صح فطوركم

[مشكلتي]

سلام عليكم

هذا موقع رائع جدا

انا عندي مشكلة لكن هي ليست مشكلة هي بالتحديد استشارة

أنا خطبت فتاة قبلوني من الأول وبعد مدة اتصلوا بي وأخبروني أن الفتاة رافضة . عندما سألتهم عن السبب لم يخبروني رفضوا ذلك المهم قالوا لي انهم رافضون

هذا الحدديث كان في العام الماضي والآن رجعت لهم منذ أسابيع فقط قبلوني ورحبوا بي

لكن المشكلة هو ان وصلتني أخبار ان سبب رفض الخطبة الاولى هو أن أحدهم خطبهم وقبلوا به وتم رفضي انا مع انهم كانوا قابلين بي من الاول لكن جاء هذا الخاطب الثاني فرفضوني .

أنا أريد ان ألغي هذه الخطبة كيف افعل لاخبرهم ؟ هل أعتبر خارج طريق ؟ أنا أشعر بالغيظ لماذا كذبوا عني ولم يخبروني الحقيقة

[toulay]

وعليكم السلام ورحمة الله وبركاته
من حقك تعرف سبب الرفض
مشي محتمة تقبل بشخص وانت مشي مقتنع بيه
و en plus مين انت عاودوا قبلوا بيك معناها الخاطب الثاني تاني رفضوه بلاك بعد ماجاء خاطب ثالث
خالوطة جالوطة
عليك بالاستخارة
بالتوفيق

[sohaibdz]

انت غلطت كيما عاودت وليت عندهم ، اين كرامتك يا رجل؟!
المهم تقدر ببساطة تتصل بيهم و تقولهم بطلت واذا استفسرو منك على ارسبب قلهم خاص او ضروف او... يعني منظنش انك تهتم بحسن علاقتك بيهم
بالتوفيق

[ali du treize]

و انت علاش وليت رفضوك ... نورمالمون ماتزيدش تولي ماتبهدلوش برواحكم و تقولوا النسا راهم يتكبروا

[~ابتسامة~]

استشر الله باصلاة الاستخارة وربي يفرج

[ramzi-messi]

تقول كاينة غي هي
روح اسعى اخويا مدام رفضوك كون راجل ...

[مراد سابقا10]

ربي يهديك يعني انت حاجة زائدة اذا جاو قبلك ناس معليش اذا راهو هوما يعمروا بيك اللعبة انت صافي انت تمسخير عندهم

انا نقولك صنف من الناس هذو يقدروا يديروا معاك كلش بعد الزواج

ديرلهم كيما دارولكم والغي الخطبة

واخطيك من حكاية نحبها ...............الخ لو كان كانت تحبك لما رفضاتك في الأول مهما كانت الأسباب .

[قدور بن عاشور]

شخصيا لو قدمت إلى منصب عمل و تم رفضي فلن أعود له مجددا،

فما بالك بامرأة ترفض الارتباط بي،
مانزيدش ندور خلاص في حيها.

[محارب الحمق]

منك بالصح؟ أنا كون نشعر باللي كاين ذرة رفض وحدة من طرف الطرف الاخر أو أهله مايزيدوش يشمو ريحتي. شرة وحدة واللا عطسة وحدة ننسى حكايتهم فما بالك رفض مباشر. هذا رأيي.

[محمد جديدي التبسي]

ربما الفتاة مشوشة التفكير ولا صحة للاخبار التي وصلتك فكم من فتاة ترفض خطاب كثر وفي الاخير تقبل بأي واحد فيهم
انت سبق حسن النية وكمل معاهم اذا عارف انهم أسرة محترمة فيها رجال
ربي يوفقك

[أم عبد الكريم]

ممكن الهدرة لي وصلاتك مكانش منها خلاص في الاية الكريمة ....﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) ...و ممكن سبب الرفض نتاعها في الاول انها هي ثاني كاش مسمعت عليك عليها قبلت من بعد رفضت حاول تتقصى عن الامر ....و الجماعة لي راهي تقول علاه رجعت نقولهم هذا مكتوب و كي يكون يرجع الراجل و يرجع حتان يقبلو بيه و ممكن الطفلة عجباتو و مبغاش يخسرها ...زيد صلي استخارة مكانش احسن منها

[نجاة^^]

السلام عليكم
نصيحة ليك استخير علها مكتوبك
ربي يوفقك

[طالبة لها هدف]

السلام عليكم
الان انت بين نارين ما نكذبش عليك خو
مي عليك اولا بالتاكد من صحة الخبر اناس كذّبوا عائلاته باباهم و يماهم كيفاش تجــــي لي ك بالساهل تسمع لشخص من برى بلي و بلي ..........
الامر الاول
اما بخصوص الامر الثانـــــــــــي يا اخي انا فتاة يعني لو حد ث لي امر مثلما حد ث لك ليس بخصوص الزوا ج يعني بصفة عامـــــة صراحة ما نسمحش نكون لعـــــبة بين ايدي البشر باش يرموني كيما حبوا و يرجعوني كيما ظهرتلهم
نوصيك الاستخارة كفيلة بايضاح الامور

[زبدة ذايبة]

لازم تتأكد من صحة الخبر.

مع أنه من خلال تصرفاتهم معك يدل على أن أمرهم فيه شك.

علاش قبل 12 شهر كنت مرفوض وبعدها وليت مقبول!!!!!!!

وش اللي تغير فيك ؟؟؟؟؟؟

وإذا تأكدت من تصرفهم غير حبس.

لأن عائلة مثل هذي تاع حسابات

ممكن يزيدو يخرجولك بخرجة أخرى

ويفسخو العقد قبل الدخول.

الناس اللي تتعدى حدود الله مافيهاش الثقة

لأن خطبة المسلم على أخيه المسلم لا تجوز نهائيا.

لهذا لازم تتأكد مليح من موضوع الخاطب اللي رفضوك على جالو.

بعدها أطلق الريح لرجليك.

ماتحوسش على حتى طريقة تراعي بيها شعورهم لأنهم ما راعاوش حدود الله.

ماديرلهم حتى حساب وقوللهم بصريح العبارة كذا........و كذا.......

بدون مقدمات ولا مجاملات تكون أنت الضحية الأول فيها.

لعبو بيك من الأول رايحين يزيدو يلعبو بيك مرات عديدة.

ومن جهة ثانية انت غلطت كي رجعت.

رفضوك ماتزيدش تولي

ماتحللهمش.

بطريقة أخرى راك عطيتلهم صورة عنك بأنك إنسان يمكن التأثير عليه.

تأكد ثم تأكد ثم تأكد من موضوع الخاطب الثاني.

وبعد هذا قرر وش يناسبك كرجل.

خيرها في غيرها.

[kacimo.samy]

السلام عليكم
كون رافضوك عايلتها نقولوا معليش
لكن هي التي رفضتك
قادر تعيش معاها!!
المهم تحرى المصدر كلام وسبب الرفض جيدا باه ما تظلمهاش
بلاك سمعو عليك انت و رفضو ...
.. المهم ربي يوفقك ...