طلب نصيحة عاجلة

[مشكلتي]

السلام عليكم
بغيتكم تعطوني نصائح بلا تجريح من فضلكم.
مشكلتي مع زوجي
عندما اطلب منه ان يوصلني او ياخذني الى مكان او لزيارة الاهل يتعذر ويخلق مئة عذر ومايدينيش.
وعندما تطلب منه امه ذالك او اخته يءهب مسرعا وياخذهما الى اي مكان حتى وان كان مشغولا.
قلت له انت هكذا تظلمني ولا تعطيني حقي وغضبت منه فقال اني اراقبه وانه لا دخل لي في ذلك وغضب مني وقام بشتمي.
وهو يظل قاعد عندهم وكي نقولو اعطيني من وقتك شوي يقولي هاذو اهلي وماتتدخليش.
وهو هاملني والله العظيم ملي زوجت ماخرجني لبلاصة نطلب غيى من اهلي يدوني حتى للطبيب والله حشمت منهم.
والغريب انه انسان مصلي الكل يتكلم عن اخلاقه
الا معي احسه سخص اخر رغم كل تضحياتي ولدي معه ولد صغير.
افكر في الطلاق ولكن اخاف الندم .
قولولي واش ندير ارجوووكم راني نضل نبكي.

[زبدة ذايبة]

مانقدرش مانجرحش فيك

لأن ما سأقوله قد يكون قاسيا عليك

واضح أن زوجك لايهتم بك

وكل هذا ليس له إلا معنى واحد.

وهو عدم وجود ميل إليك.

مع أنه يحافظ على الرباط الزوجي

وشتمه لك يبرر عدم وجود مايستحق احترامه لك.

أكيد عندك أخطاء

زوجك لايشعر بالارتياح معك ولا يريد أن يكون معك

ولا يريد أن يحقق لك متطلباتك

ربما هي وسيلة للتعبير على انزعاجه منك.

وعدم وجود ميل عاطفي نحوك.

الحل بين يديك يا أختي

ماتزيديش تحاسبيه على دارهم نهائيا

المودة بين الزوجين ماتجيش بالطلب بل هي تحصيل حاصل لأمور نفسية ووجدانية

ماتراقبيه

ماتابعيه

ماتزيدي تقوليلو راك ظلمتني وتبداي تبكي

كلما شديتي فيه كلما هرب منك وخلاك

أتركيه يدير وش يحب

وأعرفي كيفاش تسيري معاه

إبحثي عن مواطن رضاه دائما

لما يكون زعفان حاولي تفشي زعافو بأي شيء يحبه

ماتخليش موجة الغضب تكبر لأنها تنتهي بتحطيمك أنت

ماشي شرط تهدري معاه

الحياة الزوجية سلوكيات وليست كلمات فقط

أعتبري نفسك في معركة لازم تخرجي منها رابحة

ساهل تطلقي وتروحي لداركم

لكن الأسهل أن تسترجعي زوجك

بما أنه اختارك من بين الآلاف المؤلفة من النساء أكيد يوجد لديك شيء كان يجتذبه نحوك

وضيعتي هذا الشيء بعد الزواج.

90% من حل المشكلات هي أن تعبر أنفسنا جزء من المشكلة

يعني ماترميش اللوم على زوجك فقط

لو كانن يجي يكتب هنا ربما ماتكفيهش صفحات المنتدى.

تصرفات زوجك نحوك توحي بأنه يشعر باليأس من ناحيتك

ومايصدق يبعد عليك

وتهربه من مسؤلياته تؤكد هذا

عاودي راجعي روحك

ورتبي بيتك

وصلحي من شخصيتك ومن تصرفاتك

وحبسي من دور الضحية اللي راكي كرهتي لزوجك حياته بسببها

لدرجة أنه يشتمك

أوقفي على رجليك

تكملي هكذا يولي يضربك ضرب العبيد.

عاودي بدلي استراتيجيات تصرفاتك مع زوجك

هذا زوجك ماشي خوك

كي مايحبش يديك تقوليلو علاش فلانة تديها وأنا لالا

إذا ما داكش فهذا يعني أن ناقوس الخطر قد دق في بيتك

وأن علاقتك بزوجك لازم تراجعيها وتصححي أخطائها

العيب فيك يا أختي

والتقصير منك

وهذا الذي ذكرت لك لاعلاقة له بالزينة والعطور


هذا عندو علاقة بشخصيتك التي باتت تشعر زوجك بالغثيان نحوك.

