شعال ناوييييين تكتبو

[مريم المتفائلة]

السلام عليكم


فلسفة شعال ناوييين تكتبو انا منحبش نكثررر ندير حاجة معقولة رراح ندير 4 صفحات على الاكثرر وانتم خطي متتوسط الحجم

[mehdi_mascara]

العمدة مشي على الكتبة ، عام 2016 عاودت كتبت نصف النص لي عطاوهلنا ، بمعنى كتبت فقط نصف تلك الصفحة الأولى لي يكتبو فيها الإسم و اللقب و ديت 7.5
عام 2017 لي هو العام لي فات كتبت الورقة الأولى كاملة و زدت صفحة كورقة إضافية ديت 8 ههههه ، لكن الصراحة 2017 كان صعيب صعيب صعييب جدا

[مريم المتفائلة]

يعني 5 وجبت 8 للاسف

[~ هبة الله ~]

كيما قالولك مايهمش الكتبة و نزيدك نصيحة بلاك تعاونك
2015 كانت مرشحة مقالة البيولوحيا و في الباك حطولنا مقالة البيولوجيا و أنا كنت حافظتها كيما حافظة اسمي غير بدى الامتحان طحت نكتب و كملت قبل الوقت بززاف في الأخير ديت 13.5 تشوكيت
في باك 2016 كانو مرشحين الرياضيات بقوة أيا حسبت كل اليوم العيد دخلت حافظة مقالة الرياضيات من زهري حطولنا الأنا و الغير ماكنت حاكمة فيها والو من غير الأقوال تخيلت روحي الفيلسوفة هبة طحت نحكي و نتفلسف و نبدع حسيتها حصة مواهب هههه و في الأخير ديت 17 الحمد لله كون غير نديها هاد العام
النتيجة ماتهمش الكتبة قد ما تهم فهامة المترشح ( الفهامة ماشي الحفظ )

[dreamer17]

العمدة مشي على الكتبة ، عام 2016 عاودت كتبت نصف النص لي عطاوهلنا ، بمعنى كتبت فقط نصف تلك الصفحة الأولى لي يكتبو فيها الإسم و اللقب و ديت 7.5
عام 2017 لي هو العام لي فات كتبت الورقة الأولى كاملة و زدت صفحة كورقة إضافية ديت 8 ههههه ، لكن الصراحة 2017 كان صعيب صعيب صعييب جدا

وش رايك ف تحليل نص و بالمنهجية تع الاستاذ شهاب .. نقدر ندي بيه زعمة ؟؟؟

[dreamer17]

كيما قالولك مايهمش الكتبة و نزيدك نصيحة بلاك تعاونك
2015 كانت مرشحة مقالة البيولوحيا و في الباك حطولنا مقالة البيولوجيا و أنا كنت حافظتها كيما حافظة اسمي غير بدى الامتحان طحت نكتب و كملت قبل الوقت بززاف في الأخير ديت 13.5 تشوكيت
في باك 2016 كانو مرشحين الرياضيات بقوة أيا حسبت كل اليوم العيد دخلت حافظة مقالة الرياضيات من زهري حطولنا الأنا و الغير ماكنت حاكمة فيها والو من غير الأقوال تخيلت روحي الفيلسوفة هبة طحت نحكي و نتفلسف و نبدع حسيتها حصة مواهب هههه و في الأخير ديت 17 الحمد لله كون غير نديها هاد العام
النتيجة ماتهمش الكتبة قد ما تهم فهامة المترشح ( الفهامة ماشي الحفظ )



تعرف المنهجية + الاقوال = علامة ممتازة

[طالبة لها هدف]

راني نخمم نكتب قيس الورقة المزدوجة هاديك
تسما 4 صفحات ~~~

[سارة بسمة نادية]

ادا كتبت صفحة راني مليييييييحة حصلت معاها قوليلي يا مريم كييفاه درتي معاها يرحم باباك كييييييييييييفاه قرتيها لابالتفصيل الممل

[~ هبة الله ~]

تعرف المنهجية + الاقوال = علامة ممتازة

هدا هو السر + فهم المقالة

[ياسين]

لا يهم عدد الصفحات بل يهم المضمون و في جميع المواد
مثلا في الفيزياء عام 2016 2 من اصدقائي واحد وصل في الترقيم الى 22 و الاخر 10 او 11 وتحصلوا على نفس النقطة

[~ هبة الله ~]

لا يهم عدد الصفحات بل يهم المضمون و في جميع المواد
مثلا في الفيزياء عام 2016 2 من اصدقائي واحد وصل في الترقيم الى 22 و الاخر 10 او 11 وتحصلوا على نفس النقطة

مافهمتش كيفاه 22 ؟؟

[ياسين]

يعني 10ورقات اي5 اوراق مزدوجة كي يرقم الصفحات المضافة وصل الى 22 على حساب هدرتوا
المهم انتم كي تشوفوا ناس كتبت بزاف مش يعني علامة ممتازة

[~ هبة الله ~]

في هادي عندك الحق راني معاك

[mehdi_mascara]

وش رايك ف تحليل نص و بالمنهجية تع الاستاذ شهاب .. نقدر ندي بيه زعمة ؟؟؟

مليح الأستاذ شهاب استفدت منه بمعلومات جد جد قيمة ، لكن التحليل قالك مزيرين فيها ،
الأهم احفظي المنهجيات الكل ، و ما تغلطيش نفس غلطتي ، ركزت على المنهجية الأولى و خليت الباقي ،

يوم الإمتحان لقيتهم قايلينلنا في المنهجية الاولى : هل الإنسان حر لأنه مسؤول أو مسؤول لأنه حر ؟ هههههه و بديت نتحرحر عليهم ،

كنت عارف معلومات بزاف في الموضوع الخاص بتحليل نص لكني مكنتش نعرف الطريقة و المنهجية تاعه للأسف

[مريم المتفائلة]

اخي هل التوقعات تجي ديمااا ولالا

[abir sweet]

على حساب وش جاني في راسي خاطر منعتمدش ع الحفظ لاني منيش حافظة ولا مقالة نحاول من راسي وربي يجيب الخير

[Aya Ya]

انا واش نقول كنت نكتب ورقة مزدوجة +اضافة ورقة او ورقة ونصف

(اصلا فيا طبيعة نكثر لهدرة بزاااف منعرف وقتاااااه نتعلم نختااصر بلاك لعام لجاي هاد لوقت وانا نبريباري لباك 2019 :o :D )

الباك التجريبي فقط كتبت ورقة مزدوجة دون زيادة ولا نقصاان (يادرا شحاال ديت ) وماكنتش راضية على واش كتبت

العبرةةةة ___ الاهم هو المضمون وليس الحجم

موفقوون

[النجمة المتلألئة]

أنا غالبا أكتب 4 صفحات وعلاماتي 15 16 الحمد لله سألت الاستاذ إن كان المصحح يهتم بالكم أو الكيف فأخبرني واقع وهو أن المصحح عندما ينظر للوهلة الاولى للورقة ويجد صفحات كثيرا قبل بداية قراءته للمقال يضع في ذهنه أن هذا التلميذ علامته 15 طبعا ليس جميع المصححين هكذا هداهم الله