محمد ملاك لينة ريان رونق و كل المتفوقين و الاعضاء

[Signe espoire]

جماعة ربي يخليكم لا تبخلو
قولولي بالتقريب كم ساعة تدرسون و كيف يتم تقسيمها
انا ندرس من 6مساءا الى لي نقدر عليه لكن دون برنامج احتاج نصائحكم

[طالبة لها هدف]

الصراحة انا الوقت هذو ليومين كيما رجعنا راني من 7 لل 12 برك معناها 5 ساعات اما التقسيم والله مش منظمة المهم ندير شوية حفظ و مادة علمية وحدة

[Signe espoire]

حفظ و مادة علمية شي مليح الله يبارك
موفقة

[mohamed.2000]

انا نقرا من 6 لل 11 بدووون تنظيم يعني نقول واش مالمادة راح نقراها ومبعد تمرين لي لقيتو قدامي نحلو وكل ساعة نوض ندور شوية فدار

[Signe espoire]

نفس شي لي نديرو انا

[jë suîs comçà]

نقرا تقريب 7 ساعات في اليوم (مي الاغلبية كامل رياضيات نشتي نحلها بزاف)

[طالبة لها هدف]

انا رح نحاول نقسم اسبوعي يومين مات + مادة حفظ
يوم فيزيا _باسكو تجي ليا ساهلة و نفهمها _ + مادة حفظ
يومين علوم + مادة حفظ
الويكاند للمراجعة و حل مواضيع لغات_عندي بزاف ليكور دوك ليومين_

[رونق الصبح]

السّلام عليـكم
لا أتبع برنامج ، لأنه غير نافع بل على العكس أراه يقتل حماس الدراسة و يزرع الملل و يجعل الشّخص مقيّد كأنّه مرغم على الدّراسـة
و بدلا عنه أعمل بقائمة المهام .. كل يوم مهمّات أنجزها حسب الظّروف و شهية الدّراسة
بالنّسبة للتوقيت فكذلك لست محددة بنظام معيّن
أحيانا أسهر و أحيانا أستيقظ باكرا
و أحيانا أخرى أزاوج بين السهر و الاستيقاظ
و عادة أبدأ على السّادسة الى أجل غير محدّد

[مريم المتفائلة]

انا ايضا ابدا من السادسة حتى لي نقدر ونحكم مادة علمية فوحدة وحدها نحكمها حتى نفهمهاا مليح ونختمها بموضوع باك للمواد الادبية هذي يوميا غير الحفظ مع انجاز دورة في المنزل لقتل الملل من حين لاخر


بالتوفيق غاليتي

[طالبة لها هدف]

قررت انني نديرها يوميا من 6 الى 1 ليلا لان لدي مشكلة مع النوم ليلا و الاستيقاظ صباحا للاسف

[المُعادلة الصّعبة]

مثل رونق الصبح تماما
ولكن انا احياانا كي نوصل لحد التهاون يفوت يوم كامل وما نقرا فيه والو بسبب التعب والارهاق
وكل مرة كيفاش

[زمان رتاب]

طالب سنة ثانية طب
ايام الاختبارات تتجاوز مدة المراجعة 16 ساعة في اليوم

[اسلام123]

طالب سنة ثانية طب
ايام الاختبارات تتجاوز مدة المراجعة 16 ساعة في اليوم

لم افهم
انت قلت في ردك على احد المواضيع نقسمو نهارنا على 16 ساعة
مي هاديك كانت ايام العطلة الان رانا نقراو يستحيل 16 ساعة مع الدراسة في القسم

[Aya Ya]

طالب سنة ثانية طب
ايام الاختبارات تتجاوز مدة المراجعة 16 ساعة في اليوم
في هادي منيش معاك كفااه تقرا 16 سااعة بلا الليسي ؟؟؟؟ ااي مستحييل ..:d . واذا قصدك 8 ساعات اضافية على الساعات اللي تقراها فلليسي صحا مي انا شخصيا احيانا نحس روحي نضيع فالوقت خااصة في حصص الريااضيات والفيزيااء

[زمان رتاب]

هههههه قصدي دوكا في الجامعة ماشي في اللليسي
لكن في الليسي تاني 16 ساعة مع احتساب اوقات الدراسة في الثانوية

[Aya Ya]

ههه بارك الله فيك ..