احباط تام ، فشلي يرعبني ، هل من أمل ؟

[زهرة وسط أشواك]

حاسة بروحي رح ننفجر
حاسة الباك هذا هم و غم فوق قلبي
لو كان نجوزو و ماننجحش؟
لوكان ناخذ معدل ما يعجبنيش ؟
لو كان نروح تخصص ماشي باغياتو؟
لو كان نستسلم الآن ماشي أحسن ؟
القيود القيود ،،
و نقص الإمكانيات المادية ،لا أستطيع الدراسة في البيت بسبب اخوتي
لا أستطيع الدراسة في الثانوية لأنها غير صالحة للدراسة من كل النواحي
حتى التلاميذ يتشاجرون طوال الوقت مع الأساتذة و المدير و المراقبين
لا أحد "ناوي" على الباك هذا العام
الليكور و ما أدراك ما ليكور .. مستحيل تماما ، الدراسة غالية الثمن
و كذا يدرسون حتى 9 ليلا .. مستحيل و ألف مستحيل
سألت طالبة تجيب 14 عن برنامجها
قالت نحظر ليكور ونحل فيه التمارين ، و لا أدرس إلا " نادرا" في الدار
مالا إذا درست في الدار قداش تقدر تجيب
و عندما أتذكر صديقاتي لا أتذكر سوا كلمة " عيينا عيينا و الكوزينة تستنى فينا "
لا توجد و لا ذرة أمل بالدراسة
حاولت التقرب من فتاة متفوقة معدلها 16
لقيتها لا تاخذ و لا تجيب ، كتومة جدا في العلم
مستحيل تعرفي منها مثلا مصادرها في الدراسة
أصلا كلمة تحفيز ما تقدرش تقولها أبدا
سألتها عن أحلامها و طموحاتها ، قلت بلاك تعطيني شوية أمل قالت لي
ما عندي والو ، يلي جات تجي
قلت لها كيفاش تقراي الفرنسية عادت تضحك و شبعت ضحك عليا
كي شغل حسستني بالانتقاص، و اني أقل منها


أنا مرتعبة تماما ، رغم أني و الحمد لله سريعة الاستيعاب
بعض الأمور نفهمها و هي طايرة و الحمد لله
لكن مع نقص إمكانيات الأساتذة أصبحت سرعة استيعابي عديمة فائدة تماما

أنا مقيدة بالزمن الوقت المعدل العائلة الدراسة الآمال و الإحباط
و خاصة احباطاتي و فشلي طول العام
صحبتي شافت كراريسي في الفصل الأول
3 كراريس 288 مليانين محاولات
كراس علوم ، وواحد رياضيات و الآخر فيزياء
شافت كراس الفيزياء خلعت من التمارين يلي حليتها
ضحكت عليا و قالت " هههه بعد هذا كامل جبتي 2 في الاختبار "
تخيلو جبت 2 في الفيزياء ، 5 رياضيات، 7 علوم
مع أني تعبت و أنا نقرا
عييت عييت و تعبت
الباك التجريبي بعد 10 أيام
نخدملو ولا لالا ؟
اذا خدمت و ما جبتش رح نصاب باحباط أكثر
إذا الأحسن ليا أنو نبقى نكذب على الناس و نقولهم أنو هذي الاختبارات ما تهمنيش
أنا نهتم بالباك فقط ... و يوم يجي الباك و ما نجيبش فيه مليح
رح يسقسوني .. وينهي خدمتك تع عام كامل ؟ قريتي و قريتي ووينهي النتيجة ؟
رح نقول لهم الباك زهر ، فلان كان يدي 7 و6 و جاب الباك عادي
و فلان كان يجيب 14 ما نجحش
ماشي غير أنا !!!

