أضعت نفسي !!!

[~ هبة الله ~]

مساء الخير عليكم ، نتمنى تكونو كامل بخير مع المراجعة مابقااش بزاااف
علابالكم هدا الأسبوع و الله مراني عارفة شا صرالي ؟ الناس هنا وين تزيد تقرى...الخ أنا عييت بزااف راهي تحكمني الفشلة كيما اليوم رقدت 8 مانضتش حتى 4 و كون غير راني واجدة للأسف راني 0 مواد علمية خاصة الرياضيات نحكم موضوع مانعرفش كي ننطلق كلشي يهربلي
ماجيتش هنا باه نشكي ولا ، الحمد لله مزال عندي نية الدراسة و العمل بغيتكم تعاونوني برك ، قررت نبدل المنهجية بلاك هي لي معيتني كيما هاك درك نولي كيما الأيام العادية نرقد فالليل و نوض صباحا بلاك هاد السيستام يخرج عليا ، اذا رجاء انصحوني بطريقة نقدر نقرى الرياضيات و الفيزياء و العلوم في 6 أيام بدون اهمال المواد الأخرى + راني حايرة نحل مواضيع البكالوريا ولا المواضيع المقترحة عجبوني بزااف كيما تاع الأستاذ عبعوب
اسمحولي ادا ديرونجيتكم و ضيعتلكم وقتكم ، بصح و الله ماننساكم بالدعاء من القلب اخوتي و صح فطوركم ، ربي يتقبل

[same_one]

ختي نصيحة الذهبية لي راني رايحة نقولهالك و تنجحي بيها اخطيك من مواقع التواصل حتى المنتدى من مواقع التواصل. راه يضيعلك الوقت ،الاعضاء هنا راهم يمدولك فس النصائح مش النجاح ،النجاح تصنعيه وحدك انت بصح لاازم تبعدي على الانترنت هذا واش نقولك و النوم باكرا مفيد جد ا 12 ما تفوتيهاش

[~ هبة الله ~]

ختي نصيحة الذهبية لي راني رايحة نقولهالك و تنجحي بيها اخطيك من مواقع التواصل حتى المنتدى من مواقع التواصل. راه يضيعلك الوقت ،الاعضاء هنا راهم يمدولك فس النصائح مش النجاح ،النجاح تصنعيه وحدك انت بصح لاازم تبعدي على الانترنت هذا واش نقولك و النوم باكرا مفيد جد ا 12 ما تفوتيهاش

مواقع التواصل حبستها هادي شحاال
و المنتدى ندخل برك كي نحتاج كاش حاجة ولا
و النوم عندك الحق درك نولي نرقد 00 ان شاء الله و نوض 6 ادا كتب ربي
بااارك الله فيك على نصيحتك اختي و ربي يوفقنا و ينجحنا ان شاء الله

[المُعادلة الصّعبة]

اختي انا ثاني نصيحة ذهبية ما تشاوريش ماتشاوريش ما تشاوريش الوقت هذا
ديري لي تساعدك والمهم تبذلي اقصى جهدك ما يهمكش الطريقه
لا تخططي لا والو صدقيني المخططات ما تدير والو وفالعادة تفشل
ازدمي برك اقراي اقراي برك
هاذي هي نصيحتي ليك فقط

[jë suîs comçà]

هبة متخمميش ڨاع على الرقاد شوفي اختك ضربتها من 10 ل 17:30 و مزال حابة تزيد ههههه
المهم الأيام هاذو رانا نعااانيو نفس المعاناة تقريب كل الافكار السوداء تتحط علييييك تعودي تخممي غير في السيئ و تنساي الحسن
المهم حابة نقووولك المواد العلمية حاولي تقرايها بشكل يومي
الرياضيات حلي سلسلة الاختبارات التجريبية للأستاذ عبعوووب كافية ووافية :19::19:
و العلوووم مزال مكملتش المنهاج بقاتلي التنفس و التخمر
هنا حاولي تحلي بكالوريات فققققط كافية ووافية ( الأسئلة لي تتطلب اجابة شفهية مكله تكتبيييييها )
الفيزياء مواضيع بكالوريا شعبتي رياضيات و تقني كافييية ووافية
ربي يووووفقك

[toulay]

السلام عليكم
واشبيك هذا هبلتي واقيلا كيفاش ترقد على الثمانية تاع الصباح الناس راهم يوجدوا للدكتوراه والمناقشة تاعها مداروش كيما درتي انت
ارقد نورمال لحداش احكم بلاصتك ونوض بكري مثلا السبعة ولا الثمانية
ومتبقاش تقفز من مادة لمادة
احكم مثلا الاربعاء ابقى مركزة غير مع العلوم حتى تكملها فالليل الخميس راجع الرياضيات الجمعة الفيزياء
درك مشي وقت الحفظ راهو وقت المراجعة
اي استفسار او مساعدة تقدر تراسلني على الخاص
بالتوفيق

[المُعادلة الصّعبة]

