جماعة علوم تجريبية نحتاجكم

[المُعادلة الصّعبة]

السلام عليكم
وشراكم سافا؟

خاوتي العلميين معنيين بالموضوع اكثر من اي شعبة اخرى
حابة نسقسيكم
قداش تستغرقوا الوقت باش تقراوا وحدة تاع علوم كاملة من الالف الى الياء بيها برسوماتها بحفظها بفهمها بالتدرب على الرسومات كامل بحل انشطة الكتاب

شحال تجيبوا وقت بالتقريب ؟
يوم كامل مثلا ؟

[طالبة لها هدف]

بونجوغ ريان صافا بب الحمد لله
بالنسبة ليا انا بما اني قريت الوحدات من قبل ديك اليومين جيت نراجع الوحدة الاولى مثلا
ما شديتش فيها اكثر من 3 ساعات و نصف
اما المناعة مثلا نشد فيها على الاقل نصف يوم او اكثر
في انتظار بقية الاعضاء
_دعواتك غدا اول ايام امتحاناتي_

[إينَاس]

مش يوم ممكن نستغرق شخصيا أكثر من 6 ساعات لكن بتقسيمها أكيد لأني لو درستها دفعة وحدة رح نخرج بصفر كبير
يعني 6 ساعات تتقسم ليومين تقريبا
+ بدون حل التمارين

[طالبة لها هدف]

مش يوم ممكن نستغرق شخصيا أكثر من 6 ساعات لكن بتقسيمها أكيد لأني لو درستها دفعة وحدة رح نخرج بصفر كبير
يعني 6 ساعات تتقسم ليومين تقريبا
+ بدون حل التمارين
ايه ايناس
بدون حل تمارين صح

[المُعادلة الصّعبة]

ايه راني علابالي بزاف باش الواحد يختم وحدة تاع علوم لانها مخلطة حفظ وفهامة + تدرب جيد على الرسومات

[Aya Ya]

انا الحمد لله نفهم الدروس مع الاستاذة __ربي يحفظها __
وكنت كلما نخلصوا وحدة نحط نريفيزيها كامل من الالف الى اليااء كما قلتي + من المصنف والكتاب عنصر بعنصر + النظر الى بعض الملخصات ربما هي من انجازي او اجدها في المواقع الدراسية بعدما نهضم الوحدة نحل تمارين بوريش كامل او تقريييييييباا
"" هدا كامل في يووم __ كنت نخصص الجمعة لذلك كثيييييراا ""
طبعا طبقت هاد الطريقة للوحدات ال5 الاولى
.
.
.
.
.
.
لكن الكارثةة اني مزال مريفيزتش المجال ال02 بانلي كامل حفظ :mad: ___ وطبعااا نسيت اغلب المعلوماات
بالنسبة للباك التجريبي ربما نشوف لي باك اللي فاتوو ونحلهم شفهيا
وبالنسبة للمجال الاول نريفيزيه في يوم مع مادة اخرى ___ والمجال الدوزياام مزال مقررتش كفاه نقرااه ههه
_______________ ان شاء الله ميكون غير الخير وربي يوفقنا كامل __________________

[المُعادلة الصّعبة]

شكرا آية
بانتظار البقية

[mohamed.2000]

انا للمراجعة ندير ساعة ههههههه (بدون حل تمارين )

++ من قبل نكون فاهمهم يعني ماشي اول مرة راح نشوفهم

[اسلام123]

انا شعبة علوم لكني لا علاقة بالعلوم

[المُعادلة الصّعبة]

مرسي كامل لي رديتوا ربي يفرحكم ويجازيكم



+

مالقري اغلبكم هنا علوم تجريبية بصح ما شفتهمش وقت الصح
انا لي نعرفها نعاون بيها ايا كان

بصح انا دايما كي نحط موضوع باش تعاونوني عدد الردود ما يفوتش 10

الحمدلله ربي هو لي يجازي على الافعال ومانيش نمن حتى على واحد
بصح مرسي

[Qu_een]

والله يا ختي ريان ماتولهت لموضوهك كون نشوفو اكيد راح نجاوبك
انا كل ما نحتاج نلقاك والله كثثرخيرك وربي يجازييك
انا نقرا وحدة منها فاليوم مع حل تمارين والحفظ لي يستاهل الحفظ
اسفة مجددا لبارح كنت لاتية مع تحضير لباك بلون
نتمني تقبلي اعتذاري

[شمس الأمنيات]

مرحبا ريان كأقصى تقدير يومان 'خصوصا المناعة ' طويلة نوعا ما
اما الوحدات الاولى 2سا--3سا كأقصى تقدير
وفقك الله