[Hou Da Lar]

لا متخميش هاكا ختي وين تحصي ربي شاراه كاتبلك و ادا راكي على الظروف و الله غير قاع عدنا ظروف ميخلوناش نقرو بصح كاين لي يوقف ضد الظروف و كاين لي حط يد فوق يد و يقول ظروف مخلتنيش نقرا
و الحمد الله راه عندك سرعة الاستيعاب هادي وحدها خصك تحمدي ربي عليها بزاااف ناس يتمنو يستوعبو غير شويا
و بالنسبة لتاخر هههه متخافيش حتا انا راني متاخرة و بلاك كتر منك شاهوا انا من داك تنفورسي على روحي و نراجع و اهم حاجا كاينا حاجا لازمنا نعرفوها و هي ربي قادر يبدل كلشي في دقيقة سبحانه و باش تقلعي هاد توسويس قوي علاقتك مع ربي و فورسي على روحك و قري مزال الوقت راه باقيلك شهر يكفي و يوفي و اهم ميزة هي انك متنجميش تنسي لي قريتيه في شهر
ربي يوفقك اختي و زيري روحك مبقاش بزاف و ادا خاصك حاجا كتبيها اعضاء المنتدى مراحش يبخلو عليك

[زهرة وسط أشواك]

لا متخميش هاكا ختي وين تحصي ربي شاراه كاتبلك و ادا راكي على الظروف و الله غير قاع عدنا ظروف ميخلوناش نقرو بصح كاين لي يوقف ضد الظروف و كاين لي حط يد فوق يد و يقول ظروف مخلتنيش نقرا
و الحمد الله راه عندك سرعة الاستيعاب هادي وحدها خصك تحمدي ربي عليها بزاااف ناس يتمنو يستوعبو غير شويا
و بالنسبة لتاخر هههه متخافيش حتا انا راني متاخرة و بلاك كتر منك شاهوا انا من داك تنفورسي على روحي و نراجع و اهم حاجا كاينا حاجا لازمنا نعرفوها و هي ربي قادر يبدل كلشي في دقيقة سبحانه و باش تقلعي هاد توسويس قوي علاقتك مع ربي و فورسي على روحك و قري مزال الوقت راه باقيلك شهر يكفي و يوفي و اهم ميزة هي انك متنجميش تنسي لي قريتيه في شهر
ربي يوفقك اختي و زيري روحك مبقاش بزاف و ادا خاصك حاجا كتبيها اعضاء المنتدى مراحش يبخلو عليك

لا اله الا الله
استغفر الله العظيم و اتوب ايه
مرسي اختي ربي يوفقك

[الحالمّــة]

اختي واش ننصحك اقراي وديري عليك
اتفرجي من اليوتيوب و ليكور مشي لازم
و ماديريش على الناس بعدي على المحبطين
ما تكونيش ذا عقلية انهزامية ديري في بالك الباك تجيبيه
و اقراي المهم زيري روحك اقراي في المكتبة و لا اي بلاصة و خدوخرا ادا ما قدرتيش تقراي في الدار
و ربي يوفقك لا تستسلمي

[Hou Da Lar]

لا اله الا الله
استغفر الله العظيم و اتوب ايه
مرسي اختي ربي يوفقك
بلا مزية اختي تخصك حاجا رانا هنا نعاونوك قد لي نجمو

[زهرة وسط أشواك]

اختي واش ننصحك اقراي وديري عليك
اتفرجي من اليوتيوب و ليكور مشي لازم
و ماديريش على الناس بعدي على المحبطين
ما تكونيش ذا عقلية انهزامية ديري في بالك الباك تجيبيه
و اقراي المهم زيري روحك اقراي في المكتبة و لا اي بلاصة و خدوخرا ادا ما قدرتيش تقراي في الدار
و ربي يوفقك لا تستسلمي

الليكور أحسن من اليوتيوب بكثير
لأنو تقدر تطلب من الاستاذ يعاود يفهمك بطريقة أخرى ، أما اليوتيوب اذا ما فهمتش راحت عليك
مكانش مكتبة ، لا في الليسي ولا غيره
نحس أنو ظروفي قاهرة قاهرة رغم أنو متأكدة أنو كاين ناس عندهم ظروف أصعب من ظروفي
لكني أبقى أنا المشكلة ، أنا التي أصغر أمام هذه الظروف
و تماما كما وصفتني أنا شخصية انهزامية

[djelfahbb]

مالا لازم علينا ... نحاكمو الباك في محكمة لاهاي الدولية ...

