ضائعة

[مشكلتي]

طوال مدة حياتي لن ابع او اشكي لشخص همي فقد كانت جميع صديقاتي تشاركنين همومهم وكنت دوما انصحهن ونصبرهم حتى ان منهم من كانت تتحدثني حتى على مشاكلها العائلية الخاصة ولكن ان لم افضفض لشخص همي مهما صار لقد كنت احمل في قلبي كل شيئ رغم صغري سني لدرجة اني دوما كنت ابدو للجميع اني سعيدة جدا بل الكثير من صديقاتي كانو يحسدنني
دائما عندما تحدث مشاكل بين افراد عائلتي اسارع الى الاصلاخ بينهم وفك النزاع مع العلم ان هذا المشاكل متكررة بل بالاحرى لا تنتهي
مع اني صغيرة البيت ولكن طوال مدة حياتي وان اتحمل ماهو اكثر من عمري حتى ان امي دوما تناقشين في جميع امور المنزل يعني تشاركني همومها
لكن حقيقة انا كرهت لانا هذه المشاكل تؤثر على دراستي بل حتى على شخصيتي
يعني قررت مانزيدش نكسر راسي وننعزل عنهم مام كي نسمع العياط ما ندخلش ولكن كل مرة نحاول ندير هكا بصح مانقدرش
واعلم اني لو استممرت في هذا ساضيع مستقبلي ونفسي
حتى اني كنت من المتفوقات دوما ولكن الان في الجامعة مستوايي ينزل تدريجي وهذا كله بسبب مشاكل ومازاد الطين بلة اني كتومة جدا يعني دايم نتظاهر بالقوة قدام الناس وما نهدر حتى واحد

كيف يمكن ان اتجاهل ما يحيط من حولي
اريد ان انزل عنهم
ما العمل

[مصطفى_س]

السلام عليكم
الامر جد بسيط
ساعدي من تستطيعين مساعدته و لا تهملي نفسك ،لا إفراط و لا تفريط
ما أجمل الاصلاح بين الناس و لكن ليس على حساب صحتك أو وقتك مثلا هذا كل ما في الامر

بالعكس من يصلح بين الناس يتميز بالحكمة و الرزانة و حسن الخلق لذا احمدي الله


بالتوفيق لك و تأكدي أنها ليست مشكلة فقط اعادة ترتيب اولوياتك

[الباحث الجديد]

ربي يوفقك اختي

[زبدة ذايبة]

كلامك متناقض وفيه من حب الذات الكثير الكثير

من جهة تقولي أنا صغيرة البيت ومن جهة ثانية تقولي لمدة طويلة وأنا نتـحمل مشاكل البيت

وش درتي يعني ؟؟؟؟؟؟؟؟

خدمتي على داركم ؟؟؟؟؟

زوجتيهم ودرتيلهم العرس؟؟؟؟؟

شاركتي في حرب التحرير ؟؟؟؟؟

وكأني بيك لو كان تخطي هذ العائلة رايحة تنهار

على زوج كلمات قالتهملك الوالدة وليتي تقولي تحملت وتحملت وتحملت!!!!!!!!!!!!!!!!!!!

وش تحملتي

ياربي هذا وين بديتي تقولي بسم الله

مازالكي رافدة المحفظة تاع الدراسة

وش حسبتي روحك ؟؟؟؟؟

أنت فرد من العائلة

إذا حاولت يكون عندك دور في داركم هذا بلامزيتك حنونة

الناس راهي راهي تصلح مع البراوية فمابالك بين الإخوة

مشكلات البيوت لاتنتهي مهما حاولنا

لأننا ببساطة مختلفون

كل واحد يحاول يساعف الثاني

وبالنسبة لدراستك ماعندها حتى علاقة

الناس قراو على ضوء الشموع وخرجو عباقرة

ماتخلطيش شعبان في رمضان

شخصيتك هشة

وتحبي تعيشي بأسلوب معين

اللي هو

كي تنفحلك تكوني مصلحة في داركم تتدخلي حتى تحسي بمدى أهميتك

ولما تنصلح الأمور ويستتب الأمن في الدار تحبي تجبدي روحك عليهم

وكأني بيك تندمي علاه دخلتي روحك

وماعندي علاه نزيد نكتب حاجات أخرى موجودة بين السطور.

