أفضل نصيحة لمن تاخر في حفظ الاجتماعيات

[أيمن الدزيري]

السلام عليكم

توجد نقطة مهمة احببت الاشارة اليها تخص الاجتماعيات

ليكن في علمك انك حتى ولو حفظت كراس الدروس عن ظهر قلب فانك لن تضمن اكثر من 8 نقاط !

لماذا ؟

لأن كل الدروس تصب في محتوى المقال الذي عليه 4 نقاط (4 تاريخ و 4 جغرافيا = 8 نقاط )

وبقية النقاط موزعة على المصطلحات والشخصيات والتوقيع على الخرائط والتعليق على الجداول ..الخ

يعني قادر يجي واحد مش حافظ من الكراس مي عندو ثقافة ومعلومات مسبقة عن المصطلحات والدول وو

يجيب خير منك ونتا اللي كنت تبات تحفظ وتحفظ وتحفظ .. !

الوقت مبقاش بزاف لذلك استغلوه بحكمة وادرسوا بذكاء مش بجهد كيما يقولوا

حاولوا تفهموا قدر المستطاع باش اذا لا قدر الله نهار الامتحان نسيتو واش حفظتو ع الاقل تقدرو تصيغوه بفهامتكم


وكل التوفيق اخواني اخواتي ♥

[طالبة لها هدف]

جازاك الله خيرا خويا ايمن
والله صح انا كي رديت نراجع في الدروس لي كنت زعما حافظتهم مشي نسيت كامل مي لقيت لازم نعازد نحفظ
غير تضييع وقت لازم نفهموا
و نركزوا على المصطلحات وووو
مغسي

[مريم المتفائلة]

sah lazem


ربي يكون معانا ويوفقنا مبقاش وقت للحفظ لازم فهامة وخلاص

[Rawaan]

ايه والله العامين لي فاتو ديمة تحت المعدل فالاجتماعيات ادنى نقطة وصلت ليها 4 بسبب اني كنت نركز على الكراس والمصطلحات منديهاش فيهم و مرات من كملش الحفيظة نتاع الدروس ايبا طيح لي مكنتش حافظتهم و بصح المصطلحات جايين خفاف و بلخف ينحفظو و كل النقاط عليهم الحمد لله لي عرفت الاستيس وين جاية قبل العام هدا

[djihan jojo]

عندك االحق
بارك الله فيك

[أيمن الدزيري]

جازاك الله خيرا خويا ايمن
والله صح انا كي رديت نراجع في الدروس لي كنت زعما حافظتهم مشي نسيت كامل مي لقيت لازم نعازد نحفظ
غير تضييع وقت لازم نفهموا
و نركزوا على المصطلحات وووو
مغسي
ولك بالمثل اختي
نعم المصطلحات والشخصيات والتواريخ اولى بالتركيز عليها
لتبقي الدروس يكفي فهمها وتدوين رؤوس الاقلام للاستذكار
sah lazem


ربي يكون معانا ويوفقنا مبقاش وقت للحفظ لازم فهامة وخلاص
امين ان شا الله .. بالتوفيق لك

ايه والله العامين لي فاتو ديمة تحت المعدل فالاجتماعيات ادنى نقطة وصلت ليها 4 بسبب اني كنت نركز على الكراس والمصطلحات منديهاش فيهم و مرات من كملش الحفيظة نتاع الدروس ايبا طيح لي مكنتش حافظتهم و بصح المصطلحات جايين خفاف و بلخف ينحفظو و كل النقاط عليهم الحمد لله لي عرفت الاستيس وين جاية قبل العام هدا
نعم انا ايضا كنت غافل عن هذه النقطة لكن الحمد لله ساصحح اخطائي في المراجعة
عندك االحق
بارك الله فيك
وفيك بارك الله ..

كل التوفيق لكم

[Aya Ya]

وي وي وي هههه واخيراا لقيت اللي يفهمووني _____ انا جامي حفظت الاجتماعيات ونروح نعقب الفروض والاختبارات عاادي مي اللي يقراو معايا كامل كنقلهم الصباح محفظتش يكذبووني ويقولولي اكي تبعدي فلعين __ يعييوو بهدرتهم __ وهوما مالغري يدوها سمانة يحفظو الاجتماعياات مي انا ندي لانوت احسن منهم ( على هاد يكدبوني ) ومام الاستاذة تقلهم متامنوهااش ااي تبات تحفظ ههههههه :1: وبيني بينها تقولي لاازم تحفظي للباك تا الصح سينوو متديش لانوت اللي تحوسي عليها ___ على هاد لام نزيد نحفظ __


حكيت قصة حياتي xD هههه المهم ربي ينجحناا كامل

[سُـــمَـــيَّـــه]

خطرات مين مانكونش حافظة نجيب خير من اللي نحفظ c vrai

[!~•عًــ سُــيّــدٍ ــلــيّ •~!]

