.........ماذا عن الجانب النفسي ؟؟؟؟

[المُعادلة الصّعبة]

السلام عليكم
جاءتني في بالي فكرة للتو
ما ترددتش ثانية في كتابتها يعني جات في بالي مُباشرة كتبتها
هذا الموضوع سيهتم بالجانب النفسي للجميع ان شاء الله
بمعنى كل واحد يقدر يدخل هنا يفرغ قلبو يكتب مشكلتو ومبعد لي عندو هدرة لخوه يقولهالو باش يطلعلو المورال
ان شاء الله تكونوا فهمتوني
يسمى هنا تفرغوا قلوبكم كيما تحبوا -غير ديروا الصف :1: -
يعني بقية المواضيع تتناول الجانب الدراسي اما هذا نحاولوا نهتموا بنفسيتنا ونطرحوا مشاكلنا لي تواجهنا -مع الدراسة طبعا- ونتعاونوا
ان شاء الله تروقكم الفكرة
بالتوفيق

[نجوم الأمنيات*]

سلاام فكرتك فكرتني بفكرتي لعام ليفات درت موضوع اسمو مقبرة التشاوم متلا واحد عندو مشكل يكتبو سواء ضغط دراسة بصح لازم يدفع المقابل انو يكتب عبرة وولا حكمة ترفع المعنويات

[المُعادلة الصّعبة]

سلاام فكرتك فكرتني بفكرتي لعام ليفات درت موضوع اسمو مقبرة التشاوم متلا واحد عندو مشكل يكتبو سواء ضغط دراسة بصح لازم يدفع المقابل انو يكتب عبرة وولا حكمة ترفع المعنويات
آه جميل ..
انا استبدلت الحكمة بأنو يجي شخص آخر يطلعلو المورال بشوية كلمات وهكا نتعاونوا من جميع الجوانب

[jë suîs comçà]

أأأأأأأأأأأنا مشكلتي اني كي نشووف واحد يكةنيكتي ولا يتفرج نولي نكره الدرااااسة ومنحبش حتا نشوف في الكرااااااااااس

[المُعادلة الصّعبة]

أأأأأأأأأأأنا مشكلتي اني كي نشووف واحد يكةنيكتي ولا يتفرج نولي نكره الدرااااسة ومنحبش حتا نشوف في الكرااااااااااس
هههه ضحكتيني
هو يتفرج ويكونيكتي ونتي شكون لي دخلك في نص الحكاية علاش تكرهي القراية:1:
ولا قصدك تحسي روحك مسجونة وهوما راهم مرتاحين ونتي ملزمة بالاجتهاد والقراية ؟ هكا تحسي ؟
تحسي بالغبنه كيما نقولوا

[jë suîs comçà]

هههه ضحكتيني
هو يتفرج ويكونيكتي ونتي شكون لي دخلك في نص الحكاية علاش تكرهي القراية:1:
ولا قصدك تحسي روحك مسجونة وهوما راهم مرتاحين ونتي ملزمة بالاجتهاد والقراية ؟ هكا تحسي ؟
تحسي بالغبنه كيما نقولوا
واااااااااااااااااه هكذااااااااااااك

[نجوم الأمنيات*]

أأأأأأأأأأأنا مشكلتي اني كي نشووف واحد يكةنيكتي ولا يتفرج نولي نكره الدرااااسة ومنحبش حتا نشوف في الكرااااااااااس

اناا هنا معاااك من الان ماتخافيشش هههههههههههه الا ادا متتت هههههههههههههه

[المُعادلة الصّعبة]

واااااااااااااااااه هكذااااااااااااك
ايه فهمتك
لازم تصبري
الحل تاعك هو الصبر وحاولي قد ما تقدري ما تحتكيش بالعالم الخارجي الفتره الاخيره هذي
انعزلي عليهم وابقاي في هدوء
فرغي مخك من كلش ما يلهيك والو من غير قرايتك
خليك دايما في هدوء نفسي
ما تحتكيش بيهم بزاف
ما تخليش روحك تشوفي واحد يكونكتي ولا يتفرج
وما تهتمي بحتى شي من غير قرايتك
حطي في بالك باللي فترة وتفوت وترجعي تكونكتي حتا نتي وترتاحي

