تسجيل الدخول

مشاهدة النسخة كاملة : ❇عااااجل❇ قصة اليوم البارد (شخصيات الحرب الباردة )

سُـــمَـــيَّـــه
2018-05-04, 13:06
السلام عليكم و رحمة الله تعالى و بركاته
صباح النوور على الجميع و جمعة مباركة
بلا مانطول عليكم غادي نجكيلكم قصة اليوم البارد و بعد الانتهاء كل واحد فيكم غادي يخرج و هو حاافظ كامل شخصيات الحرب الباردة دون أي مجهود فكري نبدو :
تدخل للدار في ليلة باردة و السميقري داير رااااي
تحل الباب تلقى هرة (هاري ترومان ) تعجبك بزاف تقول شحالل شااابة هادي بومبة ( أمر بتفجير ناكازاكي و هيروشيما ) تنطقلك الهرة تقولك اللي تتطرطق في وجهك (مفجر الحرب الباردة ) تخليها و تروح للكوزينة تلقى جاجة مشرملة (جورج مارشال ) رافدة ستيلو و تخمم (كاتب الدولة ) تقولك روح اخطيني خلطتلي مشاريعي (مشروع مارشال ) تغتجئ (خخخ بيناتنا هادي ) و تحل الفريجيدار تلقى حبة جومبو حداها حبة كيري (جون كينيدي ) و حداهم بيضة صغيرة شابة ( اصغر رئيس للو م أ ) (كان ضد العنصرية) تاكلها تلقاها فاسدة (مات مقتولا ) تهرب للتواليت كي الصاروخ (عرفت فترته حرب الصواريخ في كوبا 1962 )
تجيك الغمة تحل التاقة تلقى برة رونالدو مgاري الميغان تاعه (رونالد ريغان ) و خايف عليها مكاش اللي يلمسها ( كان متشدد و محافظ ) و ديك اللوطو تبرقش كي النجوم ( حرب النجوم ) تخرج برا تهبط راسك تلقى 3 فرنك وسخين كي الزفت (فرانكلين روزفلت ) (ثالث رئيس لل و م أ ) تضحك تقول ياااه هادو تاع بكري ينطقولك يقولولك : حنا اللي خرجناكم من الازمة ( أنقذ بلاده من الازمة الاقتصادية 1929 ) و يضحكوا (جلب النصر لبلاده في ح ع 2 )
تشم روحك تلقى روحك فاااايح تروح للدوش تسمع السبالة ترشش (ريتشالد نيكسون ) تقول هادو سبابيل شنوة (اول رئيس امريكي يزور الصين )
و فجأة تتفكر اليهود الصهيون الكلاب (دعم الصهيونية ) تخرج زعفان من هادا النهار المشؤوم تقول هادي و الله تشرشيلة (ونستون تشرشل ) فجأة ترفد راسك تلقى كادر تصويرة ايليزابيث الشيبانية (رئيس وزراء بريطانيا ) تروح تلمسه تلقاه مكادري بالحديد ( صاحب مبدأ الستار الحديدي ) تكره صايي
تروح تخرج الزعاف في الماعين تحل الخزانة تلقى ايزيس في الخرنة (ايزنهاور ) و وحححدة في الخزانة فاااارغة (صاحب سياسة ملأ الفراغ ) تقعد تخمم كيفاش جا وحده هنا (مشروع ايزنهاور )
في الاخير تروح تتفرج التيلي تلقى برنامج #الحياة مع السوفيات# تلقى زوج بنيادم واحد رافد ستيلو (ستالين ) و واحد ياكل الخرشوف (خروتشوف )
في زوج عندهم مزرعة يحكموها (رؤساء الاتحاد السوفياتي ) و في زوج شايعين في بلادهم (دعموا الشيوعية ) بصح مول الستيلو يبغي الحرب و الخرشوف يبغي السلام ( ستالين رفض سياسة التعايش السلمي و خروتشوف دعمها ) فجأة ....... يجي واحد رافد صابون دوف يقولوا آآآه هاهوا جانا دوف (جدانوف ) يقولهم نتوما اخوة ماتتقاتلوش ( دعا الى توحيد الاحزاب الشيوعية ) موراها دخل عليهم عسكري عنده النيف (بريجنيف ) (قام بتدخلات عسكرية في مناطق عدة ) قالهم اجرو اجرو غورباتشوف راه بردلها بمخططاته الفاشلة (اصلاحاته الفاشلة التي بسببها انهار الاتحاد ) و راحوا كاااامل يجروا و هنا انتهى برناج #الحياة مع السوفيات# و نتا صايي رقدت راك في سابع نومة
انتهى
ههه و دوك حاول تتفكر القصة تلقى روحك حاافظ كامل شخصيات الحرب الباردة
دمتم
ماتنسوش سورة الكهف اليوم
djihan jojo
2018-05-04, 13:11
السلام عليكم
مكملتش قرايتها هههه
بصح عجبتني راح نكملها
بارك الله فيك
سُـــمَـــيَّـــه
2018-05-04, 13:12
السلام عليكم
مكملتش قرايتها هههه
بصح عجبتني راح نكملها
بارك الله فيك

بلا جميل ختي مي حاولي تقريها كاملة فعلا أنا فادتني بزاااف
djihan jojo
2018-05-04, 13:32
قريتها كاملة رووعة
يعطيك الصحة اختي
اذا كاين كيما هاذ النوع في الوحدات الاخرين حطيلنا منهم اذا تقدري
ربي يحفظك
اسلام123
2018-05-04, 14:02
بارك الله فيــــك
نسقسيك نتي عقبتي الباك من قبل ؟؟
سُـــمَـــيَّـــه
2018-05-04, 14:07
بارك الله فيــــك
نسقسيك نتي عقبتي الباك من قبل ؟؟