ما تديريش على الباك .. ماهوش حاجة جديدة .. ما تخافيش منوا كيما الكلب ممكن يعضك بصح كي ما تخافش منوا تولي تلعب معاه وتدير يدك في فموا ومكانش مشكل...
توكلي على الله ...اي شيء تعطيه فوق حقوا يولي مشكل .......

التحضير الجيد + التوكل على الله والرضاء بما قدره + الباك مجرد امتحان حتى لو فشل الفرد فيه لا يعني نهاية الحياة ... تقديره حق قدره= النجاح بإذن الله.


مثال: الموت حق ولكن لا يحب العبد ان يفقد من يحبه ولكن عندما يحين القدر لا يستطيع انقاذه قد يحزن المرء يوما يومان ثلاثة ثم ينتهي الامر ... هذا هو السلاح السري ضد الباك اعرف قدراتك .ثق بنفسك .

[djelfahbb]

مالا لازم علينا ... نحاكمو الباك في محكمة لاهاي الدولية ...

ما تديريش على الباك .. ماهوش حاجة جديدة .. ما تخافيش منوا كيما الكلب ممكن يعضك بصح كي ما تخافش منوا تولي تلعب معاه وتدير يدك في فموا ومكانش مشكل...
توكلي على الله ...اي شيء تعطيه فوق حقوا يولي مشكل .......

التحضير الجيد + التوكل على الله والرضاء بما قدره + الباك مجرد امتحان حتى لو فشل الفرد فيه لا يعني نهاية الحياة ... تقديره حق قدره= النجاح بإذن الله.


مثال: الموت حق ولكن لا يحب العبد ان يفقد من يحبه ولكن عندما يحين القدر لا يستطيع انقاذه قد يحزن المرء يوما يومان ثلاثة ثم ينتهي الامر ... هذا هو السلاح السري ضد الباك اعرف قدراتك .ثق بنفسك . ما تخافش منوا

[ورد الاوليف]

السلام عليكم يا زهرتي وعلاه هذا الكل عبالك بلي راكي محبطة تماما واش تحسابي في روحك غير انت لي ناقصة في المواد العلمية هانا الكل عاااااادي والباك هذا غول نورمال اقري شوية شوية تصدقي انا السمانة لي فاتت شغل كاينة عفسة مافهمتش كيفاه نفهمك تقلي غير الميكانيك والله لاكي قارياتو ووالله ماتفهميه استاذي تع الليكور قالي بلي انت توجيهك ادبي تخيلي في هذيك اللحظة شا قادرة تححسي الموت افضل ولا :confused: بعد قلت والله نجرب نشوف ميكانيك مع je suis comme ça و méral كان فهمتو فهمتو ويلا مافهمتوش ماشي نهاية العالم تصدقي والله قاعدة نراجع فالاسئلة الشائعة تع الاخت المعادلة الصعبة وبالدقيقة ونعيلها هي واستاذها وخرجت بنتيجة ماكانش العبقري كاين لي يقرا ويخدمممم ياسر مهما كان ماطيحيش مورالك دائما تحدي الصعاب هذي وواشنو ليكور هذا تصدقي انا حصة نحضرها وعشرة مع انو كاين زميلات ليا يتنفسو ليكور عوضا عن O2 واش باغية نقلك ماتبقيش تخمي في الوقت انا في اول العام ماكنتش نتخيل نفسي رح نعيش للوقت هذا وحد الخوف لا تتصورينه :mad: كنت نفكر واش رح يصرالي قبل الباك BLANC والله نورمال نقرا بالشوية خلاه وندعي ربي يوفقني انا والاعضاء كامل مانظغطش على روحي تعبت معليش غدوة نكمل :D والظروف رانا كامل بظروفنا اختي احمدي الله كثيرا صلي وصومي واقري وديري لي عليك سقسي اي حاجة بسيطة هنا واحنا نجاوبوك وكلنا تركنا الثانوية انا والله مالفصل الثالث حلفت عليها ولقيت زملاء واساتذة جدد هنا وصارت عائلتي منتدى الجلفة ;) كل ماريده منك ان ترفعي راية التحدي وتستغفري وتبدي من جديد برهنيلهم شكون انت وهادوك لي ستهزوا بيك كن مايعودوش يجرو ووراك اتمنى ان تفيقي وتغهمي كلامي ان شاء الله ورانا كل متاخرين انا والله الحفيظة لذرك مزالت مابديتت راني حاصلة حصلة عمري مع المواد العلمية موفقة زهرتي :1:

[الحالمّــة]

لالا انا ما وصفتكش هكدا قلتلك ما تكونيش هكدا
ما تستلميش للظروف
انا نفضل اليوتيوب على ليكور و تاني سقسي الاستاذة في الفيسبوك على الحاجة اللي م فهمتيهاش مارايحينش يبخلوا عليك

[نبض قلبي]

شوفي اختي
المورال لوكان تبعي روحك عام الباك و الله ديما في الحضيض
نقولك عفسة علاه جبتي النقاط هذو لانو انت اللي حطيتيها في بالك
انا نشفا الفصل الاول جبت 10 في الرياضيات في الامتحان ، على الرغم من انو من لي كنت العلامة الكاملة ديما نجيبها فيها
لا علينا مافمتش وش صرا الاستاذة تاعنا كانت ضعيفة بزااااف و هردتنا باتم معنى الكلمة
الفصل الثاني عاودت راجعت حساباتي و بدلت طريقتي فيها و بالفعل تحصلت على علامة ممتازة
حابة نفهمك في حاجة جامي تقولي فلان و فلان و مايكفينيش الوقت
مادام راكي قارية لا خوف عليكي
ضرك وقت تحلي السوجيات باكبر عدد ممكن
اول شي عاودي راجعي بشوي ثم حلي المواضيع
10 يحكيفوك اذا كنتي قارية دروسك ماكانش مشكل خلاص
على كل حال نقولك عندي زميلتي و الله امتحان الفصل الاخير بعثوها دارهم بالسيف تعقب و الاخير جابت في الباك 17
اسسما ماتربطيش بيهم روحك بزاف
صح هم راهم تعرفي بيهم مستواك لكن موش مقياس للباك
المواد الادبية وش رايك لوكان نقولك تضربي طلة على الدروس تاعك و حلي المواضيع السابقة للبكالوريا و ادي لاساتذة تعرفيهم يصحولك و يورولك المنهجية
اسما موش شرط ليكور انا هكا قريتهم و مادرتش فيهم و جبت فيهم نقاط ممتازة و الحمد لله
هذي هيا اللي حابة نفمهالك. اذن روحي اتوضاي صلي زوج ركعات ادعي ربي يوفقك و ابداي اقراي على روحك موش لحقتي لاخر سنبلة راح تقلعي صبعك كيما نقولو هههه
بالتوفيق ان شاء الله و كشما عندك تساؤلات سقسي ماكانش مشكل
ربي يجيب الخير ان شاء الله

[زهرة وسط أشواك]

اخوتي نقول لكم حاجة
أنا من اليوم رح نتابع موضوعي تع تحدياتي الشخصية
ونقرى براحتي و على قد ما نقدر
و بالطريقة يلي تناسبني
الباك سوا جبت فيه و لا ما جبتش
كفاني الوقت ولا ما كفانيش و الله ما يهمني من بعد اليوم
و الله غير حاسة أنو لو ما جبتش الباك ممكن نموت
بالصح درك خلاص ، ندير يلي عليا و خلاص
أصلا عييت من التخمام في موضوع الباك هذا
خلاص جا وقت الخدمة
مابقاش

[Hou Da Lar]