[jë suîs comçà]

اناا هنا معاااك من الان ماتخافيشش هههههههههههه الا ادا متتت هههههههههههههه
بعييييييييييييييييييد الشر
اخلاص ابقاي معايا

[jë suîs comçà]

ايه فهمتك
لازم تصبري
الحل تاعك هو الصبر وحاولي قد ما تقدري ما تحتكيش بالعالم الخارجي الفتره الاخيره هذي
انعزلي عليهم وابقاي في هدوء
فرغي مخك من كلش ما يلهيك والو من غير قرايتك
خليك دايما في هدوء نفسي
ما تحتكيش بيهم بزاف
ما تخليش روحك تشوفي واحد يكونكتي ولا يتفرج
وما تهتمي بحتى شي من غير قرايتك
حطي في بالك باللي فترة وتفوت وترجعي تكونكتي حتا نتي وترتاحي
ميغسي ربي يحفظك

[المُعادلة الصّعبة]

اختي اماني معليهش سؤال وش معناه اسمك ؟ امتحان الربيع !!
مافهمتش قصدك يعني قلت بلاك يكون الباك هو امتحان الربيع بصح يعني الباك راهو امتحان الصيف ماشي الربيع خخ

[djihan jojo]

السلام عليكم
فكرة مليحة .راح نستفادو من بعضانا احسن من كل مرة نديرو موضوع
بارك الله فيك حبيبتي

[نجوم الأمنيات*]

اختي اماني معليهش سؤال وش معناه اسمك ؟ امتحان الربيع !!
مافهمتش قصدك يعني قلت بلاك يكون الباك هو امتحان الربيع بصح يعني الباك راهو امتحان الصيف ماشي الربيع خخ
كن نقول تقولي هبلت الطفلة مرة كنت نحل قصيدة لدرويش وانا نقرا في النص قريت كلمة امتحان وتخيلت كلمة ربيع قدامها ولا الاسم امتحان الربيع رحت مباشرة بدلت الاسم مبعد كي رجعت وعاودت نتبت في النص مالقيتش كلمة ربيع كنت نتخيل:1::1::1::1::1::1::1:

[المُعادلة الصّعبة]

كن نقول تقولي هبلت الطفلة مرة كنت نحل قصيدة لدرويش وانا نقرا في النص قريت كلمة امتحان وتخيلت كلمة ربيع قدامها ولا الاسم امتحان الربيع رحت مباشرة بدلت الاسم مبعد كي رجعت وعاودت نتبت في النص مالقيتش كلمة ربيع كنت نتخيل:1::1::1::1::1::1::1:
موقف طريف
ضحكتيني ههههه
وش كانت الكلمة اذا تتفكري ؟

[طالبة لها هدف]

اواه انا متاكدة بلي ريان يليقليك هذا المجال
ههههه مغسي حبيبتي شكرا على الموضوع سيكون متنفسي باذن الله

[عزيزة aziza]

اكبر مشكلة نعاني منها هي عدم الثقة بالنفس و قلة التركيز تخيلي رغم انني املك الافكار التي استطيع حل التمرين بها الا انني اخطأ في ابسط الامور تخيلي في الاختبار في تمرين الدوال خدمت جدول التغيرات نتاع الدالة المساعدة ثم خدمت نتاع الدالة كي جيت نرسم مافقتش رسمت نتاع الدالة المساعدة وتعرفي بلي الرياضيات و الفيزياء مايرحموش يعني خطأ صغير قادر يكلف بزاف

[المُعادلة الصّعبة]

السلام عليكم
فكرة مليحة .راح نستفادو من بعضانا احسن م ن كل مرة نديرو موضوع
بارك الله فيك حبيبتي
عليكم السلام
فعلا ان شاء الله نستفيدوا ونشاركوا كامل في الموضوع
وبارك فيك يا طيبة


