون غير نديها هاد العام
النتيجة ماتهمش الكتبة قد ما تهم فهامة المترشح ( الفهامة ماشي الحفظ ركزو )
بالتوفيق للجميع

[dreamer17]

و علاش تحليل نص لالا ؟؟؟

[سارة بسمة نادية]

هبة يعني كيييفاه كنت داية عليها فكرة ماااشي واالو ولا معلابالكش كييفاه
المشكل نفهم بصح منعرفش نعبر راااااااااااني غير لبارح بديت حصلت غير مع لموقف الاول وكي جيت نكتبو تتلفلي كلمة ولا زوج نبدلها فقط ماشي نضيغ اكلشي باسلووبي كلمة زوج ههههه
دوك معرفتش كيييفاه ندير معاها

[~ هبة الله ~]

و علاش تحليل نص لالا ؟؟؟

كل واحد و كيفاه أنا عييت نقراه مابغاش يدخل في مخي ، نبغي المقالة

[~ هبة الله ~]

هبة يعني كيييفاه كنت داية عليها فكرة ماااشي واالو ولا معلابالكش كييفاه
المشكل نفهم بصح منعرفش نعبر راااااااااااني غير لبارح بديت حصلت غير مع لموقف الاول وكي جيت نكتبو تتلفلي كلمة ولا زوج نبدلها فقط ماشي نضيغ اكلشي باسلووبي كلمة زوج ههههه
دوك معرفتش كيييفاه ندير معاها

صراحة كنت داية نظرة عليها ماشي والو بصح التعبير و الاضافات كانت من أسلوبي

[سارة بسمة نادية]

صراحة كنت داية نظرة عليها ماشي والو بصح التعبير و الاضافات كانت من أسلوبي

وانا دوك لي راني مضاربة معاها كييييفاه عندي لامقالات الاستاد شهاب برك كيييفاه ندير معاها؟؟؟؟؟؟؟؟؟؟؟؟؟؟؟؟؟؟؟؟؟؟

[warrior1]

أختي نسقسيك مثلا نتي في الاستقصاء و يخي يقولوا أعطوا أمثلة و حجج شخصية ديريهم من راصك و لا من لي قريناهم
مثلا البيولوجيا تقدري تحكي على أمثلة من أرض الواقع قال في العوائق مثلا ولا من الدرس ؟؟؟ ما فهمتش وش ندير لهاذي الفلسفة لحد الان ما مسيت والو:confused::confused::confused:

[~ هبة الله ~]

أختي نسقسيك مثلا نتي في الاستقصاء و يخي يقولوا أعطوا أمثلة و حجج شخصية ديريهم من راصك و لا من لي قريناهم
مثلا البيولوجيا تقدري تحكي على أمثلة من أرض الواقع قال في العوائق مثلا ولا من الدرس ؟؟؟ ما فهمتش وش ندير لهاذي الفلسفة لحد الان ما مسيت والو:confused::confused::confused:
أنا الأستاذ لي كنت نقرى عنده انصحنا قالنا كلما تديرو حجج شخصية من عندكم و في صلب الموضوع كلما تزيد نقاطكم و قالنا ينقطو عليها تاني في التصحيح

[warrior1]

أنا الأستاذ لي كنت نقرى عنده انصحنا قالنا كلما تديرو حجج شخصية من عندكم و في صلب الموضوع كلما تزيد نقاطكم و قالنا ينقطو عليها تاني في التصحيح

حسنا شكرا لك أختي