الليكور أحسن من اليوتيوب بكثير
لأنو تقدر تطلب من الاستاذ يعاود يفهمك بطريقة أخرى ، أما اليوتيوب اذا ما فهمتش راحت عليك
مكانش مكتبة ، لا في الليسي ولا غيره
نحس أنو ظروفي قاهرة قاهرة رغم أنو متأكدة أنو كاين ناس عندهم ظروف أصعب من ظروفي
لكني أبقى أنا المشكلة ، أنا التي أصغر أمام هذه الظروف
و تماما كما وصفتني أنا شخصية انهزامية

نو والله غير تبانلك انا نعرف واحدين و الله غير من يوتيب و حل المواضيع جابو باكهم و معدل ممتاز لي كور مراهمش كلشي و بالنسبة للاساتذة تاع بوتيب و الله غير كاينين وحدين تفهمي عندهم درس من اول مرة متحتاجيش قاع تعاودي فيديو و لا
انا ننصحك تبعي دروس من يوتيب و راجعي من ملخصات و منين تكملي حلي بكالوريات خاصة بشعبتك فقط و ادا مفهمتيش كاش حاجا طرحيها في المنتدى و الاستاذ boss و كامل الاعضاء راح يعاونوك و المراجع متخميش ادا خصك قولينا و نعطوك
و اهم حاجا هادي الافكار السلبية قلعيها من راسك هدا راه غير باك مراهش نهاية العالم

[ilyes1996]

سللاممم احتتي ما تخميش في باكك باك ما خو والواا غير حناا دايرلوا قيمة كبيرة ان شاء الله تجيبيهه وما تخمميش مهمم يا اختي انا ندير معاك تحددي واش رايكك

[زهرة وسط أشواك]

سللاممم احتتي ما تخميش في باكك باك ما خو والواا غير حناا دايرلوا قيمة كبيرة ان شاء الله تجيبيهه وما تخمميش مهمم يا اختي انا ندير معاك تحددي واش رايكك

تخصني غير مراجعة خفيفة جدا و حل التمارين لذا خدمت موضوع شخصي لتحدياتي الخاصة
شكرا على اقتراحك أخي

[بناتي نور العين]

السلام عليكم

الحاجة اللولة لي لازم تغيريها هل الثقة في النفس ماتبدايش تقولي انا فاشلة انا في ظروف قاهرة هكذا تزيدي تعقدي الامور

الحاجة زاوجة لي لازم ديريها في هاد الوقت المتبقي الاجتهاد و مضاعفة العمل اضغطي على نفسك قبل ما تفوتي الباك بلون

و برهني لنفسك انك لست فاشلة و قادرة على النجاح بالباكالويا فزملائك ليس افضل منك ولا يملكون عقلا ليس كعقلك

هي مسألة اجتهاد فقط و حاولي الشيء لي ماراكيش فاهماته زميلة من زميلاتك تفهمك ، ماتخمميش في يقولو ماتعرفش و يقولو ويقولو

انت عندك هدف هو الباك خلي لي بغا يهدر يهدر المهم تفهمي الدروس

ثالثا بالنسبة لليكور انا نقولك يا اختي عندي اختي ماشاء الله شوفي والله مادارت اي كور لا في المات ولا في الفيزياء ولا في العلوم

ولا في اي مادة هي علوم تجريبية و جابت المعدل الأولى في الثانوية و راهي تدرس طب

يعني ماتحصريش تفكيرك في التفكير السلبي و تقولي انا ظروفي صعيبة مانجيبش نتيجة مليحة

لا يا اختي

انفظي الغبرة على روحك و زيري روحك و فجري كل طاقاتك و تحداي كل المعيقات

نتمنالك كل التوفيق ان شاء الله

[djelfahbb]

اغلب مشاكل وسبب فشل اللتلاميذ في الباك هو الخلعة لي قريب راه عندو السكر وكلية متوقفة دار عليها عملية بسبب الخلعة من الباك

[زهرة وسط أشواك]

اغلب مشاكل وسبب فشل اللتلاميذ في الباك هو الخلعة لي قريب راه عندو السكر وكلية متوقفة دار عليها عملية بسبب الخلعة من الباك