اواه انا متاكدة بلي ريان يليقليك هذا المجال
ههههه مغسي حبيبتي شكرا على الموضوع سيكون متنفسي باذن الله
ههههه نشتي واحد يمدحني من الناحية هاذي :1: خاطر نحب بزاف الدومان هذا
دوغيان انا ثاني رح يكون متنفسي بحول الله

اكبر مشكلة نعاني منها هي عدم الثقة بالنفس و قلة التركيز تخيلي رغم انني املك الافكار التي استطيع حل التمرين بها الا انني اخطأ في ابسط الامور تخيلي في الاختبار في تمرين الدوال خدمت جدول التغيرات نتاع الدالة المساعدة ثم خدمت نتاع الدالة كي جيت نرسم مافقتش رسمت نتاع الدالة المساعدة وتعرفي بلي الرياضيات و الفيزياء مايرحموش يعني خطأ صغير قادر يكلف بزاف
اهلا بك
نعم فهمتك اختي
فهمتك جيدا
انا عانيت من المشكل هذا سابقا
ولكني الحمدلله تقريبا تخلصت منو
شوفي حطي في بالك باللي في قاعة الامتحان مهما تغلبتي على الخوف هذاك لي داخلك
بصح دايما تبقالك وحد المشاعر مميزة هكا تحسيها غير فالامتحان
ضرك كل واحد ودرجة خوفه وثقته في نفسه
انتي ماشي ثقتك في نفسك ناقصة
انتي يحكمك سترس في قاعة الامتحان يذهبلك كلش
شوفي كيما هذيك تاع جدول المساعدة
انا نشفى الفصل الاول غلطت غلطة جامي جامي جامي غلطتها ولا توقعت اني نغلطها
في تمرين الكهرباء درت معادلة البيان ومنبعد درت المعادلة الفيزيائية
وباش نطابق بيناتهم عكست المطابقة خرجولي نتائج جامي شفتهم في حياتي
قوليلي برك من العام لي فات وانا نتعلم فالمطابقة هذيك وولى مفروغ منها قوليلي هذا خطأ يستاهل ؟ هذا شي يستاهل نغلط فيه وتروحلي عليه علامة ؟ حماقة صح ؟
انا غاضتني اللحظة هذيك ومبعد قلت لا
لا مهوش الباك
الحمدلله الحمدلله اني غلطت فيها ضرك قبل الباك
او علابيها يقولك تعلم من اخطائك
شتي كي تغلطي بزاف ؟ تتعلمي حاجه اسمها ما لازمش نغلط
بمعنى انك قبل ما تكتبي حاجه على ورقة الاجابة لازم تتاكدي منها اكثر من مرة
ولو 1+1 تأكدي منها لانو احيانا وانتي بالتوتر هذاك يضل في بالك رقم 6 ونتي تكتبيه 7 فما بالك الجداول لي تتخلط
قبل ما تكتبي اجابتك شوفيها اكثر من مرة باش ما تغلطيش
خوذي حذرك من كل شي
ركزي مليح وحي بالك عند كل كل كل كل كل كلمة تقرايها فالتمرين لانها هي المفتاح
و مع هذاك الشعور تاع التوتر بصح صدقيني كي تدخلي في المعركة وجو الامتحان تنساي قاع الخوف هذاك
تولي تحوسي غير تكملي اختبارك ما يهمكش خايفه مش خايفه ..الخ
واجبيبي بتأني ولكن بسرعة
ان شاء الله فهمتيني
معناتها ما تتسرعيش .. اسرعي فقط
اسرعي معناها لاز تكون يدك سريعه في الكتابة ومخك مركز مع الاجابة .. تسرعي معناها مخك سريع في الاجابة ويدك معلاباليش بطيئة ولا سريعه :1: فهمتي الفرق ؟
ضرك كثرت عليك الbla bla
مخ الهدره انك لازم تغلطي بزاف فالدار
صدقيني كون ماجاوش الاخطاء كون ماتجاوبيش صحيح فالامتحان
انا ابسط حاجه تمثيل القوى يعيوني خاطيني الرسم والصوالح هذوك
غلطت فيهم بزاف بصح قلت نتعلمهم باه في الامتحان ما نغلطش
تخيلي كون ما غلطتش فالدار وماتعلمتش تمثيل القوى
رح يستناني الامتحان نهار لي نجوز نتعلم نمثل القوى وهي حاجه بسيطة عليها 0.25 من بين 20 نقطة؟
ايمالا الحل تاعك كثري من التمارين على قد ما تغلطي عى قد ما تفيقي لنقاط ضعفك
على قد ما تتمتن معلوماتك
كيما تغلطي في حاجه تقولي اوااااه لازم خطرة اخرى نتوله ليها ومانغلطش
لازم نركز مليح
هكا هكا حتى تتدربي
وهذا الوقت المناسب لانك رح تولي تحلي مواضيع ورح تتعلمي بزاف من تجاربك واخطائك
اتمنى افدتك اختي
ان شاء الله تتخلصي من مشكلتك
دعواتك

