طريقتي في غسل ملابس الاطفال في الة الغسيل الاوتوماتيكية

[ninaricci]

احبائي اليوم الة الغسيل الاوتوماتيكية راهي دارت تقريبا شهر عندي ورايحة نقيمها للي عندها استفسار عليها هي راهي رائعة قليلة عليها مع الاول ما خرجتش عليها لكن بعد ما سقسيت في المنتدي افادوني البنات والحمد لله راهي تغسل مليح المهم طريقتي هي كالتالي :
شريت صابون بينغو للالة الاوتوماتيكية راني نرنخ فية القش قبل ما نحطو فيها بعد حوالي ساعتين الى 3 ساعات نروح نحط هذاك القش المرنخ في الة الغسيل و نضيفلوا بوشون سائل اورو لغسل الملابس في القجر الخاص بالالة يعطيه رائحة ولا اروع ويزيد يعاون في التنظيف وندير نظام 30دقيقة يخرجلي القش نظيف يللش وريحتو روعة.
بينغو يدير 75الف 3كغ و اورو يدير 58 الف 3لتر يعني المجموع 133 الف تشدلك تقريبا 4اشهر احسن من اريال سائل 3 لتر ب130الف يحكملك شهر ونص:19::19::19::19:

[nihal159]

يعطيك الصحة نينا؛ ماكنتش نعرف سائل الغسيل أورو؛ درك نوصي راجلي يجيبهولي؛ شكرا حبيبتي لأنك مابخلتيش علينا و شاركتينا تجربتك.

[ninaricci]

حبيبتي نهال سائل اورو منتوج اسباني رائحته رائعة جدا وينضف الملابس

[amira19]

يعطيك الصحة اختي موضوع ممتاز انا تاني نغسل ببينغو هايل وريحته تسخف لكن كاين بعض الطاشات ما يتنحاوش نضطر نحكها بيدي بصابون الحجرة قبل ما نلوحها تتغسل

[ninaricci]

اختي اميرة 19 كي ترنخي في بينغو حوالى 2الى3 ساعات البقع الصعبة رايحة تتنحي وحتي اذا بقات طاشة صغيرة تحكيها ثانية بيدك تتنحي ثم ثم

[amira19]

شكرا على النصيحة حبيبتي كيفاه ترنخيها انتي ف باسينة مع شوي ما ولا مباشرة بوضع البرودوي عالطاشة

[ninaricci]

اختي اميرة 19انا راني نرنخ في بانيو نتاع نيلون ماء ساخن +كاس بينغو نذوبو فيه ونحط الملابس من 2ساعة الي3 ساعة ومن بعد نبدا نحط الملابس في الالة بلا ما تعصري يعني ما تعبي روحك ما والو واللي شفتيها فيها طاشة حكيها شويةتتنحي ثم ثم واذا كانت صعبة ما بغاتش تتنحى ديري عليها مباشرة سائل اورو وحطيها في الغسالة مباشرة وديري نظام نصف ساعة ورديلي بالخبر