الناس لي مزالها حاصلة مع برنامج

[طالبة لها هدف]

السلام عليكم انا لبارح باش كملت الباك بلون و اليوم حطيت نقاط على حروف يعني و كيما كامل عارفين 27 او 26 يوم فقط بقيت
يعني الانسان كي يقرى 24/24 ساعة و ما يقولش بلي لحقت مي معليش حنا رانا في رمضان و الصيام اون+ غير الضغط وحدوا يقتل ربي يقدرنا
المهم انا البرنامج تاعي هكذا _اني ماذابيا نصيب شي انسان يسهر معايا غير بانوا ههه_ :1: :1:
من 9.30 نبدا مع العلوم الى غاية 3 ما تستغربوش الامر ايه 5 ساعات للعلوم مشي شرط تديروها للعلوم انا كثرت مع العلوم باسكو راني روطار ماراني حالة تمرين ماراني لاحقة بالدروس كيما نحس روحي لحقت بالعلوم ندير مات ابخي فيزيك يعني الوقت هذا لمادة علمية و نبدلها كيما لقيت روحي روطار ولا لاحقة اوكي ;)
ليسونسيال 3.30 نولي نبدا مع اجتماعيات الى غاية 5 تع الصباح
مبعد 5 الى النوم يعندي دقيقة ما نزيدهاش :D :D :D
بون نضربها برقدة لل11 ولا 12 نظن بلي 7 ساعات مكاش لي ما يكفوهش يعني كي ما تنوضش كامل على 13.00 راك نايض يعني ما فيهاش
بون نبدا مع 1 تع القايلة مع لغة من اللغات يعني في بادىء الامر انا رح نبدا مع الانجليزية 3 جور و لا 4 جور و ندير ادب كيف كيف سمانة ولا و ندير فرونسي ولا الا حبيتوا يوم بعد يوم بدلوا هكاك الانسان ما يحسش بالملل :19:
لا علينا قلنا من 1 تع القايلة لل 5 مكاش لي يزيد يقول راني نعاني مع اللغات يعني كي تديرلهم 4 ساعات يوميا صدقني رح يصير عجب pour moi بالاك نقص شوية وقت من تع اللغات باسكو صافا راني مليحة اني نحكي على لي مش لاحق
تلحق 5 الطفل يروح كشماا يشري ولا يقضي و الطفلة للكوزينة تعاون الوالدة شوية دعوة الوالدين تنفع و تغير الاقدار يا خاوتي :mh31:
و مور الفطور ارتاحوا ما تغصبوش روحكم على 9.30 ارجعوا ابداو ايه بلا ما ننسا مين داك لي يصيب روحوا زعما كره من المادة العلمية و لا اللغة لي راه يقرى اياك تروح كشما تدير لالا ما بقاش الوقت اقرى شوية فلسفة
و بون كوراج خاوتي نحتاج منكم دعوة الخير ما بقاليش الوقت خصني نحقق وحد الشيء وعدت بيه الوالدة :) :19:
في امان الله

[اسلام123]

بارك الله فيك برنامج رائع

سؤال فقط انا راني ضعيف ياسر فالعلوم يعني ضعيف بمعنى الكلمة , الحاجة الوحيدة لي مليح فيها هي اني حافظ الملخصات وفاهم الدرس بصح ماني حال حتى تمرين فيها تعيشي كيفاش راكي ديري معاها مين راكي تحلي وكيفاش تحلي تمارين وهكذا .. والله راني حاصل معاها

[طالبة لها هدف]