[المُعادلة الصّعبة]

قبيلة شوي معنديش ياسر رحت لليسي باش نكتب عندي التوقيت تاع الباك بلون -ماكانش بواش نصورو للأسف-
دخلت لقيت مزال ماكانش التلاميذ خاطر دخلت قبل الوقت بشوية
المهم لقيت هذوك التلاميذ لي مالفين يقعدوا نصف داخلي في المطعم
جاني شعور غريب جدا كي وطأت رجلي الثانوية
اول مرة نحسو
قلت مانزيدش نقدر ندير كيفهم يدخلوا باش يقراوا مانزيدش نقرا فيه صايي
غاضني بزاف .. الدمعه قريب هبطت
بالرغم من اني ما عشتش فيه اك المواقف لي تخلي ذكريات تنعش لي الذاكرة تاعي وتترك فيا الاثر الجميل
بالعكس عشت فيه معظم ذكرياتي سيئة خصوصا السنة الثانية ثانوي كانت بشعة جدا
ولكن حتى الذكريات السيئة رح نشتاقها ورح نشتاقها
بحُلوها ومُرها رح تبقى ذكريات جميلة ولو أنها مش جميلة
هي فعلا ايام الثانوية لا تتكرر
مهما كانت سيئة ام جيدة
ولكن هذيك الايام والمشاعر و الناس لي تتلاقى بيهم والاساتذة والدروس والمواقف الصعبة الجميلة المحرجة الحمقاء المفرحة والحزينة ؟ هي مرة وحدة لن تتكرر
اي مرحلة من حياتنا كي نفوتوها رح تغيضنا طبعا
ولكن هذي هي الدنيا
دوام الحال من المحال .. وحاجه ما تبقى دايمه
لذلك ان شاء الله كل واحد فينا يحاول يختم هذي المسيرة الصغيره بحاجه تفرحو و يكون ختامها مسك
وكل واحد مزال ما وصلش لمرحلة البكالوريا ويقرا كلامي ضرك
يحاول يعيش كل لحظة في الثانوية سواء كانت حلوة ام مرة
ديروا كلش خصوصا في عامكم الاخير بردوا قلوبكم لانها ايام لن تعاد
انا ندمت لاني ما بردتش قلبي بالعكس جبتو عام كامل في الغيابات
ازدموا برك ههههه
الحمدلله اني لقيت مساحة باش نعبر فيها عن الشعور اللي اعتراني في هذي اللحظة

شكرا لكل من قرأ هذه السطور

[نجوم الأمنيات*]