هذا مالدي

في انتظار باقي الأعضاء يعطولك رأيهم

أتمنى لك التوفيق

[amoulette]

يعني الطلاق عندكم اصبح لعبة
فكري بطفلك قليلا !!
ماذا ستخبرينه عندما يكبر !! طلبت الطلاق لان والدك يحب اهله اكثر مني
هه فعلا امر غريب
استغفري الله و تعوذي به فهذه فقط وساويس الشيطان الذي يريد ان يشتت اسرتك
حاولي التقرب من زوجك و التغيير من تصرفاتك
"يظل قاعد عندهم"
هذه غيرة ههه اذهبي معه انت ايضا و اجلسي معهم و تبادلي اطراف الحديث معهم وتعرفي على شخصياتهم و عقليتهم
ربما زوجك يبحث عن الراحة لذلك يذهب الى اهله حاولي ان تفهميه و اكثري من الدعاء
فالطلاق ليس حلا بل هو هروب من المشكلة
بالتوفيق

[محارب الحمق]

انتي علاش مثلا ماتروحيش معاه لعند أهله. يخيل إلي أنهم كالأعداء؟ كثير من النساء يكرههن ازواجهن بسبب سلاطة لسانهن ووقاحتهن مع أزواجهن (لا اقصدك خصوصا فهو كلام عام) إلى درجة أن يكرهها زوجها ثم تنقلب محتارة وتقول مابه تغير. العشرة بالمعروف تكون من طرف الزوج ومن طرف الزوجة وليس الزوج وحده المعني بها. حسني من طريقة معاملتك ل ولأهله لعله يحسن من طريقة معاملته لك ولأهلك. تفقهي في دينك فأغلب النسوة لا علاقة لهن بالعلم الشرعي. ماكلة ورقاد وجيب لولاد

[محمد جديدي التبسي]

وعليكم السلام ورحمة الله وبركاته
يبدو أن زوجك يشعر بالملل تجاهك الرجل لا يحب المرأة اللي ديما تشكي وتبكي غالبا ستزيد عصبيته معها وممكن يوصل للضرب
الخطأ من جهتك هو أنك تقارني نفسك مع أهله كل حاجة في بلاصتها هو مقصّر معك بلا شك ومخطئ كثير لكن الحل بيدك انت كما قالت الاخت فوق حاولي تسترجعي مكانتك عندو مثلما اختارك زوجة لك اكيد اعجبته أشياء فيك ..الرجل عموما يحب المرأة طيبة القلب الحنونة التي تقابله بالابتسامة مش كل يوم مشنفة وتشكي..ربما بعد الانجاب تغيرت علاقتكما واصبح ابنكما ياخذ كل وقتك؟؟ الرجل سهل ارضاؤه وهو مثل الطفل الصغير والزوجة الذكية تعرف كيف تحافظ على بيتها..ربي يهدي زوجك ويصلح بينكما.

[FATIHA131]

الاخت زبدة ذائبة و الاعضاء كفاو و وفاو اسمعي النصائح و طبقيها
وربي يصلح بيناتكم

[زبدة ذايبة]

هذا مصير أسرة وأطفال.

لا مجال للمقارنة بين النبي صلى الله عليه وسلم وبيننا نحن.

كلنا نعرفةمايجب علينا أن نفعله.

لكن أن تواجهي زوجك على خلفية فرض الشخصية ووضع النقاط على الحروف مارايحة تجني من زوجك سوى الطلاق.

بغض النظر أنه لازم يديك للطبيب و........ وكل الواجبات الأخرى

أنت ماعندك حتى مكان في قلبه.

الله غالب.

لكن عندك حاجات بزاف تقدري تعتمدي عليهم لاسنعادته.

شحال من وحدة كانت بداية زواجها صعبة جدا.

ومع الصبر والحكمة في التعامل مع زوجها أصبح لايستطيع العيش من دونها.

الجمال ماعندو حتى علاقة هنا.

كانت فيك ميزة خسرتيها بعد الزواج.

عاودي راجعي كل تصرفاتك وشوفي وين عندك الغلطة.

هو راه متحمل يقدر ينهي حياتو معاك بطلقة.

لكنه لايريد ذلك.

وانت قاعدة تبكي وتشكي كرهتيلو حياتو.

الحال اللي راكي فيه لايحتاج للمواجهة وقوة الشخصية ورفع الصوت ووضع النقاط على الحروف.

وضعك يحتاج إلى فكر أنثى تستطيع أن تستعيد زوجها.

ماتحتاجي لابرق ولا رعد حتى يحبك ويهتم بك لأن هذا الامر مايجيش بالمطالبة.

