الامــــــــــر صعب

[طالبة لها هدف]

السلام عليكم
والله ادري انني اخذ من وقتكم
و موضوعي لن يهمكم
لكن والله و الله الامر صعب
وين نروح و لا لشكون نحكي
يا خوتي راني في 3 جور مريضة و اليوم الرابع
يا خوتي والله ما قدرت الواليدة تصبر فيا و تقولي لينة مزال الوقت
مي ما قدرتش يا رب
والله الامر صعب ما قدرتش
في اليوم 20 مرة نروح للسبيطار
راني غـــــــــــــــــير بالدواء و السيروم لحمي تثقب من كثرة الابر لي كل يوم بيها
لكن والو ما نفع والو يا رب والله ما قدرت يا رب
راني خارجة دوك لسبيطار
ادعولي ربي يفرجها في اقرب وقت يا رب و السلام عليكم

[مريم المتفائلة]

اجعليهااااااا محفزات حبيبتي وانت بحمد الله منذ بداية السنة وانت تدرسين ان الله لن يضيع اجر من عمل صالحا اتمنى لك التوفيق حبيبتي
فترة راحة

[pérah tova]

هكذا انا العام اللي فات نخمم بزااف في القراااية حتى هلكت صحتي
اييييي نعلبوها قراية صحتك قبل كل شي استحفظي بروححححك
و ربي يشافيييييك

[ilyes1996]

ربيي يشافييكك لينةة اختتي مي نقولكك حاجةة نتي راككي من بدية تاع العام ونتي تقرااي سيبونن ريحي ويدجا راكي كملتتي المواد العلمييةة هلىى قاتلتنا خلاص وحفطط قدريي تحفضيي مازال الوققتت صبريي بركك

[Mr.R]

لينة ربي يشافيك ختي اليوم ممكن ليلة القدر
و ماتنسايش رانا في ال10 أواخر
و نتي مل بداية تع لعام راكي تقري
حنا راح ندعولك الوالدة لافامي قاع راح ندعولك
تبغي قاع ندير ورقة نرسلها للامام نقوله دعي لوحد الطفلة تجوز السانكيام اااه تجوز الباك راهي مريضة شوية و قريب تريح
دعولها باش تريح و تبدا تقرا

متهلكيش روحك ,,, تأكدي بلي الشيطان مراحش يخليك نورمال راح يوسوسلك بلي مكيش واجدة و باك راح وقاع
نتي غلبيه بالذكر و الدعاء ,,, في رمضان كاين غير شواطين صغار

متخميش بزاف كي تقضبي روحك
رجعي للمنتدى طمنينا عليك و راح نعطولك عفايس باش تريفيزي وتكملي

متقلقيش روحك على القراية , متنسايش الدعاء الدعاء رانا في شهر دعاء يتقبل و زيد 10 أواخر فضل كبييير بزااف أفضل أيام سنة
حرزو تراطو دعاء

وقت لي تبغي تقرري قولي وين راكي واصلة واش خصك و لباقي علينا حنا كامل خوتك متنسايش
ايا مبعد

[ilyes1996]

هههههههه صححا اناا خاسسني حححااججة في مجاميع متتاليااات مازال بروبلاممم هههه

[المُعادلة الصّعبة]

فعلا الموضوع صعب لينا
بصح وش نقلك اني ندعيلك باذن الله
و بلاك حتا الصيام ماثر عليك
اذا تشوفي الصيام عندو دور افطري لينا ايه افطري !!
لا يكلف الله نفسا الا وسعها
ونتي راكي من اول العام ونتي تجبدي وتقراي كيما قلتلك مكيش بديتي امس ولا اليوم
غير بلعقل كثري م الدعاء وتمسكي بربي برك
ماكاين والو
هوني عليك

[Qu_een]

ااه لينةة ربي يشفييك والله ديما ندعيلك ربي يشافيك فاسرع وقت وتولي لينة النشيطة الفحلة
نتي ديما تخلي رقاد مترقديش طول غير قراية ومبعد صحتك راحت لالا الصحة هيا الاولى حبيبتي
ربي راح يجيب لي فيه الخير لعله خير ان شاء الله ومتخافيش رانا معاك كامل نديعولك وان شاء الله ترتاحي وتولي تكملي مسيرة الباك ومتقلقيش بهذو اليامات تقدري تكملي ان شاء الله لمهم صحتك اولى

[* قمر*]

ربي يشافيك لينة
صحتك اولى لينة ريحي و ان شاء الله تنوضي اقوى مما كنت

[Aminzaim]