:قبيلة شوي معنديش ياسر رحت لليسي باش نكتب عندي التوقيت تاع الباك بلون -ماكانش بواش نصورو للأسف-
دخلت لقيت مزال ماكانش التلاميذ خاطر دخلت قبل الوقت بشوية
المهم لقيت هذوك التلاميذ لي مالفين يقعدوا نصف داخلي في المطعم
جاني شعور غريب جدا كي وطأت رجلي الثانوية
اول مرة نحسو
قلت مانزيدش نقدر ندير كيفهم يدخلوا باش يقراوا مانزيدش نقرا فيه صايي
غاضني بزاف .. الدمعه قريب هبطت
بالرغم من اني ما عشتش فيه اك المواقف لي تخلي ذكريات تنعش لي الذاكرة تاعي وتترك فيا الاثر الجميل
بالعكس عشت فيه معظم ذكرياتي سيئة خصوصا السنة الثانية ثانوي كانت بشعة جدا
ولكن حتى الذكريات السيئة رح نشتاقها ورح نشتاقها
بحُلوها ومُرها رح تبقى ذكريات جميلة ولو أنها مش جميلة
هي فعلا ايام الثانوية لا تتكرر
مهما كانت سيئة ام جيدة
ولكن هذيك الايام والمشاعر و الناس لي تتلاقى بيهم والاساتذة والدروس والمواقف الصعبة الجميلة المحرجة الحمقاء المفرحة والحزينة ؟ هي مرة وحدة لن تتكرر
اي مرحلة من حياتنا كي نفوتوها رح تغيضنا طبعا
ولكن هذي هي الدنيا
دوام الحال من المحال .. وحاجه ما تبقى دايمه
لذلك ان شاء الله كل واحد فينا يحاول يختم هذي المسيرة الصغيره بحاجه تفرحو و يكون ختامها مسك
وكل واحد مزال ما وصلش لمرحلة البكالوريا ويقرا كلامي ضرك
يحاول يعيش كل لحظة في الثانوية سواء كانت حلوة ام مرة
ديروا كلش خصوصا في عامكم الاخير بردوا قلوبكم لانها ايام لن تعاد
انا ندمت لاني ما بردتش قلبي بالعكس جبتو عام كامل في الغيابات
ازدموا برك ههههه
الحمدلله اني لقيت مساحة باش نعبر فيها عن الشعور اللي اعتراني في هذي اللحظة

شكرا لكل من قرأ هذه السطور


:o:o:o:oكلماتك راجعتلي دكريات التانوية توحشت كلشئ صح مهما كانت سيىة ولا جميلة يبقى عندها ايقاع ااه يا ايام ليس من المحال دوام الحال

[sweet mimi]

انا صراحة راني محطمة للاخيير
فشلت من نقاطي في الفصل الاول و الثاني بسك قريت بزااف الى درجة ني نرقد على 1 تاع الليل و نوض على 4 تاع الصباح
تعبت بلا فايدة
منيش عارفة واش يصرالي كي نجي نقرا ...نتقلق نخاف و اكبر حاجة مضايقتني انو منركزش كاامل تروحلي في اتفه الاشياء
مقدرتش نعاالج المشكل هدا ....

معنوياااااااااااااااااتي 0000000

[طالبة لها هدف]

تعرفي ريان جيت نحكيلك وحد الحاجة لسع و انا نحفظ تذكرتها حبست الحفظ و جيت نقولهالك
عندي وحد الديفو ديما نستصغر روحي يعني قدراتي
نقول انا مشي قدها مين داك زعما نفوت على تمرين غير كيما نشوف الشكل نتخلع نقول او صعيب ووووو ما نحلوش و نفوتوا
و مين ذاك ننحط في موقف تع لازمك تحلي بالسيف و نرجع لنفس التمرين و نحلوا نوغمال كامل
عييت نتخلص من المشكل هذا مي والو

[عزيزة aziza]

عليكم السلام
فعلا ان شاء الله نستفيدوا ونشاركوا كامل في الموضوع
وبارك فيك يا طيبة



