ارفع راية الاستسلام. (((

[dreamer17]

عيييييت والله ؛ الباك هدا رااح ؛ ماني حاكمها ف حتى مادة ! ( المات مزال الفيزيك ج سيفيل مشفتهاش كامملل الحفاظة مزاللل ...
الحاصول .. ربي يوفقكم خاوتي و ان شاء الله تنجحو كي حابين كاامل 💙

[Kawtar.7]

عيييييت والله ؛ الباك هدا رااح ؛ ماني حاكمها ف حتى مادة ! ( المات مزال الفيزيك ج سيفيل مشفتهاش كامملل الحفاظة مزاللل ...
الحاصول .. ربي يوفقكم خاوتي و ان شاء الله تنجحو كي حابين كاامل 💙

لا متحبسش حتى نهار تعيا
تقدر و انت راك معاوده و علابالي شوي صعيبة بصح معليش انا وحدة الناس نروح نفوت و ندير لي علي و معليش خير ملي منروحش و ممبعد نندم
نزيد انا الرياضيات نعرف نحل غي تمرين اعداد مركبة و راني حالة غي 10 تمارين فيها و الفيزياء اني شوي شوي (خاصني rc-rlو الوحدة الرابعة و الميكانيك و اهتزازات ) و العلوم راني فاهمة شوي يصح محليتش تمارين و المواد لوخرين مقريتهومش و هكا و راني مكملة
معليش نقتل روحي فهاد 16 يوم الباقية و معليش
المات الا تبغي تسلكها الاستاذ نورالدين داير الاسئله المتكرره في البكالوريا فكل وحدة و الفيزياء دير الأسئلة الشائعة انا خدمت بيهم فالنووي و الوحدة الأولى تقعد معاها ساعة و نصف و تكون عندك كامل الافكار تاع الوحدة )

[dreamer17]

ربيي يوفققك ختيي kawtar ����
مرسيي بزااف

[Choyé Asoma]

اي خويا تعرف وينتا تقول هاد هدرة
نهار الثلاثاء كي تكمل الباك مشي درك
باقيلك يامات تعب فيهم
و توكل على الله سبحانو
ربي ما يضيع اجر عامل
نتا دير لي عليك
و تفكر انو رحمة الله واسعة
ربي يوفقك

[~ هبة الله ~]

أخي مدابيك ماتعاودش هاد الهدرة
شوف حتى آخر ثانية قبل الامتحان تقدر تغير بزاااف حوايج انت واش خسرت هاد 16 يوم لي بقات مزال الوقت زيد اقرى و دير لي عليك ربي مايضيعش أجرك و علابالي تقدر تتقدم و تتفوق أنا نضمنلك غير دير الكوراج برك
أيا من اليوم نقبلك تشمر على يديك و تبدى الخدمة مابقاش بزااف الوقت استغل أي فرصة و رانا هنا كاش حاجة نعاونوك بها
بالمناسبة حتى أنا مترشحة حرة و مابديتش نقرى حتى الأيام الأخيرة أيضا و راني بزااف متأخرة والله بصح ماستسلمتش المهم ندير لي عليا

[Hou Da Lar]

منيتك !!!! منين بقاو يمات على الباك باغي تستسلم تعب تاع عام كامل باغي ضيعه في دقيقة مدام موصلناش ل20 جوان ميجوزلكش تهدر دي الهدرة نعل الشيطان و عاود حساباتك هدا غير امتحان مراحش تطلع صاروخ ولا باش تقول منجمش و ديجا راه عاد باقي 15 يوم على الباك و الله غير تقدر دير فيها المستحيل برك قلع دي الفكرة تاع الاستسلام من راسك و توكل على ربي و ادا راك على التاخر قاع رانا متاخرين انا لولا عاد هدي سيمانة بديت و لدرك مزال ما حليتش تمرين و حفظة غير خلها لسكات وهاني قاعدة نقول فيها و عاجبة عمري مدير حتى حاجة في بالك قرا هادو ليامات لي باقيين تنجم تدي معدل شباب كو تزير روحك
هادي ليامات لتها بالمواد الاساسية و حفظة خليها سيمانة تاليا باش متنساهاش و بما انك متاخر رياضيات شوف ملخص الاستاذ عبعوب + بكالوريات تاع شعبتك و الفيزياء اسئلة شائعة + بكالوريات اما العلوم منجمش نساعدك بما اني تقني رياضي و متخافش انا تاني متاخرة و باغيا نعتمد غير على هادو سيرتو البكالوريات هوما الصح نفس الاسئلة يتعاودو
ربي يوفقك انشاء الله و متخافش لي فيها لخير ربي يجيبها و مدابيك متزيدش تعاود دي الهدرة تاع الاستسلام

[Aya Ya]

مااهذا التفكيييير السلبي :mad:

انا روتاااااااار بمعنى الكلمةةةةةةة // لا حفظ ولافهم

العلوم مزال المجال ال2 كامل + الجيولوجيا + لمجل ال01 تاني نسيتووووووو ومزاال حقيبة بوريش نعاودها كاامل

لفيزيك __ اهتزازات وميكانيك

الرياضيات __الاعداد المركبة +لهندسة في الفضاء

الاجتماعيات حدث ولاحرج ماعدا الوحدة 01 تاريخ

الشريعة نهاار مع الارادة نكملهاا

>>>>>>>>>>> وعندي طمووحاااااااات وماستسلمتش ههه اصلا هذا هو وقت الجد تا الصح اللي تقدر تقرا اي حااجة لانك متنساهاش بسهوولة عكس وااش قريت من بداية العام >>>> مثال ذلك العلوم المجال 01 كنت هاضماتوو نطييير فيه ودوكا نسيت ابسط العنااصر

اللي يقرا يقراا من دوكا / لكن بتركييز ودون اجهااد / ويتكل على ربي + لا تنسى الدعااء كونه يغير القدر

موفق باذن الله _______________ عذرا على الاطاالةةةة :D

[dreamer17]

merciiiiiiiiiiiiiiiiiiiiiii .
RABY YWAFANA nchallahh ^_^
back to war , we are warriors ,, fights to the last second

[~ هبة الله ~]

الحمد لله فطنت بروحك ، أيا واصل على هدا المنوال