سلام ااختي لينة شفاك الله طهور انشاء الله لا تخافي ان الله لا يضيع اجر من احسن عما لا تقنطي من رحمته تعالى ياطبيبةة مؤكد انك ند لها و تستحقين ان يلفظ اسمك الى جانب طبيبة لن انساك بدعواتي اسعدك الله وعافاك وافرح امك بخبر تفوقك و تسجيلك في كلية الطب فتكوني فخرا لعائلتك
تشجعي و تجنبي ارهاق نفسك و جسدك فهو امانة عندك
دمت قوية
موفقة

[bouss2013]

السلام عليكم


الى الاخت طالبة لها هدف قدر الله ماشاء فعل صحتك اولى البكالوريا ليس تاشيرة لدخول الجنة لا تعطوا لهذا الامتحان الدنيوي اكثر من حقه

بسم الله الرحمان الرحيم : وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ

اسال الله العظيم رب العرش العظيم ان يشفيكم وان يشدكم ازركم ويرزقكم الطمانينة والسكينة ويشرح لكم صدركم وييسر لكم امركم و يحقق مبتغاكم الله امين

تفاءلوا خيرا تجدوه واسالوا الله الاعانة والتوفيق وتوكلوا عليه واكثروا من الاستغفار والدعاء

[believe in ur DreamS]

السلام عليكم
أسأل الله ان يرزقك الشفاء العاجل

فقط نصيحة صحتك اولى من كل شيء فهي أغلى ما نملكه
بالتوفيق

[Aya Ya]

ربي يشاااااااااافييك لينة

كيماا قالواا من قبل __ نفس النصاائح __ ماعندي ما نزيد

فقطططططط لاازم تبدلي السيستاام ..

ارقدي فالليل ونوضي الصبااح بطريقة عااديةة .. صح ادا حبيتي تسهري ال23 متفووتيش

كمعلوومة وجدتهاا ... قلك في جسم الانسان كاين موااد يصنعهاا فقط في الليل اثناااء النوم

يعني ماام وترقدي فالنهاار متتركبش هديك المواد الضرورية .. والله قريت المقال الخاص بهاد المعلومة العام اللي فاات ونسيتوو المهم هزيت منو فكرة انوو كترقدي في الليل (خاصة من 22--00) مش كيما ترقدي في اي فترة من اليووم

__ دعواتنا تراافقك __ ........ __ اهتمي بصحتك اولا حتى تسترجعي تركيزك __ ....... سلاام

[abir sweet]

ربي يشفيك حبيبتي لا تدري لعله خير فقط اصبري وستنالين باذن الله اما بالنسبة القراية انا ثاني روطااار بزاااااف لحفاظة ومكملتهاش ربي يجيب الخير دعواتي لك بالنجاح والتوفيق

[نجوم الأمنيات*]

سلام
لينة راكي ارهقتي نفسكي عليك بتعديل نظام نومك ارجي ارقدي افي الليل خاصةىفي هده الفترة لزيادة التركيز
تقي فييييييييييييييي نفسك انت قوية قوية ردديهااااااااا
اقراي بدكاء واعرفي وش تقراي تتعبي حبسي خدي راحة ومنبعد عاودي ارجعي بطاقة اكبر
الوقت متخافيش بادن الله يكفييييك








قلتي على الابرة ههه راهم يدربواا فيك با تتعلمي حقن الابر شوفي قبل وقتك يا دكتووورة
وماتبقيش تخمي نوصل لا انسي المعدل قدامك تمارين حليهم وركزي فيهم فرات ربي راهو يشوف في تعبك وماكانش ما احن علينا من ربي يعني راح يخيبك تقي في خالقك بقدر تقتك في جهدك نتي درتي لعليك والباقي على ربي موووووووووووووووفقة

[النجمة المتلألئة]

دعواتي لك بالشفاء العاجل غير الآجل لينة

أسأل الله العظيم رب العرش الكريم أن يشفيك

اللهم رب الناس أزل الباس اشف أنت الشافي لا شفاء إلا شفاؤك اللهم اشف لينة شفاء لا يغادر سقما

[طالبة لها هدف]

السلام عليكم
والله اشكر كل من دعا لي هنا او في ظـــــهر الغيب
مي الصراحـــــــة ما نقدرش نبقا بلا ما نقرى
قررت نتحدى كلش حتى الصحـــــة لان كل ما بقى سوى 10 ايام
و والامر ليس في صالحي
الحمد لله يعني اليوم الوالد و الوالدة خرجوا معايا رحنا لفاميلتي شرينا شوية صوالح
بدلت الجو مي مزال المرض
على العموم انا وكلت امري لربي
و بإذنــــه تعالى لن يخيب ظني
وشكرا مجـــــــــــددا

