60 مليون هبلتني كيف أستغلها

[aissa8787]

السلام عليكم أخواني الكرام
هبلتني هاذي 60 مليون ومعرفتش نستثمرها
عندي بزاف أفكار ولكن لا تجربة لي ... مثلا فكرت في التجارة بالملابس الرجالية أو للصغار
أو التجارة في العقار
التجارة بالخضروات و الفواكه أو الفلاحة
أو نتزوج بيها ولكني لا أملك السكن
بزاف أفكار ولكن نقص التجربة
علما أني أمارس مهنة الصباغة والطلاء ...
دبروا علينا

[kacimo.samy]

السلام عليكم
حسب ميولك لدي انا افكار لكن اعلم انها ليست من ميولك
وربي يوفقك
تستطيع تدعيم شخص و هو يعطيك ما يربحه بنصف
هو بافكاره و اعماله و انت بالمال فقط

[medecinedz]

سلام ,

انصحك تخبيهم مدام ماعندكش هدف واحد وافكارك مشتتة لا انصحك ان تعمل بهم مشروع وبعد ذلك تندم خبيهم ربما فالمستقبل تكون حاجة خير ولا تسحقهم للضرورة ماتعرف هذه نصحتي من خلال تجربتي في الحياة .

[kacimo.samy]

يخبيهم تطيح قيمتهم وليس بحل

ليوم 60 تجيب و غدوة لالا
امس كانت تشتري سيارة و اليوم لالا
اخي فكر جيدا فقط

[medecinedz]

يخبيهم تطيح قيمتهم وليس بحل

ليوم 60 تجيب و غدوة لالا
امس كانت تشتري سيارة و اليوم لالا
اخي فكر جيدا فقط




:confused: المشكلة واش تشري بيهم مشي اروح وشري بيهم
ولا يكونو عندك دراهم وتروح تاكلهم كامل وامبعد تروح تطلب من الناس يسلفولك دراهم هدي صعيبة
ماكنش واحد يسلفلك وتدير عليك دين ,

وماتنسى وظيفته دخلها ضعيف , يعني لاقدر الله تكون كشما حاجة وتحتاج المال راهو يحصل , وزيد هو تعب في جمعهم مشي جاوه هكدا وحايب يدير بيهم حاجة راهم من تعبه من سنين .

وبخصوص شراء سيارة هذه المشكلة الي ماعندهمش سيارات ونضن كل عائلة 60 بالمئة من الجزائرين كل دار فيها سياراة على اقل كاعائلة , الجزائري فقط يحب حاجة مليحة وجديدة وتكون رخيصة . ;)

[moharchi]

حاول انك تستثمر جزء منهم فقط
فمثلا مثل ما قلت التجارة في الخضر و الفواكه مش راح تتطلب منك رأس مال كبير تقدر تبدأ ب 20 مليون و تجرب
و بالتوفيق ان شاء الله خويا

[flamengo10]

اي نوع من الاستثمار تريد الدخول فيه اخي
هل تريد أفكار للإستثمار في الواقع أو الإنترنت ؟

هذه المعلومات يجب أن اعرفها حتى استطيع أن اقترح عليك مشروع أو أفكار إستثمار مناسبة لك

[moharchi]

ربي يوفقك خويا أدرس الموضوع جيدا، و شوف الأمور التي تجيدها وعندك خبرة فيها ولو قليلا وسقسي الناس الي تعرف ومجربة.
و إن شاء الله راح تنجح

[بوسعده]

اشريهم اورو ولا ذهب و خبيهم حتان تلق الفكرة

[mouradettaje]

اشريهم اورو ولا ذهب و خبيهم حتان تلق الفكرة


هذا هوالجواب الشافي لسؤال الاخ

[باهي جمال]

اذا دار عليهم الحول اخرج منهم نصيب الزكاة مليون ونصف حتى يبارك فيهم الله

[Youcefhassani]

ربي يوفقك خويا

[الحركش]

السلام عليكم
سلفهملي نزوج بيهم
اخي الافكار كثيرة وتقريبا جميع المشاريع ناجحة بنسب متفاوتة
انصحك باستثمار 50 مليون وترك 10 عندك للازمات لقد الله
اما طريقة الاستثمار تكون بطريقة انه لا تترك عملك شوف واحد ثقة وشارك معاه
نتمنى التوفيق لجميع الاخوة والاخوات