ضاع مستقبلي

[Dr.imy]

سلام
ادرس اولى صيدلة راني في حالة الآن مانتمناها لحتى واحد....الفصل الاول راح و المعدل كاش7 ولا أقل :o ودوكا راني نقرا فوق القلب حاسة بالضيااااع وماعلاباليش اذا نخدم ولا لالا يعني جربت plusieurs methodes بصح واحدة فيهم ماصلحت جربت نفهم لقيت علامات كارثية ونفس الشيء حفظت كيفكيف العلامات يعني وحدة مافلحت معايا...ودوكا مابقاوش بزاف للامتحانات وراني خايفة لازم المعدل يكون فوق 12 ويا ربي اذا طلع المعدل العام10:sdf: مالقيتش لمن نفرغ قلبي سمحولي طولت عليكم
بالله عليكم محتاجة دعواتكم لان دعاء الغريب مستجاب وربي يوفق الجميع ان شاء الله:)

[kacimo.samy]

السلام عليكم
بالعقل برك غيري منهجية حفظك ومراجعتك
اليك بعض طرق تقدري تجيبي معدل 14 وفي المواد حتى 17
اول شئ سقسي اكثر من واحد يدرس سنة 4 او 5 عن طريقة المرااجعة
ثانيا حلي مواضيع اختبارات سابقة
وبتوفيق اختي

[نبض قلبي]

من الأحسن أختي سقسي اللي يقراو السنة 2 لانو يكونو قراب منك و شافيين على كلش
ثانيا: ليكور لازم تقراي و تعاودي
على الاقل الكور الواحد عاوديه 3 مرات
المرة الاولى اقرايه و افهميه مليح
المرة الثانية كي تكملي قرايتو احفظيه و زيدي عادي للمرة الاخيرة
من بعد كل فترة اضربي طلة عليه لانو راح تلقاي روحك ناسيتيه لكن كي تغاوديلو تتفكريه بالمليح
المهم الاساس انك تكثري عدد المرات الللي تقراي فيهم الكور
بالنسبة للبيوشيمي و الفيزيك و المواد اليي فيها تيدي
اقراي الكور مليح احفظي القوانين و عاودي حلي التيدي تاعك
نفس الشيء مدة من مدة زيدي عاودي حلي التيدي
هذي هي المهم و الاهم تعاوي و تعاودي جامي تغفلي و تقولي نخلي لليلة الكونترول لانك ماراح تشفاي على والو
و اكيد لازم تحلي ليكونترول باه تعرفي كيفية طرح الاسئلة كيفاه تجي
بالنسبة لطريقة الاسئلة يكونو اما كروك و هي عبارة عن تمارين تحلوهم عادي كيما في الليسي
qcm و هو يعني سؤال عندو قداه من اجابة
qcs يعني اجابة واحدة
من الاول لازم تعرفي طريقة التصحيح اللي راح يديروهالكم
كاين tout ou rien معناه اما تجاوبي على كل اجابات السؤال صحيحة او تدي 0
و كاين partielle و هذا تقريبا اللي ديما يديرو بيه
شوفي مالازمش تكوشي على أي اجابة
لوكان ماتكونيش متيقنة من اجابتك ماتكوشيش لانو الاجابة الغالطة راح تديلك السؤال
نتمنى انو نكون عطيتلك نظرة عامة
كشما حبيتي تستفسري موش مشكل سقسي
بالتوفيق

[nihal159]

ربي يوفقك إن شاء الله؛ كالمي روحك؛ تنفسي نفس عمييييق باش تقدري تركزي لأنك مخلوعة و ذاخلة بعظاك.
هذي المرحلة جزنا عليها كامل؛ أغلبنا مالقيناش حسابنا فالسنة الأولى، نصيحتي ليك راجعي دروسك مع مجموعة من الطلبة؛ حنا كنا نتلمو في مكتبة الجامعة و نراجعو مع بعض؛ من بعد كي تعلّمت منهم طريقة المراجعة و كيفاش نتقدّم بسرعة في فهم و حفظ الدروس ؛ جبدت روحي و ولت نراجع وحدي؛ لأني أفظّل الهدوء أكثر باش نقدر نركّز.
المهم أختي مازال الثلاثي الثالث و نقاط التيدي إن شاء الله تقدري تصوفي العام.

[عثمان الجزائري.]

هناك خلل ما في أسلوب مراجعتك، يجب أن تجدي المشكل لتعرفي الحل

[hayla.star]

اختي صادفت حالات كثيرة مشابهة لحالتك
لاتحزني اضن ان السبب هو في تراكم الدروس والقلق من نتائج السداسي الاول
اول عمل يجب ان تقومي به هو الاتكال على الله عز وجل وتسليم امرك اليه ادعيه فإنه قريب يستجيب دعوة الداعي ادا دعا
ثانيا لا تخمني في السداسي الاول دعيه انسي ...( هناك ما يسمى بالراتراباج اعادة امتحان في المواد التي رسبت فيها )
اجعلي تفكيرك فقط في هدا السداسي السداسي الثاني ركزي مع المواد . ..ذكريني بمواد هدا الفصل لعلي استطيع ان اساعدك ولو بملخصات او بدروس لان طالبة بيولوجيا وهناك مواد مشتركة بيننا .... ساساعدك في تحصيل هدا المعدل فقط اكتبي لي قائمة المواد التي تدرسينها هدا الفصل .
ان كانت لك صعوبة في فهم الدروس فعليك ترجمتها للعربية اولا لكي تفهمي محتواها بعدها لن تجدين صعوبة فقط تراجعي المادة وتدهبين للامتحان وانت مسرورة
وان كانت مادة قواعد وقوانين تحتاج الى بذل جهد وحل تمارين فجهدي نفسك فيها واعيدي حل td hgjd تدرسينها

لي عودة للموضوع

[amoulette]

السلام عليكم اختي ما ضاع مستقبلك ماوالو فقط وساويس الشيطان لذا تعوذي بالله منه و شمري على ذراعيك و ضاعفي جهودك
تعليك حفظ و فهم جميع الدروس اذا لم تفهمي شيئا اسألي و ابحثي في اليوتيوب و على الافدقل اعيدي الدرس 3 مرات كي يترسخ في ذهنك و لا تنسي حل مواضيع العوام السابقة فبعض الاسئلة تتكرر كما ان هذا يساعدك علةد التذكر و معرفة نوع الاسئلة
بالتوفيق

[احمد الباروني]

انت في نقطة البداية لم يضع شئ وحتى تقطعيعين مسافة المسار الدراسي الجامعي لا بد من الانطلاق من الصفر اعني نقطة الصفر مرورا بالدورة الاستدراكية لان الجامعة يقال لها التعليم والبحث العلمي ليس التعليم وكوبي كولي.... انا اضحك معك لعلي ازيل الياس من عينيك ربي يوفق
:dj_17:

[medecinedz]

هذا الامر عادي كلناا مررنا بهذه المرحلة ولازم تعرفي لازم تكوني عارفة لازم تكون عندك اهداف باش تقدري توصلي ليها ادا ماعندكش اهداف اكيد ماكنش عزيمة ومراحش تكوني واثقة في نفسك .

[AHMMEDECIN22]

يا اخت ماتحفظيش غير فهمي و عاودي حلي مواضيع السنوات الفائتة على الاقل 4 سنوات الفائتة...يعاودو منهم وان شاء الله تفوزين