ههههه نشتي واحد يمدحني من الناحية هاذي :1: خاطر نحب بزاف الدومان هذا
دوغيان انا ثاني رح يكون متنفسي بحول الله


اهلا بك
نعم فهمتك اختي
فهمتك جيدا
انا عانيت من المشكل هذا سابقا
ولكني الحمدلله تقريبا تخلصت منو
شوفي حطي في بالك باللي في قاعة الامتحان مهما تغلبتي على الخوف هذاك لي داخلك
بصح دايما تبقالك وحد المشاعر مميزة هكا تحسيها غير فالامتحان
ضرك كل واحد ودرجة خوفه وثقته في نفسه
انتي ماشي ثقتك في نفسك ناقصة
انتي يحكمك سترس في قاعة الامتحان يذهبلك كلش
شوفي كيما هذيك تاع جدول المساعدة
انا نشفى الفصل الاول غلطت غلطة جامي جامي جامي غلطتها ولا توقعت اني نغلطها
في تمرين الكهرباء درت معادلة البيان ومنبعد درت المعادلة الفيزيائية
وباش نطابق بيناتهم عكست المطابقة خرجولي نتائج جامي شفتهم في حياتي
قوليلي برك من العام لي فات وانا نتعلم فالمطابقة هذيك وولى مفروغ منها قوليلي هذا خطأ يستاهل ؟ هذا شي يستاهل نغلط فيه وتروحلي عليه علامة ؟ حماقة صح ؟
انا غاضتني اللحظة هذيك ومبعد قلت لا
لا مهوش الباك
الحمدلله الحمدلله اني غلطت فيها ضرك قبل الباك
او علابيها يقولك تعلم من اخطائك
شتي كي تغلطي بزاف ؟ تتعلمي حاجه اسمها ما لازمش نغلط
بمعنى انك قبل ما تكتبي حاجه على ورقة الاجابة لازم تتاكدي منها اكثر من مرة
ولو 1+1 تأكدي منها لانو احيانا وانتي بالتوتر هذاك يضل في بالك رقم 6 ونتي تكتبيه 7 فما بالك الجداول لي تتخلط
قبل ما تكتبي اجابتك شوفيها اكثر من مرة باش ما تغلطيش
خوذي حذرك من كل شي
ركزي مليح وحي بالك عند كل كل كل كل كل كلمة تقرايها فالتمرين لانها هي المفتاح
و مع هذاك الشعور تاع التوتر بصح صدقيني كي تدخلي في المعركة وجو الامتحان تنساي قاع الخوف هذاك
تولي تحوسي غير تكملي اختبارك ما يهمكش خايفه مش خايفه ..الخ
واجبيبي بتأني ولكن بسرعة
ان شاء الله فهمتيني
معناتها ما تتسرعيش .. اسرعي فقط
اسرعي معناها لاز تكون يدك سريعه في الكتابة ومخك مركز مع الاجابة .. تسرعي معناها مخك سريع في الاجابة ويدك معلاباليش بطيئة ولا سريعه :1: فهمتي الفرق ؟
ضرك كثرت عليك الbla bla
مخ الهدره انك لازم تغلطي بزاف فالدار
صدقيني كون ماجاوش الاخطاء كون ماتجاوبيش صحيح فالامتحان
انا ابسط حاجه تمثيل القوى يعيوني خاطيني الرسم والصوالح هذوك
غلطت فيهم بزاف بصح قلت نتعلمهم باه في الامتحان ما نغلطش
تخيلي كون ما غلطتش فالدار وماتعلمتش تمثيل القوى
رح يستناني الامتحان نهار لي نجوز نتعلم نمثل القوى وهي حاجه بسيطة عليها 0.25 من بين 20 نقطة؟
ايمالا الحل تاعك كثري من التمارين على قد ما تغلطي عى قد ما تفيقي لنقاط ضعفك
على قد ما تتمتن معلوماتك
كيما تغلطي في حاجه تقولي اوااااه لازم خطرة اخرى نتوله ليها ومانغلطش
لازم نركز مليح
هكا هكا حتى تتدربي
وهذا الوقت المناسب لانك رح تولي تحلي مواضيع ورح تتعلمي بزاف من تجاربك واخطائك
اتمنى افدتك اختي
ان شاء الله تتخلصي من مشكلتك
دعواتك شكرا لكي اختي اشعر براحة بعد ماقرات ماكتبته سأحاول قدر الامكان التخلص من هذه المشكلة قبل الباك انشاء الله اختي اريد ان اسئلك بخصوص المراجعة فأنا الان في حيرة هل اكمل البرنامج ثم اراجع ام العكس

