انا بلاستي في الكوزينة وانتم بلاستكم وين

[الحر2012]

من جرية بالفيزو في سابلات اشعلت هذه هذه البنت الرأي العام في الجزائر من معارض الى مؤيد ولكن لنحلل رأي هذه الفتاة اذا كانت تقصد هته الاخيرة النساء العاملات اقول لها انهن تهن بين واجبات العمل واشغال البيت وتربية الابناء وانهن ليس لديهم الوقت في الالتفاة اليك والى مثيلتك اذا كنت تقصدين النساء التي فضلن تربية الابناء والعناية بازواجهن والقيام باعمال البيت فاقول لك انهن لايفكرن بك بل اكثرهن يحاولن ان يساعدن ازواجهن بتحضير المطلوع وبيعه اذن من الفئة التي انت منها وتناصرك فلا تجد فتاة في الجزائر وفي شهر رمضان وقبل ساعة من الفطور خارج اصوار الكوزينة فهنا لا يعتبرن هذاعبئ او يجدن هذا اعمال شاقة بل يجدن فيه المتعة متعة تعلم الطبخ وانواعه ومتعة اطعام الصائمين في هذا الشهر الكريم و طبعا مقاسمة اجر الصيام معهم الفئة التي منها انت ومثيلتك هن اللواتي تركت امهاتهم وحدهن في الكوزينة يشقين طول النهار في اشغال البيت ورفعن علم السفور والعصيان واصبحن ينتظرن الزلات واخطاء الاخر ين لينتفضن في الفايسبوك او في اليوتوب

[نجاة^^]

ارواح جرب واقعد في الكوزينة ساعة قبل الافطار وردلي بالخبر اذا لقيت فيها متعة من شدة الحر والتعب ( نڨصر برك)
والله ما في احلى من اخذ مكان الام والاحساس بالمسؤولية ان الجميع ينتظر الفطور على يدك (رغم ان امي لا تتركني وحدي ،تخاف الكوارث كيما تقول) اما العاملات (الله لا يشوفك في حالتهم) عندي اختي عاملة راهي تعاني لا تتحمل الحر و الدخول الى المطبخ لانها تعمل بعيدا عن المنزل (لهذا انا جد متخوفة من العمل خايفة نقتل اهلي بالجوع) هذا مزال متزوجتش ï؟½ï؟½
اما اللي تتهرب وتسنى امها توجدلها الفطور وهي قاعدة مع التلفون او التلفاز
نقولها ربي يهديها اذا ما شفقتيش على يماك نتي تاني وحد ميشفق عليك
اما البقية لا علم لي بهن مخالطهم منعرف طريقة عيشهم
هذا رأي والله اعلم

[karim.dz]

بنت الكوزينة ربات اجيال واجيال وخرجت رجال صنعو التاريخ وكانو هم الابطال

[نبض قلبي]

بلاستنا في كل بلاصة
في الكوزينة في خدمتنا في قرايتنا في كلش
المخلوقة هذي حبت تنعت روحها فقط لاغير
شفتو دزاير علاه هي الاولى بويسك هذي هيا الفئة اللي تلتا بيها و مقيمتها
بلاصتنا القبر و هذي هي البلاصة الصح
سلام

[امـــة اللـــه]

بلاستنا في كل بلاصة
في الكوزينة في خدمتنا في قرايتنا في كلش
المخلوقة هذي حبت تنعت روحها فقط لاغير
شفتو دزاير علاه هي الاولى بويسك هذي هيا الفئة اللي تلتا بيها و مقيمتها
بلاصتنا القبر و هذي هي البلاصة الصح
سلام

عندك حق اختي عندنا فرد بلاصة وهي القبر كامل نموتو وندو شبر

[hutarubi sama]

حزنت كثيرا لما الت اليه تلك القصة ....اهذا مصير فتياتنا؟ اهكذا يفكرن؟تفكير سطحي مبني على مفهوم غربي "الحرية"؟
اللهم اصلح حالنا ...
حريتهن مست ملابسهن مارة على قلوبهن .....اللهم اصلح حالنا و اهدنا الى الطريق الصواب

[nilly]

كان عليك ان تكتب القصة كاملة

هادي حدثت في رمضان هده سنة واحدة طفلة متحجبة ومستورة وكانت دايما تعمل رياضة الجري وفي رمضان كانت قبل الادان تجري املا جا واحد ضربها وهو مايعرفهاش ومبعد قالها بلاصتك الكوزينة وهادي طفلة دارت فيديو وتبكي وحكت قصتها وهي مسكينة مخلوعة وين غلطت وهل رياضة حرام وهي لو كان جات متبرجة نقوله على تبرج بصح هي محجبة

وعلى هادي خرجوا رجال ونساء وليس نساء فقط يساندوها في مسيرة . وانا عندي ماغلطو فحتى حاجة

متل دلك شاب لضربها عقله متحجر وامثاله يتكاثرون في الجزائر ويجب ان ينقرضوا

ولا لعنده الحق غالط ولغالط ولا عنده الحق عيش تشوف

انقرضوا يااعداء المراة

[ا̍ڔٰا̍دۃ ۛ ּحۡــدڀــدڀــۃ]

كان عليك ان تكتب القصة كاملة

هادي حدثت في رمضان هده سنة واحدة طفلة متحجبة ومستورة وكانت دايما تعمل رياضة الجري وفي رمضان كانت قبل الادان تجري املا جا واحد ضربها وهو مايعرفهاش ومبعد قالها بلاصتك الكوزينة وهادي طفلة دارت فيديو وتبكي وحكت قصتها وهي مسكينة مخلوعة وين غلطت وهل رياضة حرام وهي لو كان جات متبرجة نقوله على تبرج بصح هي محجبة

وعلى هادي خرجوا رجال ونساء وليس نساء فقط يساندوها في مسيرة . وانا عندي ماغلطو فحتى حاجة

متل دلك شاب لضربها عقله متحجر وامثاله يتكاثرون في الجزائر ويجب ان ينقرضوا

ولا لعنده الحق غالط ولغالط ولا عنده الحق عيش تشوف

انقرضوا يااعداء المراة

ولله مسكينة
يكون ضربها واحد شارب و لا حاجة هكذا نظن

[noursm]

استغفر الله الذي لا إله إلا هو الحي القيوم و أتوب إليه

[بـــيِسَة]

كااااامل عندنا بلاصة وحدا هي القطعة الي رح ندوها من التراب

[ع.عيسى]

الكوزينة للفحلة وليست للبغلة