المشاعر بين الزوجين تحصيل حاصل لطيب الأخلاق.

اللي يقولك شخصيتك وماشخصيتك هذا كله هراء.

كلما استشعرت رضى الله في زوجك كلما حالفك التوفيق.

روحي معاه بالشوية وتتدرجي معاه.

واعرفي كيفاش تهدري معاه.

واعرفي الوقت الذي تطالبيه والوقت الذي تتجنبيه.

غالبا الرجل يصدق ماتراه عيناه

يعني كي تظلي تهدري مايصدقكش.

العملي عندو أكثر صدق من النظري.

وعلى مايبدو لي والله أعلم أن النظري عندك أكثر.

هذه إضافة بسيطة لك وأستسمح الأعضاء لأنني رددت على المشكلة مرتين.

أتمنى لك التوفيق.

[الدرر البهية]

اختي باينتلي الحل بين يديك
اتبعي ما قالته الاخت زبدة ذائبة
رضيه و لا تتبعيه
سيميل اليك تدريجيا
ربي يفلج عليك
اما الطلاق هدا ماهوش حل خلاص

[tayeb sahnone]

صراحة اختي الفاضلة كرجال تجدين هذه الصفة موجودة في اغلبنا لكن مع القليل من الاهتمام ستحصلين على مرادك
حاولي ان تغيري من الجو الروتيني في منزلك لاا تكثري بطلباتك عليه واياك ان تعاتبيه او تحديثيه عن عائلته انتهزي الفرص التي يكون فيها في افضل احوال على سبيل المثال . كيكون الجيب عامر هههه مثال بسيط والا اليوم لتحسيه فرحان ويضحك والتصرفات التي يقوم بها اتجاهك لا احكم عليها لان الواحد افينا لا يعرف نيته في امر فكيف يعرف نيات الناس مجرد وقت عابر ويمضي وان شاء الله يرزقكم الله بالطيبة والهناء بين بعضكما وابدا لا تفكري في أمر الطلاق فكري في اجر الصبر وثواب الزوجة الصابرة

[عثمان الجزائري.]

ما رأيك في من يقول العكس، و هذا ما سمعته من إمرأة في الحافلة تسب في إبنها و تنعته بفقدان الرجولة لأنه يأخذ زوجته لأي مكان تحب لكن يتحجج بالعمل إذا تعلق الأمر بها أو بأخته، لا شك أن زوجك حسب ما سردت مقصر معك، لكن يا معشر النساء أما، أختا أو زوجة إرحموا الرجال تحاولن جاهدين لجعلهم دمية بين أيديكن و إرضاء الجميع غاية لا تدرك

[الدرر البهية]

هذا مصير أسرة وأطفال.

لا مجال للمقارنة بين النبي صلى الله عليه وسلم وبيننا نحن.

كلنا نعرفةمايجب علينا أن نفعله.

لكن أن تواجهي زوجك على خلفية فرض الشخصية ووضع النقاط على الحروف مارايحة تجني من زوجك سوى الطلاق.

بغض النظر أنه لازم يديك للطبيب و........ وكل الواجبات الأخرى

أنت ماعندك حتى مكان في قلبه.

الله غالب.

لكن عندك حاجات بزاف تقدري تعتمدي عليهم لاسنعادته.

شحال من وحدة كانت بداية زواجها صعبة جدا.

ومع الصبر والحكمة في التعامل مع زوجها أصبح لايستطيع العيش من دونها.

الجمال ماعندو حتى علاقة هنا.

كانت فيك ميزة خسرتيها بعد الزواج.

عاودي راجعي كل تصرفاتك وشوفي وين عندك الغلطة.

هو راه متحمل يقدر ينهي حياتو معاك بطلقة.

لكنه لايريد ذلك.

وانت قاعدة تبكي وتشكي كرهتيلو حياتو.

الحال اللي راكي فيه لايحتاج للمواجهة وقوة الشخصية ورفع الصوت ووضع النقاط على الحروف.

وضعك يحتاج إلى فكر أنثى تستطيع أن تستعيد زوجها.

ماتحتاجي لابرق ولا رعد حتى يحبك ويهتم بك لأن هذا الامر مايجيش بالمطالبة.

المشاعر بين الزوجين تحصيل حاصل لطيب الأخلاق.

اللي يقولك شخصيتك وماشخصيتك هذا كله هراء.

كلما استشعرت رضى الله في زوجك كلما حالفك التوفيق.

روحي معاه بالشوية وتتدرجي معاه.

واعرفي كيفاش تهدري معاه.

واعرفي الوقت الذي تطالبيه والوقت الذي تتجنبيه.

