توضيح

[فافا مينوشة]

السلام عليكم خاوتي انا عاملة بقطاع الادارة ( بلدية) برتبة ملحق رئيسي للإدارة
اليوم صباحا وصلت متاخرة للعمل بعدها بنصف ساعة استدعاني المسؤول رئيسي بالعمل ملاحظة فقط موالف هو لما نستأذن منو أو نترخص منو يقولي مكش مشكل قضي امورك ...
مهم لما دخلت عندو وفي يدي ورقة الإستفساركان حطهالي في المكتب وملأتها بلعذر انو مشاكل نقل وكذا
لما دخلتهالو رماها على طرف المكتب ديالو وقالي فريال وش هاذ المشاكل والغيابات لي راكي ديري؟؟؟ انا قتلو شيخ أولا النقل وهو طار فيا تقريبا قع زملائي وزميلاتي سمعو قالي وش ترونسبور يا مخلوقة راكي تسكني غي في الدورة قتلو شيخ بصح كنت نستاذن منك وترخصلي قالي والقصاير قتلو قع العمال كي متكونش لخدمة نتبادل اطراف الحديث قالي نحوس الإنظباط قتلو علاش كاش نهار لقيت خدمتي مشي مخدومة؟؟؟؟؟؟ قالي الانظباط وبس قتلو خلاص نخدم خدمتي فدار ونجيبهالك كي تحوس على الإنظباط ثم تقلق وقالي درك نحولك لمجلس التأديبي قتلو مشي مشكل نقلهم انت كنت تخليني وتسمحلي بلخروج تم جن جنونو وكتب طلب خطي قالي عشية عشية نطلعها للبارسونال اني خايفا بزاف ومقلقةعشية طلبت اعتذرتلو كيما قاتلي زميلتي قالي اخرجي عليا برا قتلو نحكي معاك بشان الشكوى قالي بجاه ربي اخرجي قتلو شيخ متعيطش عليا راني مراة وقتلو شعال من واحد كان يسكيفي بنت غي انا ممبعد خرج هو من المكتب وبقيت سنيت دقيقة وخرجت
ممكن تفيدوني وش يقولولي في مجلس تاديب

[nina hnina]

ان شاء الله ميكون غير الخير وربي معاك

[رندة.]

ربي يفرج عليك، وان شاء الله ما يكون غير الخير.

[محارب الحمق]

أولا هو مديرك ومن حقه أن يحاسبك على تأخرك فأنت لما وقعت عقد العمل وقعت على بنود تتضمن العمل من الساعة كذا الى الساعة كذا وراتبك تقبضينه على هذا الأساس. ثانيا حكايتك تفسر رغبة الرجال (لا أقول أشباه الرجال) في البحث عن الزوجة الغير عاملة. ثالثا, مشكلتك تحل حسب نوعية مديرك هذا. هل هو من النوع الذي ينسى ويهدأ ويغير رأيه بعد الغضب أم أنه من النوع الذي يجعلك تدفعين الثمن مهما طال الزمن. ان كان من النوع الثاني فلاداعي من وضع أنفك في التراب وان كان من النوع الأول فحاولي معه بعد أن يهدأ. لا أعتقد أن العقوبات ستكون كبيرة وأقصى ما يمكنه أن يفعله هو الخصم من الراتب. وحقيقة عملك هذا لا يليق بك ولا بالنساء. كما أنصحك بالانقاص من حدة لسانك لأنه يجلب لك المشاكل ولا أستبعد أنه احد أسباب طلاقك (لا كلها)

[nihal159]

ربي يفرج عليك إن شاء الله؛ كون قلتيلو بنتي باتت مريضة و راني جيت روطار باش نطلب إجازة ماجيتش باش نخذم؛ و الله غالب ضروفي تحتم عليا الغياب ليوم.
نورمالمون تخدمي فالإدارة تكوني تعرفي لقوالب لي يخرجوك من المأزق كي الشعرة من لعجين.
تقوليلو كنت تسمحلي نتأخّر؟؟؟؟ واش حبيتيه يجاوبك؟؟؟؟؟؟ المسؤول كان يسمحلك تأخري بدافع إنساني لأنو مقدّر ضروفك الإجتماعية و تأثير الطلاق على نفسيتك؛ لكن درك خلاص؛ لازم تنتبهي على تصرفاتك.
و أصلا بنتك مازال ماكملتش عام؛ يعني عندك الحق في ساعتين رضاعة؛ إذا وقفتي فالمجلس التأديبي؛ قولي عندي طفلة بيبي و ترضع و أنك عندك الحق في ساعتين رضاعة يعني ماجيتيش لعملك متأخرة.

[Elwawy]

مستحيل أن يعطيكي مجلس التأديب الحق أو يستمع لكي أو يسمح لكي بالدفاع عن نفسكي, شيء معروف في كامل القطر في المؤسسات التربوية أو في المؤسسات العممومية.

يجب إحترام المسؤولين و عدم إنتقاص من قيمتهم مهما كان الأمر و مهما كان مستواهم أو صفاتهم.

لا تتحجج أبدا أن الأخريين يقومون بنفس الشيء, سيزيد ذلك من حدة المشكل.

لابد أن نجعل ألسنتنا وراء عقولنا و ليس أمامها,

ربي يوفقكم جميعا.

[فافا مينوشة]

نشكركم بزاف على المعلومة اليوم صباحا دارلي إنذار فقط دون احالتاي على المجلس التاديبي وقالي انو اخر مرة نزيد نشد معاه بالكلام شكرا لكم

[Elwawy]

ربي يوفقك أغلقي الموضوع