و فيك البركة خويا
لا هادا عامي لول
Mr.R
2018-05-04, 15:09
شكرا جزيلا أختاه
قصة شابة بزاف ههه
خطرة على خطرة نقراها نلقا روحي حافظ قاع الشخصيات
ندى ندوشة
2018-05-04, 15:43
شكرا سمية
حقا قصة رائعة اشعرتني بالنوم ههههههه
لا بالطبع هي مفيدة جدا وتخلي الواحد فينا يحفد قاع الشخصيات
مرسي ختيتو
ilyes1996
2018-05-04, 15:44
نددددددىى معليشش نديرا تحديات
ندى ندوشة
2018-05-04, 16:26
نددددددىى معليشش نديرا تحديات

قصدك انا؟؟؟
ilyes1996
2018-05-04, 16:27
ايهه نتياا ههههه
سُـــمَـــيَّـــه
2018-05-04, 16:32
ايهه نتياا ههههه

الايميل ماقدرتش نرسلهلك في الميساج نهدرو en groupe فالواتساب ؟
ندى ندوشة
2018-05-04, 16:33
هههههه سمحيلي شويا الكتبة ما هيش باينة
انا نوافق ماشي ما نوافقش مي راني متاخرة بزاف
انتي كي راكي مع الدزاسة ؟؟؟؟
ilyes1996
2018-05-04, 16:34
واتساب ما عنديشششش ايميلل ديري فراغاتتت تقدر ترسليهه
ندى ندوشة
2018-05-04, 17:07
واتساب ما عنديشششش ايميلل ديري فراغاتتت تقدر ترسليهه

كيفاه ما فهمتش؟؟؟؟
ilyes1996
2018-05-04, 17:09
ههههههههه مشي نتي على عندي باكك
نتي اسفة ما جاوبتككش
انناا الحمدد لله كملت فيزيك ودرت ملخصات سيبونن ومام هندسة مدنية كملتت معاهااا و رياضياتت مازال هندسة فضائيةة وحفط مليح لا مانسيتهمشش اما المواد الادبية لا اعلاقةة هههه
ندى ندوشة
2018-05-04, 17:20
هههههههههههههههه
شعبة نتاعك تقني رياضي؟؟؟
ilyes1996
2018-05-04, 17:21
وي تقني رياضي عندك ايميل نتياا
ندى ندوشة
2018-05-04, 17:23
لا كان عندي مي تبلع
ilyes1996
2018-05-04, 17:23
امممم اوك ههه
ندى ندوشة
2018-05-04, 17:25
اوكي
لا خصك حاجة راسليني في الخاص
بغيت نسقسيك نتي بني ولا ولد ههههههه
ilyes1996
2018-05-04, 17:27
اننناا بنتتت هده عضوية اخي فقط
ندى ندوشة
2018-05-04, 17:35
hhhhhhh
aya kima 9oltlak
ida kan khasak hadja rasslin b les messages
good luck
عمـــآر_10
2018-05-04, 22:18
سأخذ الموضوع واضعه على شكل فيديو فاليوتوب ؟
هل يمكنني ذلك ؟
طالبة لها هدف
2018-05-04, 22:25
سأخذ الموضوع واضعه على شكل فيديو فاليوتوب ؟
هل يمكنني ذلك ؟
مدلي اسم قناتك نقرعج فيها شوية _معليش !!_
سُـــمَـــيَّـــه
2018-05-04, 22:56
سأخذ الموضوع واضعه على شكل فيديو فاليوتوب ؟
هل يمكنني ذلك ؟

وي مكاش مشكل
عمـــآر_10
2018-05-04, 23:04
مدلي اسم قناتك نقرعج فيها شوية _معليش !!_
هنا (https://www.youtube.com/channel/UCM2n2nQKDwipMPs97dZecWA)
القناة جديدة
انقل المواضيع من المنتدى واضعها فيها ههه
youyou16dz
2018-05-04, 23:11
إبداع و الله شكرااا جزيللااااا وبارك الله فيك و ربي يعطيم ما تتمنى
Qu_een
2018-05-05, 19:42
قريتها كاملة رووعة
يعطيك الصحة اختي
اسلام123
2018-05-05, 20:00
و فيك البركة خويا
لا هادا عامي لول

بالتوفيق أختي ... ♥

هل تقومين بحفظ كل دروسك هكذا ؟ على شكل قصة ؟ الاجتماعيات لم ابدا فيها بعد لاني اجد صعوبة معها على عكس الشريعة
سُـــمَـــيَّـــه
2018-05-05, 20:13
بالتوفيق أختي ... ♥

هل تقومين بحفظ كل دروسك هكذا ؟ على شكل قصة ؟ الاجتماعيات لم ابدا فيها بعد لاني اجد صعوبة معها على عكس الشريعة

وي هادي الطريقة تساعدني بزاف مانيش معتمدة عليها كليا مي الحاجة اللي تجيني صعيبة نحولها لقصة
ربي يوفقك
اسلام123
2018-05-05, 20:33
وي هادي الطريقة تساعدني بزاف مانيش معتمدة عليها كليا مي الحاجة اللي تجيني صعيبة نحولها لقصة
ربي يوفقك

ماشاء الله