علابالك ا هبة انا وش هلكني الفصل الاول والثاني هلكني اني كنت نحب نتبع نصائح نتاع متفوقين ندير كيفهم في طريقه المراجعه وكلش
بصح كي وصل الفصل الثالث فقت مع روحي لقيت روحي تبدلت مابقيتش نفس الريان فقدت نفسي ولقيت روحي ضايعه
بصح ضرك كي رجعت كيما مالفه لقيت روحي مرتاحه بزاف لطريقة قرايتي صدقيني والله عن تجربة

[~ هبة الله ~]

اختي انا ثاني نصيحة ذهبية ما تشاوريش ماتشاوريش ما تشاوريش الوقت هذا
ديري لي تساعدك والمهم تبذلي اقصى جهدك ما يهمكش الطريقه
لا تخططي لا والو صدقيني المخططات ما تدير والو وفالعادة تفشل
ازدمي برك اقراي اقراي برك
هاذي هي نصيحتي ليك فقط

شكرااا ريان ، ربي يخليك
أنا قلت بلاك كاش واحد اعتمد طريقة و نجحتله ينصحني بها علاخاطرش ماوليتش نقدر نتصرف للأسف

[المُعادلة الصّعبة]

اقعدي مع روحك بعدي على كلش و انفردي بنفسك وافهمي روحك مليح و قرري

بصح هنا والله كل واحد ينصح على حسب تجربتو تتخلطي ماتعرفيش حتى وش تديري
مهوش وقت التجارب تاع تجربي طريقة فلان وطريقة علان ديري طريقتك نتيا و المهم شوفي كيفاش تافونصي قد ما تقدري

[~ هبة الله ~]

هبة متخمميش ڨاع على الرقاد شوفي اختك ضربتها من 10 ل 17:30 و مزال حابة تزيد ههههه
المهم الأيام هاذو رانا نعااانيو نفس المعاناة تقريب كل الافكار السوداء تتحط علييييك تعودي تخممي غير في السيئ و تنساي الحسن
المهم حابة نقووولك المواد العلمية حاولي تقرايها بشكل يومي
الرياضيات حلي سلسلة الاختبارات التجريبية للأستاذ عبعوووب كافية ووافية :19::19:
و العلوووم مزال مكملتش المنهاج بقاتلي التنفس و التخمر
هنا حاولي تحلي بكالوريات فققققط كافية ووافية ( الأسئلة لي تتطلب اجابة شفهية مكله تكتبيييييها )
الفيزياء مواضيع بكالوريا شعبتي رياضيات و تقني كافييية ووافية
ربي يووووفقك

صحيتي آية ، شكراااااا على كل حاجة ساعدتيني فيها

[~ هبة الله ~]

السلام عليكم
واشبيك هذا هبلتي واقيلا كيفاش ترقد على الثمانية تاع الصباح الناس راهم يوجدوا للدكتوراه والمناقشة تاعها مداروش كيما درتي انت
ارقد نورمال لحداش احكم بلاصتك ونوض بكري مثلا السبعة ولا الثمانية
ومتبقاش تقفز من مادة لمادة
احكم مثلا الاربعاء ابقى مركزة غير مع العلوم حتى تكملها فالليل الخميس راجع الرياضيات الجمعة الفيزياء
درك مشي وقت الحفظ راهو وقت المراجعة
اي استفسار او مساعدة تقدر تراسلني على الخاص
بالتوفيق

شكراااا أستاذة ، جزاك الله كل خير

[المُعادلة الصّعبة]

شوفي هبهب انا معولة نصورلكم كراس الافكار تاع الفيزيا تاعي بصح ما نوعدكم بوالو

برك اذا لقيت وقت بربي بربي نصورلكم فيه افكار هايله بلاك نختصر عليكم الوقت تاعها

ان شاء الله نلقى وقت برك ونصورليكم

[~ هبة الله ~]

اقعدي مع روحك بعدي على كلش و انفردي بنفسك وافهمي روحك مليح و قرري

بصح هنا والله كل واحد ينصح على حسب تجربتو تتخلطي ماتعرفيش حتى وش تديري
مهوش وقت التجارب تاع تجربي طريقة فلان وطريقة علان ديري طريقتك نتيا و المهم شوفي كيفاش تافونصي قد ما تقدري

خلاص هادي 6 أيام ان شاء الله ندير لي قدرت عليه

[المُعادلة الصّعبة]

راهي مزالت 8 ايام على فكرة ;) ماشي 6

[~ هبة الله ~]

شوفي هبهب انا معولة نصورلكم كراس الافكار تاع الفيزيا تاعي بصح ما نوعدكم بوالو

برك اذا لقيت وقت بربي بربي نصورلكم فيه افكار هايله بلاك نختصر عليكم الوقت تاعها

ان شاء الله نلقى وقت برك ونصورليكم

صحيتي ريان ، خذي راحتك حنونة
و الله غير عاونتينا بزااف ، ربي يجازيك كل خير و ينجحك بالمعدل لي تمنيتيه ان شاء الله

[المُعادلة الصّعبة]