غالبا الرجل يصدق ماتراه عيناه

يعني كي تظلي تهدري مايصدقكش.

العملي عندو أكثر صدق من النظري.

وعلى مايبدو لي والله أعلم أن النظري عندك أكثر.

هذه إضافة بسيطة لك وأستسمح الأعضاء لأنني رددت على المشكلة مرتين.

أتمنى لك التوفيق.
اسمحيلي مي هنا تعرضت اليها
ما ادراك انها مقصرة او شي تاني و ما ادراك حتى انو كارهها ام لا
انت كانك قطعتيها لياس
انا عن نفسي والله بابا داير هكدا لماما
ليس لانو يكرها و لا لتصرفاتها لانو امو الله يرحمها رباتو انو يعيش مع اسرتو قصدي خاوتو و مادرتش لمرتو حساب
يعني انت هنا نشعتيها وحد النشعة زدتيها هم على همها
امة الرحمان قالت كلام جميل لكن كانها قالت انها يجب عليها مواجهة زوجها
في الحقيقة والله راني شفتها مع الوالدين و حكيت مع امي
المهم كاين رجال هدا هو طبعهم
حداااار حدااار تتحداي زوجك و لا تجبريه
لانو مارح يجيبلك غير طلاق
ربي يفرج عليك

[الفتاة السعيدة]

اختي فرج الله همكي
ولكن عليكي بمسايرة الزوج
وتجنب نرفزته

[هـــدوء]

عزيزتي بزاف ناس مش عارفين واجباتهم و مش فاهمين الزواج صح .
و عليه نقولك راجلك ماتكسريش راسك معاه .
تهلاي في روحك .البسي و افرحي و كولي و عيشي حياتك في حدود مبادئك.
المهم قومي بواجباتك الزوجية و الأسرية كما ينبغي .
ماتستناي منو والو .لأنو الحق باين و لوكان جا يفهم راه قام بيك بلا ما تهدري.
إذا عدل روحو مرحبا ماعدلش تكوني تعلمتي تعيشي في غنى عن وجوده.
أما مسألة الطلاق راهي تكون عند استحالة الحياة الزوجية و نظن مازلتو ما وصلتولهاش.

[لمسة ابداع]

واش رايحة نقولك يا اختي ربي يكون في عيونك و الصبر
ممكن زوجك كون تقوليلوعلى كاش حاجة يقولك ايه يحس بنقص رجولة
يعني عقلية زي الشيوخة تاع بكري
حاولي تعرفي نقطة ضعف

كي عاد يحب امه و اخته
حاولي تجبديهم لصفك خصوصا قدامو
بلاك يحن قلبو
و نحي فكرة الطلاق من راسك
انشاااء الله يكبر ابنك و تفرحي بيه حبيبتي

و صدقيني كاينيين بزاااف نساا يعانيو كيما انتي

[رندة.]

ربي يفرج عليك ويهدي زوجك ان شاء الله

[blanche rose]

