يا طالب الطب..تفضل جُـزيت خيرا

[حُ̲ـلُ̲مْ̲ـ]

السلام عليكم ورحمة الله


فضلا إخوتي في الله ، أحتاج رأيكم في موضوعي هذا
أنا طالبة بكالوريا..بدأت عامي الدراسي هذا عازمة على بلوغ معدل 18 مهما كلفني ذلك ..دخلت بعزيمة لا مثيل لها
بـ طاقة عظيمة..لكن للأسف بدأت بالتلاشي يوما بعد الآخر، وها أنا اليوم تخليت عن حلمي ذاك
فتحضيراتي بالكاد تكفيني لأحصل على 16
أعلم أني أستطيع ولوج كلية الطب هذا العام بإذن الله..وواثقة من نفسي أني لها ان شاء الله
لكن معدل 18 صار مستحيلا جدا.
لذا عزمت بإذن الله أن أعيد البكالوريا العام القادم ساعية وراء حلمي

وسؤالي
هل بإمكان طالب الطب سنة أولى أن يعيد البكالوريا كمترشح حر ويُوفق في ذلك ؟..يعني رغبة في الإمتياز ،هل يستطيع؟
وأنتم الذين عشتم تجربة الطب... ، فماذا ترون؟

-أعلم أن الخيرة فيما اختاره الله ،ووقت كهذا لا يصح فيه التخطيط لمستقبل مرهون بامتحان، وحصولي على معدل الطب هو بيد الله ..لذا يبقى مجرد احتمال لا غير..ففضلا أخي/ أختي ادعُ لي بظهر الغيب ليحقق لي الله ما في قلبي مشكورا-

و دمتم سالمين

[نسرين000]

هيه ومنبعد أديتي الباك ب 18 راح تعاودي سنة أولى ولا كيفاه؟

[حُ̲ـلُ̲مْ̲ـ]

----------

[حُ̲ـلُ̲مْ̲ـ]

هيه ومنبعد أديتي الباك ب 18 راح تعاودي سنة أولى ولا كيفاه؟
لالا..نبلوكي العام برك...ما نحتاجوش هذاك الباك حابة برك نجيب المعدل

[.sirine.]

السلام1
أختي أنا أشجعك على روح التفوق :19: #تصفيق
لــكن هناك أولويات في هته الحياة
لنفترض ان ما تتوقعينه سيحدث
تتحصلين على بكالوريا 16 و دخلت كلية الطب
ما فائدة ان تضيعي الكثير من الوقت للحصول على علامة لن تفعكـي (اللهم انا نعوذ بك من علم لا ينفع ) و من أجل النشوة فقط #تعجب
انا بوجهة نظري ان توفري ذلك المجهود في سبيل دراسة الطب
برنامج السنة الاولى مكثف و يحتاج منك جهد و وقت و اعادتك للبكالوريا سيسبب لك ضغط شديد و ربما هذا سينعكس سلبا عليكِ
و مع الوقت سيتغير تفكيرك و لن تصبح لعلامة البكالوريا وحدها معنى كبير لديك لكن المهم هو تحصيلك العلمي في الجامعة
الآن أنصحك أخيتي أن تركزي على التحضير للبكالوريا و بعد ان تجتازيها تفرغي للتفكير و السؤال أكثر عن هذا الموضوع
و بعد النتيجة ستستخيرين و الله سيقدر لك خير الامور
بالتوفيق أخيتي #زهرة6

[nihal159]

ياختي أنتي مازلتي ماجوزتيش الباك و راكي تحسبي ل 16 و 18 ؛ المستقبل بيد ربي سبحانو؛ بالاك تدي الباك ب 19 و ممكن تديه ب 15 ؛ يعني لا 16 لا 18 لي راكي تبني عليهم في مخططاتك؛ ممكن كلامي يجيك صعيب، لكنو في مصلحتك؛ أنتي راكي في مرحلة مهمة تاع تحضير لإمتحان مصيري ركزي فقط على قرايتك و لاتشتتي تفكيرك بحسابات جانبية و أتركي الغيب لعالم الغيب.
و باش نجاوبك على سؤالك؛ إذا ربحتي الباك إن شاء الله و قريتي طب؛ ماتقدريش تقراي و تعاودي الباك مع بعض؛ لأن إمتحانات آخر السنة يعملوها في نفس أسبوع إمتحان البكالوريا يعني إختاري إما تحضري إمتحان البكالوريا أو تحضري إمتحانات كلية الطب.
لمّا كنت نقرا صيدلة كان هذا هو النظام المعمول به في كامل أقسام كلية الطب يعني قسم الطب و قسم الصيدلة و قسم جراحة الأسنان؛ كل عام إمتحانات الثلاثي الثالث تكون في نفس أسبوع إمتحان البكالوريا؛ إذا تغيّرت الأوضاع الله أعلم. بالتوفيق.

[نبض قلبي]

اختي انت ضامنة تجيبيه ب 16
جامي و ديريها ف بالك
نفرضو جبتي الباك ب 16 و درتي طب
تضيعي عام من حياتك و تعاودي الباك
و هذا ربي و مرضتي في العلم اللي عاودتيه فيه و ماكتبلكش ربي تعقبيه وش ديري
تقعدي تعاودي تعاودي حتى تجيبي 18
و نزيزلك حاجة اذا حبيتي تحظي بالتكريمات الوزارية و ماجاور ذلك كي تعقبي الباك حرة ماتتصنفيش مع المتمدرسين نورمال حتى و ان جبتي 20 المعدل
مالا اختي ألتاي بالباك تاعك ضركا و ديري مجهودك و جامي تقولي نجيب 16 و كذا
لانو تروحي بالعقلية هذي تجيبي معدل مايرضيكش و ماديري بيه والو
أنت ياخي قريتي عام كامل و بذلتي مجهود
نحي التخمام السلبي من بالك
و ان شاء الله خير
و نحي الفكرة هذي كامل من بالك لانك تبداي تقراي السنة اولى طب تنساي كلش و تضحكي على روحك
يا ربي اذا تقراي طلعي عامك
و ماننصحكش بواش راكي تخممي
بالتوفيق

[rajaa67]

يا أختي انا ننصحك تحبسي من هذا التخمام و تركزي في تحضير الامتحان و تحبسي هذا التخمام التافه، معدل 18 ما يزيدك أي حاجة غير تباهي و افتخار بإنجازك و هذا فعلا شيء جميلا لكن هل يحتاج تضييع سنة من عمرك مع العلم أن معدل الباك لا يعكس المستوى الحقيقي للطالب لأن فيه عدة مواد غير حفيظة تنسيها مور الباك أنا ننصحك تجهزي روحك مليح الامتحان و ان شاء الله تدخلي لكلية الطب و اجتهدي في هذا الميدان و ادا أردتي ديري دورات تعليمية للغات او أي شيء