[سارة بسمة نادية]

سلام هد ليام منيش حابة نقرا نهاىيا......معلاباليش علاش وكو نقولو خوف راني وصلت لدرجة لا مبالاة تع لهبال......ووو نقرا بالقوسطوووووو ...
كي لحق وقت الصح راني نتبهللل معرفتش واش ندير؟؟؟؟؟؟؟؟؟؟؟؟؟

[pérah tova]

وبدوري التحفيز
موفقووووووون

[pérah tova]

https://scontent-mxp1-1.xx.fbcdn.net/v/t1.0-9/31381222_954671028047326_3007064268586200728_n.jpg ?_nc_cat=0&oh=ea7b08d298f271f363db176733bf588b&oe=5B82E17C

https://scontent-mxp1-1.xx.fbcdn.net/v/t1.0-9/32267069_961451407369288_9141373320103460864_n.jpg ?_nc_cat=0&oh=554d31b5a3d7ea1dd5a7af7c92ca5ea0&oe=5B575681

مقوله مُريحه جدًا
-
لن يُحمّلك الله شيئًا لا تقوى عليه لذلكَ أنت دومًا تسـِتطيع

https://scontent-mxp1-1.xx.fbcdn.net/v/t1.0-9/32267499_960765990771163_8830185948617637888_n.jpg ?_nc_cat=0&oh=af9a6fae7da5fa050510acb564ee9652&oe=5B86E65A

https://scontent-mxp1-1.xx.fbcdn.net/v/t1.0-9/32155669_960732677441161_7183385914125582336_o.jpg ?_nc_cat=0&oh=becc1fe0f5d0781cedc51b46c62aabcc&oe=5B970F4C

في حواراتي مع الله احمل كل دعواتي لله وكلما يأست اقول في نفسي فأستجبنا له
فأطلب من الله بألحاح ولا أخاف من شئ فما دام دعواتي ارسلت للرحيم فسيستجيب

‏‹الاستغفار ، ينفع ، يدفع ، يرفع ، ويشفع


‏اللهم ارزقني قوة الحفظ وسرعة الفهم وصفاء الذهن ،اللهم اللهمني الصواب في الجواب وبلغني أعلى المراتب في الدين والدنيا وكل طالب وطالبه

اللهُم اني استودعتك ماحفظت ومادرست فرده وقت حاجتيّ إليه يارب العالمين ، اللهُم اجعل نهاية جُهدي فرح يارب

يارب إجعل أولها تساهيل وأخرها فرح ، اللهم وفقني وأعنّي في دراستي و يسّر أمري وإجعل نهاية جهدي فرح

[الدرر البهية]

اهلا ريان كيف الحال
شكرة على الموضوع
لكن تعرفي لو كاو نحط مشكلي تفشلو قاع ههههه -نقصر -
ربي يخليك ختيتي

[*أنفآل*]

السلام عليكم ورحمة الله تعالى وبركاته

كيف حالكِ ريااان؟؟

صراحة ، أنا مش عارفة... التعب قاع دار عليا ، ماني قادرة نسهر ماني قادرة نوض بكري ، غي راقدة وكي نوض نوض تعبانة بزاف
كي قرب الباك.....

مي الحمد لله ان شاء الله فيها خير

اليوم كي دخلت صبتكم دايرين تحديات...غاضتني روحي بزاف...بزاف

في أمان الله