هذه القصيدة على الشهداء اللدين توفوا الطائرة العسكرية [الأرشيف]

محمد علي 12

2018-04-20, 20:28

هذه القصيدة على شهداء الي ماتو في طائرة عسكرية
جاني 10 ايام وراح عليا
قالي كن صبت منروحش ونخليك
بصح الله غالب مجاتش بيديا
الدولة تعطيك 10ايام تشوف والديك
وكن ندير روطار يحسبوهالي قضيا
ويلعبولي بخبزتي وانا نخدم عليك
مدامني كاين فدنيا متخصك حتا حيا
نصبر للتعب للغربة المهم نخدم ونعطيك
قتلو انا تهمني نتا متهمنيش الشهريا
روح الله ينور طريقك راني راضيا عليك
سلملي على راسي وزير عليا
وقالي يما نحبك بزاف ونبغيك
مذابيك كنجي خارج ملباب مطليش عليا
كطلي نحس راني رايح منوليش ليك
قتلو صحا خرج مصبرتش دمعت عينيا
وطليت صبتو صاد وراه ويخزر فيا
حسيتو حابا يقولي حاب نرجع ليك
بصح انا راجل ندرت للميزيرية
ربيتيني في صغري ككبرت يليق نخدم عليك
هو راح فليل وفصبحا عيط ليا
راني راكب فطيارة ذوك شويا نقلع من بوفاريك
قالي دعي لصحابي ومتنسايش دعي ليا
قتلو طريق سلامة ليك وليهم وكتوصل عيطلي راني نستنا فيك
وعلى تسعا ونص شفت فتيلي سقوط طائرة عسكرية
عيطتلو هدرت الكاسات رقم مراسلكم مغلق لايمكنه الرد عليك
حسيت بلي ولدي مات وتأكدت كعيطو ليا
وقالولي هذا قدر الله عظم الله اجرك انت وذويك
بكيت وعيطت وعلى الغالي شتا صرا فيا
ياحبيب قلبي قلي كفاش نقدر نعيش بلا بيك
موالف ترجعلي بعد شهرين وشويا
وهاذ المرة رحت بلا رجعا وخليتني محروقا عليك
خليتني وحدي وكويت قلبي بألف كيا
وراني غير نتفكر كقتلي كلمة نبغيك ونموت عليك
منڨول