بارك الله فيك برنامج رائع

سؤال فقط انا راني ضعيف ياسر فالعلوم يعني ضعيف بمعنى الكلمة , الحاجة الوحيدة لي مليح فيها هي اني حافظ الملخصات وفاهم الدرس بصح ماني حال حتى تمرين فيها تعيشي كيفاش راكي ديري معاها مين راكي تحلي وكيفاش تحلي تمارين وهكذا .. والله راني حاصل معاها
معليش شوف العلوم كي تكون لاحق مع الدروس و فاهم الملخصات كامل راك مليح
انا مع البداية كنت نحل لي باك و شوية تمارين تع استاذ ليكور + استاذ القسم تان الله يجازيه كان مين داك يجيبلنا تمارين و نحلوا كيف كيف
لكن لا يغرك ما حللته
يعني ضرك برك كيما نتا وين رح نبدا مع العلوم بون نقلك وش قررت انا رح نراجع من فيديوات فيهم كل وحدة بالاك ساعة او ساعة و نصف يعني نعاود نسمع برك باش نتذكر ابخي نبدا نحل رح نبدا قبل مع المقترحات لي حطهم الاستاذ حفص ربي يجازيه و نبعد رح نروح لمجلة المتفوق لي دارها الاستاذ بوالريش وان كان الوقت في صالحي رح نشوف شوية تمارين للاستاذ عقريب كمال
_بالمناسبة نحن من نفس الولاية_

[اسلام123]

معليش شوف العلوم كي تكون لاحق مع الدروس و فاهم الملخصات كامل راك مليح
انا مع البداية كنت نحل لي باك و شوية تمارين تع استاذ ليكور + استاذ القسم تان الله يجازيه كان مين داك يجيبلنا تمارين و نحلوا كيف كيف
لكن لا يغرك ما حللته
يعني ضرك برك كيما نتا وين رح نبدا مع العلوم بون نقلك وش قررت انا رح نراجع من فيديوات فيهم كل وحدة بالاك ساعة او ساعة و نصف يعني نعاود نسمع برك باش نتذكر ابخي نبدا نحل رح نبدا قبل مع المقترحات لي حطهم الاستاذ حفص ربي يجازيه و نبعد رح نروح لمجلة المتفوق لي دارها الاستاذ بوالريش وان كان الوقت في صالحي رح نشوف شوية تمارين للاستاذ عقريب كمال
_بالمناسبة نحن من نفس الولاية_

هه متشرفين

مافهمتينيش .. قتلك واش لازمني ندير ماه ندي مليح فالعلوم يعني شحال نحل من تمرين فالنهار ؟ شحال من ساعة نقراها ... ومن اي مرجع نحل ....

[طالبة لها هدف]

هه متشرفين

مافهمتينيش .. قتلك واش لازمني ندير ماه ندي مليح فالعلوم يعني شحال نحل من تمرين فالنهار ؟ شحال من ساعة نقراها ... ومن اي مرجع نحل ....
المراجع قلتلك بوالريش + عقريب + لي باك
اما كيفاش تدير معاها شوف كاين حاجة وحدة باش تتمكن من العلوم اقرى الانشطة تع الكتاب يعني الا صبت تاكلهم كولهم هههه باسكو لي باك ماغاديش يخرجوا على انشظة الكتاب
رح تتعلم منهم المنهجية اون+ تضمن روحك بلي فهمت
اما قضية شحال تحل من تمرين في اليوم انا ما نقدرش نحددلك كل انسان و مقدرة ديالو
مثلا انا خممت نولي كل يوم نجل بين 10 و 15 تمرين في وحدة مثلا التركيب الضوئي اليوم
بالاك نتا هذا الشيء ما يساعدكش
ان شاء الله لحقتك الفكرة

[loujain7]

تامني و لا تأمنيش
هدا هو البروقرام تاعي في رمضان سييتو كي بدا رمضان مي درك راح نحبسو باسكو كي تنوضي ع 12 الوحده تبداي تقراي ووالخمسه تحبسي معلاباليش انا حسيت روحي ماقريتش في هاديك الفتره
و بالخف يعدي الوقت 😑😑
عموما
ربي يوفقك حنونه😛🌸

[المُعادلة الصّعبة]

انا راني نحس اليوم ما يكفيش يفوت بالخف كيما قالت لي فوقي
بديت ندق ناقوس الخطر

[طالبة لها هدف]