خلاص خلاص ماشي مخلوعة راحت الخلعة كامل
ياك راني لاباس و مثل لحصان ، المهم ما ييصرا والو لكليتي

[ilyes1996]

عفوا اختك وليس اخيك هه

[زهرة وسط أشواك]

عفوا اختك وليس اخيك هه

عذرا شفت اسمك ضنيتك أخ

[نجوم الأمنيات*]

سلاااام
هل من امل نقولك الامل عمرو ما يمووت انت ربي عطاك عقل تقدري توصلي للحاجة للحاطاتها فييييه الباك يااا بشر كي تكملي دك تولي تضحكي على رووحك والله ماهو غول حنا برك لنضخمو فيه لدرجة عدنا نحلمو بيه قريتي سنة 5 وديتي السيزيام قريتي البيام وديته هادو كيفاه جاوك عاادي حفظت شوي دروس وحليتي شويا تمارينات وجبت المعدل وكبرت لوصلتي للباك الباك الناس هي لمضخماتو سوفي ما تقارني روحك مع حتا عبد انت كاينة منك2 انت 1 كيفاه تقارني روحك مع العباد لقرا ربي يسهلو ولازم نتي تاني تقرايي على روحك شوفي على الليكور ليحاب يقرا يقرا مالا ليقراو بكري كان عندهم ليكور ومراجع وكتب كيما حنا كانو يقراو على شمعة مالا متيدهاش عدر ،،،،شوفي روحي لليوتيوب الاستاد شريفي يشرح في وقت قصير وتستوعبي عليه في تواني الرياضيات البكالوريات كافية ووافية وتبعي الحل من الاستاد نور الدين العلوم احكمي كل وحدة ديريلها ملخص كاين في الموقع الاول الخير والبراكة وشوفي كل وحدة والبكالةريات تاحا واضربي طلة على المواد الادبية فرنسي وانغلي وادب شوفي الاسىلة لي تتكر الملخصات تجدينها في اي مكان في نت غير اكتبي ملخص ادب برك
الحفظ زيري على روحك واحفظي بدكاء ،،، قلتي اليوتيوب مانفهمش عليه مرات انا متحصلة على باك2017 بتقدير جيد جدا ادا مفهمتيش اي حاجة تجدينني هنا في المنتدى وقبل كل هده المقالة لكتبتهالك لازم تتوكلي على المولى عز وجل وتتقي بان الله لن يضيع تعبك ،،،،،،، وفقك الله اختي

[Aya Ya]

ربي يوفقك اختي ..... شوفي كاامل رانا متاخريين والله ( كيما انا دوكا منيش ضامنة حتى مادة ومواد الحفظ تان مزاال محفظتش والمواد العلمية واش نقلك والله كاين وحداات مزاال مبديتهمش اصلااااا مي الحمدلله راني متفااائلة ونطمح للامتيااز ان شااء الله ) ...... فيما يخص ليكوور والله ميفيدوو انا قريت سيونس فلفصل لول وماخرجتش علياا صح ممكن تفهمي سؤال في تمرين وبااقي الاسئلة لازم ترجعي للدار وتعاوديهم __ يعني لقيت روحي نضيع فلوقت برك وزيد نود ع الصبااح على هاد حبستهاا __
ايه وبقيت نقراا فيزيك برك فليكوور مي والله مانستفااد اصلا يحل لنا لي باك سيتوو ومع الفوضى وكثرة الثرثرة من طرف بعض الزملاء والزميلاات .. مي وااش ندير اني نرووح حصة في الاسبووع برك ارضاء للوالدين مع انني لا استوعب شيئااا هناك .. كلشي على قرااية الدار ولازم تقرااي وحدك بااه تترسخ لك المعلوومات
والرياضياات نقرا عند برووف ( انا نقريه هههه ) والله ابشع الحصص عندوو عاام كامل وهو يضحك ويمنشر ويقصر مع الذكوور مي الشكر يعوود للاستاذ نور الدين جزااااااه الله خيراااااا ..و بفضل ربي سبحانوو
وبالنسبةة للجولازم تتاقلمي مع الفوضىىىىىىىىىى انا خاوتي والله هبلوووووني مي واش ندير لاازم نيفيتيهم ونقراا وصااي ههه اصلاا انا قرايتي تا الصح تبدا فالليل ونسهر معاهاا نفهم بياا ___ مام فلكلاسةة واش نقلك كااين بناات والله مايسكتوو دقيقةة يعني وين نرووح نلقى الضجيج مي تاقلمت عادي والحمد لله ههههه حتى في بعض الحصص كنت نشايخهم ليسونسياال منسمعش الثرثرة تاعهم ونبقى ساكتةة وسااعات نتشااجر معااهم :D :mad:

المهم تقريبااااا كتبت قصةة حيااااااتي مي هكا تتاكدي بلي رانا كااامل عندنا ظرووف مي نحاولوا نتجاوزوهم ونيفيتيوهم
والمرااجع عادي سقسيناا نقولولك .. انا والله جاامي لسقسيت طفلة ول طلبت من عند استااذ فلليسي تمارين وما شاابه نعتمد على رووحي ومنستنى حتى وااحد ..نحوس وحدي فالنت ونشووف المراجع اللي تناسبني .....
اياا بون كوراااج و ربي ينجحما كامل ان شااء الله :19:
سلام :rolleyes:

[Aya Ya]

ايه ونسيت ماقتلكش .. كاين صحبااتي دايرين ليكوور في الرياضياات زعما عند برووف كامل يشكرووه ويروحوا مرتين في الاسبووع والترانسبوور وو ... وانا نشووف لي فيديوو تا الاستاذ نور الدين _ ربي يحفظوو __ وكااين معلومات انا نعرفهم وهوما لاا واون + ديما ندي لانووت خير منهم واحياانا يدوو تحت 10 :cool:

[للحلم بقية]

هذا الشخص متفوق في البكالوريا بمعدل 17 قريب من 18 قدم نصائح رائعة استفيدي منه


https://djelfa.info/vb/showthread.php?t=2131851

[فآإط♥̨̥̬̩مـ♥̨̥̬̩ة]

إذا الأحسن ليا أنو نبقى نكذب على الناس و نقولهم أنو هذي الاختبارات ما تهمنيش
أنا نهتم بالباك فقط ... و يوم يجي الباك و ما نجيبش فيه مليح
رح يسقسوني .. وينهي خدمتك تع عام كامل ؟ قريتي و قريتي ووينهي النتيجة ؟
رح نقول لهم الباك زهر ، فلان كان يدي 7 و6 و جاب الباك عادي
و فلان كان يجيب 14 ما نجحش
ماشي غير أنا !!!

من هنا لازم تبدا الطفرة المفاجئة

من هنا لازم يبدا التغيير

قولي للناس وش راكي حابة قوليلهم أنو هذي الاختبارات ما تهمنيش
أنا نهتم بالباك فقط وديري العكس في راسك اصنعي نتي الطاقة الايجابية لروحك خليها تكون من داخلك حاولي تمشي عكس الظروف حتى ولو كان تكون صعيبة ابداي بالمادة الوحدة حتى تتهناي مهوش وقت تاع استشارة متفوقين لازم تكوني نتي المتوفقة المتوفقة على نفسك المتوفقة على ظروفك اللي راهي تمشي عكسك

ختي نتمنالك التوفيق وربي ينجحك ونشا الله تكوني نتي المتفوقة اللي رايحة تقولي اسرار النجاح للمترشحين الجايين

ورح يسقسوك ويباركولك خدمتك تاع العام راه بانت عرفتي وين تبينيها

ونزيد نقولك واحد ماهو احسن من حد كل واحد عندو نقص في حاجة معينة بصح كاين اللي يسعى باش يكملو و كاين اللي يقعد يبكي

[زهرة وسط أشواك]

ليس بيدي سوى شكركن اخواتي و الدعاء من أعماق قلبي أن يوفقكن الله