لذا ياعزيزتي

هذ الناس أهلك

وهذيك أمك اللي ولداتك ورباتك

وإذا قعدت معاك تقصر وتفرغ وش في قلبها

فهذا مايعنيش أنها غير قادرة على تسيير دفة الأسرة

أنت بنتها

ماراهيش رايحة تجيب بنت الجيران وتهدر معاها

ماتكونيش أنانية تشوفي غير وش يخرج عليك

هذ التعاسة اللي راكي تحسي بيها سببها أنك غير مخلصة في تدخلاتك في بيتكم

لو كان جات عندك النية الصحيحة والسليمة تجاه أفراد أسرتك لو كان ماحسيتيش بهذ الأحاسيس

دفء الأسرة مايعوضها حتى شيء

عاودي راجعي روحك

جزء كبير من التعاسة اللي راكي عايشتها صنعتها يديك وبسببك

والنجاح في الدراسة ماعندو حتى عامل سوى الاجتهاد.

رب يوفقك

[هـــدوء]

شحال طول حياتك عزيزتي ؟؟ 50 -60 سنة ....
حبسي ما تربطي فشلك الدراسي بمشاكل البيت
راكي جزء من العائلة منك منهم
و لا أوقات الفرح تكوني حاضرة و أوقات القرح تبداي تشكي
الشي لي ديري فيه اسمو بالعامية تاعنا التسيتيت و الدلال.

[زهرة جوري]

بالعكس عاونيهم في حل المشاكل و لكن نظمي وقتكي فانت لك اولويات

[أم عبد الكريم]

نتمنى نكون كيفك كتووومة ....ربي عطاك هبة لا يتمتع بها الكثيرون ....انا نصيحتي ابقاي ساعدي لي يحتاح نصيحة بصح متهزيش في بالك بزاف يعني كي تفض تفض و خلاص و ركزي في الدراسة افضل

[لمسة ابداع]

مكانش دار في جزاااير مافيهاش المشاااكل
انا في العشيرنات شعري شااااب
صحاباتي كامل يفرغةلي قلبهم بكل بسااطة مناه يرتاحولي
ماما ديما تحكي لي على المشاااكل اللي جوزت في حياتها
مشاكلي الله الوحيد اللي يعلم بيها
بصح دااائما نقول الحمد لله
حطي السجادة و ابكي لربي اكيد رايحة تتحل مشاكلك

[amina.77]

اولا مازالك صغيرة
تانيا لي يكون جابد و الله اعلم تبانلي احسنلو مهما كان

[first first]

اصلح الله احوالك
تعقيب بسيط على تدهور مستواك في الجامعة......هذا عاذي غالبا مايحدث عندك مشاكل اولا...فالدراسة تتغير.... والاجهاد يزيد.... وغالبا حب الدراسة والخوف من النجاح يقل... عوامل كثيرة تؤثر....ومع هذا ممكن تدارك الامر بحلول انت قادرة على ايجادها.
شخصيتك كتومة......شخصية راءعة.....ولكن لاتخزني ماهب ودب وتمرضي عمرك.....صحيح التبراح والتشاكي لاطائل منه كذلك واحد راسو راح يطرطق من السطر وهو كاتم وغير قادر يعبر عن امور بسيطة قد يسعفه احدهم بالدواء ويتحل المشكل.
اخيرا ......خدي الامور ببساطة اذا على المشاكل ماكنش لي ماعندوش مشاكل........متى ماستطعتي ادخلي بالخير بين اهلك.....متى استصعب عليك الامر خذ فترة نقاهم من المشاكل....وربي يقدرك.
نعطيلك مثال وقيسي عليه....جربي احملي كاس بل فنجان صغير بيدك وارفعيه قليلا لمدة طويلة طبعا ستتعب يدك وتعجز عن مواصلة رفعه......لكن لو رفعته لفترة ثم ارتحتي لتعيدي رفعه مرة اخرى فلن تشعري بذاك التعب والعجز......هكذا مع اي شيء في الحياة
اتمنى ان يصلك المعنى وحسب.

[الفتاة السعيدة]

اختي.عليك..بمساعده.الناس.بدون.افراط.او.تفريط