انا راني نحس اليوم ما يكفيش يفوت بالخف كيما قالت لي فوقي
بديت ندق ناقوس الخطر
مي 12 ساعة قراية !!! ماشي مليحة !!! نزيد قوليلي ريان نسمعلك خخخ وش تقولي

[طالبة لها هدف]

تامني و لا تأمنيش
هدا هو البروقرام تاعي في رمضان سييتو كي بدا رمضان مي درك راح نحبسو باسكو كي تنوضي ع 12 الوحده تبداي تقراي ووالخمسه تحبسي معلاباليش انا حسيت روحي ماقريتش في هاديك الفتره
و بالخف يعدي الوقت 😑😑
عموما
ربي يوفقك حنونه😛🌸
مي هذاك الوقت للغات برك نحس الامر عادي

[المُعادلة الصّعبة]

مي 12 ساعة قراية !!! ماشي مليحة !!! نزيد قوليلي ريان نسمعلك خخخ وش تقولي
مافهمتكش بصح انا ماشي 12 ساعه انا نضيع وقت بزاف سيرتو بغد الفطور نحب غير نتكى ونفشل بزاف خاطر معدتي تثقال

نبقى نضيع الوقت ومبااعد باش نبدا نقرا

[طالبة لها هدف]

مافهمتكش بصح انا ماشي 12 ساعه انا نضيع وقت بزاف سيرتو بغد الفطور نحب غير نتكى ونفشل بزاف خاطر معدتي تثقال

نبقى نضيع الوقت ومبااعد باش نبدا نقرا
لفطور 7.45
و انا قلت لل9.30 يعني على الاقل راكي تكوني ارتحتي ساعة و نص مام انا نحب نرتاح

[المُعادلة الصّعبة]

حنا 7.30 الفطور خخ
ايه كي نفوت نرتاح صايي مانحبش نزيد نتعب
يسما شغل نطمع ونكبر كرشي نحب غير نزيد نريح تعجبني هه نستحلاها
هكا يضيع الوقت

[طالبة لها هدف]

حنا 7.30 الفطور خخ
ايه كي نفوت نرتاح صايي مانحبش نزيد نتعب
يسما شغل نطمع ونكبر كرشي نحب غير نزيد نريح تعجبني هه نستحلاها
هكا يضيع الوقت
بصحتكم هههه مي علابالك بلي ما بقاش الوقت و كيما قلتلك الثانية و لات غالية
لازمك تحطي روحك في الامر الوقع انا نبدا نتفرج في سكاتش مي تلحق 9 بلا ما نفيق نصيب روحي نضت نقرى الانسان لازم ينوض يقرى

[شمس الأمنيات]

لينو حابة تقتلي روحك :/
ماذا قلت لك بالامس -_- يا بنتي ارتاحي يوم 'تأنيب الضمير ميحبسش اي ناو لكن لازمك راحة '
انا معك ،، لكن متساعدنيش 9.30 8.30 نبدى منقدرش ساعة كاملة

[طالبة لها هدف]

لينو حابة تقتلي روحك :/
ماذا قلت لك بالامس -_- يا بنتي ارتاحي يوم 'تأنيب الضمير ميحبسش اي ناو لكن لازمك راحة '
انا معك ،، لكن متساعدنيش 9.30 8.30 نبدى منقدرش ساعة كاملة
ههه مور الباك نرتاح ا بسوم :) علبالي حايرة عليا مي مام نتي علبالك بلي راسي خشين ههه
خلاص مام انا 8.30 نبدا معاك

[~ هبة الله ~]

نفس المخطط تاعي
لكن 9:30 ماتساعدنيش أصلا نفطرو حتى 08:09 و باه نرتاح و نتفرج هههو غسيل الماعين ، راني نبدى حتى 12

[شمس الأمنيات]

الراحة الحقيقة وقت تسجيل تخصص 'دكتور في الطب :)'
منضيعوش الوقت انا نسجل خروجي لانجاز التحدي نلتقي عند 8:30