[رونق الصبح]

السّلام عليـكم
شفاكِ الله لينـة و فرّج عنكِ
كلّنا نواجه ظروف قاهرة مع ذلك مازلنا نتنفّس
تذكّري : الخيرة في ما يختاره الله ، و لكـل عّلة علّة و حكمة من الله
لا تجزعي و اصبري و قاومي
مجرّد امتحان دنيوي
شدّتني عبارة الأستاذ : " البكالوريا ليس تاشيرة لدخول الجنة لا تعطوا لهذا الامتحان الدنيوي اكثر من حقه "
وفقنا الله

[unknown person 1]

عين عين عين و الله عين انا هكذا كل عام قبل الباك نمرض لدرجة هاذ العام راني نستنى وقتاش نمرض من كثر ماراني متاكد
اذا كنتي في ولاية فيها مراكز الطب البديل ننصحك ديري رقية و حجامة

[سارة بسمة نادية]

طهوورا ان شاء الله ليييييييييينة متضغطيش على روحك كيما تقولي ماما ادا راحت الصحة القراية معندك ما ديري بيها وصح
ارتاااحي وامبعد ارجعي بقوة.....الصحة قبلكل شيئ
وتعبك تع عام كامل ماهوش راح يروح في باطل ولا في انك مقرييتيييش ايام ماشي معنتها كل شي يرووووووووح..
.
.
اللهم .. إنّي أسألك من عظيم لطفك وكرمك وسترك الجميل أن تشفيهاوتمدها بالصحة والعافية .. اللهم لا ملجأ ولا منجا منك إلّا إليك .. إنّك على كل شيء قدير.

[billel84]

الله يشفيك
و نصيحتي ليك ما تفورسيش على روحك
تقولي10 ايام و خلاص نرتاح
حطي في بالك باللي ورا هادو ليام راكي رايحة تعقبي
و بعدها يمكن يطيح عليك هاداك التعب كامل
و بعيد الشر ما تقدريش تكونصوتري مع السوجي
المهم ربي معاك وفقك الله لما يحبه و يرضاه>_<

[Hou Da Lar]

الله يشافييك انشاء الله و متفورصيش على روحك صحتك هي الاولى

[اللوتس الاحمر]

قالها الاستاذ مجرد امتحان دنيوي
اختي اتعرفين قول النبي عليه ازكى الصلوات و السلام /ولنفسك عليك حق / متى قالها
قالها عندما سمع ان صحابيا -رضوان الله عليه -عاهد نفسه على قيام الليل و صيام الدهر
فاخبرالنبي صلى الله عيه و سلم قم الليل و نام و صم اياما و افطر فلنفسك عليك حق
ما كان سيفعله كان للآخرة يوم يحاسب الانسان و يمر على الصراط فلا يجد الا اعماله
اختي امتحان دنيوي كهذا لا يساوي شيئا امام ما كان سيفعله هذاالصحابي الجليل و مع ذلك اوصاه النبي بالمحافظة عل نفسه اهناك باب للمقارنة -غير موجود -
و الله انه لا يساوي شيئا ستحاسبين على نفسك التي قصرت في حقها ستحاسبين على هذا الجسد الذي حملت مسؤوليته
اسال الله العظيم رب العرش العظيم ان يلبسك لباس الصحة و العافية
لطفا بنفسك
وفقك الله لما يحبه و يرضاه

[~ هبة الله ~]

لينة حبيبتي ، ربي يشافيك و يعافيك و يبعد عليك أي حاجة تضرك كيما قالو الاخوة سابقا نصائحهم مفيدة أنصحك بالاستماع اليهم و ماتهلكيش روحك بزااف الفايدة في صحتك الباك كي والو قدامها

[ا̍ڔٰا̍دۃ ۛ ּحۡــدڀــدڀــۃ]

الله يشفيكـ

[ssaa66]

شفاك الله و رزقك الصحة و العافية
لا تقلقي فمن بداية السنة و انتي تدرسين يعني الاسبوع هذا اصلا يكون مراجعة خفيفة برك و صحتك أولى لا ترهقي نفسك بالتفكير
اكثري من الدعاء و تمسكي بالله و لن يخيبك ان شاء الله
موفقة