هذا راجع للبرمجة العصبية لاغلب الذكور
امهاتهم والمجتمع رباوهم على السمع والطاعة للام..
سواء كانت صح او خطأ
ورباوهم ان الرجولة في ظلم الزوجة!!!
وما علموهمش ان بر الوالدين هو الاحسان لهم
وبالوالدين احسانا..
وليس الطاعة العمياء..
ما رباوهمش ان الظلم ظلمات
ودعوة المظلوم مستجابة..حتى ولو كانت طاعة للام وفيها ظلم للزوجة
فلا طاعة لمخلوق في معصية الخالق..
والله عز وجل نهانا عن الظلم
ما علموهمش ان الزواج كله حب ودفء وحنان وتعاون ومسؤولية ووووو
ففي ديننا
هناك مودة ورحمه..ومجتمعنا قلبها..وجعلها قسوة وجفاء😡
و
المهم
هذا لا يعني انه لا يوجد حل
بل الحل موجود..بالتقرب لله عز وجل
والصدقة..ولو باطعام الحيوانات من بقايا الطعام
والتحصين والذكر والرقية وكذا..
هذا من جهة وهي اهم نقطة..
باش الله عز وجل يجعل قلب زوجك يحن
من جهة اخرى
ادخلي لمجموعات الفايس بوك او المنتديات وابحثي عن المواضيع والفيديوهات لتعلم طريقة التعامل مع الزوج..
وهنا تحتاجي لقلب حديدي
ولهجتنا الفقيرة هي سبب دمار اغلبية الاسر
لا توجد مصطلحات رقيقة..كلها خشونة في خشونة عكس باقي اللهجات ..
اذن
ادخلي الكلمات الحنونة والرقيقة والمليئة بالحب في كلامك..
وحاولي ان تجعليها عادة..
تريدين الذهاب لبيت اهلك؟
لا تقولي له..
حاباتك تديني لدارنا..😠💪
بل قولي
حبيبي..او حياتي..او روحي..او عمري..او او او..اذا ماكش تعبان..تعيش اديني لدار بابا توحشتهم..وانت تعرف وحش الوالدين😊.
ما تنتضريش يقولك حااااضر..شبيك لبيك..
اذا قالك لالا
قوليلو براحتك حبيبي..💑
.
حاولي تداومي على استخدام هذه المصطلحات حتى يحن
قلبه..ويتقبلها..ويحس انها صادرة من قلبك فعلا..مش تستخدميها فقط كي تطلبي منو حاجة👍
..
ماشي تقوليلو مرة..وكي يرفض تعاديه وتحلفي ما تزيديش تدلليه😁
..
اكسبي قلبه اولا..
دقدقي باب قلبو مرة وزوج وثلاثة واربعة حتى يفتحهولك..وبعدها رايح يحس بيك..
اذا انطلقي كالفراشة من جديد
اهتمي بنفسك
ببيتك
بابنك
قللي طلباتك وان طلبتها فبكلمة حلوة😊👍 وبحياء العروس..
ودعيه يلعب مع ابنه..
وان قصر..
ارسلي له رسالة..
مثلا
حبيبي ..اميرك.. مشتاق لك😊
واتركي له مساحة من الحرية..
لا تحاسبيه كثيرا..
اجعلي بيتك جنة..مليء بالحنان..يشتاق للعودة اليه🏵
اجعليه يحبك
ولا تفرضي عليه ان يحبك..👍
ربي يسعدك

[أمة الرحمان رقيّة]

سلام عليكم
بلونش روز
كلامك جواهر
شكرا لك

[النجمة القطبية]

كلام بلونش روز الاسلم والاقرب للصواب
اغلب الرجال مبرمجون مسبقا في مجتمعنا ان سماع كلام الزوجة فيه قلة رجولة وبالعكس طاعة الام كلامها يسمع حرفيا ولو كان ضد مصلحة الزوجة
ادن ما تعيشينه يا اختي تعيشه الكثيرات وقد تعيشه نساء اخريات ممن هن مقبلات على الزواج
الموضوع معندوش علاقة بمحبتك او انه يبغضك لسمح الله
فلو قمنا باحصاء ربما تندهشين من عدد النساء اللي عايشين نفس المعاناة
وبما انك تقولي ان زوجك الكل يشهد له بحسن الخلق
ادن هو يحتاج فقط لتصحيح المفاهيم انتي باسلوبك شوية بشوية خليه يعرف ان لزوجته عليه حق
لكن دون مشاداة ومناوشات او اسلوب اللوم والعتاب والمقارنة مع الام على الاقل الان
اعتمدي اسلوب الانثى والزوجة والحبيبة واسترجعي ما هو حقك
لازم يعرف ان من واجباته ان يديك للطبيب انتي والابن نتاعك وحتى لزيارة اهلك ماشي يمن عليك بدلك
اما اهلك فهم ليسوا ملزمين بك ولا بابنك وللاسف هو لم يفكر في هدا الامر لانه معمي عن الحقيقة تماما
عموما حبيبتي ابدئي باصلاح الامور وادا اتعصى عليك يمكنك فقط الطلب وراح نفتحوا موضوع لعيونك في قسم النساء
غالية والطلب رخيص
كل التوفيق حبيبتي

[khawla_eleulma]

الرجال تاع هاد الوقت مزوجهمش الشرع مع كل احترامي للي ميستاهلش المهم اختي بعدي قكرة الطلاق من بالك ولي ديما تضحكي وفيك طاقة وحيوية متعمريش راسك بزوجك لازم كي يدخل للدار يلقاك تضحكي متحاسبيهش ومطالبيهش حتى يكون الوقت مناسب ومتكثريش عليه الراجل ميحبش الشكاية اابكاية كي ميروحش ادارهم انت قوليلو روح ديما سولي عليهم وادا قدرتي روحي معاه بدلي طريقة التعامل انا متاكدة بلي انت تهتمي بيه بزاف ومعمرة راسك بيه اشغلي روحك لازم يلقاك مهتمة بحاجة اخرى غيرو الله غالب هادو هوما الرجال ميحبوش الي يقيمهم بزاف وانشاء الله نكون نصحتك للخير وليس العكس .....