الواحد ماهوش حافظ ويظيد يقرا موضوعك ماهو راح يحفظ ما
هو في الباك المصطلحات والشخصيات وووووو يكون عليهم 12
و المقال قادر واش فاهم تكتبو وتدي عليه 2 و 3

[Mr.R]

ماتنساش بأنه يوجد أسئلة استنتاجية
في الجزء الأول
و كاين تواريخ مشي ثقافة عامة
و كاين هذاك جدول لي فيه تاريخ + حدث + الانعكاس
جيبلي واحد مشي حافظ وفاهم دروس قوله يديرهم
صح وش راك تقول
كما أن دروس الدفتر كاملا مكانش اللي يفوت يومين فيها كأقصى تقدير
الخلاصة :
لا يجب اهمال أي شيئ
اللي محفظش يروح يحفظ
يبعد على النت و يحفظ

[المُعادلة الصّعبة]

ماتنساش بأنه يوجد أسئلة استنتاجية
في الجزء الأول
و كاين تواريخ مشي ثقافة عامة
و كاين هذاك جدول لي فيه تاريخ + حدث + الانعكاس
جيبلي واحد مشي حافظ وفاهم دروس قوله يديرهم
صح وش راك تقول
كما أن دروس الدفتر كاملا مكانش اللي يفوت يومين فيها كأقصى تقدير
الخلاصة :
لا يجب اهمال أي شيئ
اللي محفظش يروح يحفظ
يبعد على النت و يحفظ
هاي الهدره
بصح وشنو الجدول لي راك تحكي عليه جدول تاريخ حدث انعكاس ؟

ياك جاا غير فالدورة الاستثنائيه برك !!
والدورة الاستثنائية هذيك اسم على مسمى
استثنائية من مجاميعو
جابولهم في جميع المواد افكار وحوايج جدد جامي لا سمعنا بيهم
بصح يقدروا يعاودوا يجيبوه ؟ بعيد الشر

[Mr.R]

بعيد الشر وي كل شيئ محتمل ي ريان
الأستاذة تاعنا قالتلنا بلي هي مقترحتش هذا , و بلي مكانش اسئلة تعجيزية
و قالت انهم ركزو على الفصل الأول بزااف
اختاروها هي و 3 أساتذة آخرين في نصف غربي للجزائر باش يصنعوا مواضيع تع باك ,, دارو 6
و الوزارة تدي من هذو 6 + العاصمة + الشرق و يخلطوا ويديروا 2 سوجيات تع باك
و 4 احتياطيين
مبغاتش تقولنا وش اقترحت قالتلنا بلي يحلفوهم :d

[المُعادلة الصّعبة]

واو صح ؟ غير الاستاذه هاذي لي داوها من تاعكم ولا كاين اخرين ؟

روعة معلاباليش علاش فرحت هههههه تاع ركزوا على الفصل الاول ومكاش اسئله تعجيزية
كون غير ياااااااااااااااااااااااااااااااااااااارب

[Mr.R]

من الغرب داوها هيا و 3 آخرين 1 من صحرا و 2 لخرين الله أعلم مين
لكن ي ريان ممكن يطيح موضوع منهم ممكن يطيع تع العاصمة متقدريش تعرفي
مكاش أسئلة تعجيزية بصح كاين استنتاجية
والأستاذة تاعنا تموت عليهم

[إينَاس]

من الغرب داوها هيا و 3 آخرين 1 من صحرا و 2 لخرين الله أعلم مين
لكن ي ريان ممكن يطيح موضوع منهم ممكن يطيع تع العاصمة متقدريش تعرفي
مكاش أسئلة تعجيزية بصح كاين استنتاجية
والأستاذة تاعنا تموت عليهم

ممكن لو سمحت تعطينا بعض الاسئلة يلي دارتهم لكم في الاختبارات والفروض تاعكم
:1::1::1::1:

[المُعادلة الصّعبة]

شغل حاب تقوللي ماكالاه تفرحي ياسر وطيحي المورال ووو

خخخ
ان شاء الله يجيوا كامل في المتناول يارب ومايضيعلناش تعبنا

بربي يجي ساهل