[ ت.اسلامية ] لمن لا تزال لديه مشاكل في درس الربا ++ من طرف الأستاذ ج.مرسي ++

[Mr.R]

أهلا السلام عليكم

راني قاعد من لي أذن فجر حتا لضرك .... كملت حفظ المادة و الحمد لله

ضربت طلة على بعض النقاط في الدروس الأخيرة حتى شفت في درس الربا

بعض الأشياء قد تساعد و تلخص الأمر :

https://a.top4top.net/p_8881wuky5.jpg
https://b.top4top.net/p_8884rc926.jpg
https://c.top4top.net/p_888600g01.jpg

+ هذه أمثلة تطبيقية :

https://d.top4top.net/p_888co6zb2.jpg
https://e.top4top.net/p_888cp0jv3.jpg
https://f.top4top.net/p_8881nxbq4.jpg

تصيحة لي مزال محفظش مواد الحفظ :: راهو مازال الوقت والله غير يكفيك ++ تجيك الحفيظة ساهلة

بسكو نفس الدروس رانا نحفظو فيهم من بداية السنة ... فرض اختبار فرض اختبار ,,, تسما لي مزال محفظش غير متتقلقوش

دوها من عندي ,, مراحش تنغبنوا قاع , فقط خصصوا لها يوما ولا وقتا خاصا

مثلا , اذا بديتها اليوم , كملها اليوم و متخلط معاها ولاشيئ , حتى تكمل طبعا

لوكان تسمع بلي 18 درس تبانلك طويلة بزاف :
8 دروس لولين ساهلين و قصار ,,,
موراهم كاين 3 دروس فيهم أجزاء --- تع ديانات و مصادر تشريع والجريمة -
4 دروس فهاااامة ,,, حقوق واجبات عمال ,, علاقات مسلمين مع غيرهم أي واحد مشي حافظ يدي علامة كاملة
يبقاو 3 دروس مع الأخير
الربا واحد منهم تبقالك الشركة و البيوع

خطبة حجة الوداع قلعوها و زيدوا العناصر اللي حذفوهم ,, البرنامج خفيف

فالباك راح يجي جزء تع 12 نقطة حفظ و استخراج فوائد ..الخ و جزء ثاني تع 8 نقاط تع فهم
تسما فهم وش راك تحفظ :1:

و حتى حاجة ما صعيبة خاوتي و ربي معاكم

[طالبة لها هدف]

هههه ربي يبارك عزو
كمل كيما هاك
وي والله الوقت رح يكفي ~ارواح نتا و قنعني بيها هه~
مالغري علبالنا بلي الوقت رح يكفي
مي علبالك المسؤولية لي علينا مشي ساهلة
ربي يوفقنا الكل
شكرا ~دومينــــو~

[Mr.R]

هههه صح
آمين ربي يحفظك

[abir sweet]

انا ثاني كملت شريعة مي لازم نراجعها نسيت شوية بقاتلي اجتماعيات عييت نكملها ننسا بزاف اذا وصلت لشخصيات و ح 2

زعما قادرة نكمل منا لقبل الباك خاطر حابة نحل لي باك تاعها ونتعلم منهجية مليحة

[Mr.R]

قادرا قبل الويكاند هذا تكملي وين تحارا الباك ههههه
أهم حاجة متقلقوش رواحكم وصاي
كلش ساهل غير حنا نصعبو فيه على رواحنا

[نفحات الورد]

شكرا جزيلا للأخ بارك الله فيك
لكن ننصحكم تشوفو الأستاذة بوسعادي في اليوتيوب تستطيعون فهم الأمثلة دون الحاجة للحفظ
الله يوفق الجميع

[〆 بٰٰاولو 乄]

مرسي عزو ربي يحفظك

[~ هبة الله ~]

و كيما حنا الأحرار لي ماحفظناش العام كامل لا فرض لا اختبار كيفاه نديرو هههه

[Mr.R]

العفو اخوتي
هبة .... سهلة ... ابداي ضرك وش تقارعي

[Fifioo]

اهلا اختي ممكن تجاوبيلي على هذ سؤال او تسقسي صحباتك

هل يمكن تعدية أحكام الذهب و الفضة في الربا على جميع المعادن كالنحاس و الألمنيوم و...... أي لا يجوز البع بينهم تفاضلا أو نسيئة اذن فالقواعد التي يخضع لها هي الفورية و المساواة ، هل يمكن ذلك ؟!

[Mr.R]

اهلا اختي ممكن تجاوبيلي على هذ سؤال او تسقسي صحباتك

هل يمكن تعدية أحكام الذهب و الفضة في الربا على جميع المعادن كالنحاس و الألمنيوم و...... أي لا يجوز البع بينهم تفاضلا أو نسيئة اذن فالقواعد التي يخضع لها هي الفورية و المساواة ، هل يمكن ذلك ؟!

أنا خوك مشي ختك كشفتيني هههه

العلة ليست في المعدن بل في الثمنية
الذهب و الفضة و يلحق بها الآن الأوراق النقدية

[Kawtar.7]

معليش تقولي شحال قعدت باش كملتها

[Qu_een]

مرسي خويا والله صح كيما انا ليوم راني مديسيديا نحفظ تاريخ
ان شاء الله راح نكملها قبل السحور
راح تجي ساهلة اكيد لانو ماش لاول مرة راح نحفظوها كييما قلت فرض اختبار فرص ,,,

ربي يوفقنا جميــــــــعا

[Fifioo]

أنا خوك مشي ختك كشفتيني هههه

العلة ليست في المعدن بل في الثمنية
الذهب و الفضة و يلحق بها الآن الأوراق النقدية

:1::1:هههه نعم اخي بصح باين طفل يعني مكشتفتكش :rolleyes:
شكرا لك على الاجابة :19::19::19::19:

[ترانيم الامل]

وعليكم السلاااام
مرسييييي، بارك الله فيك
كنت مستحقتها بزاااف - الدرس الوحيد لي مزالتلي معاه مشاكل هو الربا ولات تتخلطلي -
المشكل مش مشكل وقت ، مشكل ارادة برك ،ههه لي عندو ارادة وعزيمة قوية 12 يوم لي بقات تجيه كافية ووافية
ربي يوفقنا ان شاء الله

[Mr.R]

صح ابتهال ,, الارادة

معليش تقولي شحال قعدت باش كملتها

بالاك 3 ساعات فالمجموع ولا 4
بيها بتضياع الوقت بمراجعة من كتاب جمال مرسلي - شفت غي تع ربا -