ربي يسهلها عليك ويفتحها عليك هبة ادعي في الثلث الاخير من الليل صدقيني ربي يستجيبلك بحول الله

[~ هبة الله ~]

راهي مزالت 8 ايام على فكرة ;) ماشي 6

ههههه نزعتلها يومين تاع العيد علاخاطرش أنا مانبقاش في وهران
نتنقل اليوم الأول في ولاية و اليوم الثاني في ولاية أخرى هههه

[~ هبة الله ~]

ربي يسهلها عليك ويفتحها عليك هبة ادعي في الثلث الاخير من الليل صدقيني ربي يستجيبلك بحول الله

ان شاء الله يا ربي ، و لن أنساكم في دعائي ، و الله عاونتوني بزااف بزااف

[nooor31]

chofi khti wlh matkantich rohak ga3 rmaranach na9ro had lyamat pcq l bac karab wal stress howa li ykhalina nhasso hak ana ni wasla had la semaine na9ra ri mal 11 hata shor c ttt wlh mais nrml ni 3arfa bali mor l3id nzidd w zid 3am w hna na9ro mchi 15 jours wala radi daya3ana kolchi

[~ شُـمــــــوخٌ ~]

اختي ننصحك انا امس صراتلي كيفك حسيت روحي ضاايعة
مالا رحت جبت ورقة وكتبت فيها وش لازم ندير كاااااامل ووزعتهم على الايام لي بقاو وحاولت ندير برنامج صح برنامج مشارجي شوي مي رح نتقدم بيه
بالنسبة للنوم
ننصحك ترقدي في الليل افضل والله تنوضي الصباح بنشاط وتركييز

[طالبة لها هدف]

هبــــــــــــــــــــــة ؛؛ اسمعي مالا نقلك انا 8 رقدت نضت 6 *-* لا داعي للفضائح
هذا كامل جاي من الاهمية لي ما ديتها للباك هو مشي غول
استغفري و شهدي
انا كــــــــــل ما نحس هك نروح لشي بلاصة وحدي بيني و بين مولاي ندعيه
نحس بالراحة
ربي يفرجها عليك بب

[~ هبة الله ~]

chofi khti wlh matkantich rohak ga3 rmaranach na9ro had lyamat pcq l bac karab wal stress howa li ykhalina nhasso hak ana ni wasla had la semaine na9ra ri mal 11 hata shor c ttt wlh mais nrml ni 3arfa bali mor l3id nzidd w zid 3am w hna na9ro mchi 15 jours wala radi daya3ana kolchi

هدا هو المشكل
أنا ماقريتش العام
عندي شهرين و نص برك ملي بديت و نهار نقرى و يومين لا
يقولك من بكري في الأخير لا ينفع الندم
بصح أنا الله غالب ظروفي حتمت عليا ، راكي تعرفي قرايتنا و السطاج

[~ هبة الله ~]

اختي ننصحك انا امس صراتلي كيفك حسيت روحي ضاايعة
مالا رحت جبت ورقة وكتبت فيها وش لازم ندير كاااااامل ووزعتهم على الايام لي بقاو وحاولت ندير برنامج صح برنامج مشارجي شوي مي رح نتقدم بيه
بالنسبة للنوم
ننصحك ترقدي في الليل افضل والله تنوضي الصباح بنشاط وتركييز

حتى أنا قررت نولي نرقد فالليل و نوض صباحا ديجا رمضان صايي رانا ف الأواخر
و درك نشوف كل النقائص و نقسمها كيما قلتي
شكرااا اختي و صح فطورك

[~ هبة الله ~]

هبــــــــــــــــــــــة ؛؛ اسمعي مالا نقلك انا 8 رقدت نضت 6 *-* لا داعي للفضائح
هذا كامل جاي من الاهمية لي ما ديتها للباك هو مشي غول
استغفري و شهدي
انا كــــــــــل ما نحس هك نروح لشي بلاصة وحدي بيني و بين مولاي ندعيه
نحس بالراحة
ربي يفرجها عليك بب

ان شاء الله يفرجها علينا
و بالشفاء عليك لينو نتمنى تكوني ريحتي

[same_one]

مواقع التواصل حبستها هادي شحاال
و المنتدى ندخل برك كي نحتاج كاش حاجة ولا
و النوم عندك الحق درك نولي نرقد 00 ان شاء الله و نوض 6 ادا كتب ربي
بااارك الله فيك على نصيحتك اختي و ربي يوفقنا و ينجحنا ان شاء الله

لالا مل الاحسن تنوضي على 08
باه ما تتعبيش 6 سوايع نوم قليلة
و هذا كامل في مصلحتك

[nooor31]

نعم انا مع 8 ساعات الى 10 في اليوم والله لانو الصيام راه متعبنا

[jë suîs comçà]

صحيتي آية ، شكراااااا على كل حاجة ساعدتيني فيها
العفوووووووووووووووووووووووو
ادعيلي ربي ييييييخلليك

[~ هبة الله ~]

شكراااا لكم جميعا
صح فطوركم